Glimpses from My Instagram Gallery

2008-06-17

محمد السيد سعيد وخطوات على الطريق

خطوات على الطريق هو اسم الكتاب الذي أصدرته الشبكة العربية لحقوق الإنسان مؤخرا والذي شرفت بإعداده وهو تجميع لمناقشات مطولة جرت عبر يومين في ورشة عمل عقدتها الشبكة منذ نحو أربعة أشهر بعنوان "الإنترنت وحقوق الإنسان، آليات للدعم المتبادل" وأيضا ضم الكتاب عرضا لأوراق عمل قدمها عدد من المشاركين

امبارح الدكتور محمد السيد سعيد في مقاله اليومي بجريدة البديل (أول ضوء) كتب كلام هايل جدا عن الكتاب وعن المدونين والصحافة الشعبية... اضغط على الصورة بأسفل لقراءة مقال حقوقك بالإنترنت للدكتور محمد السيد سعيد

==============

ألف تحية للدكتور محمد السيد سعيد على هذا الاهتمام والتشجيع
وألف مبروك للشبكة العربية صدور الكتاب
==============

وللجميع يمكنكم قراءة الكتاب كاملا على موقع الشبكة العربية لمعلومات حقوق الإنسان



فهرس الكتاب


هناك تعليقان (2):

  1. أنا لسة مطلّع على الكتاب من يومين، و كنت ناوي أبعث لك و للشبكة علشان أقول لكم أن الكتاب جيد جدا فعلا؛ وثّق ما قيل في الندوات بدقة، و واضح و صياغته محكمة، دا دليل على أن محرره متمكن فعلا. شكرا لك يا مينا. كنت مرتاح و أنا باقراه.

    أوراق المشاركين كمان جيدة و مترابطة، مش عارف إن كان للمحرر دخل في دا، لكن من معرفتي بالأشخاص أقدر أقول أنهم قادرين على التعبير بوضوح لما يحبوا.



    على جنب كدا: زهقت من أني أقول أن التعبير الواضح مهم في كل شغل المدونات و أن الصحافة علشان هي شعبية مش لازم تكون ركيكة، و أن عموما الوضوح مش مساوي للتعقيد، و الكتاب دليل على كدا.

    ردحذف
  2. ألف
    بجد سعيد جدا برأيك ده... الورشة فعلا كانت حدث ناجح جدا وبشهادة الأستاذ كمال العبيدي كانت من أنجح الفعاليات اللي حضرها في العالم العربي مؤخرا - على حد قوله - وبصراحة من كتر أهميتها كانت لازم تتوثق كويس وأنا حاولت إني أنقل للقارئ جو المناقشات بأكثر دقة ممكنة قدر المستطاع.

    أوراق المشاركين ما تدخلتش في تحريرها إلا في شوية تنسيق بسيط بس الناس فعلا كانوا محضرين شغل كويس أوي وفعلا زي ما انت قلت طلعوا قادرين على التعبير بوضوح وبشكل جيد جدا ودا يمكن اللي خلى حد زي الدكتور محمد السيد سعيد يهتم بالكتاب ويكتب عنه وعن المدونين بالحلاوة دي

    طبعا الشعبوية لا تعني بالضرورة الركاكة ولا الوضوح بالضرورة تعقيد وحنجورية... أنا سعيد من تاني إن الكتاب - في نظرك - دليل على كدة

    تحياتي

    ردحذف