Glimpses from My Instagram Gallery

2008-04-21

إضراب 4 مايو... إضراب لكي نحيا

بدون مقدمات
بدون تفاصيل
أنا مضرب يوم أربعة مايو

مش فارق معايا دلالة اليوم
معنديش مشكلة إن مبارك اتولد يوم 4 مايو
معنديش مشكلة إنه اتولد أساسا
مشكلتي مش في ولادته
مشكلتي في موته

مبارك متصور إنه مش هيموت
وعايز يحكمنا لحد ما يموت
مبارك مش مدرك أن هناك هناك أناس أحياء حتى وإن ماتوا
ولا هو مدرك أنه ميت حتى وإن كان الإسم عايش!!

ولأني أرفض أن يحكمني ميت
ولأني أرفض أن يحكم بلادي عصابة من الموتى
ولأني أرفض أن تتحول بلادي إلى مقبرة كبيرة
يحكمها رئيس ميت
ويديرها حكومة ميتة
ويريدون أن يحكمون شعبا ميتا
من أجل ذلك أنا مضرب يوم أربعة مايو

لأني بالأساس أرفض إعلان شهادة وفاتي بينما أنا حي
ولأني أرفض أن نكون شعبا ميتا
فأنا مضرب يوم أربعة مايو

خلونا كلنا نرفض حكم الأموات
خلونا نرفض أن نصنف في عداد الأموات
خلونا نثبت إننا عايشين ولو مرة

عشان كدة يوم 4 مايو هنضرب كلنا
وهنغني

مبارك مات

سميها إشاعة سميها أمنية سميها حلم...

المهم تقولها من قلبك وتغنيها بصوت عالي

لأنه حتى لو هو عايش بالجسد
بس هو كائن ميت
ونظام حكمه ميت

ولكن هل يحكم شعبا من الميتين؟؟؟؟

دا السؤال اللي جاوبنا عليه يوم 6 أبريل
وطلعنا مش أموات
وهنضرب يوم أربعة مايو

من فضلك... اتبعني ودع الموتى يدفنون موتاهم

هناك 3 تعليقات:

  1. هو ده الكلام بجد ..كلنا لازم نضرب 4 مايو لأسباب ألي انت قلتها .. لأننا عايشين بجد ومستحيل نظام ميت يعلن موت ناس عايشين

    ردحذف
  2. غير معرف4/22/2008 5:16 م

    Good Job. All of us will stay at home on May 4. Make the last day for hosny and his theifs

    ردحذف
  3. غير معرف4/26/2008 11:37 ص

    اضراب ايه يا جدعان بلاش كلام فارغ ..انا افهم اللى يضرب دا يكون بيشتغل او له دور مهم فى الجتمع اما موضوع الكلام... الكل بيتكلم ...طب وبعدين .. طب ما احنا كدا ولا كدا قاعدين فى البيت طب ايه الجديد..بدل الاضراب و الكلام اللى لا هايقدم ولا يأخر ياريت اللى ما بيشتغلش يدور له على شغالانه تأكله عيش .

    ردحذف