Glimpses from My Instagram Gallery

2011-03-24

بيان هام للتوقيع لأجل محاسبة رؤوس الفساد والإشراف القضائي على الأمن الوطني

خلينا نقول تاني... صفوت الشريف وزكريا عزمي وفتحي سرور أهم 3 رؤوس في عصابة مبارك... ما زالوا طلقاء... الجيش فيه ناس مع الثورة ومع التغيير لكنهم في أمس الحاجة لضغوطنا الشعبية لرفع الحرج عنهم لاتخاذ خطوات جادة نحو محاسبة رؤوس الإجرام في النظام السابق

جهاز أمن الدولة تم حله وإعادة تسميته "الأمن الوطني" لكن دون إشراف قضائي على عمله، سيعود م...ن جديد قبضة حديدية مرعبة للنظام الفاسد الذي يتحين الفرصة لاستعادة سلطته
محتاجين ببساطة على الأقل 100 ألف توقيع على البيان ده اللي فيه مطلبين محددين... إشراف قضائي على الأجهزة الأمنية، ومحاسبة فورية لرؤوس الفساد صفوت وزكريا وفتحي... لو جمعنا 100 ألف توقيع الجيش هيستجيب للمطالب دي وفورا... ممكن نشد حيلنا شوية؟؟؟


ازاي توقع على البيان ببساطة ادخل على صفحة تجميع التوقيعات من أجل حقوق الإنسان المصري واملأ بياناتك واضغط على زر الإرسال في نهاية الصفحة.


ازاي تجمع توقيعات... ببساطة انشر الرابط بتاع صفحة تجميع التوقيعات على مدونتك أو موقعك الإلكتروني أو صفحتك على الفيسبوك أو على تويتر... انشرها أكتر من مرة... ادعُ أصدقاءك للتوقيع على البيان وكلمهم عن أهمية إن الأجهزة الأمنية تبقى تحت إشراف قضائي عشان ما تنتهكش حقوق الإنسان وترجع للوساخة تاني... وأهمية إن يتم القبض على رموز الفساد الحقيقي في مصر ... مثلث الوساخة... صفوت الشريف وزكريا عزمي وفتحي سرور ومحاسبتهم


الصديقة نوارة نجم صاحبة جبهة التهييس الشعبية بتقول إننا محتاجين نجمع توقيعات من كل المحافظات

اللي بيجمع في دمياط يتصل برقم
0111179793
اللي بيجمع توقيعات في الاسماعيلية يتصل على
0122526411
اللي بيجمع توقيعات في طنطا يتصل على
0124544946
واللي بيجمع توقيعات في اسكندرية يتصل على
0111860593
اللي عايز يوقع في سوهاج يتصل على
0146075050
ودي نمرة مالك عادلي
0101044264
وده عنوان مركز هشام مبارك
1 ش سوق التوفيقية 
وده النموذج اللي تطبعوه عشان تجمعوا عليه توقيعات من الشارع

ليست هناك تعليقات:

إرسال تعليق