Glimpses from My Instagram Gallery

2008-06-12

عكروت يفضح الوزير

اتفرج يا سلام ع الصحافة الشعبية وهي بتاخد مساحة جديدة من السلطة الشعبية وصحافة الفرد المواطن وهي بتفضح وزارة وحكومة ونظام
وكل دا من غير شعارات ولا حنجورية ولا افتعال
عكروت الطبيب الشاب اللي كشف بفيديوهاته على يوتيوب فضيحة مستشفى المطرية بيرد على تصريحات وزير الصحة والراجل اللي معاه بتاع هيئة أم اللالو للمستشفيات التعليمية اللي بيخوفوا بيها العيال
عكروت فضح الوزير وبالصوت والصورة تاني
عكروت فضح الوزير وأثبت إنه متواطئ لسبب غير مفهوم
عكروت أحدث مدون عامل صحافة شعبية بتقلب الدنيا ومش بالضرورة من خلال أعلى نسبة قراءة ومشاهدة لمدونته وفيديوهاته ولا حتى بالضرورة من خلال شهرة فزيعة مريعة
عكروت عملها يا رجالة والغازية لازم تنزل بقى

يا ريتنا كنا في اليابان يا ريت... كان ساعتها الجبلي انتحر!

هناك 3 تعليقات:

  1. ااااااااااااااااااخخخخخخخخخ
    ظبطتك
    بتحلم ان الوزير ينتحر!!!!!!!!!!!
    يا خرابيييييييييييييييييييي
    لازم تخش المعتقل فيها دي

    ردحذف
  2. ههههههههه
    أنا في الحقيقة مش بحلم إن الوزير ينتحر بل إنني من هذا المنبر أطالب رسميا بأن ينتحر الوزير
    ولكن بكل أسف ليس عند وزرائنا بعض من هذا الأحمر الذي يجري في العروق

    (وجه يبتسم من الأذن إلى الأذن)
    تحياتي

    ردحذف
  3. غير معرف8/09/2008 4:25 م

    مش غريب على مدير مستشفى المطرية شغفه على الفلوس بدليل القضية اللى رفعتها زوجته السابقة طالبة التطليق للضرر لانه ساومها على دفع مبالغ مالية باهظة مقابل الطلاق و الا سيتركها معلقة مدى الحياة و القضية اوراقها فى محكمة زنانيرى فى الفترة من عام1995حتى عام2001

    ردحذف