Glimpses from My Instagram Gallery

2010-05-22

هيومن رايتس ووتش: يجب إسقاط التهم المنسوبة إلى المدافعين عن حقوق الإنسان في مصر

اليوم السبت 22 مايو 2010 (الساعة التاسعة ص بتوقيت القاهرة) جلسة محاكمة جمال عيد مدير الشبكة العربية لمعلومات حقوق الإنسان وأحمد سيف مؤسس مركز هشام مبارك للقانون والمدون عمرو غربية في القضية الملفقة اللي رافعها عليهم القاضي عبد الفتاح مراد

هيومان رايتس ووتش: يجب إسقاط الاتهامات المنسوبة إلى المدافعين عن حقوق الإنسان في مصر | Human Rights Watch:

"هذان الرجلان (جمال عيد وأحمد سيف) وقفا لسنوات طويلة إلى جانب ضحايا انتهاكات حقوق الإنسان وطالبا بمحاسبة مسؤولي الأمن. مقاضاتهم على خلفية اتهامات ملفقة تعني أن الحكومة المصرية لا تضر فقط بهؤلاء الرجال الثلاثة، بل بجميع من يقومون بمساعدتهم أيضاً."

جو ستورك، نائب المدير التنفيذي لقسم الشرق الأوسط وشمال أفريقيا في هيومن رايتس ووتش

معلومات عن القضايا الملفقة:

من سيدافع عنا؟ مركز هشام مبارك للقانون يتعرض لمحاولة إسكاته بالقانون

معلومات أخرى

http://www.anhri.net/press/2007/pr1229.shtml

http://www.anhri.net/lit/07/pr0318.shtml

بالانجليزية:

Who Is Going To Defend Us?

http://www.anhri.net/en/focus/2007/pr0327.shtml

http://www.anhri.net/en/focus/2007/pr0212.shtml


2010-05-20

ديناميكية رئيس، واستاتيكية وطن... مبارك 64 حصان!




لابد أن أعترف إن وائل عباس هو اللي ألهمني بعنوان هذه التدوينة بينما كنا على تويتر في معرض تعليقنا على خبر بجريدة الأهرام عن لقاء مبارك ببيرلسكوني في إيطاليا ...

وقد اهتم بيرلسكوني بالترحيب بحرارة بالرئيس‏,‏ وبذل جهدا ملحوظا في توفير معلومات للحاضرين عن الرئيس ونشاطه وديناميكيته‏

والحقيقة الحديث عن "ديناميكية" الرئيس حديث مغري جدا للسخرية والمسخرة وقلة الأدب حتى أن صديقنا بودي علق على الموضوع بقوله


طب الأهرام هتقول لنا امته الرئيس بيجيبهم بعد قد ايه؟

ما هو عنده حق طيب، خبر الأهرام مازال مكمل كلام عن ديناميكية سيادته ويقول:

وذكر رئيس الوزراء الإيطالي أنه يري أن الرئيس في حالة ممتازة‏,‏ وديناميكي‏,‏ ونشيط‏,‏ ويتسم بروح الدعابة التي تميزه دائما‏...
وقال بيرلسكوني إنه إذا كان المثل القديم يقول‏:‏ إن كل الطرق تؤدي إلي روما‏..‏ فإنني أقول‏:‏ إن كل الطرق في الشرق الأوسط تؤدي إلي الرئيس مبارك‏.‏..


ثم تأتي الضربة القاضية من مبارك التي يرد بها فيض مجاملات الحاج بيرلسكوني (بتاع البنات القاصرات) بأن تقول الأهرام:

وقال بيرلسكوني‏:‏ تحدثنا حول مشكلات القرن الإفريقي‏,‏ والتزمنا بعمل دبلوماسي مع إثيوبيا لاستغلال مياه النيل‏,‏ والتزمنا من جانبنا بحماية احتياجات مصر من المياه‏,‏ ووجهنا الشركات الإيطالية إلي بناء الجامعة الإيطالية وإنجازها في وقت سريع‏,‏ لأقوم بافتتاحها مع الرئيس مبارك‏.‏
وقال الرئيس مبارك‏:‏ إن هذه الجامعة سأفتتحها مع بيرلسكوني عام‏2017.‏
يا نهار اسود... يا نهار اسود... يا نهار منيل بطين... الرئيس مذهل، مرعب، مخيف... بيوعد بيرلسكوني إنه هيفتتح - معاه - الجامعة الإيطالية في مصر عام 2017!!! حسني هيكون عنده 89 سنة ساعتها يا اخوانا ويعد بالاستمرار حيا نشطا ديناميكيا ... صاحي وبيلعب إلى 2017 وما بعد 2017!!!

الرئيس هنا يؤكد أنه وإن كان يمرض فهذا لا يعني - إطلاقا - أنه يموت!

الرئيس حي وسيبقى حيا، نشيط وسيبقى نشيطا، ديناميكي وسيبقى ديناميكيا!

نفس الرئيس الذي يتفشخر طول الوقت بحفاظه على "استقرار" البلد 30 سنة إلى درجة الجمود "الاستاتيكي" التام، يتفشخر هو ونظامه وصحف نظام سيادته أنه ديناميكي وميكانيكي ونشيط وخفيف الدم ولعِّيب... وكان ناقص إن الأهرام تختم خبرها بكايدة العزال أنا من يومي!

في محاولتي لفهم إشكالية "ديناميكية الرئيس واستاتيكية الدولة" لا أجد تفسيرا سوى تفسير هاني رمزي في "محامي خلع" لنظرية فرق السرعات بين هذا الهرقل الديناميكي أبو 64 حصان!!! وهذه اليمامة الغلبانة اللي قوتها يدوب نُص حصان!!! فيه فرق سرعات يا سيادة الرئيس! البلد ما استحملتش فبَرَكِت "تحت" سيادته!





هذا العتى .... هذا الهرقل
64 حصان ....وهى نص حصان
فى فرق فى السرعات سيدى القاضى

ارحموا هذه العصفوووورة

2010-05-11

قال إيه لغوا الطوارئ، طب إيه مسعد هيخرج بكرة؟؟

طيب بصوا مبدئيا... الحلوة لازم نقول عليها حلوة

أيوة طبعا... دلوقت مش إنتو مشكلتكوا كانت قانون الطوارئ الوحش العيب اللي ما يصحش ده؟ طيب أهو هنلغي الطوارئ خالص ويدوب هنطبفها على بتوع المخدرات وبتوع الإرهاب... وده طبعا كلام ما يزعلش حد... أكيد أكيد يعني محدش هيدافع عن بتوع المخدرات وقطعا يعني لا صوت يعلو فوق صوت المعركة على الإرهاب!

طبعا ده ما يمنعش إنك تلاقي بعض المشككين اللي يقولوا لك الله طب إيه الجديد ما هم كل مرة بيقولوا القانون أصلا ما بيتطبقش إلا على بتوع المخدرات وبتوع الإرهاب، بس دول نقول لهم... هيهات إنكم تفهموا وتستوعبوا حكمة مبارك يا بقر!

مبارك اللي كل المصريين من مطلع التمانينات (بيقولوا حاليا موقفين كمين على المطلع ده أصلا) مسميينه البقرة الضاحكة، ضحك علينا وطلع تور وهيفشخنا كلنا... طبعا هيفشخنا كلنا... دلوقت خلاص النظام لغى الطوارئ ومحدش هيعتقل بدون تهمة من هنا ورايح يعني... والطوارئ مش هتطبق إلا على تجار المخضروات والمشتبه فيهم في جرايم إرهابية وبالتالي إعمل حسابك ياض يا ناشط إنت وهو إن تمناية الحشيش اللي في درج مكتبك دي هيتعمل لك بيها قضية مخدرات وتتطبق عليك الطوارئ وش (وضهر كمان) ولو إنت من القلة اللي في هذا الشعب اللي مالهاش في الحشيش هيجيبوا لك الحشيش لحد عندك (تحت شعار الحشيش في يد الجميع) وبرضو هتلبس مخدرات يعني هتلبس... وبعدين إذا كانوا الإخوان بتوع كال الله وكال الرسول لبسوهم قبل كدة قضايا مخدرات فما بالك لو انت ناشط فاجر علماني من بتوع التقدمية والحرية الشخصية طبعا مفشوخ مفشوخ يا ولدي!!

إذا فشلت بقى كل المحاولات في إنك تلبس مخدرات يبقى يا ريت تدعي من دلوقت إنها ترسي على مخدرات يا معلم... ما هو يا مخدرات يا إرهاب يا حبيبي... يعني حتى الدعارة وسيديهات العلاقات الحميمة وقضايا الأداب ولفهم يا عسكري في الملاية وهاتهم ورايا هتبقى تتمناها ومش هتلاقيها... يا مخدرات يا إرهاب عزيزي الناشط... وبما إننا في بلد ديمقراطي حر يعشق الحريات كما يعشق تدخين الحشيش فبنديلك عزيزي الناشط حرية اختيار القضية اللي هتلبسها... تحب مخدرات ولا إرهاب؟؟

ــــــــــــــــــــــ


طيب دلوقتي النظام قرر إلغاء الطوارئ، هايل! وفهمنا - ضمنا - إن الطوارئ مش هتتطبق على الناشطين والمعارضين بصفتهم ناشطين ومعارضين لكن هيتلفق لهم تهم يا إما مخدرات يا إما إرهاب... هايل جدا!

يبقى السؤال المهم والجدلي والتاريخي... ماذا عن المعتقلين السياسيين حاليا واللي ما اتلفق لهمش قضايا مخدرات ولا إرهاب!
مفروض يخرجوا م المعتقل بكرة الصبح على أقصى تقدير... صحيح ممكن نلفق لهم تهمة مخدرات أو إرهاب فور خروجهم لكن تبقى جدلية إنهم لازم يخرجوا فورا بعد "إلغاء حالة الطوارئ" هي الأمر الذي يستحق أن نقف عنده الآن!

مسعد أبو فجر اعتقل يوم 26 ديسمبر 2007 وبعد محاولات بائسة من الشرطة المصرية لتلفيق أي تهم له، تم دحضها كلها وقتها سواء قدام النيابة أو قاضي المعارضات، قررت الداخلية إنها تعتقله بقى!

حتى اليوم بلغ عدد أحكام الإفراج عن مسعد أبو فجر 19 (تسعة عشر) حكما قضائيا (بالصلا ع النبي يعني) وبعد كل حكم جديد تصدر الداخلية قرار اعتقال إداري جديد... ليه باتكلم عن مسعد تحديدا؟ أصل مسعد قضية نموذجية لناشط حقوقي وسياسي ومدون وروائي وأديب معتقل بسبب أرائه ونشاطه وعدد الأحكام القضائية اللي الداخلية ضربتها بجزمة قانون الطوارئ عدد قياسي لدرجة الكوميديا والعبث يعني!

اليوم عندما يصرح النظام بأنه ألغى الطوارئ وقصرها على المخدرات والإرهاب (ومحدش بقى يستهبل ويسألني يعني إيه القصر بعد الإلغاء، وازاي تقصر وانت ألغيت... بلا فلسفة فاضية بقى) فإن النظام بتصريحه هذا يجد نفسه منضطرا أن يفرج اليوم وليس غدا عن مسعد أبو فجر... مش مشكلة إنهم يلبسوه بكرة قضية مخضروات أو يتهموه بالتخطيط لعمليات إرهابية في سيناء ويا حبذا لو يخلطوا مع التهمة شوية بهارات من نوعية والتخابر مع إسرائيل (طبعا دي تهمة غالبا هيتحاشوها عشان مفيش تخابر وبتاع بين دول صديقة يتخاف على زعلها) ... خلاص يمشوها تخابر مع حماس وحزب الله وإيران أو أي حاجة مش هيغلبوا يعني... مش مهم يلفقوا ليه بكرة، مقدور عليها، المهم إنه دلوقت معندهمش أي حجة يفضلوا معتقلين مدون وأديب وروائي وناشط سياسي وحقوقي ومواطن مصري من بدو سيناء بموجب قانون قالوا إنهم لغوه!!

ولا إيه؟؟

2010-05-04

أما آن الأوان للضغط أن يولد الانفجار؟

المفروض الضغط ده يولد انفجار بقى

2010-05-02

متابعة أخبار اعتصام 2 مايو


الاعتصام يبدأ الثالثة عصر يوم الأحد 2 مايو أمام مقر رئيس الوزراء في شارع حسين حجازي. سيمكنكم متابعة البث الحي لأحداث المظاهرة و الاعتصام من خلال هذا الرابط




الاعتصام من أجل حد أدنى عادل للأجور

اليوم 2 مايو، اعتصام عمال مصر من أجل حد أدنى محترم للأجور

إنت يا عامل إيه أخبارك... يسقط يسقط حسني مبارك



الاعتصام من أجل حد أدنى عادل للأجور



مينا زكري (طبيب مصري مهاجر إلى السويد) متضامنا مع اعتصام 2 مايو from minazekri on Vimeo.



A Little Justice Goes A Long Way from 2maystrike on Vimeo.

العدد التاني من "وصلة" وساعتين من القراءة الممتعة

ساعتان من القراءة الممتعة... متشكرين يا بتوع الوصلة

Wasla issue 2 - وصلة- العدد الثاني