Glimpses from My Instagram Gallery

2008-06-16

مبروك البراءة لرجالة سراندو


وصلني منذ قليل خبر عظيم ببراءة فلاحي سراندو ومحاميهم
ألف مبروك للجميع
مبروك يا محمد يا عبد العزيز

محمد عبد العزيز سلامة محامي فلاحي سراندو في القفص أمس (الصورة من البديل)

المتهمين دول كانوا خدوا براءة قبل كدة بس الحاكم العسكري اللي هو الرئيس مبارك طويل العمر يطول عمره وينصره على مين يعاديه معجبتوش أحكام القضاء ورفض التصديق على أحكام البراءة وقال لهم عيدوا م الأول الحكم مش عاجبني
وكانت جريدة البديل في خبطة صحفية محترمة جابت الورقة اللي عليها إمضة سعادته الكريمة اللي فيها بيرفض التصديق وبيطلب إعادة محاكمة الفلاحين ومحاميهم محمد عبد العزيز سلامة

صورة الورقة بإمضة فخامته أهيه... اضغط عليها لقراءة انفراد البديل

هناك 4 تعليقات:

  1. الف مبروك لفلاحي سراندو ولمحمد عبد العزيز .. بجد بجد بعض الأخبار القليلة ألي بتبسط الواحد في ظل كل ألي بيجرى ده.. أنا كنت قاعده مستنيه أعرف الأخبار لأن الظروف منعتني أروح للأسف شكرًا يا مينا
    --------

    بعيدًا عن الخبر الرائع إنت حضرت إمبارح توقيع كتاب عبد الحليم قنديل في نقابة الصحفيين لأني كنت بشبه عليك بس معرفتش أنت ولا لا

    ردحذف
  2. دعاء
    للأسف ما روحتش حفل التوقيع بس قريت أخبار المهزلة اللي عملها مكرم محمد أحمد والأمن بمنع إقامة حفل التوقيع بالقاعة الرئيسية كما كان مقررا

    صدقيني أنا خلاص قرفت من الدايرة المفرغة اللي بقينا بنلف فيها دي

    بس سيبك إنتي الحكم القضائي النزيه ده لطمة قوية على وش الدكتاتور... ومن أول جلسة... حاجة تفرح

    ردحذف
  3. مش لاقي ورقة اعتراض القرد على الحكم في الرابط لموقع البديل!

    أنا كان نفسي أشوف التوقيع و أعمله تاتتو على الفلقة اليمين علشان البركة!

    ردحذف
  4. يا ألف يا حبيبي
    البديل نشرت بس الصورة الصغننة دي اللي أنا نشرتها مع التدوينة
    لو كبرتها وعالجتها بالفوتو شوب (أو ما يعادله من المصادر المفتوحة - أو البرمجيات الحرة أيهما تفضل) هتقدر تلاقي التاتتو واضح بعون الله بس إوعدني هتنزل صورة الفلقة اليمين على فليكر عشان الجماهير والقاعدة "العريضة" من الشعب عايزين يشاركوا البركة

    ردحذف