Glimpses from My Instagram Gallery

2008-04-28

يوحنا المعمدان... اغتيال معارض سياسي!!

قال يوحنا بن زكريا الشهير باسم المعمدان:

فَاصْنَعُوا أَثْمَاراً تَلِيقُ بِالتَّوْبَةِ.
ولاَ تَبْتَدِئُوا تَقُولُونَ فِي أَنْفُسِكُمْ: لَنَا إِبْرَاهِيمُ أَباً.
لأَنِّي أَقُولُ لَكُمْ إِنَّ اللهَ قَادِرٌ أَنْ يُقِيمَ مِنْ هَذِهِ الْحِجَارَةِ أَوْلاَداً لِإِبْرَاهِيمَ.

وَالآنَ قَدْ وُضِعَتِ الْفَأْسُ عَلَى أَصْلِ الشَّجَرِ
فَكُلُّ شَجَرَةٍ لاَ تَصْنَعُ ثَمَراً جَيِّداً تُقْطَعُ وَتُلْقَى فِي النَّارِ.


كانت رسالته بسيطة وواضحة وفي منتهى القوة...

كان يدعو إلى التوبة والرجوع إلى الله!

وكان يعمد من يقبلون دعوته في مياه نهر الأردن
في إشارة رمزية للاغتسال من الفساد والشر.

لكن يوحنا لم يكن يكتفِ بدعوة الجماهير للتوبة
لكنه قرر أن يفضح كل فساد رآه في وطنه

بما في ذلك فساد الحاكم شخصيا!!

يعني بالبلدي يوحنا ما كانش بيتشطر ع الغلابة
ويقول لهم إنتوا أشرار وصياع ولازم تتوبوا عن شركم وفسادكم
ما راحش مثلا يتمحلس للملك ويصلي من أجله
ولا قال عن الملك مثلا إنه طيب القلب، وديع الروح،
يبكي كلما رأي فقيرا أو مريضا ويهب لنجدته في الحال
،
ولم يقل مثلا عن الملك بأنه هدية ينبغي الحفاظ عليها!!
كما قال أحد ماسحي الجوخ مؤخرا.


عندما بلغ يوحنا فساد الملك "هيرودس"
لم يبلع لسانه ويخرس على أساس إن "رئيس شعبك لا تقل فيه سوء"
(كما يعظ ماسحو الجوخ في الكنائس متجاهلين السياق الذي وردت فيه الكلمات الأخيرة)....
بل كان يوحنا صارما وصريحا لدرجة قد يراها لحاسو الجزم وقاحة
ويراها الجبناء افتقارا للحكمة وتهورا!!


أَمَّا هِيرُودُسُ رَئِيسُ الرُّبْعِ فَإِذْ تَوَبَّخَ مِنْهُ لِسَبَبِ هِيرُودِيَّا امْرَأَةِ فِيلُبُّسَ أَخِيهِ

(الملك كان فاسد أخلاقيا وبينام مع مراة أخوه)

وَلِسَبَبِ جَمِيعِ الشُّرُورِ الَّتِي كَانَ هِيرُودُسُ يَفْعَلُهَا

(يعني الموضوع مش بس كان فساده الأخلاقي لكن كل أشكال فساد جلالته!)

كانت إيه النتيجة؟؟

عادي جدا... دفع يوحنا تمن صراحته ومصداقيته وأمانته لرسالته وعدم مساومته وعدم انحيازه للحاكم بسلطته وماله...
وكان التمن إنه اترمى في السجن
(ولربما كان أحد بذلك أحد أشهر سجناء الرأي في التاريخ كله)...
ولسة التقيل ورا


السيدة الأولى هيروديا اللي كان الملك ماشي معاها (اللي هي مراة أخوه ولا مؤاخذة)...
بدأت تتآمر إزاي تتخلص من هذا المعارض أبو صوت عالي اللي بيفضح فساد الملك وفساد الأسرة الحاكمة
وكل شوية ينشر كلام فيه إهانة لجلالة الملك وإن الملك فاسد وشري
والأسرة الحاكمة ضرب فيها الفساد بدرجة جعلت النظام الحاكم كله ساقطا ومنحطا ...
(
أغلب الظن السيدة الأولى كان ردها على الأوشاعات اللي بيطلقها المعمدان إن كل دي الإشاعات والملك أخلاقه "زي الفل"!)

ومن هنا بدأت هيروديا تتكتك على نار هادية لتأديب "المعمدان"


الخطة أ... رقصة استربتيز!!!

فَحَنِقَتْ هِيرُودِيَّا عَلَيْهِ وَأَرَادَتْ أَنْ تَقْتُلَهُ وَلَمْ تَقْدِرْ
وَإِذْ كَانَ يَوْمٌ مُوافِقٌ لَمَّا صَنَعَ هِيرُودُسُ فِي مَوْلِدِهِ عَشَاءً لِعُظَمَائِهِ وَقُوَّادِ الأُلُوفِ وَوُجُوهِ الْجَلِيلِ،
دَخَلَتِ ابْنَةُ هِيرُودِيَّا (يقول التاريخ أن اسمها كان سالومي)
وَرَقَصَتْ فَسَرَّتْ هِيرُودُسَ وَالْمُتَّكِئِينَ مَعَهُ.

فَقَالَ الْمَلِكُ لِلصَّبِيَّةِ: «مَهْمَا أَرَدْتِ اطْلُبِي مِنِّي فَأُعْطِيَكِ».
وَأَقْسَمَ لَهَا أَنْ «مَهْمَا طَلَبْتِ مِنِّي لَأُعْطِيَنَّكِ حَتَّى نِصْفَ مَمْلَكَتِي».
فَخَرَجَتْ وَقَالَتْ لِأُمِّهَا: «مَاذَا أَطْلُبُ؟»...
....

فَقَالَتْ: «رَأْسَ يُوحَنَّا الْمَعْمَدَانِ»!!!

وهكذا تسببت رقصة الأحجبة السبعة والتي على الأرجح كان رقصة خليعة في إتمام مخطط اغتيال المعمدان الذي قتل في سجنه ثمنا لكلمة حق قالها في وجه سلطان جائر

دفع يوحنا حياته ثمنا لتمرده على حاكم فاسد...

فالرسالة التي كان يدعو الجماهير إليها وهي رسالة التوبة عن الفساد لم يكن ليستثنى منها ملك البلاد!!

.....

التدوينة دي كتبتها ردا على تعليق على التدوينة اللي فاتت لما طلب مني أحدهم أن أستشهد بحاجة من الكتاب المقدس على إن الخروج والتمرد على الحاكم الفاسد مش حرام لكنه جزء من رسالة أي شخص مؤمن وبالتالي نقطع بيها السنة
مساحي الجوخ من رجال الكنيسة ممن يدعون الشباب القبطي لعدم الاشتراك في الإضراب المقبل، والإعداد لأنشطة تشغلهم طوال اليوم داخل الكنيسة وأيضا من يصفون إضراب 4 مايو بأنه عمل "مشين"؛ لأنه يتزامن مع "توقيت عيد ميلاد الرئيس الثمانين بعد قيادته لسفينة الوطن بسلام وسط كل المتغيرات العالمية"

تحياتي للجميع

الإسلام دعا إلى ثورة الجياع المسلحة... فهل كثير عليكم الإضراب؟؟

تصحيح لابد منه: المقولة ثبت أنها مقولة لأبي ذر الغفاري وليست حديثا نبويا عنه
لكن في كل الأحوال االفكرة ثابتة ولم تتغير... فالصحابي الجليل أبو ذر أعتقد إن تعاليمه ما حدش يقدر يزايد عليها ويقول إنها مخالفة لصحيح الإسلام!!
واللي مش عجباه العبارة هيقول إيه في الحديث بتاع أفضل الجهاد قول كلمة حق في وجه سلطان جائر؟؟

وبالتالي أرجع وأؤكد... الإسلام بيدعو لثورة الجياع والخروج على الحاكم الظالم المستبد!
وفي تدوينة تانية أكدت إن تعاليم الكتاب المقدس برضه بتدعو للدفاع عن الحق والتمرد على الفساد والظلم

يبقى عايزين إيه تاني بقى؟؟؟

خليكوا بالبيت يوم أربعة مايو
-----------------

أول مرة أسمع عن هذا الحديث النبوي الذي يقول...

" عجبت لمن لا يجد قوت يومه ثم لا يخرج شاهرا سيفه "

وهو حديث على الأرجح صحيح عن أبي ذر الغفاري

وبالنسبة لي فهو يسقط كل دعاوى وفتاوى فقهاء السلطان المنافقين طبالي زفة النظام الذين يقنعون الناس أن الخروج على الحاكم الظالم المستبد هو حرام

رسول الإسلام دعا الجياع إلى الثورة المسلحة ويعجب لتخاذلهم
ولا أعلم إلى متى سيجعل المسلمون رسولهم يتعجب؟؟؟؟


إن كان الرسول قد دعا إلى ثورة جياع مسلحة فنحن كل ما دعونا إليه هو إضراب سلمي ومقاومة سلمية لنظام فقد عقله ورشده وصوابه وصار كأنه قوة احتلال غاصبة تقمع الشعب وتذله وتجوعه وتحاصره بشتى صنوف الإرهاب والخوف والقهر والاستبداد

يا مسلمي مصر ويا كل مواطنيها من كل دين ممن في قلبهم إحساس ودم

إلى متى تخافون؟

إلى متى تقبلون بالذل والجوع؟

لا أدعو إلى إشهار السيف في وجه الظالمين بل أدعو إلى احتجاجات سلمية وإضرابات عامة وعصيان مدني شامل يسقط النظام الفاسد دون قطرة دم واحدة ودون فوضى وتخريب

تذكروا أن نفس الرسول الذي يتعجب من خنوع الجياع وتخاذلهم وعدم إشهارهم السيف في وجه ظالميهم هو أيضا من قال أن

أفضل الجهاد هو قول كلمة الحق في وجه سلطان جائر


أفلا تفيقون بعد؟؟؟؟؟

2008-04-26

لماذا لا يكون قداسة الرئيس مبارك بطريركا للقبطية الأرثوذكسية؟

وصف شنوده في تصريحات خاصة لـ القدس العربي الرئيس مبارك بأنه طيب القلب، وديع الروح، يبكي كلما رأي فقيرا أو مريضا ويهب لنجدته في الحال، وأضاف بأنه هدية ينبغي الحفاظ عليها.

وكان البابا قد فاجأ رعايا الكنيسة في موعظة الأربعاء الماضي بالدعاء لمبارك بطول العمر والعافية وانتقد الخارجين علي طاعته والذين يؤلبون الرأي العام من أجل الخروج عليه.

شايفين الناس اللي بتفهم؟

قداسة البابا المعظم يرى ما لا يستطيع المرتزقة من أمثالكم أن يروه

طب خدوا بقى دي كمان...



البابا شنودة



الجديد في إضراب 4 مايو هو دخول الكنيسة لتأييد موقف الدولة. حيث ذكرت مصادر كنسية "أن البابا شنودة الثالث بابا الاسكندرية وبطريرك الكرازة المرقسية كلف أساقفة المجمع المقدس بدعوة الشباب القبطي لعدم الاشتراك في الإضراب المقبل، والإعداد لأنشطة تشغلهم طوال اليوم داخل الكنيسة". (مسخرة أوي بصراحة موضوع اشغلوا العيال بأي أنشطة في اليوم ده... إيه الخرا ده!!!)


وقال القمص صليب متى ساويرس وكيل المجلس الملي للأقباط الأرثوذكس وكاهن كنيسة الجيوشي: "إن الكتاب المقدس لا يشجع مطلقا على الخروج، وندعو للرئيس مبارك أطال الله بقاءه بدوام الصحة والعافية ونصلي له يوميا، فلم نحصل على حقوقنا مثلما حصلنا عليها في عهده". (الناس دي أكيد مازوخيين فعلا!!)


ووصف إضراب 4 مايو بأنه عمل "مشين"؛ لأنه يتزامن مع "توقيت عيد ميلاد الرئيس الثمانين بعد قيادته لسفينة الوطن بسلام وسط كل المتغيرات العالمية".

(لولا إن مدونتي نظيفة ولا ترحب بالبذاءات كنت رديت عليه بما يستحقه!! بس بصراحة عجباني حتة قيادة سفينة الوطن بسلام هههههههههههههه)


أنا بعد تصريحات قداسة البابا المعظم دي وبعد قراءة الموقف الرسمي لرجال الكنيسة الأرثوذكسية الرسميين أقترح أن يتم ترشيح وتعيين قداسة السيد الرئيس مبارك – المبارك والحي إلى أبد الآبدين آمين – ليكون هوالبابا المعظم القادم بعد موت شنودة بعد عمر طويل بإذن الله


وطبعا قداسة الرئيس مبارك لن يقبل بأن يترك رئاسة الدولة ليكتفي برئاسة الكنيسة...


وبالتالي فإنني أوصي بضم الكنيسة إلى الدولة ليصبح قداسة الرئيس المعظم مبارك الحي الذي لا يموت هو بطريرك الأسكندرية (والقاهرة وشبرا وأول فيصل) والكرازة المرقصية إلى الأبد


طبعا بعض المتعصبين المسيحيين سيعترضون على أن مبارك مسلم وأن اسمه محمدا


وعلى هؤلاء العملاء المرتزقة أرد بأن قداسة الرئيس لا ينتمي إلى دين بعينه فهو – مبارك اسمه – فوق جميع الأديان وهو من بيده – ويد أمن دولته – مقادير جميع العباد في كل الأديان


عاش قداسة الرئيس عاش عاش!!


وليسقط الخارجين على طاعته والذين يؤلبون الرأي العام من أجل الخروج عليه... أ(و حتى الدخول عليه)!!


الإخوان لسة بيشاوروا عقلهم يضربوا ولا كالعادة

العريان: موقف إخوان مصر من إضراب 4 مايو لم يحدد بعد
الإخوان برضو المرة دي بيكرروا نفس السيناريو بتاع 6 أبريل
تأييد مبدئي ودعم لفكرة الإضراب والاحتجاجات السلمية وكل اللغط ده
وبعدين قبل الإضراب بيومين تلاتة يقولوا لأ مالناش دعوة بيه
ولا نعرفهم يا بيه
دول شوية عيال يا باشا وإحنا كجماعة عريقة بنفهم سياسة ما نقدرش نمشي ورا العيال
لأن يا باشا اللي يمشي ورا العيال زي ما انت راسي لن يخلو من الدبابيس (مشيها الدبابيس) ونحن لا نقبل التدبيس
هع هع هع هع هع

حمدا لله ع السلامة يا فؤاد... الفرحان أخيرا حر!!


حمدا لله على سلامتك يا أبا خطاب

وصلتني هذه الرسالة منذ دقائق على الفيسبوك من خالد أحمد اللي هو ماشي صح

Fouad at home


Today at 6:48am

Fouad Al-Farhan is free now after released from jail and he is at home with his family.

تم اليوم إطلاق سراح فؤاد الفرحان وهو الآن في بيته مع أهله



ألف مبروك وحمد الله على سلامتك يا فؤاد
فؤاد كان معتقل بدون تهمة في سجون الملك الدكتاتور عبد الله بن عبد العزيز ملك السعودية منذ العاشر من ديسمبر الماضي
عقبال كل الإصلاحيين المعتقلين في السعودية ما يخرجوا من سجون السفاح عبد الله

2008-04-25

حركة كفاية ستشارك معنا في إضراب 4 مايو


تحت عنوان 4 مايو ..تاريخ أسود في حياة المصريين أعلنت الحركة المصرية من أجل التغيير (كفــــــــاية) عن موقفها المؤيد للإضراب العام في الرابع من مايو 2008 ضمن حملة عصيان مدني سلمي متصاعدة بهدف الإنهاء الشعبي لحكم الديكتاتور وعائلته!!

الصورة من فليكر عمرو عبد الله

إعلان مشاركة ودعم كفاية للإضراب خطوة مهمة تؤكد على الآتي:

أولا: أن الإضراب القادم في شهر مايو واقع وحقيقة ولن يوقفه أحد ولو كان مخابرات مبارك وأمنه المركزي أو كل أجهزته الأمنية أو العسكرية!!

ثانيا: تؤكد هذه الخطوة على استمرار حركة كفاية في الوجود كفصيل سياسي شعبي غير رسمي يكتسب شرعيته من تبني مواقف المصريين في الشارع وعلى الأرض!!

ثالثا: كل قمع مبارك وعصابته الأمنية على مدار الشهر الماضي من اعتقال أبرياء وقتل أطفال وشباب بالرصاص الحي لم تفلح في قمع الشعب المصري وكسر إرادة المعارضة الشعبية الحقيقية!!

إضراب وعصيان مدني إلى أن تسقط يا مبارك!!

أتوق منذ الآن للاستماع لبيان الذعر الذي سيلقيه الجنرال العادلي عشية الرابع من مايو مهددا بأن المضربين سيعاقبوا والمحرضين سيتم فشخهم... ويجلس الأخ إسماعيل الشاعر بالتي شيرت والجينز أمام ماكدونالد الجامعة الأمريكية يحتسي قدح "الميلك شيك" في توتر باطن وابتسام ظاهر بأنه موجود بنفسه لقمع أي مظاهرة تقوم بها القلة المندسة!! هههههههههههههههههههههه


2008-04-23

إخلاء سبيل إسراء عبد الفتاح والجدل حوله

إسراء عبد الفتاح - تصوير أحمد المصري

إخلاء سبيل إسراء عبد الفتاح | مركز هشام مبارك



تم مساء اليوم الإفراج عن إسراء عبد الفتاح،وقد تسلمها أهلها اليوم أثناء زياتهم لها بسجن القناطر،وقد أبلغ المسئولين بالسجن أهل إسراء بقرار الإفراج أثناء الزيارة وأنهم يمكنها الذهاب معهم.





محدش لمسني والله
والله اتعاملت معاملة ربنا وحده اللي عالم بيها(!!!)
حابسينني ليه طيب لما بيوكلوني أحسن أكل
ويشربوني أحسن شرب وينيموني في أحسن مكان(!!!)
نشكر رئيس الجمهورية ونشكر وزير الداخلية والحمد لله (!!!)

تحديث... حوار المصري اليوم مع إسراء

بصراحة.. لم أكن أتوقع قرار حبيب العادلي وزير الداخلية بالإفراج عني.. ودلوقتي مش قادرة أصدق إنني في البيت، كنت هاموت وأنا عارفة إن أمي مسافرة لأداء العمرة.. مش عارفة كنت هاعمل إيه من غير ما أودعها ولا أترمي في حضنها..
أنا فعلاً باشكر الوزير علي قراره الإنساني..
حاسة إنني كفرت عن ذنوبي خلال فترة الاعتقال..
ذنوب بشكل عام: كدبة.. مقلب.. كنت أشعر أنني تطهرت من أخطاء وذنوب كثيرة..
أنا أعلنت التوبة خلاص..
إضراب ٤ مايو إيه.. أنا لم أسمع عنه ولن أسمع عنه ولن أشارك فيه مهما حصل ومش هخليك بالبيت في اليوم ده ومش هالبس اسود.. أنا في عملي يوم ٤ مايو توبة من الإضراب والاعتقال..
أنا حرمت خلاص..
والله كان نفسي أسافر مع ست الحبايب لأداء العمرة كده من غير تأشيرة ومارجعش تاني..
لكن في الحالة دي كنت هارجع لأنني باحب مصر وشربت من نيلها!.

الرسالة وصلت يا ريس!!!
لعنة الله على الظالمين والطغاة!!

تحديث تاني... إسراء لما قرت الخرا اللي خلوها تقوله اتصدمت
ودا حوار مع إسراء في إسلام أونلاين اللي بتعبر فيه عن صدمتها من التغطية الإعلامية ومن الهجوم عليها

"لم أرتكب جريمة أو ذنبا عندما عبرت عن رأيي عبر مجموعة (الفيس بوك) ودعوت إلى إضراب سلمي في 6 أبريل..

لقد دفعت ثمن التعبير عن رأيي ضريبة قاسية كانت 18 يوما داخل السجن..

فهل يعقل أن أضع تعبيري عن رأيي موضع الجرم الذي يستوجب أن أعلن توبتي عنه..

المجرمون وحدهم يعلنون عن توبتهم.. وأنا لست مجرمة".

وأردفت بنبرة يملؤها الأسى قائلة: "لم أندم على فترة سجني.. ولكن شعرت اليوم بعد أن قالوا إني أعلنت (التوبة) بأن كل ما فعلته ضاع هباء".

نهر دماء قتلى مبارك لا يزال يجري

خبر مقتل رضا على المصرى اليوم
بيننا وبينك يا مبارك دم
بيننا وبينك يا عادلي دم
شهداؤنا يتساقطون
برصاص بلطجية الشرطة
وعلى طوابير الخبز

من أجل قتلانا وشهدائنا
مصر في حالة حداد عام وإضراب عام من يوم 4 مايو 2008
لن نسكت ولن نخرس ولن نكون كالخصيان
لقد خلقنا الله أحرارا
ولن نكون عبيدا بعد اليوم

الحريــــــــــــــــــــــة لمصــــــــــــــــــر
والكرامة للمصريين

يسقط يسقط حسني مبارك
يسقط الدكتاتور
يسقط حكم الفسدة
يسقط الاستبداد

عمال مصر... هل ستقبلون رشوة مبارك؟

خبر الرشوة على المصرى اليوم
مبارك سيمنح عمال مصر رشوة تسد أفواههم يوم 30 أبريل
فهل تقبلون رشوة الطاغية يا عمال مصر؟

إضراب 4 مايو... رسالة من شعب مصر إلى رئيس الدولة

يحمل إضراب الرابع من مايو عدة رسائل من شعب مصر إلى رئيس الدولة
أقل هذه الرسائل أهمية ودلالة هي أن الإضراب يوافق يوم مولد سيادته
فهذه جزئية تعكس حس الدعابة والسخرية عند المصريين وليس أكثر
لكن الأكثر أهمية هو أن شعب مصر قرروا أن يعبروا عن اعتراضهم بإيجابية
هذا الشعب الذي يراهن النظام الفاسد على سلبيته وتتحدث النخبة عن ذات السلبية
قرر أن يقلب الترابيزة على الجميع
ويفاجئ الجميع بأنه لا يزال شعبا حيا
على الرغم من رفض جماعة الإخوان للإضراب
ورفض الأحزاب للإضراب
وعدم وضوح حركة كفاية حتى الآن من الإضراب
إلا أن الشعب قال كلمته وسيضرب يوم الرابع من مايو
على الرغم من استخدام القوة المفرطة في إضراب 6 أبريل
وعلى الرغم من وجود قتلى ومصابين
وعلى الرغم من الاعتقالات
إلا أن الشعب المصري واضح إنه قرر إنه يعلن تمرده على منظومة الفساد الحكومية ويعبر عن رفضه ليها
كرة التلج اتحركت ومحدش هيقدر يوقف نموها ولا تسارعها
اللي بيراهن على إن الشعب المصري مات يبقى خد أكبر خازوء في عمره
الشعب ما ما ماتش هو بس كان "منفض" شوية
وعلى فكرة... القضية ما بقتش إيه اللي هيحصل وبس في 4 مايو
الموضوع عدى وعدى أوي....
الموضوع خلاص بقى شعب في مواجهة عصابة
والشعب دلوقت بقى عارف عدوه
عصابة مبارك كيان معادي ليس لمجموعة نشطاء
ولكنها عصابة تعادي شعبا
تقرير مباحث الإنترنت المرفوع لوزير الداخلية بيأكد إن الإضراب لا يمكن منعه
وإنه لمنع الإضراب ومنع الدعوة له يحتاج البلطجية أن يعتقلوا 50 ألف مواطن
هع هع هع هع
حتى لو قبضوا على الخمسين ألف
مش هيقدروا يوقفوا نضال شعب قرر أن يتحرك وأن يقاوم

عزيزي مبارك... شعب هذا البلد يكرهك بعمق
يا شعب مصر... قاوموا الطاغية
المقاومة السلمية هي سلاحنا

فلنضرب في كل مكان... فلنقاطع كل ما له علاقة بالنظام والحكومة
6 أبريل كان البداية و4 مايو لن يكون النهاية

لقد بدأت مقاومة الشعب المصري

المقاومـــــــــــــــــــــــــة إلى أن يسقط الطاغية
المقاومـــــــــــــــــــــــــة من أجل الإصلاح
المقاومـــــــــــــــــــــــــة من أجل غد أفضل لنا ولأولادنا
المقاومـــــــــــــــــــــــــة حتى المــــــــــــــوت أو الحياة بكرامة!!!

2008-04-21

الشرقاوي خرج يا رجالة... كفارة يا معلم

وصلتني الرسالة دي من أيوب المصري على جروب الحرية للشرقاوي
Today at 5:03pm
فى اتصال تليفونى مع محمد الشرقاوى نفسه
" انااااا خرجت خلاص على فكرة "

مبروك لشرقاوى

وعقبال الباقيين كلهم

ممكن بقى حد يأكد لنا الخبر وكدة

عالم الإنترنت الأسود... الأهرام وخرائياته

جريدة الأهرام الخرَّاء (أصدي الغرَّاء)
عاملة موضوع أمني جبار جبار طحن موت يعني
تحت عنوان عالم الإنترنت الأسود
هههههههههههههههههه

طيب اقروا المقال الأول وبعدين نرجع لتفاصيله
(طبعا روابط الأهرام ما بتقعدش لتاني يوم فهجيب لكم الخبر نفسه)

الصفحة الأولى

44331‏السنة 132-العدد2008ابريل21‏15 من ربيع الآخر 1429 هـالأثنين



عالم الإنترنت الأسود في مصر‏:‏
عري وبذاءات وتحريض علي العنف


صور فاضحة‏,‏ وألفاظ نابية‏,‏ وسب وقذف بلا حسيب ولا رقيب‏,‏ وأخبار كاذبة‏,‏ ودعوات تحريض علي الفتنة‏,‏ ومحاولات للوقيعة بين أبناء الشعب الواحد‏.‏ هذه هي الصورة السوداء لعالم الإنترنت في مصر حاليا للأسف الشديد‏,‏ والتي رسم سوادها قلة من الشباب‏,‏ وإن كان هذا السواد يغطي حاليا علي أغلبية استخدامات هذه الوسيلة الإعلامية التي يفترض أنها أكثر رقيا ونظافة من هذا المستوي إلي الدرجة التي بات الأمر معها يستدعي وقفة من مستخدمي الإنترنت ضد هذه الإساءات والانتهاكات الصارخة قبل المطالبة بتدخل الجهات الأمنية لإعادة الانضباط إلي هذه المنطقة الخطرة علي المجتمع وأمنه واستقراره وأخلاقياته‏!‏

وعلي الرغم من أن مصر تفخر بأنها تملك أكبر عدد من مستخدمي النت في المنطقة العربية‏,‏ فإنها عانت في الفترة الأخيرة إساءة استخدام البعض لهذه الوسيلة‏,‏ حيث باتت مواقع الإنترنت العالمية الشهيرة مثل يوتيوب و فيس بوك ساحة مناسبة يستغلها ضعاف النفوس لبث الصور واللقطات الفاضحة‏,‏ ولتبادل عبارات السب والقذف والتعليقات المبتذلة التي تسيء إلي مصر بالدرجة الأولي‏,‏ بل وتسيء إلي هذه الوسيلة التكنولوجية الراقية التي يجيد الغرب المتحضر استخدامها بما ينفع مجتمعه‏,‏ وانتشرت حملات وهمية تكالب علي إطلاقها علي النت بعض الشباب المصريين المندفعين بحثا عن الشهرة والإثارة‏,‏ وربما من المستترين خلف أسماء مستعارة أو وهمية‏,‏ بعضها يتضمن دعاوي تحريضية علي العنف أو علي نشر الأكاذيب‏.‏

فهذه دعوات مجهولة المصدر لإضراب يعطل مصالح المجتمع‏,‏ ولا نظير لها في أي بلد آخر علي وجه الأرض من بين ما تضمنته مثلا دعوة الصيادلة إلي عدم فتح صيدلياتهم‏,‏ وهناك دعوة أخري إلي كتابة عبارات الاحتجاج ضد الحكومة علي أوراق النقد‏!‏

وهذه اتهامات وبذاءات موجهة إلي مسئولين وشخصيات تتخطي حدود المعارضة المقبولة‏,‏ وتقع كلماتها تحت طائلة القانون‏,‏ أي قانون في العالم‏.‏

وهناك مثلا لقطات مصورة منتشرة علي موقع يو تيوب الشهير تزعم اضطهاد المسلمين للمسيحيين في مصر‏,‏ ولقطات أخري تصور انتهاكات مزعومة من الأقباط لإخوانهم المسلمين‏,‏ والغرض منها معروف بالطبع‏,‏ ووصل الأمر إلي درجة أن أحدهم تجرأ وبث علي البريد الإلكتروني فيلم فتنة المسيء للإسلام الذي تبرأت منه هولندا رسميا‏!


(لأ مسخرة بجد يعني مش أي كلام!!! قال لك النت كله صور فاضحة وألفاظ نبية... ما هو طبعا لأنه خبراء الأمن في الأهرام ما يعرفوش في محركات البحث غير يدوروا على كلمات من نوعية (سكس، جنس ساخن، أوف أوف أح... إلخ)... وطبعا اللي يدور على أي حاجة ع النت يلاقي... أومال هو شبكة عنكبوتية ليه!!

المسخرة كمان في موضوع التحريض على الفتنة... يعني طب ما الفتنة موجودة من قبل الإنترنت... النت يا بقر وسيلة زي أي وسيلة تانية...

وبعدين يرجع كاتب المقال يطنطن عن "قلة" وحشة من الشباب هي اللي خلت السواد والهباب يغطي على أغلبية استخدامات الإنترنت... إيه الهطل دا يا شوية بقر... منين "قلة" ومنين يبوظوا الإنترنت كله ويخلوه كله سواد وهباب وقلة أدب ومسخرة وتحريض؟ يعني خليكوا معقولين ومنطقيين وقولوا إن "قلة" خلت فيه شوية حاجات "قليلة" على النت سودا ومهببة ووحشة... أو إنه - مثلا - أغلبية الشباب بقوا قللات الأدب ومحرضين وبيسيئوا لسمعة البلد وإن "أغلبية" الشباب خلو "أغلبية" المنشور على النت اسود ومهبب... على أساس إنه لو كاتب المقال مجنون فالقارئ عاقل يعني... فتبقى الأشياء منطقية شوية!

ثم يقول البيه المخبر أبو جرنان أهرام مخروم مهددا إن لازم يكون فيه وقفة من المستخدمين نفسهم... بدل ما نطالب الجهات الأمنية بفشخهم وكدة يعني... وكل واحد بقى عارف نفسه ويتلم شوية عشان إحنا صاحيين أوي لا مؤاخذة.... يأتي طبعا هذا المقال الأمني العبقري تاني يوم التقرير الأمني بتاع موباحث الإنترنت لوزير الداخلية حبوب العادلي إنه عشان يمنع إضراب 4 مايو محتاج على الأقل يقبض على خمسين ألف واحد.... وبالتالي قرر "يبسِّك الصحفيين المخبرين على مستخدمي الإنترنت ويخوفوهم وإنه لو ما اتلمتوش يا اولاد المرة، هنفشخ اللي جابوكوا، والسيبرسبيس كله محاصر وشايفنكوا ومفيش فايدة م الإنكار!! ههههههههههههههه طب إيه رأيك بقى يا عربجي منك ليه إننا مش هنتلم!! وابقوا اقبضوا على خمسين ألف يا فالحين!!)


وفي إشارة للدعوة للإضراب والتحريض عليه... يرص مخبر الأهرام أبو جرنان أهرام مخروم قائمة التهم اللي هيتواجه بيها الشباب في إضراب مايو ويفهمهم إننا عارفين كل حاجة حتى موضوع كتابة لا لمبارك على كل أوراق العملة فمن بين التهم هيكون التحريض على أعمال العنف وعلى نشر أخبار كاذبة وعلى نشر اتهامات وبذاءات ضد مسئولين وشخصيات تتجاوز حدود المعارضة المقبولة (قصده يعني معارضة اللوا رفعت باشا السعيد وبقية الأحزاب الميتة)

المسخرة أوي برضو لما حب يكيف التهم (لازم طبعا التهم تتكيف وتعمل دماغ) فذاكرته القانونية خانته وغالبا مالقاش اسطمبة جاهزة فقال لك إن البلاوي اللي العيال بيعملوها على النت دي تعد مخالفة للقانون... أي قانون في أيتها حتة في العالم يعني آه مش أي كلام!!!

وبعدين بقى بيحاول يلعب على وتر الدين وإزاي إن النت فيه مسلمين بيشتموا مسيحيين ومسيحيين بيشتموا مسلمين
لأ والأكادة إن فيه واحد سافل (وسخن سخن يا عم الحاج) نشر فيلم الفتنة المسيء لللإسلام... شفتوا يا مسلمين؟؟؟ النت طلع كافر وبيسيء للإسلام يعني لما نفشخ العيال بتوع النت ما تزعلوش بقى ... أصلهم كفرة (زي ما عملوا مع كريم عامر قبل كدة)
الناس دي هبلة وبتهطل على روحها؟؟؟

بقي أن أقول للبيه المخبر إن معلوماتك الأمنية ناقصة... إزاي يا حيوان ما عرفتش بالأغنية العبقرية بتاعة مبارك مات اللي نشروها قلة من الشباب الحقير باعتبارها أغنية أربعة مايو... خد يا عم تاني الأغنية أهي... اسمع واستوكيِّف...




إضراب 4 مايو... إضراب لكي نحيا

بدون مقدمات
بدون تفاصيل
أنا مضرب يوم أربعة مايو

مش فارق معايا دلالة اليوم
معنديش مشكلة إن مبارك اتولد يوم 4 مايو
معنديش مشكلة إنه اتولد أساسا
مشكلتي مش في ولادته
مشكلتي في موته

مبارك متصور إنه مش هيموت
وعايز يحكمنا لحد ما يموت
مبارك مش مدرك أن هناك هناك أناس أحياء حتى وإن ماتوا
ولا هو مدرك أنه ميت حتى وإن كان الإسم عايش!!

ولأني أرفض أن يحكمني ميت
ولأني أرفض أن يحكم بلادي عصابة من الموتى
ولأني أرفض أن تتحول بلادي إلى مقبرة كبيرة
يحكمها رئيس ميت
ويديرها حكومة ميتة
ويريدون أن يحكمون شعبا ميتا
من أجل ذلك أنا مضرب يوم أربعة مايو

لأني بالأساس أرفض إعلان شهادة وفاتي بينما أنا حي
ولأني أرفض أن نكون شعبا ميتا
فأنا مضرب يوم أربعة مايو

خلونا كلنا نرفض حكم الأموات
خلونا نرفض أن نصنف في عداد الأموات
خلونا نثبت إننا عايشين ولو مرة

عشان كدة يوم 4 مايو هنضرب كلنا
وهنغني

مبارك مات

سميها إشاعة سميها أمنية سميها حلم...

المهم تقولها من قلبك وتغنيها بصوت عالي

لأنه حتى لو هو عايش بالجسد
بس هو كائن ميت
ونظام حكمه ميت

ولكن هل يحكم شعبا من الميتين؟؟؟؟

دا السؤال اللي جاوبنا عليه يوم 6 أبريل
وطلعنا مش أموات
وهنضرب يوم أربعة مايو

من فضلك... اتبعني ودع الموتى يدفنون موتاهم

2008-04-19

أغنية 4 مايو... مبارك مات!! هع هع هع


دا مصدر الغنوة العبقرية
بس دي غنوتنا كلنا
مش بس غنوة ماريا وبطرس وبولس
وإن كنت أريد أن أؤكد أن مبارك إله والآلهة لا تموت
وإنه من كان يعبد مباركا فإن مبارك حي لا يموت

مدونة خالد البلشى: الى مدونتى.. وخديجة مالك

خالد البلشي في التدوينة دي قال بالظبط كل اللي كان نفسي أقوله بخصوص حكم العسكرية في قضية الإخوان

مدونة خالد البلشى: الى مدونتى.. وخديجة مالك

لكي لا يُنسى أبو فجر في السجن



110 أيام في المعتقل بلا سند قانوني

يدين الموقعون على هذه المذكرة من المثقفين والسياسيين والنشطاء إستمرار إعتقال الأديب مسعد أبو فجر (مسعد سليمان حسن حسين) والذي إعتقل من منزله بمساكن هيئة قناة السويس بمدينة الإسماعيلية في 26- 12 -2007 بتهم ثبت للقضاء أنها مفتعلة، وذلك رغم صدور أكثر من قرار قضائي بالإفراج عنه من محكمة جنايات الإسماعيلية في القضيتين رقمي 1538 و1925 لسنة 2007 ادارى رفح.
وفي إهدار فج لقدسية أحكام القضاء، ورغم مطالبة عشرات المثقفين و14 منظمة حقوقية بإطلاق سراحه إحتراما لأحكام القضاء، إلا أنها فوجئوا يوم 24 - 2- 2008 بصدور قرار بإعتقاله وترحيله إلى سجن الغربنيات ببرج العرب، ليوضع بين السجناء الجنائيين.. بلا تهمة، في إنتهاك صريح لأحكام الدستور والقوانين والمواثيق الحامية للحريات وفي مقدمتها حرية التعبير عن الرأي.

وإذ يطالب الموقعون على هذه المذكرة السيد المستشار/ النائب العام بإستعمال سلطاته لحماية حقوق المواطنين التي كفلها الدستور، فأنهم يعبرون عن إنزاعاجهم الشديد من الملاحقات غير القانونية التي تتعرض لها أسرة أبو فجر.. أطفالا ونساءً ورجالاً، من الإستيلاء على سيارته الخاصة بدون مبرر قانوني، إلى إعتقال شقيقه احمد رغم قرار النيابة بالإفراج عنه، مرورا بالإقتحامات المتتالية لمنزل العائلة وإرهاب والديه المسنين.

ويناشد الموقعون كل المنظمات الحقوقية والأهلية التعبير عن تضامنها مع أبو فجر وعائلته، كما يطالبون كافة سلطات الدولة الإلتزام بالنصوص الدستورية والقانونية التي تحمي الحريات العامة، والتحقيق في الإنتهاكات التي تعرض لها أبو فجر وأسرته.

تحريرا في يوم السبت 19-4-2008

الموقعون
1- صنع الله إبراهيم. أديب
2- بهاء طاهر. أديب
3- محمد البساطي. أديب
4- عادل السيوي فنان تشكيلي
5- علاء الأسواني. أديب
6- مجدي أحمد علي. مخرج سينمائي
7- حمدين صباحي. عضو مجلس الشعب
8- سعد عبود. عضو مجلس الشعب
9- سامي السيوي. سيناريست
10- جورج إسحق. المنسق العام المساعد لحركة كفايه
11- د. محمد بدوي ناقد/ أستاذ جامعي
12- رؤوف مسعد. أديب
13- د. نبيل عبد الفتاح. مساعد مدير مركز الأهرام للدراسات الاستراتيجية
14- محمود الورداني. أديب
15- د. يحي القزاز. أستاذ بعلوم حلوان
16- محمد شهدي. فنان تشكيلي
17- أمين اسكندر. باحث سياسي
18- محمد بيومي. أمين حزب الكرامة بالقليوبية
18- وفاء المصري. محامية
19- محمد سامي. رجل أعمال/ عضو مؤسس في حزب الكرامة
20- عبد العزيز الحسيني. عضو اللجنة التنسيقية لكفايه
21- حسام رضا. أمين حزب الكرامة بالإسماعيلية
22- كمال أبو عيطة. قيادي نقابي
23- عبد العظيم الورداني. مترجم
24- أحمد العايدي. أديب
25- محمد خير. شاعر
26- سعيد عبيد. موسيقي
27- سيد محمود. ناقد أدبي
28- محمد هاشم. ناشر
29- إيهاب عبد الحميد. أديب
30- حمدي أبو جليل. أديب
31- خالد البلشي. مدير تحرير جريدة البديل
32- ياسر الزيات. مدير تحرير جريدة البديل
33- ياسر عبد الطيف. أديب
34- أحمد اللباد. فنان تشكيلي
35- عبد العظيم المغربي. عضو إتحاد المحامين العرب
36- وائل عبد الفتاح. صحفي
37- محمد شعير. صحفي
38- هاني درويش. صحفي
39- زين خيري شلبي. شاعر
40- خالد حريب. صحفي
41- محمد الزرقاني. صحفي
42- جمال عيد. مدير الشبكة العربية لمعلومات حقوق الإنسان
43- محمد طعيمة. صحفي

التجمع امام مكتب النائب العام السبت الساعه 12 الموافق 19/4/2008





2008-04-18

نادية خرجت وإسراء اعتقلها وزير الداخلية

دا الخبر من مركز الحرية للحقوق السياسية

ملحوظة ذكية من أحمد حلمي المحامي إنه بيفكرنا بجلسة مجلس الشعب اللي جددوا فيها العمل بقانون الطوارئ وهما بيستعبطونا بحجة إنهم مش هيستخدموه خالص مع الناس العادية لكن هيستخدموه بس مع الإرهابيين الوحشين!!
وعشان كدة حلمي بيتساءل هو إسراء إرهابية عشان يتطبق عليها قانون الطوارئ ويصدر لها أمر اعتقال من وزير الداخلية؟

أخيرا إطلاق سراح خالد حمزة

Khaled Hamza released كفارة يا خالد at 3arabawy

ألف مبروك وحمد الله ع السلامة يا باشمهندس خالد

2008-04-17

اعتقال إسراء عبد الفتاح ونادية مبروك

عرفت الآن من محاميي مركز هشام مبارك أن إسراء عبد الفتاح ناشطة حزب الغد والتي اتهمتها أجهزة الأمن على خلفية تاسيسها لجروب على الفيسبوك والتي كان النائب العام قد أصدر أمره بإخلاء سبيلها منذ 3 أيام صدر لها أمر اعتقال إداري من وزارة الداخلية هي ونادية مبروك الناشطة بحزب الغد

إسراء معتقلة الآن

2008-04-15

عاجل قوه أمنيه تقتحم دار ملامح

قامت منذ قليل قوه امنيه مكونه من ظابط برتبه عقيد واربعه مجندين باقتحام دار ملامح المملوكه لمحمد الشرقاوي وقاموا بمصادره كل نسخ الروايه المصوره (مترو ) واعداد كبيره من كافه اصدارات الدار كما قاموا ايضا بتخريب محتويات الدار من اوراق واجبروا المحاسب بالقوه للتوقيع علي تعهد بتسليم كافه النسخ المرتجعه من روايه مترو من المكتبات إلي العقيد الذي قام باقتحام الدار في مكتبه بمجمع التحرير حيث قال انه تابع لمباحث الاداب وان لديه امرا بمصادره الروايه والقبض علي مؤلفها (مجدي الشافعي ) ومحمد الشرقاوي
وسنوافيكم بالتفاصيل تباعا

أحكام بالسجن على قيادات الإخوان في القضية العسكرية

أصدرت المحكمة العسكرية أحكامها بالسجن على قيادات الإخوان في القضية العسكرية


الأحكام مسخرة بكل المقاييس

والمحاكمة العسكرية اصلا كانت مسخرة

من اول التهم المتلفقة

لإحالتهم أصلا للمحاكمة العسكرية بعد تبرئة القضاء المدني لهم

لحد واقعة سرقة ظابط في أمن الدولة لمحتويات خزنة حسن مالك من قلب النيابة



لحد كل الانتهاكات للحق في المحاكمة العادلة اللي وقعت بحق المتهمين في هذه القضية العبثية


لقد دنست القوات المسلحة المصرية ثوبها بهذه القضية السياسية وبهذه الأحكام السياسية

لو كنا في بلد محترم لوجب محاكمة المسئول عن إهانة القوات المسلحة بالزج بها في قضية تصفية الحسابات السياسية هذه

أرجو أن جماعة الإخوان لا تكتفي بالحسبنة هذه المرة كعادتها !!!

2008-04-14

الإخوان يساندون المسلمين في القوقاز، ولتذهب مصر إلى الجحيم

مبدئيا أنا لا أزايد على احد

ولكن في ظل الوضع السياسي الخرائي الذي تحياه مصر حاليا
وفي ظل وضع اقتصادي فشيخ يموت فيه المصريون من الجوع
وفي ظل اعتقالات لمئات المواطنين المصريين
وفي ظل قتل فاجر لأطفال الشعب المصري بيد كلاب مبارك

نجد أصواتا إخوانية وطنية تمثل أشرف وأفضل وكل صيغ أفعل التفضيل ممن تتفشخر بهم الأمة
يطالبون بمساندة "إخواننا" المسلمين في القوقاز....

يا جماعة إخوانكم المسلمون بيصرخوا في داغستان وأنغوشيا والشيشان
القوقاز تحتاج لـ100 ألف توقيع حتى يصل صوتها..فهل ستخيب آمالها؟

أنا مش ضد التضامن مع أي شعب بيواجه أي انتهاك في العالم
بس لما يبقى الإخوان المسلمين بينفضوا (من التنفيض) للمصريين الغلابة اللي متحاصرين في المحلة
ولما ما نسمعش من أمهم حس ولا نشوف لهم موقف من اعتقالات السادس من أبريل
ولما ما نسمع لهمش صوت في مجلس الخرا اللي هم فيه بخصوص المصريين اللي بيموتوا شهداء على طوابير الخبز

يبقى أقولها لجماعة الإخوان المسلمين في مصر
جتكوا ستين نيلة عليكوا... جتكوا القرف

وعلى فكرة المصريين اللي ماتوا في طوابير العيش في مصر
والمعتقلين في أحداث إضراب 6 أبريل

أغلبهم مسلمين


يعني يجوز التضامن معاهم

وعلى فكرة

أحمد علي مبروك اللي عنده خمستاشر سنة واتقتل في المحلة الأسبوع اللي فات
كان مسلم وبيصلي مع ابوه في الصف الأولاني

يعني ممكن تجوز عليه المناصرة والتأييد والدعوة للقصاص لدمه!!

طبعا من الممكن إن حد يرد عليا ويقول لي الموضوع اللي بتتكلم عليه دا مش موقف رسمي للجماعة لكن دا موقف لصاحبة التدوينة
وأرد على هذا الافتراض بأن الإخوان بالفعل كسكسوا وجابوا ورا في موضوع الإضراب وهذا موثق

الإخوان كان نفسهم ياخدوا مكافأتهم من الحكومة بعد يومين من الإضراب كراسي في المحليات

بس الحكومة خوزقتهم وإدت الكراسي لسيادة اللوا رفعت باشا السعيد ولكام واحد من الوفد السعيد

موقف شابة إخوانية من بيت إخواني وابنة لقيادي هام في الجماعة هو مؤشر مهم لمنهجية تربية الأجيال في الجماعة
هو انعكاس تلقائي وطبيعي لجوهر ما تؤمن به الجماعة حتى وإن كانوا يغطون عليه - وصوتي يا امه - أغلب الوقت
فواقع الأمر هنا أن الإخوان - بفطرتهم - يميلون للقضايا الدولية التي تخدم أهدافهم السياسية الأممية وأجندتهم العقيدية الدولية والتي تأتي بالطبع قبل مصر ومصريي مصر بل وحتى مسلمي مصر

عاشت أنغوشيا حرة مستقلة
وطظ في مصر وأبو مصر واللي في مصر

(مع الاحتفاظ بحقوق الملكية الفكرية في الشعار الأخير لصاحبه ومبدعه محمد مهدي عاكف)

2008-04-13

لن نصالح على الدم .. حتى بدم ! إنها الحرب!

في بيت قتيل المحلة الطفل أحمد مبروك

الحادية عشر مساء الإثنين 7 أبريل 2008:
يا احمد سيب الكمبيوتر بقى كفاية لعب وخش نام عندك "درس" الصبح
حاضر يا بابا... (ويخش سريره ياخد الدبدوب بتاعه في حضنه وينام)
......

بعد وقت قصير

صوت هرج ومرج في الشارع تحت البيت يقوم أحمد منزعجا وبقية أهل البيت عليه
أحمد يجري على البلكونة اللي فاتحة على أوضته
يطلع أحمد يبص من البلكونة وأبوه يخش وراه ويقول له خش جوة يا احمد
.........

يبص الأب يشوف بعنيه قوات أمن من العمليات الخاصة في الشارع وناس بتجري
وفي لحظة يسمع صوت الضابط قائد الفرقة يصرخ في جنوده "اضرب... إضرب"!!
.........

في اللحظة التالية يجد عم علي ابنه أحمد والدم يتدفق من أنفه
يظن أبو احمد - في لحظة ذهول - أن ابنه يعاني من عراف من الأنف وإن ده "دم فاسد" نازل من مناخيره
لكن لذهوله أدرك إن راس ابنه كلها غرقانة دم!!
..........

بنتكلم عن لحظات وثواني حرفيا...
في لحظة يسقط أحمد على الأرض وهو غارق في دمه بين يدي أبيه المذهول من هول الكارثة
........

عمة أحمد تتصل بالإسعاف
يرفض الإسعاف الحضور لنجدة أحمد أو محاولة إسعافه!!
........


يركض عم علي مبروك حمادة بأحمد المحتضر بين يديه إلى الشارع
ويستقل سيارة أحد الجيران الذي يقله إلى مستشفى خاص لمحاولة إنقاذ أحمد

المستشفى ترفض استقبال أحمد

........


الواد بيطلع في الروح يا جدعان
......

يوصل عم علي إلى "مستشفى القصر" اللي هي المستشفى العام
بس أحمد كان مات
......

أحمد مات يا كفرة يا ولاد الحرام
أحمد مات يا حبيب يا عادلي
أحمد مات يا حسني!!!
.....

أحمد مات وشهود العيان قالوا لي إنهم شافوا في جثة أحمد خرم في أسفل رأسه أعلى الرقبة وخرم تاني في أعلى الرأس من الناحية التانية!!!!
.....

ظباطك يا عادلي وكلابك يا حسني بيضربوا رصاص حي على طفل في بلكونة بيتهم!!
.....

أحمد مات بين إيدين أبوه على باب المستشفى العام
دلوقت يا فندم نقدر نستلم جثة إبنك!!
دخلوه على المشرحة يا رجالة!!
......

الجنازة هتكون تحت الحراسة
ومش عايزين حد يعمل دوشة
من المستشفى للمدافن كله تحت حراسة مكثفة ومشددة
......

وانا في أوضة أحمد كنت شامم ريحة الدم... مش مجازا لكن حرفيا... ريحة دم الولد كانت في مناخيري
اتهزيت من جوايا وكأنه زلزال عنيف
شفت دم أحمد على الستاير
شميت دم أحمد بمناخيري

......

دم أحمد ما ينفعش يروح هدر
بيننا وبينك با حسني دم!!!
بيننا وبينك يا حكومة دم!!
بيننا وبينك يا عادلي إنت وكلابك دم!!
.....

لن نصالح على الدم... حتى بدم!!


إنها الحرب!!

.....

دم أحمد مسئولية في رقبتي ورقبتك ورقبة أي حد فينا لسة عنده دم
اعتقد إننا مهم جدا نوثق شهادات قتلى المحلة التلاتة بسرعة عشان نقدر نحرك قضية قتلى المحلة على كافة المستويات
ممكن نعمل حاجات كتير على المستوى القانوني والمستوى الحقوقي... القضية ينفع تتاخد على المحكمة الأفريقية بس محتاجين أدلة وشهادات وتوثيق

علينا دور مهم أوي في توفير غطا إعلامي وحقوقي لحماية أسرة القتيل الطفل أحمد علي مبروك
علينا إننا نقف جنبهم بجد لأن المتوقع في الوقت الجاي إنهم يلبسوا القضية للأهالي والبلطجية اللي كانوا بيمارسوا الشغب!!
ومتوقع يساوموا الأب على فلوس وخبرتنا مع قتيل الفيوم بتقول إن دي سياستهم المنهجية

عايزين ما ننساش الاتنين التانيين القتلى في أحداث المحلة ونبدأ نوثق حوادث قتلهم
ونجمع شهادات وأدلة ينفع نستخدمها بعد كدة في الدعاوى القضائية
.....

على الهامش

خال الطفل القتيل ثار جدا لما لقى جريدة البديل كاتبة إن وكيلة وزارة التضامن عدلات عبد السلام زارت المصابين وإدت كل مصاب تلتميت جنيه وأدت أسرة القتيل أحمد علي مبروك ألف جنيه!!
صرخ عم علاء الشبيني بأعلى صوته... "دول بيتاجروا بدمنا!!!!"

فعلا يا عم علاء
دول بيتاجروا بدمنا!!




ده فيديو صوره وائل أثناء الزيارة بيحوي شهادة شهود العيان ومصور البلكونة اللي اتقتل فيها أحمد وآثار الرصاص على حيطة جيرانهم
بالمناسبة... هو الرصاص المطاطي ينفع يعمل حفر بالشكل ده في الحيطان؟؟؟؟؟؟؟


تفاصيل من زيارة فك الحصار عن المحلة

زيارة للمحلة لفك الحصار

أول امبارح الجمعة 11 أبريل 2008 كنا في زيارة لفك الحصار عن مدينة المحلة الكبرى المحاصرة منذ إضراب 6 أبريل

في بداية الرحلة وصلني من نوارة إن الدكتورة ليلى سويف عايزانا كلنا نطلع مع بعض
المجموعة اللي أنا كنت معاها (شريف عازر ووائل عباس وسارة كار ونوف سناري) كنا طالعين لوحدنا وسبقناهم في السفر بحوالي تلت ساعة... خروجنا لوحدنا كان سبب في إننا ننجح - بالصدفة والحظ الحلو - إننا نعدي نقطتي التفتيش اللي في مدخل المحلة

بقية الوفد اللي كان طالع معانا لزيارة فك الحصار واللي كانوا حوالي تمانية و تلاتين واحد ما بين أساتذة جامعة ونشطاء حقوقيين وصحفيين ومدونين تم إيقافهم عند نقطة التفتيش الأولى عند مدخل المحلة واحتجزوا لمدة خمس ساعات بعد التحفظ على بطاقات هوياتهم ومفاتيح سياراتهم بل والتحفظ على سيارة إحدى الناشطات

دخلنا المحلة بأعجوبة

تمكننا من دخول المحلة لنجد المدينة هادئة إذ لم تكن صلاة الجمعة قد انتهت بعد، ولكن الحشود الأمنية كانت كثيفة بدرجة مرعبة... قسم شرطة أول المحلة عليه أكتر من أربعين عربية أمن مركزي وكذلك ميدان الشون متحاوط بأكتر من خمسين عربية أمن مركزي ومدرعات قوات خاصة وكذلك كل الشوارع الرئيسية وكل المنشآت العامة حتى أن المكتبة العامة كان أمامها ما لا يقل عن خمسة عشر سيارة أمن مركزي وبالطبع الجنود أمام السيارات كانوا متأهبين خلف دروعهم الحديدية ومسلحين بالبنادق الخاصة بقذائف الغاز المسيلة للدموع

استنفار أمني مش طبيعي

كانت الأخبار وصلتنا من داخل القسم إن التعليمات صدرت بالاستنفار والتأهب لتوقعهم زيارة للنشطاء من القاهرة قد تصاحبها تظاهرات في المدينة، وبالتالي كانوا بالفعل في حالة تأهب قصوى وحالة بحث ومراقبة شرهة وعينيهم بتراقب وتلاحق أي عربية غريبة... كانت كل تحركاتنا موضع رقابة حتى المقاهي مكانش قاعد عليها غير مخبرين وكان الشعور بأنك مراقب سخيف وغبي لكنه لم يكن إحساسا من فراغ

كنا هنتفضح لكن ربنا ستر!

لما قعدنا في مقهى في مكان آمن نسبيا بعيد عن الحشود الأمنية منتظرين انتهاء الصلاة وما ستتمخض عنه الأحداث فوجئنا بعد دقائق بسيارة شرطة جاية ومعاها ونش عشان يشيل عربيتنا بحجة إنها راكنة في الممنوع!! قوة الشرطة اللي جات كان فيها رتب كبيرة وكانوا بيتفحصونا بارتياب... والشيء الكوميدي إننا كننا هنتفضح بسبب شهرة وائل عباس حيث أن بعض الشباب اللي عدوا جنبنا واحنا بنخرج من القهوة وبناخد عربيتنا عشان نمشي شافوا وائل وهتفوا "وائل عباس... وائل عباس"!!
هههههههههههه (يا اخوانا ثبت علميا إن وائل عنده حق يجيله بارانويا بصراحة) وائل شاور بصباعه للشباب أن يصمتوا حيث كان بجوارنا ظباط أمن دولة وقوات خاصة برتب كبيرة!

هواتف مغلقة أو خارج نطاق الخدمة!

طول الوقت كنا بنحاول نوصل لحد من أهالي المحلة أو العمال اللي ممكن يساعدنا في رحلتنا لكن كل ما نطلب حد نلاقي تليفونات الناس كلها مقفولة!! واللي كان تليفونه بيرن في الأول وما يردش بقى مغلق بعد شوية!

أنا شخصيا بدأت أحبط وحسيت إنه شكلنا هنروَّح من غير ما نعمل حاجة وما ييجي على المخاطرة والأفشخنات اللي عملناها لاختراق الحصار.... لكن بعد شوية جاء الفرج!

أخيرا لقينا واحد من النشطاء المحلاويين

من خلال بعض الاتصالات وصلنا إلى أحد النشطاء في المحلة واللي عرفنا إنه منتمي لحزب التجمع ولسة ناجح طازة ضمن اللي نجحوا من التجمع باكتساح في مولد سيدي المحليات وببركات سيدنا الولي سيادة اللوا رفعت باشا السعيد... والأخ المناضل بتاع المحليات قعدنا معاه شوية في مكان شبه آمن وكلامه الحقيقة كان مالوش أي لازمة ولا يوثق فيه من حيث اتهامه للعمال إنهم باعوا الليلة وقبضوا التمن وإنهم خذلوا الأهالي وخذلوا الناس اللي كانت عيازة تضرب وعايزة تتظاهر....

الحاجة الوحيدة المفيدة اللي طلعنا بيها من قعدة الأخ المناضل بتاع التجمع والفائز في انتخابات المحليات باكتساح عجيب وغريب كانت إنه وصلنا لبيت أهل قتيل المحلة الطفل أحمد علي مبروك حمادة...

زيارتنا لبيت القتيل أنا هفرد لها تدوينة لوحدها

شهادات مهمة في بيت القتيل

في بيت القتيل سمعنا شهادات أعتقد أنها مهمة عن أحداث إضراب 6 أبريل وأحداث 7 و8 أبريل واللي حصل فيها التخريب والتكسير
مبدئيا أنا معنديش أزمة إطلاقا إن يكون الأهالي العاديين الطبيعيين هما اللي كسروا ممتلكات عامة وشايف إن ده - لو حصل - رد فعل طبيعي جدا للعنف البشع اللي مارسته أجهزة الشرطة ضد مظاهرة ميدان الشون اللي لم يتجاوز عدد المشاركين فيها عشرات المواطنين... بس في الحقيقة سمعنا شهادات لشهود عيان أكدت إن التخريب ما كانش من الأهالي ولا العمال!!

من بين الشهادات شهادة لرجل اسمه أحمد السيد اللي حكى عن إبنه اللي فاتح محل مكوجي ونزل يوم الاتنين يشتغل فالشرطة خدته دون حتى أن يشارك في أي مظاهرة بعد أن ضربت زميله على رأسه مما تطلب اثنتا عشر غرزة بالرأس... بلطجية الأمن خدوا محمود أحمد السيد وسابوا زميله المبطوح الغرقان في دمه عشان المتعور مش هينفع يعرضوه ع النيابة!! الأب وهو بيدلي بشهادته لينا قال لنا يا ريتهم كانوا عوروه عشان ما كانش يتاخد!! على الأقل كان هيبقى إبني جنبي لكن أنا دلوقت حتى مش عارف فين

بلطجية للإيجار... ادفعي يا داخلية!!

شهود عيان أيضا أكدوا لنا إن بلطجية معروفين للجميع ومعروفين لأجهزة الأمن هم اللي كسروا المدرسة اللي اتكلم عنها الإعلام وإن التكسير والسرقة حصلت على مرأى ومسمع من شرطة ومباحث المحلة اللي كانوا واقفين يتفرجوا على البلطجية وهما خارجين من المدرسة شايلين الكمبيوترات على موتسيكلات!!! شفتوا الحلاوة؟؟!

الخدعة الإعلامية بين الشرطة والتلفزيون

جدير بالذكر - بحسب شهادة الشهود - إن المدرسة دي تحديدا هي اللي دعت أجهزة الأمن التلفزيون المصري عشان يصور فيها ويركز على التخريب والسرقة والتدمير في الوقت اللي تساءل فيه شهود العيان "ليه ما خلوهمش يصوروا المظاهرات وضرب النار اللي حصل فيها ضد المتظاهرين؟؟!!"

جدير بالذكر كمان إن البعض بيقول إن نفس البلطجية اللي كسروا ودمروا هم نفسهم اللي كانت الشرطة بتستأجرهم في الانتخابات عشان "يقفلوها"!!

زي ما دخلنا المحلة بأعجوبة خرجنا منها بأعجوبة وعدينا نقطتي التفتيش بشكل مش طبيعي لدرجة إنه شريف عازر واحنا داخلين ع الكمين الأخير وقف بالعربية - من نفسه - في الكمين وسأل الظابط "هي القاهرة منين؟؟"... أنا كنت هانفجر من الضحك بصراحة

عشان ما تنضربش على قفاك

طول الطريق واحنا رايحين المحلة كنا بنقرا دليل الإرشادات"علشان ما تنضربش على قفاك" بتاع عمر عفيفي ظابط الشرطة السابق (ودا طبعا في ذاته تهمة لو كنا اتمسكنا بيه لأنه متصادر من قبل الداخلية والشرطة هايجة ع الآخر بسببه)... المفارقة إنه تاني يوم وصلتني الأخبار إن عمر عفيفي نفسه هرب إلى أمريكا بعد تهديدات قذرة من الداخلية والظاهر إن عمر عفيفي نفسه لم تنفعه نصائحه وإرشاداته - القيمة جدا على فكرة - في إنه "ما ينضربش على قفاه".... ابقوا فكروني بقى أحكي لكوا على الكتاب ده بعد شوية

تفاصيل زيارتنا لبيت القتيل أحمد علي مبروك هتلاقوها عندي كمان شوية واللي مستعجل أوي هيلاقي فيديو هايل عند وائل عباس سجلناه مع أهل القتيل ومصور فيه البلكونة اللي اتقتل فيها أحمد

2008-04-12

تفاصيل زيارة بيت قتيل المحلة

امبارح نجحت مجموعتنا المكونة من وائل عباس وسارة كار وشريف عازر ونوف سناري من اختراق الحصار المفروض على المحلة
دخلنا المحلة وقدرنا نزور بيت الطفل أحمد علي حمادة مبروك اللي اتقتل على إيد كلاب شرطة مبارك مساء الاتنين 7 أبريل
سجلنا مع الناس وسمعنا شهاداتهم
بالليل هاحكي لكم بالتفاصيل عن الزيارة وعن المرارة اللي ف حلقي من ساعة ما زرنا بيت الشهيد أحمد مبروك

انتظروني

2008-04-11

من أجل فك الحصار عن المحلة... الكل يمكنه أن يشارك


ماليش نفس أكتب
بس أنا طالع النهاردة المحلة للتضامن مع أهلها اللي متحاصرين بعد إضراب ومظاهرات 6 أبريل
اللي احنا دعينا إليها وحرضنا عليها
زي ما بتقول نوارة
التضامن مع أهل المحلة فرض عين مش فرض "كفاية"!
فيه طرق مختلفة للتضامن

أبسطها خالص إنك تبعت تلغراف تعزية لأهل الطفل اللي اتقتل بإيدين كلاب العادلي الفجار
ارسال تلغرافات العزاء الى أسرة الطفل أحمد على محمد حماد على عنوان:
منشية الجمهورية/المستعمرة/مدينة العمال/ البوابة الأولى

يمكنك ارسال خطابات الاحتجاج الى الصحف،

أو إرسال خطابات الاحتجاج الى المسئولين،

أو يمكنك التطوع للدفاع عن المتهمين وحضور التحقيقات اذا كنت محاميا،

بدفع نقابتك لتنظيم القوافل الطبية اذا كنت طبيبا،

وغير ذلك كثير مما يمكن أن نبدعه من أشكال التضامن.

تابعوا الزيارة إلى المحلة على تويتر







    2008-04-07

    حصيلة اليوم من الاعتقالات والتحقيقات

    إطلاق سراح مالك مصطفى و نشطاء العمل .. و باقي المعتقلين يعرضون غدا على النيابة

    من مركز هشام مبارك للقانون
    * 1- إخلاء سبيل المتهمين بقسم مصر القديمة مالك مصطفى، أكرم ايرانى احمد سعد دومة، حسن عبد الله , وإطلاق سراحهم .
    * 2- نيابة 6 أكتوبر تنتهي من التحقيق مع محمد الشرقاوي وتقرر عرضه عليها باكر مرة أخرى
    * 3- نيابة الجيزة تنتهي من التحقيق مع محمد الأشقر وتقرر عرضه باكر مرة أخرى
    * 4- اطلاق سراح 14 متهم من المنصورة وتحويل 16 متهم آخرين إلى النيابة
    * 5- نيابة دمنهور تحقق مع 14 متهم
    * 6- الأسماء المطلوب التحري عنها في تحقيقات محمد الأشقر هى: عبد الحليم قنديل- كمال ابو عيطة - عصام الاسلامبولى- أمين اسكندر- احمد بهاء الدين شعبان- هاني حسن عبد الحليم- كريمة الحفناوى- عبد العزيز الحسيني- محمد إحسان عبد القدوس- محمد الأشقر- خالد عبد الحميد- احمد الصياد - محمود الزهيرى- كمال خليل- ساهر جاد- ليلى سويف- عايدة سيف الدولة - هيثم احمد محمود
    * 7-التهم التى وجت للمتهمين بالتحقيقات اشتراك وتزعم تجمهر مكون من اكثر من خمسة اشخاص الغرض منه الإعتداء على الحرية الشخصية ومنع مؤسسات الدولة من ممارسة اعمالها وتعطيل حركة المرور .

    - اذاعة وبث عمدا اخبار وبيانات من شأنها تكدير الأمن العام والحاق الضرر بالمصلحة العامة.

    - تحريض الموظفين والمستخدمين عمدا على الأمتناع عن تأدية وظائفهم مما ادى الى الإضرار بالمصلحة العامة.

    وقد تم تحرير هذا المحضر بناء على محضر تحريات محرر بتاريخ 31/3/2008 وأذن صادر من نيابة امن الدولة.

    8- : اخلاء سبيل سارة محمد فخري، وسارة حسين، ومها وجدى، وعرض باقى المتهمين باكر، وهم ::

    بهاء صابر- اسراء عبد الفتاح احمد- شادى مختار مجاهد-وليد صالح سعيد محمد-فتحى فريد عصام-حسن طه محمد حسين-نادية جمال مبروك-ياسر اسماعيل زكى-احمد بدوى عبد الحميد-محمود عبد الحميد عبد الحميد-ايمن شوقى عبد الحكيم-صبحى على لبسيد- ابراهيم مصطفى سيد- ابراهيم فؤاد السيد-محمد مجدى على حامد-محمد احمد محمد صالح-رامى صلاح يحيى

    عبد الرحمن محمد لطفى-محمد ابراهيم ابو المجد-ابراهيم ربيع عبد الحليم

    محمد عبد التواب جمعة- ضياء الدين الصاوى-اسامة محمد عز العرب

    2008-04-06

    في عيد ميلاد الرجل العجوز دعوة لإضراب عام جديد



    دعوة على الفيسبوك لإضراب جديد

    في الأسبوع الأول من شهر مايو المقبل في عيد ميلاد بسلامته


    قائمة بأسماء المعتقلين في أحداث السادس من أبريل

    من مدونة الإضراب

    قائمة مبدئية بالمعتقلين

    هذه قائمة مبدئية , نشرها مركز هشام مبارك لحقوق الإنسان للمعتلقين اليوم في القاهرة و الاسكندرية و المنصورة ... سجل مركز هشام مبارك الأسماء التي وصلته من مصادر معلومات مشتته و مختلفه .. وصلتني اسماء اخرى لمعتقلين سوف ادرجها بعد هذه القائمه .. هذه الاسماء كما ذكرت تم جمعها بناء على جهود فرديه بحته .. برجاء من يمتلك اي معلومات خاصة باعتقال أي ناشط او الإفراج عن أي معتقل او تصحيح أي خطأ في القائمة الإتصال بنا على الارقام الموجوده باليمين او عنوان البريد الالكتروني او ترك تعليق هنا .. سنقوم بتحديث هذه القائمة اولا بأول حسب المعلومات المتاحة

    قائمة هشام مبارك
    :
    ( اغلب معتقلي القاهرة محتجزون حاليا في معسكر للامن المركزي بالدراسة


    المقبوض عليهم من القاهرة

    مسلسل

    الأسم

    المكان

    مسلسل

    الأسم

    المكان

    1

    محمد الأشقر

    الجيزة

    2

    محمد الشرقاوى

    الشيخ زايد

    3

    فتحى فريد

    التحرير

    4

    محمد عبد القدوس

    وسط البلد

    5

    رامى يحيى

    التحرير

    6

    احمد الجيزاوى

    القاهرة

    7

    بهاء صابر

    وسط البلد

    8

    محمد على


    9

    ابراهيم فؤاد

    التحرير

    10

    مالك مصطفى

    المنيل

    11

    اكرم الأيرانى

    المنيل

    12

    احمد سعيد

    المنيل

    13

    حسن عبد الله


    14

    احمد بدوى (افرج عنه )


    15

    اسراء رشيد


    16

    شادى العدل


    17

    محمد فؤاد


    18

    محمد عواد


    19

    سارة عبد الرازق


    20

    سارة فخرى


    21

    احمد الهوارى

    عابدين

    22

    عمر احمد

    عابدين

    23

    محمد سطوحى


    24

    عبدالله يحيى


    25

    مجدى حسين


    26

    ضياء الصاوى


    27

    محمد حمد


    28

    احمد عبد الجواد


    29

    محمود عبد اللطيف


    30

    محمد ابو المجد


    31

    غادة محمد جميل


    32

    علا كمال محمد


    33

    شاميلا - امريكى







    المقبوض عليهم من الأسكندرية


    مسلسل

    الأسم

    المكان

    مسلسل

    الأسم

    المكان

    1-

    السيد احمد فودة

    اسكندرية

    5-

    محمد سعد الوسيمى

    اسكندرية

    2-

    قطب حسانين

    اسكندرية

    6-

    حازم الوكيل

    اسكندرية

    3-

    احمد ماجد

    اسكندرية

    7-

    احمد محمد السيد

    اسكندرية

    4-

    احمد العراقى نصار

    اسكندرية






    المقبوض عليهم من المنصورة
    1. اسامة كامل جامعة المنصورة
    2. سامح حسانين بطليم

    اسماء لم ترد في قائمة هشام مبارك
    ( المصدر وائل عباس و نورا يونس

    احمد فؤاد
    مجدي قرقر
    ياسر اسماعيل
    احمد صلاح عبدالحميد
    وليد صلاح
    حاتم شعلان
    ابراهيم السيد
    محمد سلامة
    محمد محمود
    احمد فوزي
    حازم المليجي
    عبدالله عبد الناصر
    هيثم عبد النبي

    المحله

    كمال الفيومي
    رامي المنشاوي
    طارق السنوسي
    سامح العروسي
    وائل مصطفى زهرة (16 سنه )

    البحيرة

    رضا صالح
    علاء فخري
    سعيد عبد المقصود
    عادل العطار
    هشام الجندي
    محمد برانية
    أحمد ميلاد
    جمال منيب
    عمرو الحصاوي
    مسعد الديب
    عماد العطار
    محمد عبد الوهاب
    حلمي الجندي
    طارق السعيد
    حسام حسنين
    يونس بهاء
    عبد العظيم البسطويسي
    أيمن الحوفي
    عصام جويدة