Glimpses from My Instagram Gallery

2008-04-21

عالم الإنترنت الأسود... الأهرام وخرائياته

جريدة الأهرام الخرَّاء (أصدي الغرَّاء)
عاملة موضوع أمني جبار جبار طحن موت يعني
تحت عنوان عالم الإنترنت الأسود
هههههههههههههههههه

طيب اقروا المقال الأول وبعدين نرجع لتفاصيله
(طبعا روابط الأهرام ما بتقعدش لتاني يوم فهجيب لكم الخبر نفسه)

الصفحة الأولى

44331‏السنة 132-العدد2008ابريل21‏15 من ربيع الآخر 1429 هـالأثنين



عالم الإنترنت الأسود في مصر‏:‏
عري وبذاءات وتحريض علي العنف


صور فاضحة‏,‏ وألفاظ نابية‏,‏ وسب وقذف بلا حسيب ولا رقيب‏,‏ وأخبار كاذبة‏,‏ ودعوات تحريض علي الفتنة‏,‏ ومحاولات للوقيعة بين أبناء الشعب الواحد‏.‏ هذه هي الصورة السوداء لعالم الإنترنت في مصر حاليا للأسف الشديد‏,‏ والتي رسم سوادها قلة من الشباب‏,‏ وإن كان هذا السواد يغطي حاليا علي أغلبية استخدامات هذه الوسيلة الإعلامية التي يفترض أنها أكثر رقيا ونظافة من هذا المستوي إلي الدرجة التي بات الأمر معها يستدعي وقفة من مستخدمي الإنترنت ضد هذه الإساءات والانتهاكات الصارخة قبل المطالبة بتدخل الجهات الأمنية لإعادة الانضباط إلي هذه المنطقة الخطرة علي المجتمع وأمنه واستقراره وأخلاقياته‏!‏

وعلي الرغم من أن مصر تفخر بأنها تملك أكبر عدد من مستخدمي النت في المنطقة العربية‏,‏ فإنها عانت في الفترة الأخيرة إساءة استخدام البعض لهذه الوسيلة‏,‏ حيث باتت مواقع الإنترنت العالمية الشهيرة مثل يوتيوب و فيس بوك ساحة مناسبة يستغلها ضعاف النفوس لبث الصور واللقطات الفاضحة‏,‏ ولتبادل عبارات السب والقذف والتعليقات المبتذلة التي تسيء إلي مصر بالدرجة الأولي‏,‏ بل وتسيء إلي هذه الوسيلة التكنولوجية الراقية التي يجيد الغرب المتحضر استخدامها بما ينفع مجتمعه‏,‏ وانتشرت حملات وهمية تكالب علي إطلاقها علي النت بعض الشباب المصريين المندفعين بحثا عن الشهرة والإثارة‏,‏ وربما من المستترين خلف أسماء مستعارة أو وهمية‏,‏ بعضها يتضمن دعاوي تحريضية علي العنف أو علي نشر الأكاذيب‏.‏

فهذه دعوات مجهولة المصدر لإضراب يعطل مصالح المجتمع‏,‏ ولا نظير لها في أي بلد آخر علي وجه الأرض من بين ما تضمنته مثلا دعوة الصيادلة إلي عدم فتح صيدلياتهم‏,‏ وهناك دعوة أخري إلي كتابة عبارات الاحتجاج ضد الحكومة علي أوراق النقد‏!‏

وهذه اتهامات وبذاءات موجهة إلي مسئولين وشخصيات تتخطي حدود المعارضة المقبولة‏,‏ وتقع كلماتها تحت طائلة القانون‏,‏ أي قانون في العالم‏.‏

وهناك مثلا لقطات مصورة منتشرة علي موقع يو تيوب الشهير تزعم اضطهاد المسلمين للمسيحيين في مصر‏,‏ ولقطات أخري تصور انتهاكات مزعومة من الأقباط لإخوانهم المسلمين‏,‏ والغرض منها معروف بالطبع‏,‏ ووصل الأمر إلي درجة أن أحدهم تجرأ وبث علي البريد الإلكتروني فيلم فتنة المسيء للإسلام الذي تبرأت منه هولندا رسميا‏!


(لأ مسخرة بجد يعني مش أي كلام!!! قال لك النت كله صور فاضحة وألفاظ نبية... ما هو طبعا لأنه خبراء الأمن في الأهرام ما يعرفوش في محركات البحث غير يدوروا على كلمات من نوعية (سكس، جنس ساخن، أوف أوف أح... إلخ)... وطبعا اللي يدور على أي حاجة ع النت يلاقي... أومال هو شبكة عنكبوتية ليه!!

المسخرة كمان في موضوع التحريض على الفتنة... يعني طب ما الفتنة موجودة من قبل الإنترنت... النت يا بقر وسيلة زي أي وسيلة تانية...

وبعدين يرجع كاتب المقال يطنطن عن "قلة" وحشة من الشباب هي اللي خلت السواد والهباب يغطي على أغلبية استخدامات الإنترنت... إيه الهطل دا يا شوية بقر... منين "قلة" ومنين يبوظوا الإنترنت كله ويخلوه كله سواد وهباب وقلة أدب ومسخرة وتحريض؟ يعني خليكوا معقولين ومنطقيين وقولوا إن "قلة" خلت فيه شوية حاجات "قليلة" على النت سودا ومهببة ووحشة... أو إنه - مثلا - أغلبية الشباب بقوا قللات الأدب ومحرضين وبيسيئوا لسمعة البلد وإن "أغلبية" الشباب خلو "أغلبية" المنشور على النت اسود ومهبب... على أساس إنه لو كاتب المقال مجنون فالقارئ عاقل يعني... فتبقى الأشياء منطقية شوية!

ثم يقول البيه المخبر أبو جرنان أهرام مخروم مهددا إن لازم يكون فيه وقفة من المستخدمين نفسهم... بدل ما نطالب الجهات الأمنية بفشخهم وكدة يعني... وكل واحد بقى عارف نفسه ويتلم شوية عشان إحنا صاحيين أوي لا مؤاخذة.... يأتي طبعا هذا المقال الأمني العبقري تاني يوم التقرير الأمني بتاع موباحث الإنترنت لوزير الداخلية حبوب العادلي إنه عشان يمنع إضراب 4 مايو محتاج على الأقل يقبض على خمسين ألف واحد.... وبالتالي قرر "يبسِّك الصحفيين المخبرين على مستخدمي الإنترنت ويخوفوهم وإنه لو ما اتلمتوش يا اولاد المرة، هنفشخ اللي جابوكوا، والسيبرسبيس كله محاصر وشايفنكوا ومفيش فايدة م الإنكار!! ههههههههههههههه طب إيه رأيك بقى يا عربجي منك ليه إننا مش هنتلم!! وابقوا اقبضوا على خمسين ألف يا فالحين!!)


وفي إشارة للدعوة للإضراب والتحريض عليه... يرص مخبر الأهرام أبو جرنان أهرام مخروم قائمة التهم اللي هيتواجه بيها الشباب في إضراب مايو ويفهمهم إننا عارفين كل حاجة حتى موضوع كتابة لا لمبارك على كل أوراق العملة فمن بين التهم هيكون التحريض على أعمال العنف وعلى نشر أخبار كاذبة وعلى نشر اتهامات وبذاءات ضد مسئولين وشخصيات تتجاوز حدود المعارضة المقبولة (قصده يعني معارضة اللوا رفعت باشا السعيد وبقية الأحزاب الميتة)

المسخرة أوي برضو لما حب يكيف التهم (لازم طبعا التهم تتكيف وتعمل دماغ) فذاكرته القانونية خانته وغالبا مالقاش اسطمبة جاهزة فقال لك إن البلاوي اللي العيال بيعملوها على النت دي تعد مخالفة للقانون... أي قانون في أيتها حتة في العالم يعني آه مش أي كلام!!!

وبعدين بقى بيحاول يلعب على وتر الدين وإزاي إن النت فيه مسلمين بيشتموا مسيحيين ومسيحيين بيشتموا مسلمين
لأ والأكادة إن فيه واحد سافل (وسخن سخن يا عم الحاج) نشر فيلم الفتنة المسيء لللإسلام... شفتوا يا مسلمين؟؟؟ النت طلع كافر وبيسيء للإسلام يعني لما نفشخ العيال بتوع النت ما تزعلوش بقى ... أصلهم كفرة (زي ما عملوا مع كريم عامر قبل كدة)
الناس دي هبلة وبتهطل على روحها؟؟؟

بقي أن أقول للبيه المخبر إن معلوماتك الأمنية ناقصة... إزاي يا حيوان ما عرفتش بالأغنية العبقرية بتاعة مبارك مات اللي نشروها قلة من الشباب الحقير باعتبارها أغنية أربعة مايو... خد يا عم تاني الأغنية أهي... اسمع واستوكيِّف...




هناك 19 تعليقًا:

  1. ما تشوفلنا اسم الصحفي و حياة أمك عشان لما الهم اللي اسمه مبارك ده يغور هيبقى فيه وقت للحساب و الناس الحيوانة دي كلها لازم على الأقل تحاكم شعبيا و يتجرسلهم و كل ما حد يشوفهم في الشارع يتف عليهم

    ردحذف
  2. الكلب مش كاتب اسمه
    تفتكر ممكن يكون رئيس التحرير نفسه؟؟؟
    امبارح مجلة روزاليوسف كمان عاملة ملف أربعين صفحة عن الفيسبوك
    واولاد الهبلة برضو ملفهم مليان هبل وبلاغات وخرا لا يقل بل يزيد يزيد يزيد عما في الأهرام من خراء

    ابقى حاول تشوفها مع أي حد بس إوعى تشتريها الله يكرمك

    ردحذف
  3. طب احنا ليه مش بنعمل زي الغرب المتقدم ونستخدم الانترنت
    طب انا ح استخدم الانترنت زي الغرب المتقدم دلوقت حالا اهو

    who s that fucking bastard who wrote this shitty article
    مبسوط مني يا عم المخبر قصدي المحرر؟

    ردحذف
  4. اذا مش كاتب اسمه يا مينا يبقى محرر الصفحة نفسها شوف اسم محرر الصفحة

    ثم يعني ح لو عرفت ح يحصل له ايه؟ انت صدقت علاء؟
    :))

    ردحذف
  5. نوارة

    طبعا هيبقى فيه وقت حساب
    وفي حالة إن ثورتنا هتكون برتقالية هنكتفي بتجريسه وممكن نخليه يجري في الشارع بلبوص... أما بقى لو ثورتنا بقت حمراء يبقى سنة أمه سودا طبعا واحتمال الجماهير الثائرة تحط السيخ المحمي في مناطق من جسده لا تسمح الرقابة بذكرها على أساس إن مدونتي طبعا مدونة نظيفة لكافة أفراد الأسرة ويشاهدها المراهقون والأطفال
    هع هع هع هع

    ردحذف
  6. دا بالإضافة طبعا إلى أن سلوكي التدويني مهذب إذ أقتدي بالغرب المتقدم في استخدام الشبكة الدولية
    عشان كدة مش بعمل قلة أدب ولا شقاوات في المدونة
    ههههههههههههههههههه

    ردحذف
  7. واسمه ايه بقى الغندور كاتب الهباب ده؟؟

    شكله مايطلعش عن اسامة سرايا

    ردحذف
  8. سرايا ايه الي جاي تقول عليه
    الموضوع ده باين قوي مين الي اتبه
    واقطع ذراعي من لاغليغه ان ماكنش الي كاتبه هو زفت موسي الصحفي الامني في الجرنان
    ولعلمكم الواد ده مكشوف عنه الحجاب يعني لما يقول قيادات الاخوان ارهابين هووب يتحولوا عسكرية
    ولما يقول عرض طلاب الازهر عسكري
    هوووب يبقي قضية
    هو يكتب من هنا وتاني يوم تتحق بنوئته

    ردحذف
  9. المفروض نعمل اسبوع كله سب دين وقذف وشتائم ونسميه اسبوع الالفاظ البذيئه فى صحه الاهرام
    وكل الكلام يبقى شتايم..
    يعنى لو حد قالك صباح الخير تسب له الدين
    وللى يقولك مساء الخير تلعن سلسفيل ابوه
    وبعمل بانز كبير ونبعته لجريده الاهرام الشقيقه

    ردحذف
  10. الغريب أن ملف الشقيقة روزا فيه مقالة برغم سطحيتها و انتقائيتها برضو إلا أنها على الأقل بتقول أن الشباب مش تافه و أنهم بعد ما فكروا في الكتابة على أوراق النقد رجعوا و فكروا في الآثار السلبية. يعني بيفكروا. بغض النظر عن أن عملتنا المهرهرة لا تصلح للكتابة عليها أساسا.


    "النت طلع كافر وبيسيء للإسلام يعني لما نفشخ العيال بتوع النت ما تزعلوش بقى ... أصلهم كفرة (زي ما عملوا مع كريم عامر قبل كدة)
    الناس دي هبلة وبتهطل على روحها؟؟؟


    سيبك أنت، برضو الوسيط و المستهدفين منه يحكموا و يسمحوا بهبل كثير. لأن كاتب المقالة عارف أنه لما يكتب أي كلام زي "وصل الأمر إلي درجة أن أحدهم تجرأ وبث علي البريد الإلكتروني فيلم فتنة المسيء للإسلام الذي تبرأت منه هولندا رسميا" أن أغلب القراء ما شافوش الفلم و لا هيشوفوه لكنهم ممكن يتعصبوا سماعي، و كمان ضامن أن ما حدش هيعرف يرد عليه فورا زي ما بنعمل و نصحح لبعض هنا على الإنترنت، أو على الأقل نتحدى أراء بعض.

    كل دا تحريض علشان يطلع ناس يطالبوا بالرقابة و تيجي الحكومة تصور دا على أنه مطلب شعبي.

    و طبعا المعارضة ال هي لا "تتخطي حدود المعارضة المقبول" هي كتابة رسائل إلى باب "بريد الأهرام نلتمس و نناشد.

    ردحذف
  11. Bella

    أميل إلى الرأي بأنه الصحفي المخبر العظيم أحمد موسى

    ردحذف
  12. أحمد عبد الفتاح

    أحمد بك موسى صاحب مدرسة أمنية مميزة جدا في الصحافة المصرية... فهو مش بس مكشوف عنه الحجاب لكن كمان شايل برقع الحيا... يعني الراجل مش بيخبي إنه مخبر... لكن بيقول آه أنا مخبر، حد ليه شوق ف حاجة؟؟

    أحمد موسى أحدث إنجازا غير مسبوق في الصحافة المخبرية (بضم الميم) إذ أن المخبر لم يعد يمسك بجرنان فيه خرم... لكن بيمسك خرم فيه جرنان!

    ردحذف
  13. رأفتولوجيا

    واضح إنك بالرغم من وجودك في أمريكا إلا أنك لسة ما اتعلمتش إزاي الغرب المتحضر بيستخدم وسائل الإعلام كويس

    أنا معاك في حملة "السب والقذف"... مع تأييدي التام للسب وتحفظي المشروط على "القذف" على أساس أن الأخير يحتاج إلى صحة جيدة... واحنا جيل اتهد حيل اللي جابوه

    ردحذف
  14. ألِف

    مقالة روزا فيها صحافة أمنية متطورة... يعني شغل يرقى إلى مستوى الأمن القومي بينما شغل الأهرام ينحط إلى ما دون شغل أمن الدولة ربما إلى شغل الأمن المركزي... وإن كان صديقتنا نوارة ترى إن عبد الله كمال ما يجيبش أكتر من أمن مركزي

    الفكرة إن ملف روزا على سطحيته وانتقائيته كان فيه تحليل ورصد... ما اكتفاش بالهبل الخرائي بتاع الأهرام... وعلى فكرة... تدويناتنا التحليلية دي هما بياخدوها أكيد يعايروا بعض بيها... يعني تلاقي عبد الله كمال بياخد كلامنا هنا ويقول لزميله سرايا شفت العيال المدونين تقييمهم ليك إنك عبيط بينما تقييمهم لي إني بالرغم مني إني منحط بس ع الأقل بفكر... وكدة يعني

    واخد بالك أصلا من فكرة بث "فيلم على البريد الإلكتروني"؟؟؟ هههههههههههه جامدة موت أوي دي... فيلم إيه اللي بيتبث عبر البريد الإلكتروني اولاد الهطلة دول؟؟؟ بس هو هدفه تسخيني بحت وتحريض أمني سافر (سافر وراجع تاني)... ومش متوقع إن حد يفكر أساسا في الهطل المكتوب... المهم يسخن وخلاص... وأصلا الدنيا حر لوحدها

    وثيقة إعلان الاستقلال السيبري تلخص وتوجز كل شيء في كلمات قليلة... ومطرح ما يحطوا راسهم يحطوا رجليهم بقى

    ردحذف
  15. "يعني تلاقي عبد الله كمال بياخد كلامنا هنا ويقول لزميله سرايا شفت العيال المدونين تقييمهم ليك إنك عبيط بينما تقييمهم لي إني بالرغم مني إني منحط بس ع الأقل بفكر"

    لا يا مينا! أنا ما اتهمتش عبدالله كمال بأنه بيفكر. أرجوك اسحبها.

    أنا كنت باقول عن روزاليوسف أنها مع كل ال فيها اعترفت للشباب الشكس بأنهم بيفكرواو مش عاوزين، و قال يعني مش عاوزين يبهدلوا اورق العملة ال هو نضيف كدا و كدا.

    و الله أنا باتكسف أشتم المجلة دي بس علشان اسم الست ال مؤسساها. يعني المفروض ورثتها يرفعوا قضية يطالبوا بتغييره، من ساعة ما تأممت.

    كلمة "بث" دي حكاية ثانية، و حتى ال ممكن تحفر حفرة في دماغه منهم و تفهمه أن الإنترنت مش وسيلة بث و أنها سلبية و ال عاوز حاجة بيروحلها بنفسه، فغالبا هو متعمد يطنش على دا لأن طبيعة جمهوره المستهدف من الجرنال تسمح بكدا.

    ردحذف
  16. بث إيه؟ هو تالافازيون؟ ايه العالم الهاطلة دي؟ هو المخفي كاتب المقال ع السمع ولا أيه؟ أكيد طبعا الانترنت بقى عالم اسود ومهبب عليهم وعلى دماغهم, لانه حرر الناس من اكاذيبهم وخلى فيه تداول معلومات حقيقية, وكله على عينك يا تاجر

    كتاب النت مش موظفين في الحكومة ولا مخبرين ولا مستنيين مكافأة ولا ترقية.. ناس كلها (أو أغلبها عشان الدقة) متطوعين بوقتهم وجهدهم عشان يبقوا صوت الأغلبية الصامتة في مصر

    وكله كوم واسلوب استغلال الدين في تسخين الناس دا كوم! جاتها نيلة اللي عايزة تقرا الاهرام

    ردحذف
  17. نحن العاملين بشركة مصر لاعمال الاسمنت المسلح نستغيث من مخطط لهدم شركة كانت يوما شركة عملاقة فى مجال التشييد والبناء وهى من قامت ببناء السد العالى ويخطط الان لهدم كيان هذة الشركة وذلك لبيع اراضيها بائثمان زهيدة فا لقد قامت الشركة من قبل ببيع ارض غمرة ثم ارض بلقس ثم الماظة والتنازل عن ارض القطامية ثم بيع ارض محرم بيك ثم هدم موقع الرباط بالمحلة وايجار بدلآ منها ارض بميت غمر بمبلغ رهيب ويخطط الان لبيع قطاع المصانع بالاميرية ونقل وتشريد العاملين به ولهاذا نرجوا من سيادتكم سرعة النظر فى امر هذة الشركة التى يتم بيع الاصول الخاصة بها بأ سعار ذهيدة رحمة بنا نحن العاملين وبمستقبل ابنا ئناحيث اننا افنينا عمرنا فى هذة الشركة جعلكم اللة عوننا لنا

    ردحذف
  18. غير معرف4/27/2010 8:58 م

    سبب كبير جدا من اسباب التخلف في مصر هو وجود مثل هذا الصحفي كاتب المقال.

    ردحذف