Glimpses from My Instagram Gallery

2009-03-01

محمد عادل هيموت في المعتقل يا غجر

محمد عادل مضرب عن الطعام بقاله أسبوع...


محمد عادل يا شوية غجر ما عملش حاجة غير التعبير عن رأيه فيما يخص "حصار غزة" بإرادة إسرائيلية وتبعية مصرية!!


وزارة الداخلية وجهاز أمن دولة مبارك (ويقال مخابرته أيضا) واقفين بكل قوتهم في مواجهة محمد عادل لمجرد رفضه لحصار غزة اللي سبق - ومهد - لمجازل غزة التي قتل فيها الصهاينة أكثر من 1500 إنسان فلسطيني أكثرهم من الأطفال والنساء العزل!!

محمد اللي عمره عشرين سنة بقى هو العدو المرعب والإرهابي الفظيع خالص خالص لنظام متهرئ يرزح تحت أثقال الفوضى والخراب...


نيابة أمن دولة مصر العليا - ويا عيني ع النيابة الحرة والعيشة اللي بقت مرة - حابسة محمد عادل (بالإضافة لاعتقاله بحسب قانون الطوارئ) بالرغم إن وكيل النيابة اللي حقق مع عادل شايف إن مفيش تهمة أساسا وأوصى بإخلاء سبيله!!! (إديني كمان استقلال في القضاء... والقدر!)

يا عيني على محمد عادل - العميد ميت الإرهابي الخِطِر خالص خالص - اللي ساجنينه جوة السجن سجن إضافي ومانعينه من الخروج من الزنزانة!!



عاوز بس أذكركم إن السيد الفاضح اللي أصدر قراراته باعتقال (أو بالأحرى اختطاف) محمد عادل ومن قبله المدون والأديب والناشط مسعد أبو فجر، ومن بعدهما ضياء جاد والذي قرر سجن أحمد دومة ومجدي حسين وغيرهم وغيرهم هو نفسه السيد الفاضح والسادة الأفاضح جميعا اللي مش عارفين يوفروا أمن عام حقيقي في البلد... وسجنهم لأصحاب الرأي من معارضين ونشطاء وصحفيين لم يأتي بأمن حقيقي للمواطن المصري ولا للسائح الأجنبي... ويبقى سؤالي مين فينا الإرهابي بجد؟؟؟

------

* الاقتباسات باللون الأحمر من بيان الشبكة العربية لمعلومات حقوق الإنسان بخصوص إضراب العميد ميت عن الطعام

هناك تعليقان (2):

  1. نظام احمق و بوليس احمق منه!!
    الناس دى عايشة بشعار "عيش غبى ، تموت مستور"

    ردحذف
  2. بيليفير

    صدقني الغباء دلوقتي ان الواحد يتكلم في اي حاجة و يودي نفسه في داهية .. عيش في حالك تموت مستور !!!

    ردحذف