Glimpses from My Instagram Gallery

2008-04-14

الإخوان يساندون المسلمين في القوقاز، ولتذهب مصر إلى الجحيم

مبدئيا أنا لا أزايد على احد

ولكن في ظل الوضع السياسي الخرائي الذي تحياه مصر حاليا
وفي ظل وضع اقتصادي فشيخ يموت فيه المصريون من الجوع
وفي ظل اعتقالات لمئات المواطنين المصريين
وفي ظل قتل فاجر لأطفال الشعب المصري بيد كلاب مبارك

نجد أصواتا إخوانية وطنية تمثل أشرف وأفضل وكل صيغ أفعل التفضيل ممن تتفشخر بهم الأمة
يطالبون بمساندة "إخواننا" المسلمين في القوقاز....

يا جماعة إخوانكم المسلمون بيصرخوا في داغستان وأنغوشيا والشيشان
القوقاز تحتاج لـ100 ألف توقيع حتى يصل صوتها..فهل ستخيب آمالها؟

أنا مش ضد التضامن مع أي شعب بيواجه أي انتهاك في العالم
بس لما يبقى الإخوان المسلمين بينفضوا (من التنفيض) للمصريين الغلابة اللي متحاصرين في المحلة
ولما ما نسمعش من أمهم حس ولا نشوف لهم موقف من اعتقالات السادس من أبريل
ولما ما نسمع لهمش صوت في مجلس الخرا اللي هم فيه بخصوص المصريين اللي بيموتوا شهداء على طوابير الخبز

يبقى أقولها لجماعة الإخوان المسلمين في مصر
جتكوا ستين نيلة عليكوا... جتكوا القرف

وعلى فكرة المصريين اللي ماتوا في طوابير العيش في مصر
والمعتقلين في أحداث إضراب 6 أبريل

أغلبهم مسلمين


يعني يجوز التضامن معاهم

وعلى فكرة

أحمد علي مبروك اللي عنده خمستاشر سنة واتقتل في المحلة الأسبوع اللي فات
كان مسلم وبيصلي مع ابوه في الصف الأولاني

يعني ممكن تجوز عليه المناصرة والتأييد والدعوة للقصاص لدمه!!

طبعا من الممكن إن حد يرد عليا ويقول لي الموضوع اللي بتتكلم عليه دا مش موقف رسمي للجماعة لكن دا موقف لصاحبة التدوينة
وأرد على هذا الافتراض بأن الإخوان بالفعل كسكسوا وجابوا ورا في موضوع الإضراب وهذا موثق

الإخوان كان نفسهم ياخدوا مكافأتهم من الحكومة بعد يومين من الإضراب كراسي في المحليات

بس الحكومة خوزقتهم وإدت الكراسي لسيادة اللوا رفعت باشا السعيد ولكام واحد من الوفد السعيد

موقف شابة إخوانية من بيت إخواني وابنة لقيادي هام في الجماعة هو مؤشر مهم لمنهجية تربية الأجيال في الجماعة
هو انعكاس تلقائي وطبيعي لجوهر ما تؤمن به الجماعة حتى وإن كانوا يغطون عليه - وصوتي يا امه - أغلب الوقت
فواقع الأمر هنا أن الإخوان - بفطرتهم - يميلون للقضايا الدولية التي تخدم أهدافهم السياسية الأممية وأجندتهم العقيدية الدولية والتي تأتي بالطبع قبل مصر ومصريي مصر بل وحتى مسلمي مصر

عاشت أنغوشيا حرة مستقلة
وطظ في مصر وأبو مصر واللي في مصر

(مع الاحتفاظ بحقوق الملكية الفكرية في الشعار الأخير لصاحبه ومبدعه محمد مهدي عاكف)

هناك 29 تعليقًا:

  1. ازيك يا مينا بيه :)

    شوف يا سيدي بصرف النظر عن موقف الإخوان اللي أنا شخصيا قرفان منهم وناوي أمسح بكرامتهم الارض أول ما أفتح مدونتي الجديدة قريبا ، بس فيه حاجة سعادتك

    "موقف شابة إخوانية من بيت إخواني وابنة لقيادي هام في الجماعة هو مؤشر مهم لمنهجية تربية الأجيال في الجماعة
    هو انعكاس تلقائي وطبيعي لجوهر ما تؤمن به الجماعة "

    كدة عيب يا مينا

    ده احنا ما بنبطلش كلام ع الحرية الفردية ، عيب وما يصحش تجيب كلام بنت عندها 18 سنة و تقعد تبني عليه أبراج وعمارات ، ملناش دعوة ابنة قيادي ولا فراش في مكتب الإرشاد ، من حقها تعبر عن رأيها ( الشخصي ) واهتماماتها هي كبني آدم من غير حضرتك ما تستخدم ده عشان تشتم أبوها أو جماعته.

    ثانيا كوني مهتم بالقوقاز أو فلسطين أو رهبان بورما أو السويد ملوش دعوة و لا ينفي إني مهتم بمصر وبشتغل عشانها

    ولا إيه ؟

    ردحذف
  2. غير معرف4/14/2008 8:32 م

    على فكره واضح تجيزك القوى ضد الأخوان وكل ما يصدر عنهم

    ردحذف
  3. بصرف النظر عن اخوان مسلمين ولا حركه كفايه ولا حرب فلان ولا علان نحن نرفض الذل لأي شخص خاصه لو كان لم يجرم في حق احد لم يفجر لم يكسر لم يخرب وعموماً اللي حصل في 6 ابريل دا حدوته كبيره يمكن تلاقي جزأ من رأيي في مقالة ( حسبي الله ونعم الوكيل .. )

    http://hakawywebalawy.blogspot.com/

    ردحذف
  4. غير معرف4/15/2008 12:12 ص

    طب وهى حراقاك ليه قوى كده وانت مالك ما يساعدوا اللى يساعدوه وبيساندوه اللى يساندوه ولا عشان انت نصارنى يعنى محروق منهم اوى

    ردحذف
  5. أقول ما قال عمر (إلا حتة بسيطة)

    أنا تخيلت لما قريت العنوان ، إن الإخوان بعتوا 1000 مقاتل إلى القوقاز (وأنا والله ما أعرف القوقاز ديه تطلع إيه بالضبط) أو مثلاً بعتوا كام مليون دعم لإخوانهم المجاهدين فى القوقاز
    أو يمكن يكونوا على أقل تقدير طلعوا بيان رسمى مساند و يمكن كمان مقدمين طلبات إحاطة وإستجوابات فى مجلس الشعب


    أتارى الموضوع وما فيه ، إن واحدة أسمها أسماء ، عملت كوبى وباست لكام كلمة وحطيتهم فى بوست

    ويمكن تكون أسماء كمان راحت الشالية بتاعهم اللى فى بورتو مارينا ، وهربت من المحلة

    إخص عليها :-)

    ردحذف
  6. غير معرف4/15/2008 12:32 ص

    الكلاب تعوي و القافله تسير

    ردحذف
  7. http://al-chechan.blogspot.com/2008/04/blog-post_2412.html

    الحملة تسير بنجاح ...نم قرير العين

    ردحذف
  8. أنا بساند رأيك تماما، ودا نفس الموقف في موضوع غزة. أهو كل واحد بينفذ مصالحة بغض النظر عن المفروض يحصل، وحيطلعوا يقولولك إن الموضوعين مختلفين ومين قالك إننا مبنعملش لمصر والكلام الهلس دا. طب أتحداهم يقولولي عملوا إية لمصر ولشعب مصر بالظبط!!!

    وعلي فكرة أنا مبقيتش أسمح بالتعليقات الأنونيمس الغير معروفة في مدونتي، لأني إكتشفت إن في ناس وظيفتها تدخل تسخن التعليقات وتشتم بس، لو مسلم حيدخل علي إنة مسيحي، ولو مسيحي حيدخل علي إنة مسلم ويقلك يا نصراني يا مش عارف إية، فخلي بالك لو سمحت متنجرش ورا التعليقات دي وتصدقها لأنها عايزة تشعلل الدنيا.

    وأنا فرحت أوي لما لقيت تعليقات انونيمس عندي بتقولي يا شيوعي يا علماني، أهو يالا... رزق الهبل علي المجانين.

    ردحذف
  9. أحمد خفاجي4/15/2008 1:35 ص

    يا أخ مينا لقد حملت الخبر أكثر مما يحتمل
    والتساؤل الأكثر أهميه الان لماذا أحجم الإخوان عن المشاركه في الإضراب؟؟؟
    وتفسيرك بأنهم كانو في انتظار مكافأه من الحكومه هو تفسير غير صحيح الأمر يتعلق بمنهج عمل الإخوان والطريقه التي يتبنومها للتغيير وأنا أختلف معهم كثيرا حولها
    لكن للحق علينا أن نعترف أنه حتي في إضراب 6 إبريل شارك إخوان بصفتهم الشخصيه واعتقل العديد منهم علي سبيل المثال أحمد دومه
    تخوين الإخوان لا يخدم إلا مصلحة الحكومه وأنا أعرف أن هذا ليس مقصدك
    تحياتي
    دعوه للسماع لقصائدي بالعاميه والفصحي علي
    youtube-khafagyah,s channel

    ردحذف
  10. يا اخ مينا يا نصراني بفتح النون الاولانية طبعا
    لماذا يا سيد مينا تستخدم هذه الالفاظ النابية
    ويحك ايها الشنقيط
    انك اذن في الحبظلم بظاظا
    بس بجد يا مينا ده مش موقف رسمي يعني وما تقوليش دي بنت فلان وعلان عشان دي عقدتي بقى
    ثانيا فيه شباب من الاخوان متضامنين مع المحلة وكانوا ح يموتوا فيها بس مش عارفة ان كانوا سابوها وللا لا
    عموما لو ما كانوش سابوا الاخوان فهم ح يتشنيروا ان شاء الله على الموقف اللي اخدوه في الاضراب ومع المحلة والهيصة والبوليكة اللي عملوها وناويين يضربوا كمان في اربعة مايو اللي الاخوان معترضة عليه تماما

    بص يا مينو
    كده الاخوان قدامهم طريقين تلاتة سبعة
    يا اما يتفصصوا بحيث الناس المحترمة تروح في جنب والناس اللي مش محترمة تروح في جنب تاني والناس اللي بين البينين تروح في جنب تالت
    يا اما الناس المحترمة تيأس بقى وتسيب الاخوان
    يا اما بالونة الاخوان تفش وتفسي تماما
    وكفاية ان كل الناس دلوقت - حتى اللي كانوا متعاطفين معاهم بل حتى اللي محسوبين عليهم - بقوا مش طايقينهم

    فما تمسكش في تدوينة هابلة لعيلة وتقول الاخوان مش عارفة ايه
    اولا لان الضرب في الميت حرام
    ثانيا لان فعلا ده استناد ضعيف انت مش محتاج التدوينة دي تعمل عليها كل الباللو ده عشان تثبت ان الاخوان لهم مواقف مخزية
    هم موفرين عليك الموضوع ده

    ردحذف
  11. اسمحلي و بشدة اقتبس مقولة لواحد جوز صاحبتي قالها على موقفهم يوم 6 ابريل و انا هنا بعيدها
    فناقل الكفر ليس بكافر
    ماشي
    "
    و من عندي احلة تفه و لا مؤاخذة و اكبر بلغم مني ليهم
    يلعن ابو السفالة
    "
    بس خلاص
    باي باي

    ردحذف
  12. يا أسد
    أنا لم أشتم أبو أحد زلا شتمت أفراد على الإطلاق... أنا شتمت جماعة الإخوان على بعضيها كإيديولوجية وأفكار ومنهجية وأولويات... هجومي هنا فيه جزئية مش موضوعية قطعا وهي إني بابني استنتاج معين على موقف لمدونة بتعبر عن رأيها الشخصي... بس بالرغم من الجزئية اللي مش موضوعية اللي بنيت عليها الموضوع إلا إن بالفعل الجماعة موقفها الرسمي والمعلن على لسان مهدي عاكف وغيره من القيادت هو أولوية الأممية الإسلامية على الوطنية المصرية... فدا مش جديد

    بس لطيف إننا نفضحه بين الحين والآخر عشان الناس تعرف الإخوان بيفكروا ازاي وبيربوا عيالهم على إيه

    أنا مش معترض على الاهتمام بأي حتة في الدنيا بس لما تبقى مصر فعلا بتولع وفيه مصايب زي المجاعة اللي احنا فيها وشهداء الخبز وقتل أطفال بالمجان وإضرابات عنالية وشعبية وكل ده وتلاقي الإخوان موقفهم الرسمي إننا مش لاعبين معاكو عشان ما تتنصبلناش المشانق يبقى عيب!!!

    ولما نلاقي شباب الإخوان وشابات الإخوان اللي المفروض بيفهموا مغيبين بهذا الشكل وبيناصروا أنجوشيا في الوقت اللي هم فيه كجماعة وشباب الجماعة برة الشأن المصري تماما يبقى عليه العوض على الإخوان كفصيل سياسي وطني مصري أنا شخصيا دافعت عنه ياما ولسة بدافع وهفضل أدافع

    لما كل يوم والتاني نلاقي إن مقولة طظ في مصر كانت أكبر من زلة لسان لعجوز مخرف لكنها جوهر عقلية وتربية وتعليم الإخوان لعيالهم يبقى فعلا جتهم القرف والخيبة والهم

    وهافضل أدافع عن حريتهم وحقوقهم برضو
    بس كمان حقي انقدهم وافضحهم وامسح بكرامتهم الأرض

    طظ في مصر هي منهج تربية وغالبا عقيدة لدى الإخوان... ولا تتخيل خيبة أملي في الجيل ده أد إيه... أنا كنت بالفعل متخيل إنهم ممكن يكونوا بيفهموا!!!

    طبعا هجومي ليس على حد بعينه يا عمر... لأن دي جملة كاملة عن مناصرة القوقاز عاملنها شباب إخوان تحس إنهم مش في مصر خالص ولا فاهمين أي حاجة ولا حاسين بأي حاجة... دا اللي فقعني ببساطة

    بس

    ردحذف
  13. جبهو التهييس الشعبية

    ستي وتاج راسي
    هجومي قطعا مش على البنت الغلبانة
    وإن كنت متغاظ جدا من تغييبها هي وجيلها من عيال الإخوان

    يا نوارة إنتي عارفة أنا أصلا بتشتم أد إيه بسبب دفاعي عن الإخوان
    وبتشتم دلوقت عشان هجومي عليهم
    ومدام بتشتم في الحالتين يبقى أنا غالبا على حق
    هههههههههههههه

    أنا فعلا بس استفزني أوي موضوع القوقاز وانغوشيا ده

    شيء مزعج فعلا إن معاناة المسلم الأنغوشي أقرب إلى قلب الشاب الإخواني من معاناة الإنسان المصري أيا كان دينه ومكانه... إلا بالموناسبة هو في أنغوشيا عندهم شهداء خبز؟؟ عندهم شرطة بتنشن على الأطفال في البلكونات؟؟ طب ما احنا عندنا المصايب بالهبل مش لاقية اللي يتهبب يتضامن أو يتنيل يناصر... يروحوا بعيد ليه... ما المسلمين في مصر طالع دين أمهم ولا عشان التضامن مع الأنغوشيين بلوشي ومش هيكلف حاجة؟؟؟


    بس سيبك إنتي العيال مبسوطين إنهم اتشتموا عشان يكسبوا دعاية لحملة مناصرة الأنغوشيين... يعني أنا كسبت ثواب في مسلمي أنغوشيا بإني شهرت لهم الحملة ... ههههههههههههههههههههه

    ردحذف
  14. بغض النظر عن ألفاظك القاسية جدا الا انى معاك جدا
    فالأخوان المسلمون عابهم السلبية في موقفهم ضد الاضراب وان دل هذا فانما يدل على انهم يسعون لمصالحهم الشخصية وليس لمصلحة الوطن
    مع احترامى الكبير لعدد من الأخوان
    وبس

    ردحذف
  15. الى مينا
    موحد القطرين يارب تكون شاطر فى التاريخ

    أنا قلت من زمان اللى متغطى بالاخوان عريان واللى مش مصدقنى يجرب ويروح يقابل مرشدهم العام وربنا يديم عليهم نعمة الوهابيه والدولار الوهابى والا يقولوا لنا منين عايشين ؟؟؟؟؟؟

    ردحذف
  16. مبدأيا أنا مش أخووان لأني محبش أكون أخوانجي أو أي مسمى بيطلق عليهم
    لكن برضو مش قادر أفهم أنت بتاكلك ليه كده قوي أن الأخوان ممكن يكونو بيساندو مسلمين في حتة تانيةة بره مصر
    هنفترض جدا أنهم بيساندوهم
    ده تاعبك في أيه
    مش قادر أفهم يعني أرد عليك على أنك مسيحي ومش عاجبك أن المسلمين يهتمو بأخوانهم المضطهديمن في القوقاز
    ولا أرد عليك علىاساس أنك بني أدم أناني وكل همك هو مشكلتك أنت في مصر ومش مشكلة الأطفال والنساء والشيوخ والشباب الي بيقتلو في القوقاز
    ولا أرد عليك علىأنك مش فاهم أنت بتتكلم في أيه وبتهرتل علينا
    حقيقي حيرتني يا مينا
    وخليتني أكتب الرد 10 مرات وأمسحه عشان ميكونش فيه شتيمة ولا تهزيق لمقام حضراتكم الهابط

    ردحذف
  17. أنا مش مركز قوي في الأخوان بيعملوا ايه اليومين دول بس عندي نقطتين مهمين عايز أتكلم فيهم

    أولا يا ريت كفاية و العمل و الكرامة و الاشتراكيين و أخواتهم كانوا عملوا زي الأخوان و نفضوا ايديهم من اضراب 6 ابريل و سابوه للعمال و الموظفين و المواطنين العاديين اللي كانوا ناويين يقعدوا في البيت

    اللي حصل يا شباب أن مشاركة الفصائل السياسية هو اللي خرب اضراب المصنع في المحلة، واضح أن كان فيه خلافات شديدة داخل القيادات في المصنع و تسرع في تسييس و تحزيب القيادات العضوية، و طبعا البلبلة دي كانت لسه فيه حدود المعقول و المحكوم، لكن دخول الحركات السياسية على الخط نقل الموضوع من المطالب الفئوية القابلة للتفاوض لمعركة فوق طاقة العمال دول لحد ما العمال الي بره الحسابات السياسية (اللي هما كتلة المشاركين في الاضراب أصلا) قرروا يخلعوا.

    تخيلوا بقى لو كانت الأخوان شاركت كانت المصيبة هتبقى أكبر بكثير. و القمع هيكون أوسع بكثير.

    و أتاري دي حاجة كل لنشطاء المخضرمين عارفينها و فاهمينها و فيه ناس من أول الدعوة للاضراب العام و هي بتتنبأ بأن ده هيكسر المحلة (ليه الناس دي محاولتش تشرح للشباب الضايع زينا معرفش).

    و ده طبعا شبه اللي كلنا عملنا أيام القضاة، ما بنصدق نلاقي حد بيقاوح و نحمله الليلة كلها و استعجالنا نتيجته الأولى تقوية الخلافات داخل الحركة الفئوية و طبعا بيدي فرصة أكبر لقمع الحكومة (و عشان كده الطاقة الرهيبة و الزخم اللي وراء موضوع القضاة شبه تبدد تماما).

    السلوك الانتحاري ده كأن البلد هتسيبنا و تمشي مش كأن ده نضال طويل المدى ينفع يعدي لو حصل مرة و لا اثنين لكن خطير جدا أننا منتعلمش الدرس خالص.

    و حيث أنه الأخوان بعبع دولي و بعبع الحكومة و بعبع الأقباط و بعبعبعبعبعبع و حيث أنهم زي كل الحركات الثانية عندهم أجندة أولويتها فوق أي نضال فئوي أو محلي مش شايف أنها حاجة سلبية أنهم مشاركوش ولا أعلنوش عن أي حاجة (ده طبعا مينفيش أنهم المفروض يعلنوا التضامن و يشوفوا طرق ثانية لدعم الاضراب و مينفيش بالمرة أنهم المفروض يقلبوا البلمان و يدافعوا باستماتة عن أهل المحلة و يشاركوا في جبهة الدفاع و لجان التضامن الخ، أنا بتكلم عن المشاركة في الاضراب أو التظاهر أو التواصل المباشر مع الحركة داخل المصنع هنا).

    دي أول حاجة، ثاني حاجة بقى و هي الأخطر سيادتك بتعمل حكم عام على أن من يعتبر أن قضية أممية ليها أولوية فوق قضية قومية يبقى بيعمل مصيبة، و منطقك أن القضية الأممية دي على حساب القضية القومية.

    أنا معرفش الأخوان بيفكروا ازاي و ميخصنيش لكن أنا عارف أنا بفكر ازاي و عارف أني مقتنع اقتناع تام أن أزمة الخبز مثلا ملهاش حل محلي، دي جزء من قضية أممية لا حل لها الا تضامن و نضال أممي. (و دي مجرد مثال).

    يعني ايه الكلام؟ يعني غالبا أولوية القضية الأممية بتبدأ بتحليل و قناعة أو مرجعية فكرية/أيديولوجية بتقول أن المشاكل المحلية الكبرى جذورها خارج الحدود القومية أو حلولها خارج الحدود القومية.

    و طبعا ده ممكن يؤدي لحاجات زي لا صوت يعلوا فوق صوت المعركة، و نبقى نجيب الديمقراطية لما نحرر القدس، لكن مينفعش نحكم عليه أنه في حد ذاته مصيبة.

    و أخيرا يا بوزمك انت مش بتخاطب شعوب العالم و اعلام العالم و نشطاء و سياسيين و حقوقيين و مؤسسات دولية و تطلب تضامنهم؟ نقوم بعد كده نعد على المصريين تضامنه مع غيرهم؟

    ثم بعدين طظ في مصر و أبو مصر مليون مرة، أحنا لسه هنتعلم القومية و الوطنية سنة 2008، مصر لوحدها غير قادرة على حماية مصلحة أهلها (من أول أسعار الغذاء لحد البيئة مرورا بالحماية من التدخل الامبريالي و حتى توفير فرص العمل أو فرص التقدم العلمي و المعرفي).

    الخلاف مع الأخوان اذن في التفاصيل، أولا أيا كان أهمية النضال الأممي قدرة الفرد الحقيقية في التأثير محلية و بالتالي حتى لو أقنعونا كلنا بضرورة تحرير كل المسلمين لازم نسأل بيعملوا ايه في مصر. و طبعا حتى لما نعترف بضرورة التضامن الأممي لازم نسأل ليه التضامن طائفي، و يا ترى أهل مينمار و تيبت و زيمبابوي توصيفهم ايه في الرؤية الأممية للأخوان (أو حتى نفهم اخواتنا المسلمين الأكراد سليلي بطل العروبة صلاح الدين أخبارهم ايه).

    ده غير أن اللي أنت ماسك فيه أصلا مهواش وضع قضية أممية كأولوية ولا حاجة، الناس كانت حسب كلامك مشغولة في المحليات، يعني الأولوية محلية برضه، و على قد معرفتي و خبرتي بالأخوان حساباتهم اليومية مركزة دائما على أولويات محلية معايرهم و أولوياتهم متعجبنيش و نتائجها في أحوال كثير تخريب لتحركات ناس ثانية (زي موقفهم القذر في نادي أعضاء هيئة التدريس بجامعة القاهرة و موقفهم الغامض من اضراب أساتذة الجامعة) لكن الموضوع ملوش علاقة بالأممية.

    أما اختيار طظ في مصر عشان نبني بيها طرح فكس أمين أمك يا مينا يا ابن الحاج جرجس و من غير لا مؤاخذة، أحنا لو هنبدأ بأننا نستشهد بالبيض بيضك و روزا اليوسف هنخلص فين؟ نتناقش في تفريغ شرائط أمن الدولة على المدونات؟

    و ليه أصلا اللف و الدوران، متقول معرفش كام نائب و معملوش حاجة، و متتكلم عن غياب جهود التضامن مع أهل المحلة (مش محتاج أتكلم عن بيلموا كام لغزة عشان أوضح أنهم ملموش ولا قرش للمحلة و لا محتاج أعد عليهم شغلهم عشان معتقلينهم عشان أوضح حجم مشاركتهم في جبهة الدفاع عن معتقلي المحلة).

    النقطة أن الأخوان و دي عادتهم مهماش شريك في أي نضال فئوي و لا هماش عضو فاعل في أي تضامن (و أحيانا مخربين للنضالات الفئوية). و مشكلة أسلوبك أنه مبيوضحش النقطة دي خالص و شكله بس واحد كفتس بيتلكك، و بالتالي كوادر الأخوان اللي متعرفش تفاصيل اللي بيحصل مش هتسمعلك و المتعاطفين معاهم مش هيسمعولك و القيادات مش هتحس بأي ضغط أنها تغير توجه و سلوك الجماعة (أراهنك أن الغالبية العظمى من مدوني الأخوان متعرفش أي حاجة عن الصراع داخل نادي أعضاء هيئة التدريس بجامع القاهرة و لا تعرف أن تاريخ الكتاتني مثلا أو يسمعوا عن نضال عمال الأسبستوس ضد أصحاب المصنع الأخوان، و العيب على أمثالك اللي بدل ما يتكلموا في الجد بيستهبلوا).

    ردحذف
  18. يا علاء

    هحاول آخد وأدي معاك بس في كام نقطة

    ((مشاركة الفصائل السياسية هو اللي خرب اضراب المصنع في المحلة... لو كانت الأخوان شاركت كانت المصيبة هتبقى أكبر بكثير. و القمع هيكون أوسع بكثير))

    أولا أنا لحد دلوقت وبعد ما رحت المحلة وسمعت شهادات الناس وقريت عن الموضوع من أطراف مختلفة لسة مش قادر أفهم إيه اللي حصل بالظبط في المصنع ومش قادر أجزم بالأسباب اللي ورا إن الإضراب العمالي اللي كانت الليلة كلها مبنية عليه ما يتعملش أصلا... بس في كل الأحوال اللي كان مطلوب من الإخوان ومن غيرها من الحركات السياسية مش المشاركة في "الإضراب" بمظاهرات!! لكن الحشد والدعوة للإٌضراب العام وبس!!

    الإخوان مش بس ما حشدوش لكن بوضوح رفضوا الإضراب بعد ما كانوا إدوا إيحاء ببيان المرشد إنهم بيؤيدوا الإضراب... وهنا بقى فيه مليون سؤال طبعا... يعني إيه شغل الوساخة بتاع نؤيد الإضراب السلمي عموما وندعو الشعب للتخلي عن سلبيته وبعدين "بس إحنا ضد الإضراب يوم 6 أبريل ولن نشارك فيه"!!! المشاركة اللي بحكي عنها يا علاء حشد ودعوة بالأساس مش مظاهرات يوم "الإضراب"!

    بالنسبة بقى لحكاية "إن لو الإخوان شاركوا القمع كان هيبقى أكتر بكتير"... يعني بدل الستمية اللي اعتقلوا كانوا اعتقلوا 6 الاف؟ أيوة طب فين الأزمة؟؟ ما هو ده طبيعي يوم إضراب عام مفترض فيه إنك بتشل حركة الدولة كلها!! وبعدين ما الإخوان بيتقمعوا ويعتقلوا من غير تمن... على الأقل يا أخي خلي اعتقالاتهم - واعتقالاتنا - ليها تمن ونتيجة وفايدة!!
    ======

    بالنسبة لموضوع تسييس الحركات الفئوية الناجحة وأضراره على الحركات الفئوية بما يشبه الانتحار....

    أنا متفق معاك إن ركوب الإخوة النشطاء على اكتاف أي حركة فئوية ناجحة بيطلع دين أمها طبعا على طريقة "يعني والنبي وانتوا بتطالبوا بمطالبكم الفئوية بنجاح كدة ابقوا حرروا لنا البلد"... والموضوع بالنسبة لي في ركوب التيارات السياسية على كتاف "إضراب العمال في المحلة" كان عامل زي "قرعة وبتتباهى بشعر بنت اختها"...

    بس من تاني فكرة الإضراب "العام" المبني على إضراب المحلة والمتضامن معاه مش فكرة سيئة بالعكس كانت جيدة جدا ونجحت جدا بس غالبا فعلا جعجعة المسيسين وركوب الموجة وتحويل الإضراب (اللي اسمه خليك بالبيت) إلى حركة مظاهرات أحدث ارتباكا في الموضوع
    =============

    في قضية الأممية والوطنية
    يا علاء أنا من أول التدوينة قلت إني مش ضد إننا نناضل لأجل الشعوب المقهورة في أي حتة في الدنيا... ما انا لبست تي شيرت أحمر يوم التضامن مع رهبان ميانمار (بوذيين بالمناسبة مش كفتس لمن لا يعلم) وأنا نفسي كنت في وقت الإضراب في رحلة لأوربا بتكلم فيها عن انتهاكات حرية التعبير في دول الخليج العربي وما جبتش سيرة مصر... يعني مبدأ الدفاع عن القضايا الأممية في ذاته مش عيب بالعكس إحنا ف مصر محتاجين نبقى أكثر دراية بالقضايا الأممية والأزمات الإنسانية في كل الدنيا... حلو لغاية هنا؟؟

    الإخوان أمميتهم ليست إنسانية بل أممية طائفية دينية فهي لا تدعو لنصرة البشر المقموعين في كل مكان... بل البشر المسلمين فقط!! وهذه الطائفية في تبني القضايا تنفي عنها الهدف الإنساني تماما!! هو بالظبط زي ناس كتيرة برة مصر بيدافعوا عن "مسيحيي" مصر الشرق الأوسط اللي المسلمين المتوحشين بيطلعوا دين أمهم!!!

    أي قضية تتبناها من منظور طائفي مش إنساني إنت بتخرج بيها برة الهدف الإنساني وبتخدم بيها على أجنداتك السياسية أو الفكرية!

    ليست أزمتي أن تأتي القضايا الأممية على حساب الوطنية حتى... بل أزمتي أن تكون بايع الليلة وطنيا ووسخ وحلنجي وبتلعب مع نظام وسخ وبتعمل صفقات وسخة وعندك 88 طرطور في البرلمان ما فتحوش بقهم في كوارث مصر الوطنية الحالية... في الوقت اللي هم فيه مركزين أكتر على غزة والشيشان وأنغوشيا... (طبعا محدش ينفع يزايد عليا في موضوع غزة لأن موقفي معروف ومتضامن مع الشعب الغزاوي ومع فتح المعبر وأيدت اقتحامه إلخ)... بس لما يبقى عندي شهيد زي الدرة بالظبط اسمه أحمد علي مبروك ونلاقي الإخوان يقولوا شفتوا يا غجر إحنا كنا صح وإنتوا الغلطانين... إحنا بنفهم سياسة وانتوا بقر... موتوا بغيظكم... وتشوفهم بقى بيعملوا إيه في الحياة؟؟؟ صفر كبير

    أداء البرلمانيين الإخوان في المجلس يحتاج تدوينة لوحده، وموقف الجماعة من فضيحة منع مؤتمر مصريون ضد التمييز الديني من الانعقاد في نقابة الصحفيين محتاج تدوينة لوحده
    ===========

    في قضية طظ في مصر
    أنا بقول بوضوح يا علاء... "طظ ف مصر" بالنسبة للإخوان واضح إنها بالفعل أكبر بكتير من زلة لسان أو تصيد أمن دولة وروزا ومش عارف إيه للإخوان... واضح إنها بالفعل عقلية... يمكن أنا طريقتي في الاستدلال غبية وبتلف من ورا... بس أنا بحاول أقرا موقف الجماعة وافهم هم عايزين إيه بالظبط... والحقيقة مش قادر أفهم فعلا... الشباب الكويسين منهم اللي بنشوفهم مختلفين تماما عن الخرا اللي قادتهم بيعملوه ده... اللي غاظني إني ألاقي ناس من جيل الشباب ده قاعدين بيدافعوا عن "مسلمي" أنغوشيا في الوقت اللي فيه مصريو مصر طالع دين اللي جابتهم
    ===========

    بقول لك
    فكرني هو صاحب المصنع بتاع الأسبستوس كان اسمه إيه... أنا شايف إنه كويس إننا نفكر الناس بقضايا من النوع ده ونفكر الناس بدفاع الإخوان في البرلمان عن الأخ هاني سرور بتاع أكياس الدم الفاسدة ونحاول نفهم إيه الموضوع بالظبط خصوصا مع الحكم ببراءة هاني سرور في القضية... وهو ما لا ينفي بالطبع إن الأكياس كان فيها عفن وبكتريا وفطر بالفعل!!

    وبعدين ما بالراحة عليا شوية... أنا طول الوقت بتكلم جد حتى البضانة... إيه المشكلة لما استهبل شوية؟؟

    ردحذف
  19. غير معرف4/15/2008 3:07 م

    تحياتى يا أستاذ مينا

    أحب أوضح أولا إن إسلوبك مش نابى ولا حاجة زى بعض الناس ما بيقولوا ، واللى عايز يتأكد يروح يشوف إسلوب وطريقة وائل عباس اللى إسلوبه نابى بجد وغير ديمقراطى بالمرة وبيحذف أى تعليق باكتبه لمجرد إنه مش متماشى مع رأيه رغم إنى عمرى ما خرجت عن الأدب فى تعليقاتى.

    ثانيا وهو الأهم لازم نفهم كلنا إن الإخوان المسلمين حزب وجماعة تضم الآلاف بل مئات الآلاف وليهم أجندة ضخمة جدا ، وبالتأكيد فيهم الكويس وفيهم الوحش وبالتالى ماينفعش نحكم عليهم بجرة قلم.
    معظمنا كمدونين أو قراء خبرتنا بالحياة السياسية محدودة والإخوان تاريخهم يمتد لأكتر من مائة سنة وحساباتهم معقدة جدا أكتر مما نتخيل ،والضغوط عليهم أكتر من أى جبهة أخرى وبالتالى متنفعش التحليللات السطحية اللى بتقوم بيها إنت وغيرك زى وائل عباس وجمال طه وغيرهم.

    ثالثا: الإخوان كما ذكرت ليهم أجندة ضخمة ومن مبادئهم نصرة المسلمين فى كل مكان والمفروض ده ما يزعلش حد ، وبعدين الناس اللى بتلوم عليهم هيا نفسها بتطنش أحداث مهمة خاصة بالشعب المصرى زى مقتل الشاب السويسى على إيد الأمريكان مع سبق الإصرار وبرضه مقتل البنت المصرية على الحدود الإسرائيلية ، ولا إحنا فالحين بس فى شتيمة الإخوان واللى زيهم بس منقدرش نشتم فى أمريكا ولا إسرائيل؟

    رابعا وأخيرا لازم نتعلم بقى الديمقراطية تبقى إزاى ونبطل شتيمة فى بعض لمجرد إختلافنا فى الآراء ، وكل واحد يهتم هوا بيقدم إيه لبلده بدل ما يهتم بشتيمة غيره.

    ردحذف
  20. وبالتأكيد فيهم الكويس وفيهم الوحش وبالتالى ماينفعش نحكم عليهم بجرة قلم

    طبعا متفق مع الكلام ده تماما
    بس الإخوان كجماعة على بعضيها ليها فعلا مواقف زي الخرا زي موقفها من الإضرابات العمالية عموما ويبدو إن الموضوع إيديولوجي مش بس سياسي... يعني هم بالرغم من إدعائهم إنهم مع العدالة الاجتماعية وكدة لكن دايما هتلاقي المواضيع بتتحسم لحساب الأغنيا أو لحساب الحكومة... يعني هم مش بس أصحاب مصلحة سياسية لكن كمان مصلحة اقتصادية

    زي دفاعهم عن هاني سرور باستماتة في المجلس في قضية أكياس الدم الفاسدة مثلا
    ------------


    ليهم أجندة ضخمة ومن مبادئهم نصرة المسلمين فى كل مكان والمفروض ده ما يزعلش حد


    يا سيدي الفاضل... المشكلة من تاني ليست في مناصرة شعوب أخرى في حقوقها المهضومة... المشكلة في أن هذه المناصرة طائفية وليست إنسانية دا نمرة واحد ونمرة اتنين إن هذه المناصرة بتتك في الوقت اللي فيه عندك "مسلمين" في مصر (أتكلم أهوه بمنطقهم الطائفي) طالع دين أمهم وبيتقتل عيالهم... طب ليه ما سمعنالهمش حس؟؟؟

    سمعنالهم حس بس لما جه ينعقد مؤتمر مصريون ضد التمييز الديني وزقوا بلطجيتهم يقفلوا نقابة الصحفيين في وش المؤتمر (يلا بقى نفتح الملفات كلها ونسيح لأمهم)
    ---------------

    بالنسبة للقضايا التي تدعي أن منتقدي الإخوان سكتوا عنها زى مقتل الشاب السويسى على إيد الأمريكان مع سبق الإصرار وبرضه مقتل البنت المصرية على الحدود الإسرائيلية

    مش فاهم مين قال إن دي قضايا اتسكت عليها؟؟
    راجع مجمع المدونات المصرية وشوف كم التدوينات اللي اتكتبت ع الموضوعين
    -------------


    لازم نتعلم بقى الديمقراطية تبقى إزاى ونبطل شتيمة فى بعض لمجرد إختلافنا فى الآراء

    لأ الشتيمة في ذاتها مش هي غياب الديمقراطية في الحقيقة... مصادرة الآراء وإقصاء الآخر هي غياب الديمقراطية... أنا ممكن أشتم الآخر بس بدافع بالفعل عنه باستماتة سواء في حقه في الوجود وحقه في التنظيم وحقه في التعبير... يعني إديني خصم حر وأنا أشتم فيه وألطش أمه صح بس أحرض على تكتيفه للحيطة وبعدين ألطشه يبقى أنا وسخ

    أنا مع حرية الإخوان بالرغم من خصومتي الفكرية مع توجهاتهم ومع حركاتهم الوسخة اللي بيعملوها ف أحيان كتير
    -------------


    كل واحد يهتم هوا بيقدم إيه لبلده بدل ما يهتم بشتيمة غيره

    همممممممممم
    إنت تبع عمرو خالد ياض؟؟؟

    ردحذف
  21. معلش أنا لوشت عشم عشان أنا فعلا بتبضن من أننا مبنعرفش نشتم في الأخوان صح و أهوه ردك على تعليقي فيه كلام أفيد من الموضوع نفسه.

    المشكلة أن الناس اللي فاهمة تفاصيل مواقف الأخوان المتخاذلة و بتتعامل معاها بشكل يومي زي مثلا أعضاء جماعة تسعة مارس ملهمش في الخناقات و اللبش و بيتفادوا يتكلموا في الحاجات دي و الناس اللي ليها في اللبش نسبة ضخمة منها يا أما مستعدة للتواطئ مع الحكومة (حتى و لو من منطق غير انتهازي) يا أما بذعر و لا عقلانية، يا أما من مواقف أشد طبقية و محافظة من موقف الأخوان نفسه يا أما بتستسهل و تقول كلام خايبان زي سيادتك ما عملت.

    موقف الأخوان الطبقي و رؤيتهم للاقتصاد من الأمور المبهمة تماما، يا ترى هما شايفين ايه في موضوع الدعم؟ و رأيهم ايه في مجانية التعليم؟ و رأيهم ايه في مطالب عمال المحلة بتعميم 1200 كحد أدنى مطلق للأجور؟ الخ.

    و الغموض ده يستاهل تفعيص كثير لأنه اللي حاصل أن الناس بتقوم تملأ الفراغات باللي في مزاجها، فاللي قلبه مستريح للأخوان بيمأ الفراغات بكلام جميل (حسب موقعه و رؤيته) و اللي كاره أمهم بيملاه بقصص العفاريت (برضه حسب موقعه و رؤيته).

    دوري أنا اولا أني أسأل و أزن و خصوصا الكوادر و المتعاطفين الناخبين مش القيادات، هما شايفين ايه و شايفين أن الجماعة على اتفاق في الموضوع ده ولا لأ، و لو على اتفاق عرفوا ازاي الخ.

    و ثانيا أنا أشرشحلهم لما يحصل حاجة عملية ملموسة و واضحة معاكسة للي أنا شايفه صح.

    انسى لعبة الأيديولوجيا و قراءة التصاريح و التخمينات خلينا في الملموس و أنت عارف كويس أنه فيه ما يكفي (و ذات الشيئ يطبق على أي فصيل سياسي آخر بما فيها الحزب الوثني).

    عودة للاضراب، أفصل تماما ما بين دعوة اقعد في بيتك و ما بين تحركات المسيسين، اقعد في بيتك دعوة شعبية عضوية محدش أصلا عارف حصلت ازاي و فين، أنا بتكلم على من جند و أدلج و نظم و نخور في عمال المحلة و من نادي بالتظاهر في اليوم ده.

    و صدقني أنا مكنتش شايفها بس سمعت من أكثر من حد و من قبل الاضراب باسبوع تحليلات و تنبئات بازاي ده هيخرب الحركة داخل المصنع و هيسمح للدولة تبرطع و كل التفاصيل حصلت زي ما توقعوا.

    حيث أني مكنتش شايف ده من الأول منيش أحسن حد يتناقش فيه بس بجد محتاجين نراجع ازاي بنبني علاقاتنا بالتحركات العضوية قبل ما نحاسب دول على مشاركتهم و دول على قلتها و كان هيبقى أكرم للجميع لو القوى السياسية كلها طلعت بيان ناعم زي بتاع المرشد و سكتت.

    ردحذف
  22. عزيزى د/ مينا

    ألأخوان يساندون كل ماهو ليس مصرى المهم عمل بلبلة فى البلد ويمكنك القيام بتحدى المرشد العام على كامل مسئوليتى لماذا لم يساندونى فى مآساتى بالسعودية على مدى ثلاثة عشر عاما لآن مآاتى مع الوهابيه
    ويمكنك أيضا تحدى المرشد العام لهم بسؤاله أين ملف مآساتى بالسعودية الذى سلمته له من أكثر من ثلاثون شهرا لما لم يتقدموا باستجواب من أجلى كيف أظل أسيرا عند الوهابيه بالسعودية لمدة ثلاثة عشر عاما داعيك أنت وجميع زوار مدونتك المحترمة بالتجوال بمدونتى للوقوف على ماتعرضت له على مدى ثلاثة عشر عاما عند الوهابيه فى السعودية من ظلم وقهر وقمع وعنصرية وسجن بدون أى محاكمة وبدون أى حكما قضائيا وأخيرا أستطيع أن أقول لك أن ألأحكام جائت اليوم مخففة وكان واجبا أن تكون أشد من ذلك والضرب بيد من حديد على يد ألجماعة المحظورة واجب وطنى

    http://gamal51.blogspot.com/

    ردحذف
  23. عزيزى د/ مينا

    ألأخوان يساندون كل ماهو ليس مصرى المهم عمل بلبلة فى البلد ويمكنك القيام بتحدى المرشد العام على كامل مسئوليتى لماذا لم يساندونى فى مآساتى بالسعودية على مدى ثلاثة عشر عاما لآن مآاتى مع الوهابيه
    ويمكنك أيضا تحدى المرشد العام لهم بسؤاله أين ملف مآساتى بالسعودية الذى سلمته له من أكثر من ثلاثون شهرا لما لم يتقدموا باستجواب من أجلى كيف أظل أسيرا عند الوهابيه بالسعودية لمدة ثلاثة عشر عاما داعيك أنت وجميع زوار مدونتك المحترمة بالتجوال بمدونتى للوقوف على ماتعرضت له على مدى ثلاثة عشر عاما عند الوهابيه فى السعودية من ظلم وقهر وقمع وعنصرية وسجن بدون أى محاكمة وبدون أى حكما قضائيا وأخيرا أستطيع أن أقول لك أن ألأحكام جائت اليوم مخففة وكان واجبا أن تكون أشد من ذلك والضرب بيد من حديد على يد ألجماعة المحظورة واجب وطنى

    http://gamal51.blogspot.com/

    ردحذف
  24. عزيزى د/ مينا

    انا أدعوك وأطالبك بالغاء اى تعليق مجهول او باسم غير معروف من مدونتك لأن هذا دليل الجبن والخبث والخوف والنفاق والفتنه بين الناس والمثل يقول اذا قلت لاتخف واذا خفت لاتقل متمنيا ان تكون دعوتى هذه الى جميع المدونين موضع التفكير للعمل بها

    http://gamal51.blogspot.com/

    ردحذف
  25. غير معرف4/16/2008 9:22 ص

    وحياتك ولا عمرى قابلت عمر خالد ولا شاركت فى أى نشاط ليه ، بس بدون شك هوا شخص محترم وبيحاول يعمل حاجة....

    بقى بذمتك الأستك دى إنت مش عنصرى وطائفى؟ لو إنت محايد صحيح تشجع عمرو خالد لأنه بيدعوا للإصلاح مش تعاديه لمجرد إنه مسلم ، طيب يا سيدى ورينى المصلحين المسيحيين اللى بيعملوا لمصلحة مصر مش لمصلحة أمريكا وأقباط المهجر

    وبعدين إزاى تقوللى "ياض" يا أخى أنا أكبر منك سنا ومركزا وكمان مهزأتكش فى الرد بتاعى ، ولا الكام شهر اللى عملت فيهم مدونة خلوك تفتكر إنك بقيت من كبار المفكرين فى مصر وادتك الحق تكلم الناس كده؟

    وبعدين قوللى إنت بخلاف شتيمة الإخوان وغيرهم كتبت إيه عن القضايا اللى تهم البلد بجد زى مصنع السماد بتاع دمياط أو الستة وعشرين ألف فدان اللى اتباعت فى العياط الفدان بملاليم لإخواننا الكوايتة وغيرها وغيرها...

    خدها نصيحة منى وحاول توفر مجهودك لفتح قضايا تهم المصريين بدل الشتيمة فى غيرك لمجرد الطائفية الدينية

    ردحذف
  26. غير معرف4/16/2008 6:03 م

    تظهرون عكس ما تبطنون....
    ولكن كلماتكم غالبا تفضحكم...
    وتظهر مشاعركم جيدا...
    وليس المقصود من وراء هذا الإخوان...
    وأنت تعلم ماذا أعنى...
    راجع نفسك جيدا....
    وأَعمِل عقلك...

    الحمد لله....الحملة مستمرة
    رغم الحقد

    ردحذف
  27. عزيزي مينا

    انت قلت كل الي لازم يتقال.. الإخوان عمر ما كان البلد دي فارقة معاهم في حاجة و كل الي يفرق معاهم مصلحتهم و بس.. و موقفهم وقت موضوع غزة هو أقوي دليل علي ذلك.. صحيح انه تدوينة أسماء العريان ليست الموقف الرسمي للجماعة بس احنا اتعودنا علي مواقفهم الحازمة اما يكون الموضوع له علاقة بالمسلمين في أي بقعة من العالم.. و مواقفهم المتخاذلة اما الموضوع يبقي له علاقة بالبلد دي

    يا ريت تقرأ مقالة خالد صلاح في المصري اليوم "كذبة اسمها عداء الإخوان للسلطة" في اللينك ده
    http://www.almasry-alyoum.com/article.aspx?ArticleID=100981

    ردحذف
  28. غير معرف4/20/2008 4:19 م

    من أحمد السيد ..
    تحيتي لك اخ مينا ولكل الناس المحترمة && لقد نشأت فكريا قريبا من فكر الاخوان ونشاطهم وان لم اكن يوما عضوا منتظما فيهم .. && التعليقات كثيرة وقد قرأت حتى وصلت لتعليق الاخ علاء ، وأقول انني معك في مضمون ردك على التعليقات أخي مينا && واسمح لي بإضافة نقطة توضيحية وهي أنني وان كنت احييك على دفاعك عن حق كل اخواني في المشاركة السياسية في بلدهم على قدم المساواة، ولكن هذا لا يجب ان يغفلنا أن هذا الحق لا يبيح لهم او لغيرهم تحويل مصر الى مجتمع طائفي ، أو تأميم عقائد الناس والوصاية عليها بسلطة الارهاب تارة وبسلطة الدولة طموحا ، لأن هذا بمثابة فيروس للايدر داخل المجتمع .. نعم لحق كل مصري في بلده ولكن لا والف لا لأي مصري يحولنا الى مجتمع طائفي او يصادر عقائدنا ويفرض عليها الوصاية بأي سلطة كانت لأن هذا يعني نهايتنا كمجتمع . وللحقيقة أن خطاب الاخوان الفكري يحمل مثل هذا التلوث في اتجاه الطائفية والدعوة للوصاية على عقائد الناس &&& الى الاخ محدود الدخل .. أبعد كل هذا لم تفهم .. أقول لك بلغة اخرى لعلك تفهم ، هناك قاعدة فقهية تقول ان النافلة لا تغني عن الفرض ، وان من الهزل الاهتمام بالنوافل والتقصير في الفرض . وهذا يعني في حالة مصر التي تتجرع كل يوم الموت حقيقتاً وليس مجازا ، في تلك الحالة فرض على كل مصري المشاركة في مواجهة نظام دولة الظلم والفساد ومهانة الانسان في مصر ، وهذا هو الفرض ، وان دعم اخواتنا في الاسلام بل والانسانية في كل انحاء العالم هو النافلة ، والتي يزداد وجوبها كلما كنا مرتاحين في بلدنا ولدينا فائض من القدرة ، ومن الحماقة ان تكون مركبتنا تغرق بنا جميعا في مصر بالمعنى الحرفي لكلمة الغرق ويأتي هؤلاء يسحبوا العامة من عواطفهم الدينية وفي ظروف ضعف الوعي وزيفه التي رسخها نظام دولة الظلم والمنابر الدينية السائدة ثم يشغلوهم ويستهلكوا طاقتهم التي اصلا هي ضعيفة في امر تلك النوافل من دعم اخواننا في كل مكان .. يا اخي لا يعقل ان تكون مركبتنا في مصر تغرق وهؤلاء يشغلونا بالكلام عن اخواننا في اقاصي الارض ، والذي لا شك ان دعمهم سيكون مجرد كلام فاضي فالغريق لا ينقظ غريقا اخر ، والذي مازال يفهم في زمن زيف العقل والضمير الذي نعيشه يعلم ان اكبر دعم لاخواننا في كل العالم هو انقاظ مصر وجعلها قوية وقادرة لتكون حضنا للمناضلين ودعما لاخواننا. && اخي محدود الدخل بصراحة ان كنت مصرّ الا تفهم بعد كل ما قاله الاخ ووضحه ووضحته لك .. فأنت حر وخليك كدا ، وريح نفسك وريحنا. &&&
    أحمد السيد

    ردحذف
  29. إلى أحمد السيد

    متفق معاك في أغلب كلامك بس محتاج أوضح إني مش ضد الأممية في المطلق على الإطلاق

    بمعنى إن مشاكل مصر ليست بمعزل عن سياق عالمي معين... على سبيل المثل العولمة - في صورتها الحالية - مثلا، خرجت من دول رأسمالية منتجة كل هدفها كان خلق أسواق "مستهلكة" جديدة لمنتجاتها فتربح أكثر... وفي الحقيقة أن الدول والمجتمعات الرأسمالية وشركات الرأسمالية العابرة للقارات ما يفرقش معاها بشلن تنمية بجد ولا تقدم بجد في أي دولة من دول "الاستهلاك" لأنه طول ما الدول دي متخلفة هتفضل مستهلكة وتفضل سوقه مفتوحة والدايرة تلف

    دا سياق عالمي ما أقدرش أفصل نفسي وطنيا عنه... مقدرش أقول أنا رسالتي وقضيتي مصر وبس... لأن في الحقيقة جذور مصايبنا في إيديولوجيات وسياسات منحطة بتتصاغ في شركات ولوبيهات اقتصادية لا هدف لها إلا جعلك مستهلك مضروب على قفاه طول الوقت

    طول الوقت لازم يكون عندي وعي عالمي وإدراك وبحث لحلول عالمية وأممية... بس لما يكون دا في سياق طائفي ابن وسخة... يبقى فيه كارثة فعلا في منظومة التفكير... كارثة أخلاقية بالأساس

    لما تقول لي بنناصر المسلمين في العالم... أيوة طب وبقية البشر يعني ولاد البطة الوسخة؟ يا انت ضيتك البشر اللي خلقهم ربنا على أفضل صورة يا انت معفن واطي عندك أجندات وسخة... هي دي الأزمة

    الإنسان هو قضيتي... بس طبيعي نركز بالطبع على مصر لأن دا وطني بلادي أرضي مصلحتي المباشرة... لكن لما أبقى منفض لأم البلد وأم مصلحتي كشعب يبقى أروح أدفن نفسي بالحيا أحسن

    تحياتي وأحب أشوفك في المدونة دايما

    ردحذف