Glimpses from My Instagram Gallery

2009-02-08

تجديد الحبس لمحمد عادل غصم واقتدار

تواصل أجهزة الأمن تصعيد حماقاتها مع المدون الشاب محمد عادل بمنطق... "إذا ارتكبت حماقة، فسر في حماقتك حتى النهاية"

النهاردة 8 فبراير 2009 محمد تم عرضه على نيابة أمن الدولة العليا بالتجمع الخامس
والمسخرة في هذه القصة العبثية إن وكيل النيابة بعد ما طلع المحامين برة قال لمحمد أنا هكتب مذكرة أرجح فيها إخلاء سبيل ونشوف بقى رئيس النيابة هيقرر إيه

القرار كان تجديد حبس العميد ميت لمدة خمستاشر يوم وهيتعرض تاني يوم 22 فبراير الجاري!


الله!!! هو مش وكيل النيابة شايف إنه يستحق إخلاء سبيل؟؟؟
يعني المحقق اللي حقق مع عادل شايف إن مفيش مبرر للحبس الاحتياطي وبما إن التهمة خلية إرهابية يبقى وكيل النيابة المحقق شايف أصلا إن التهمة مالهاش أساس ولا دليل وإن الموضوع كله فبركة من ظابط أمن الدولة اللي عمل القضية!!

بس البيه رئيس النيابة المستقل اللي أكيد أكيد أكيد ما بياخدش أوامر بالتليفون كان له كلام تاني!!
رئيس النيابة قرر تجديد حبس محمد خمستشراية كمان

طيب والنبي حد يقول لاخوانا دول إن الفيلم بتاعهم خلاص بقى محروق والدنيا كلها عرفت إن التهم عبثية جدا والأدلة هبلة

دي صور ميت اتاخدت له النهارده
وهو عرف يكلم بعض أصدقاؤه من جوة النيابة
وبيشكر الناس اللي واقفة معاه فرد فرد







ليست هناك تعليقات:

إرسال تعليق