Glimpses from My Instagram Gallery

2008-05-03

الإضرابات مش حلاوة يعني

يا جماعة... مش وقته خالص الدعوة لإضرابات جديدة الآن
بدأت أصل بعض دعوات منذ الآن وقبل حتى ما يتم إضراب الرابع من مايو غدا والبعض بيتكلم عن 5 يونية
والبعض عن واحد يونية ثم 23 يولية.... رجاء بعض التعقل!!
خلوا سلاح الإضراب ما يفقدش قوته
ببساطة شديدة إضراب 6 أبريل نجح بشكل مذهل وفاق كل توقعاتنا لأن الناس خلاص جابت جاز ومش قادرة ع العيشة واللي عايشنها
وإضراب 4 مايو نجح بالفعل قبل أن يبدأ وشفنا الرئيس بنفسه من فرط الفزع قرر أن يعطي ويمنح الموظفين أكبر علاوة في تاريخ مصر
وبكرة بإذن الله عندنا إضراب ناجح يتم التعبير فيه عن الاحتجاج السلمي بالتزام البيوت أو لبس السواد في الشارع ومقاطعة البضائع والسلع تماما

بس مش وقته خالص دلوقتي ندعي لمزيد من الإضرابات أو إنه يبقى عندنا إضراب كل شهر
المواضيع ما بتمشيش كدة
يعني دا هيبقى استنزاف لطاقتنا ومجهودنا وتركيزنا وهنفقد الزخم اللي بدأنا بيه

من فضلكم محدش يدعي لإضرابات جديدة قبل ما نخلص إضراب الراع من مايو وتداعياته

مش عايزين الموضوع يبقى مبتذل وغير مؤثر

هناك 8 تعليقات:

  1. إيه ده ؟!
    هو بجد فى دعوة لـ 5 يونيو .. هههههه
    أصل كتبتها فى موضوع مرة كده بالصدفه .. :)
    أهو لو فعلاً حصل يوم 5 يونيو إضراب هيبقى إضراب بالصدفه
    بس هو عموماً ممكن يكون يوم إعتراض و ليس إضراب
    يعني ننظم وقفات إحتجاجيه بالمطالب المعروفه لحد ما نلمس تحسن حقيقي فى الأوضاع

    ردحذف
  2. انت معاك حق في ان الكلام ده سابق لاوانه لاننا مش عارفين ايه اللي ح يحصل بكرة ربنا يستر ان شاء الله
    بس هي الناس سخنة والحماس ركبها فانفعلوا شوية
    دي حاجة
    الحاجة التانية انهم خايفين يحتاجوا اضراب كمان وما يلحقوش يحضروا له فبيسبقوا عشان الناس تستعد نفسيا
    بس فعلا الكلام ده سابق لاوانه
    بالنوسبة لاستنزاف طاقتنا
    ههههههههههههه
    طاقتنا ايه يا عم احنا بنقعد في البيت يعني
    انا شخصيا شايفة اننا نستنى نشوف ح نعمل ايه عشان لو الدولة صعدت زي المرة اللي فاتت لازم يبقى فيه خطوة فعالة اكتر
    مش عارفة ايه
    بس بما اننا ماشيين بالبركة وهي دي اللي بتجيب نتيجة
    فكله ح يبان بكرة ان شاء الله
    كويس ان الاضراب المرة دي سلمي خالص لا فيه وقفات سلمية ولا اعتصامات سلمية
    عشان نقطع عذر الحكومة ونشوف ح يعملوا ايه
    وعلى اساس رد فعلهم ح نقرر احنا ح نعمل ايه

    ردحذف
  3. غير معرف5/03/2008 5:50 م

    الناس اللي بتقول إضراب تاني ياناس فكروا الأول قبل إقتراحاتكم دي ياناس إعتصام بكرة حيكون مستمر إلى أجل غير مسمى حتى يتم تنفيذ وثيقة المستقبل والأمل ياناس حرام عليكم تشتيت الأفكار والجهد بالطريقة دي ياناس خللينا نوحد جهودنا وبلاش تشتيت المطالب دي فرجاءاً خللينا نتوحد ونطالب دلوقت بتطيق وثيقة المستقبل والأمل

    ردحذف
  4. كلامك منطقي إلى حد كبير في إنتظار نتائج غدًا ،ولكن لا أعتقد ان بداية التحضير لأضراب أخر هو تشتيت لجهودنا فنحن نبقى في المنزل وجهود الدعوة للأضراب والاعلان عنه لن تتشتت لانها لن تبدأ إلا بعد إنتهاء الأضراب الحالي..ولكن إضراب كل شهر فأنا مختلفة معك في هذه النقطة .. أنا مع فكرة إضراب كل شهر ومرتين في الشهر لو أستطاع الناس ذلك، أولاً فكرة الأضراب عاملة للحكومة قلق زائد بشكل واضح تمامًا ، هم خائفين بالفعل مما يحدث ومن أن يفقدوا في لحظة ما السيطرة ،ولذلك فهم من تتشتت جهودهم مع كل إضراب ،هم من يضطروا لحشد امنهم وتشغيل مخبريهم بأقصى طاقتهم وجعل صحفين أمن الدولة في حالة إستنفار ، ببساطة هم من يعانوا من الأضرابات وهذا جيد، ثانيًا أعتقد أننا جميعًا نتعلم من كل إضراب للذي يلية يعني 6 إبريل حدث تضارب بسبب الدعوة لتظاهر والوقفات السلمية وبسبب عدم وجود طلبات محدده ، المرة دي الأمر مختلف والمرة القادمة اتمنى ان يكون التنظيم أكبر وأكبر .. للأسف ليس في يد أي شخص الآن ان يتحرك تحرك كبير واسع النطاق لعصيان مدني مثلاً لذا فما المانع في إضراب كل شهر؟؟ لتبقى الداخلية على أهبة الأستعداد كل شهر وتوقف كل شيء لهذه الأضرابات ،او يبدائوا (يحسوا على دمهم بقى) ويكتشفوا ان للمواطن المصري طلبات محترمة -والمواطن أصلاً غلبان عايز الخبز والكرامة مش أكثر- ويحققوا طلبات الناس.

    ردحذف
  5. غير معرف5/03/2008 10:20 م

    و مين قالك ان الحلاوة سهلة يا حلاوة
    دي بنت كلب

    حلو بيت الشعر اللي حاطه عندك

    انا الذي لم اذق لحم الضأن
    دعيت للحرب و لم ادعى للمجالسة
    امل دنقل في احلى روائعة

    ردحذف
  6. غير معرف5/03/2008 11:39 م

    فعلاً أمنت أنه لاعلاج للغباء إيه المطلوب علشان الناس دي تفهم أن الإعتصام المدني يوم ٤ مايو مستمر حتى يتم تطبيق وثيقة المستقبل والأمل يبقى لما حد ييجي يقول إضراب تاني يبقى ده معناه إيه غير أن الناس دي فعلا مش عارفة هما عايشين ليه

    ردحذف
  7. غير معرف5/04/2008 12:03 ص

    حتى لا تنخدعوا بتصريحات محمود محى الدين (الوزير و رجل النظام صاحب التفوه العلمى و عضو الحملة الإنتخابية لمبارك) و التى أطلقها اليوم يجمل بها وجه النظام و يذيع إنجازاته و يقول:ممصر تحتل المركز الأول على مستوى العالم فى تيسير إجراءات الإستثمار

    ربما هو محق فى إحتلال مصر لهذه المكانه فى جذب الإستثمارات و لكن طريقته فى جذب الإستثمارات هل نقبلها ؟ .. الإجابه لا

    أولا: الشركات الأجنبيه تدخل مصر على إنها شركة مساهمه مصريه و ليس فرع لشركة أجنبيه لكى تتمتع بمزايا الشركات المصريه و لكن من دون ان تستوفى الشروط , فقانون الشركات المساهمه ينص على إن عدد المشساهمين لا يقل عن ثلاثه و لكن الشركات العامله فى المناطق الحره عدد المساهمين فيها واحد يوقع بإسمه ثلاث مرات ... تصوروا إلى هذه الدرجه وصل التفريط فى حقوق الشعب .. لو حبيت تقاضى أى شركة فيهم فستكون ذات مسئوليه محدوده

    ثانيا: جذب الصناعات الملوثه للبيئه

    ثالثا: العمل إتناشر ساعة للعامل و بدون أى مراعاة لحقوق العمال .. فكذلك الحال فى أغلب القطاع الخاص فى مصر

    رابعا: ما خفى كان أعظم

    ردحذف
  8. غير معرف5/05/2008 2:28 ص

    انا من رايي برضو انكم تهدوا اللعب شويه!

    :) احنا مش بنلعب طبعا, لكن مستنيين ثمر كويس للي بنعمله.

    ردحذف