Glimpses from My Instagram Gallery

2009-04-30

الكلام المفيد فيما إذا كان الماسك مفيد



Do face masks offer effective protection against swine flu? | World news | The Guardian


الرابط اللي فوق ده لمقال في جريدة الجارديان البريطانية بيتساءل إذا كان القناع الطبي واقيا بالفعل من الإصابة بالإنفلونزا المكسيكية - المسماة خطأ بأنفلونزا الخنازير - والكلام الصح دلوقت على إن حكاية الماسك دي مالهاش لازمة في الحقيقة إلا في حالة مخالطة شخص مصاب بالفعل، وكمان مش أي ماسك بينفع ... يعني الماسك الجراحي العادي اللي ف المستشفيات مش هو ده لأنه مش مصمم إنه يمنع دخول الفيروس للفم أو المناخير

الكلام المهم بجد في كيفية الوقاية من الإصابة بالعدوى القاتلة - بحسب المقال - هو الآتي:

ـ عود نفسك ما تلمسش مناخيرك ولا بقك (يعني بلاش تنف بإيدك ولا تلعب في مناخيرك)
ـ ابعد مسافة مناسبة عن الناس اللي باينة عليهم أعراض أنفلونزا وفكر مرتين قبل ما تتواجد في مكان زحمة (بلاش شغل الأوتوبيسات دلوقتي خالص)
ـ نضف أو طهر الأشياء اللي تشك إنها ممكن تكون فيها عدوى زي مقابض الباب (دا الوقت المناسب لتلميع الأكر بجد مش هزار)

طيب لو انت شاكك أو قلقان إنك تكون - بعد الشر عنك طبعا - خدت الإصابة إيه اللي مفروض تعمله؟؟
ـ أولا تقعد في بيتكم وما تخرجش خالص
ـ ثانيا تكلم الطبيب الممارس العام أو تبلغ الجهة الصحية المسئولة فورا
ـ ثالثا غطي بقك ومناخيرك لو بتكح أو بتعطس
- لو هتنف أو تتف استخدم مناديل ورق واستخدمها مرة واحدة وتخلص منها بحرص وبشكل صحي
- مفروض إن الفحوصات بتاعة الإنفلونزا المكسيكية - انفلونزا الخنازير - ممكن تتعمل في البيت أو في المستشفى (المهم ما تسكتش على نفسك، الموضوع خطير)


-----
على الهامش:

منظمة الفاو أعلنت إن إجراء ذبح جميع الخنازير في مصر كان قرارا خاطئا لأنها انفلونزا بشرية تنتقل بين البشر وليس من الخنازير إلى البشر...

يا اخوانا الفيروس بالفعل تحور جوة الخنازير في مرحلة سابقة وهو عبارة عن فيروس مختلط من انفلونزا بشرية وطيور وخنازير ... وخلاص اللي كان العالم خايف منه وهو تحول الفيروس إلى فيروس بشري ينتقل بين البشر وبعضهم حصل وخلاص!!

إعدام خنازير العالم كله لن يفيد إطلاقا!!

بالظبط زي لما واحد يسمع معلومة إن فيروس الإيدز تم تحوره وتطوره داخل عائل وسيط هو قرود الشمبانزي فيطالب اليوم بإعدام جميع القردة في العالم!!

يا ريت الناس تفهم ويا ريت وزارة الصحة في مصر بدل ما تنفذ "توجيهات الرئيس" اللي بالتأكيد ما يفهمش في الصحة ولا الطب وتعدم حيوان هم نفسهم (لأنهم أطباء وفاهمين) عارفين كويس أوي إنه إجراء مالوش لازمة ولكن شغل استهبال

هناك 4 تعليقات:

  1. إنت عارف إن كله ماشي في بلدنا طبقاً لتوجيهات السيد الرئيس
    و طبقاً للبرنامج الإنتخابي للسيد الرئيس

    الخنازير المفروض نقلها لمكان بعيد عن التجمعات السكنية
    و فرض رقابة بيطرية صارمة عليها و منع مربيها من تغذيتها و علفها بالزبالة بدلاً من الأعلاف العادية

    و فرض رقابة تموينية صارمة على تجارتها و تداول لحومها

    لكن قرار الذبح ده خاطئ و فاشل لإن المرض بقى بيتنقل بين البشر فعلاً

    ردحذف
  2. شكراً لك، سألت نفسي فعلاً عن الموضوع الماسك دا وهل ممكن يكون واقي أو لا...

    لكن لو حبيت مثلاً أجيبه هل متواجد الماسك المخصوص دا في الصيدليات العادية ولا لا لأن إحتمال المخالطة وارد جداً والمسألة تتطور الى الأسوأ.

    ربنا يستر ويعافينا.

    ردحذف
  3. التسمية بانفلونزا الخنازير مش خطأ ولا حاجه

    H1N1 = Swine influenza A

    عموماً كل تعليقي على تعبير حضرتك ملهاش لازمة

    الكلام عن الماسك والريسبيراتورز في مواجهة بانديميك فلو قديم .. سبق وطلع اتش اس اي دراسة في 2008 عن الفعالية المحدودة للريسبيريتور والسيرجيكال ماسك في حماية الهيلث كير ووركرز من البانديميك فلو .. وبريطانيا أصلاً مبتخزنش ماسكات لمواجهة الحالات دي

    بعكس أمريكا اللي في نفس الوقت الأوشا طلعت جايدلينز لتخزين الماسكات والريسبيريتورز لمواجهة بانديميك فلو

    الكلام عن الانفلونزا المكسيكية بقى .. مفيش أصلاً معلومات مثبته ومؤكده عن الاتش ون ان ون .. ولا في دراسة موثقة عن فعالية الماسكات والريسبيريتورز في مواجهة بانديميك فلو (مكانوش اخترعوها وقت آخر مره) .. وبالتالي مينفعش حد يقيم فعاليتها .. ترجع لايه بقى .. للانتيرم جايدانس اللي نشرتها الـ سي دي سي في 2007 واللي بتؤكد على ان مفيش حاجه موثقة لكن حطت حالتين تستخدم فيهم السيرجيكال ماسك والريسبيريتور

    #Whenever possible, rather than relying on the use of facemasks or respirators, close contact with people who might be ill and being in crowded settings should be avoidedduringing an influenza pandemic.
    # Facemasks should be considered for use by individuals who enter crowded settings, both to protect their nose and mouth from other people's coughs and to reduce the wearers' likelihood of coughing on others. The time spent in crowded settings should be as short as possible.
    # Respirators should be considered for use by individuals for whom close contact with an infectious person is unavoidable. This can include selected individuals who must take care of a sick person (e.g., family member with a respiratory infection) at home.

    واللي على أساسه نشرت السي دي سي برضه أول امبارح كلامها (اللي بيؤكد على صعوبة تقييم فعالية الماسكس) وكان معاها مجموعة ريكومينيشنز

    Information on the effectiveness of facemasks1 and respirators2 for the control of influenza in community settings is extremely limited. Thus, it is difficult to assess their potential effectiveness in controlling swine influenza A (H1N1) virus transmission in these settings. In the absence of clear scientific data, the interim recommendations below have been developed on the basis of public health judgment and the historical use of facemasks and respirators in other settings.

    In areas with confirmed human cases of swine influenza A (H1N1) virus infection, the risk for infection can be reduced through a combination of actions. No single action will provide complete protection, but an approach combining the following steps can help decrease the likelihood of transmission. These actions include frequent handwashing, covering coughs, and having ill persons stay home, except to seek medical care, and minimize contact with others in the household.Additional measures that can limit transmission of a new influenza strain include voluntary home quarantine of members of households with confirmed or probable swine influenza cases, reduction of unnecessary social contacts, and avoidance whenever possible of crowded settings.

    When it is absolutely necessary to enter a crowded setting or to have close contact3 with persons who might be ill, the time spent in that setting should be as short as possible. If used correctly, facemasks and respirators may help reduce the risk of getting influenza, but they should be used along with other preventive measures, such as avoiding close contact and maintaining good hand hygiene. A respirator that fits snugly on your face can filter out small particles that can be inhaled around the edges of a facemask, but compared with a facemask it is harder to breathe through a respirator for long periods of time.

    اختصاراً .. مفيش أي إثبات على فعاليتها من عدمه .. فايدتها ايه ؟ السيرجيكال ماسكس هتحميك من الدروبليت (لو تايتلي فيتتيد ولو تخلصت منها صح وملمستش شطحها الخارجي وغسلت ايدك) وهتحمي الآخرين لو كحيت أو عطست .. والريسبيريتورز (ان 95 أو أعلى - اف اف بي 2 أو 3) هتحميك من الاير بورن بنسبه كبيره .. برضه لو اتعاملت معاها صح

    ------------------------------------

    إعدام الخنازير .. ما هي الجاهلة تقول .. الباب اللي يجيلك منه الريح .. سده واستريح

    ردحذف
  4. منظمة الصحة العالمية فعلاً هتبطل تستخدم سوين فلو .. آسف

    Also on Thursday, the World Health Organization said it will would stop using the term "swine flu" to avoid confusion over the danger posed by pigs.

    WHO spokesman Dick Thompson says the name change comes after the agriculture industry and the U.N. food agency expressed concerns that the term "swine flu" was misleading consumers and needlessly causing countries to order the slaughter of pigs. He told reporters in Geneva "we're going to stick with the technical scientific name H1N1 influenza A."

    أخدت بالك من دي؟

    expressed concerns that the term "swine flu" was misleading consumers and needlessly causing countries to order the slaughter of pigs

    ردحذف