Glimpses from My Instagram Gallery

2008-05-04

هل سيقتحم القساميون الحدود صباح اليوم؟؟

تحديث

دي بيانات الجهاز اللي دخل منه الشخص اللي مسم نفسه إبراهيم درويش اللي سايب التعليق اللي فيه التهديد بالانتقام القسامي

magnify visitorNumber of Entries: 13


Entry Page Time: 3rd May 2008 11:06:55 PM


Visit Length: 2 hours 48 mins 49 secs


Browser : MSIE 6.0


OS: Windows XP

*

Resolution: 1024x768


Returning Visits: 3


Location: Israel


Hostname: a196-100.adsl.paltel.net (213.6.196.100)


Palestine Telecommunications Company (paltel)


Entry Page: egyptwatchman.blogspot.com/2008/01/blog-post_7016.html


Exit Page: egyptwatchman.blogspot.com/search/label/إسراء عبد الفتاح


Referring URL: http://www.google.com.sa/search?sourceid=navclient&aq=t&ie=UTF-8&rlz=1T4SKPB_enPS268PS269&q=%d9%85%d8%b8%d8%a7%d9%87%d8%b1%d8%a7%d8%aa%204%20%d9%85%d8%a7%d9%8a%d9%88

==============

وصلتني رسالة التهديد هذه في صورة تعليق من شخص يدعي أنه أحد أتباع كتائب الشهيد عز الدين القسام وقد حملت رسالته القصيرة ما فهمت منه أنه تهديد باقتحام الحدود صباح اليوم... ورأيي الشخصي أن انتهاز فرصة الإضراب العام بمصر صباح اليوم 4 مايو ليوجه القساميون ضربتهم ليقتحموا الحدود المصرية مع غزة فسيكون الأمر محض قذارة سياسية وسفالة وبلطجة

نص الرسالة...

إبراهيم درويش يقول...

بسم الله، والصلاة والسلام على المصطفى ، وبعد.... أنا أخوكو من قطاع غزة المحاصر ، أتقدم بأحر التهاني القلبية إلة والدتي الغالية أم إسراء عبد الفتاح وأهنيها بخروج الصنديدة البطلة وأدعو الله أن يثبتكم على الحق، وأقول إلى العميل الصهيوني " اللا مبارك" إن موعدك الصبح ، أليس الصبح بقريب ،إي وربي إنه لقريب جدا ، إن موعدك مع الحسم العســـــكري الجديد من كتائبنا المظفرة لنصرة الحرائر ورفع الظلم وفك الحصار ونحن أحفاد القسام ،فالتسأل عنا بني صهيون والمرتدين واعرف من نحن ، سيجيبونك والله ، وهذا وعيدنا فلترى منا ما نقول قريبا : كتائب الشهيد عز الدين القسام:،،،،،،" وسيعلم الذين ظلموا أي منقلب سينقلبون" والسلام



ومدام الشيء بالشيء يذكر يا سادة يا أفاضل... فاعلموا موقفي بوضوح من اقتحام الحدود...

هناك فرق كبير بين "أهالي" غزة الذين يموتون جوعا بينما تحكم عليهم إسرائيل الحصار وتقطع الكهرباء والماء والغاز فيصلون إلى حالة إنسانية مزرية تستوجب تعاطف كل العالم - إن كان العالم لسة عنده دم! - في الوقت الذي تحاصرهم قوات شرطة نظام مبارك من الجهة المصرية... فرق كبير بين غضبة جماهير الجياع التي تحطم السور وتقتحم الحدود للحصول على غذاء - ليس بدون ثمن بالطبع - وبين مليشيات القسام المسلحة عندما تحاول أو تفكر في اقتحام الحدود المصرية... الأول هو عمل عفوي لجماهير متضورة جوعا تخيرهم ما بين الموت جوعا وحصارا أو محاولة الفرار عبر الحدود للحصول على غذاء ومن ثم الرجوع! بينما الثاني هو اعتداء لجماعات مسلحة ذات إيديلوجية سياسية وعسكرية وأطماع وأجندة تقتحم الحدود ليس من أجل الطعام ولكن من أجل استعراض القوة... وهو ما لا يمكن لشخص وطني أن يقبله.

أنا لا أدافع عن حصار مبارك وقواته الأمنية لغزة... ولكن اقتحام مسلحي القسام لحدود وطني - تحت أي مبرر - لن يجد أي قبول منا ولا ترحيب ولا تصفيق... فرق كبير بين الغزاوية اللي بيموتوا والبلطجية بتوع القسام

ومن هنا أحذر جماعة حماس (وأتمنى الإخوان يسمعوا كويس) من ارتكاب هذه الحماقة والعبث بحدود مصر وخصوصا يوم إعلاننا الإضراب العام لأجل مطالبنا الوطنية الخالصة... أو ربما الموضوع شغل أمن عشان يفشخوا الإخوان بدعوى التنظيم مع حماس لفشخ الحدود تزامنا مع الإضراب؟ كله هيبان

هناك 14 تعليقًا:

  1. ايه البيان الغريب ده؟؟
    ومين الشخص ده وايه حيثيته؟؟

    لو الكلام ده صحيح يبقى محض غباء وسوء تقدير من جانب من سينفذ
    وسيخسر الكثير من تعاطف الشعب معهم

    مش عارفة ليه حاسة ان دي حركة من غير شعر
    حركة قرعة يعني لتشتيت الانتباه وعمل فرقعات

    مش عارفة صراحة

    ربنا يستر

    ردحذف
  2. بص يا مينا
    انا قراءتي للكلام ده ان الامن المصري هو اللي عامله
    ليه بقى؟
    لانهم عايزين بقى يقولوا اننا متآمرين على سيادة مصر وان الموضوع مش سلمي ولا حاجة
    وبما ان الاخوان المسلمين ح يشاركوا في الاضراب يبقى هم عايزين بقى يقولوا ان الاخوان اتفقوا مع بتوع القسام عشان هم يعملوا اضراب في الداخل والقساميين يقتحموا الحدود من الخارج
    عايزين يعملوا قضية وسخة يعني وبيوضبوها من دلوقت
    اللي انا شايفاه اننا لازم نتنبه للموضوع ده وما ننجرش وراه

    ردحذف
  3. الحقيقة كان نفسي اقول ان الامن بتاعنا اللى مدبرها وبعدين قلت يابنتي بلاش نظرية المؤامرة دي

    بس اهو طلع فيه غيري خطرت على باله نفس الفكرة

    صراحة حاسة انهم بيوضبوا توضيبات لناس كتير واولهم الاخوان

    فعلا لازم ناخد بالنا كويس وربنا يستر

    متفقة معاكي يانوارة

    ردحذف
  4. أتفق تمامًا مع بيلا ونوارة ، الموضوع شكلة تشتيت أنتباه ومحاولات للإيقاع ، خاصة إن النغمة السائدة في كل مكان الأن ان الاخوان هم من دعوا للأضراب والباقي تبعهم وليس العكس ، يعني ببساطة مشاركة الاخوان في الأضراب ده ، جعلتهم يعتقدوا إن عندهم فرصة انهم يرموا الأضراب عليهم ويقولوا ان الهدف منه التخريب و اجندة خاصة للاخوان والكلام المحفوظ أياه وموضوع كتائب القسام ده في رأيي احد ألعابهم دي.

    ردحذف
  5. ربما الموضوع شغل أمن عشان يفشخوا الإخوان بدعوى التنظيم مع حماس لفشخ الحدود تزامنا مع الإضراب؟ كله هيبان

    دي بوضوح كلماتي... يعني أنا برضو حاطط نسبة كبيرة من التوقع إن الموضوع مغرز أمني حاطينه أشاوس الأمن المصري عشان يفشخوا الإخوان عقابا ليهم على المشاركة في الإضراب... في كل الأحوال هيبان

    أنا قلت بس في كل الأحوال أنشر الموضوع عشان يبقى أي لعب واضح ومكشوف... ولكي ما نجهض الفتنة في مهدها

    ردحذف
  6. انت عبيط يلا يا مينا
    أنا قبل ما أقرا أى تعليق قولت لنفسى اللى قالته نواره و بيلا و دعاء
    أنا مش عارف مخك راح فين ياض يا مينا ولا عشان انت ما بتحبش حماس تقوم تهلفط فى الكلام

    ردحذف
  7. بمراجعة العدادات والآيبيهات عندي لقيت بالفعل إن فيه شخص دخل من إسرائيل في التوقيت ده وزار الصفحة اللي فيها التعليق... يعني التعليق فعلا من الأراضي المحتلة مش من مصر!!!

    يعني نظرية المؤامرة على الأرجح مش دقيقة أوي

    أعتقد إن التحذير مفيد في كل الأحوال

    ردحذف
  8. التعليق جاي فعلا من شخص في الأراضي المحتلة وهاحط تفاصيل جهازه كمان على التدوينة عشان تصدقوني

    ردحذف
  9. انا فهمى على قدى بس انا شايفة من بيانات الجهاز ان الكلام جاى من الاراضى المحتلة
    وانا مع مينا فى رأيه

    ردحذف
  10. بص يا ابن الناس
    القسام لو جيه فألف مرحب بيه وننتظره
    انا كنت ناوي كمان كام ساعه اطلع ع المحله بس شكلها علي العريش
    اما حدودنا الوهميه وبعد تصدير الغاز فاصبحت بلادهم بلادنا وبلادنا بلادهم ولا حدود بينهم
    فمرحبا بأبناء القسام
    وعلي فكره الأي بي بتاعي مصري

    ردحذف
  11. لست من المشاركين بكثرة في فعاليات الإنترنت ، لكن لفت نظري مثل هذا الكلام، حيث قراته في مدونة نوارة، وأحب أن أوضح ما يلي: حركة حماس حركة كبيرة ، ومش أي حد عبيط يكتب بيان يبقى خلاص منسوب لحماس أو القسام، وهناك وعد قاطع بأن الحركة لن تمس الحدود المصرية اللهم إلا لو حدث انفجار في وجه الجميع، أي انفجار شعبي لا يبقي ولا يذر وقد تتغير على أثره الجغرافيا والتاريخ، يعني ممكن الفلسطينيين ينفجروا ناحية المستعمرات الصهيونية ويضحوا بكام ألف ، ويستوطنوا بلادهم الأصلية-جزء منها- فتيجي إسرائيل تلزق لمصر على كل الحدود - بعد احتلال غزة، ومع السلامة حماس ومع السلامة الفلسطينيين، وبكده يبقى وفرنا كام كيلو متر من خط أنابيب الغاز.

    عايز ألفت نظر الزملاء لحاجة بسيطة، متنسوش إن مصر متواجدة بقوة في فلسطين، يعني أكيد لنا رجالة زي رأفت الهجان كده، أقصد أن النظام المصري لن يعجز في أن يجند ما شاء من الفلسطينيين، وده أمر عادي ، لأن الدول بتدور على مصالحها.
    هذا للفت الانتباه، لكن حماس لما هتعمل حاجة معتقدش إنها هتبعت للأخ مينا بالذات ، أو حتى لكل المدونين في مصر، عندها قناة فضائية، وعندها مواقع إنترنت منهم موقع بحوالي 8 لغات - على ما أعتقد.
    وتحياتي للجميع.

    ردحذف
  12. ايه الاصطباحه الزفت دي
    لسه من يومين تلاته المخابرات واصله لتهدئه بين الفصايل وماكانتش هاتتم الا لو حماس مباركاها وده باين من كلامهم اللي تلي اعلان التعدئه يبقي مش هايلعبو لعبه زي دي

    وبعدين لو صح زي نواره ما بتقول انها لعبة امنيه من الجماعه الاغبية يبقي فيه تضارب كبير في العمل وشغل عبط يليق بيهم فعلا ويدخل الشامي علي المغربي ولو كان ده حقيقي فعلا اتوقع ان العادلي يطير فيها عشان ذاس علي صباع رجل سلومه الكبير وما أدراك يا عدوله من هو سلومه الكبير

    لكن الارجح عندي ان الكلام من بابه لفته انسانية عنتريه من عيل فاضي قال لما اروح ابق بقين عند مينا زكري فارتدي مسوح المناضلين وهاتك يا اتفشاخ ومن دول كتير

    وفي كل الاحوال خلو بالكو وخبو عيالكو طالما بقي في السلك العريان

    الله ... الوطن ... الملوخية

    ردحذف
  13. ارحمونا بقي

    يعمي كلها لعبة وهمبكة

    وسيبك انت

    ردحذف
  14. تحياتي
    اظن مسائل زي دي محتاجة اكتر من توضيح واحد.
    أولا: شبكة الانترنت و الهواتف في غزة تابعة للشبكة (الاسرائيلية) حظنا الهباب نعمل إيه. يعني ممكن يكون أي واحد من غزة كتب الكلام ده, بس مستحيل يكون من القسام لاأن قيادةة حماس عندكم تسعى للهدنة, وبعدين غزة فييها عدة مئات بيعملوا لمخابرات عربية و من ضمنها المخابرات المصرية اللي ليها مصلحة في إن المدونببن يهاجموا القسام,
    ثانياً: مافيش أي فلسطيني ليه مصلحة في الإساءة للشعب المصري و (الاستقرار) اللي بعيشة الشعب المصري, ولا حتى حاسدينة على الوضع اللى هو فية, احنا أصلا بندعم كفاحكم من أجل مصالحكم و بنتابع بألم إضراباتكم لأنكم الذخر الوطني و الأقتصادي لينا في غزة و فلسطين كلها.
    ثالثاً: تهديدات الحكومة لينا بتكسير الارجل دليل مأزق الحكومة المصرية لانها حتبقى وصمة عار على من قالها و بنعرف كويس انها مالهاش دعوة بالشعب المصري الشقيق.
    رابعاً: الاجندة الحمساوية مهما كانت أحسن من الاجندات الأخرى بالرغم من الجوع و الحصار وكمان أوضح من غيرها بكتير أوي. يمكن نختلف معاها لكن لازم نحترمها و هما بيسقطوا شهداء من أجلها
    رابعاً: التزود بأشياء أخرى غير الطعام من العريش. أيش معنى تزويد العدو بالغاز اللي تقريباً ببلاش مش جريمة, وتزويد العدو بأحدث أنواع الاسلحة مش جريمة لكن تزويد حزب الله بالاسلحم من أيران جريمة و تويد حماس برضة جريمة.. بصراحة ضعفنا هو اللي خلى غيرنا يقرر الصح من الغلط في بلادنا و على حدودنا.
    خامساً: حدود رفح حدود دولية, و كان في إتفاء حدود لمدة سنة واحدة بس و انتهت و الاتفاق كان بين الصهاينة و ابومازن مصر ماكانتش جزء من هذا الاتفاق يعني مش ملزمة بيه و بعدين انتهى . المفروض يتم التعامل مع معبر رفح على إنه حدود مصرية- فلسطينية, و الحكومة في غزة كلنا بنعرف ان الشعب إختارها ( حتى لو اختلفنا معاها لازم نحترم شعبها اللي اختارها)

    اتمنى التوفيق لكم في إضرابكم وبيل مطالبكم

    تحياتي

    ردحذف