Glimpses from My Instagram Gallery

2008-03-26

في صحة الرئيس... إبراهيم عيسى خد ست اشهر حبس

لقد سأمت الحياة في هذا البلد المحبِط والمحبَط
سيناريوهاتنا كلها باتت مكررة وتغم النفس
بقالي كذا يوم مش طايق آكل ولا أشرب

والنهاردة على وش الصبح خدت في وشي خبر الحكم بالحبس على إبراهيم عيسى ست اشهر


في صحة الرئيس!!

(صورة الرئيس اللي صحته زي الفل... الصورة من رويترز)

أيوة إبراهيم خد ست شهور سجن في قضية "صحة الرئيس"

أنا عارف طبعا إن الحكم مع إيقاف التنفيذ
وإنه أغلب الظن في الاستئناف هيدان إبراهيم برضو بس ممكن يتلغي حكم الحبس ويستعاض عنه بغرامة مالية محترمة
غالبا هتكون ما بين 10 آلاف إلى 20 ألف جنيه

بس مجرد الحكم بحبس صحفي - حتى لو لم يمتلك هذا النظام الفاسد المستبد الجرأة على تنفيذ الحكم -
هو شيء مقرف ومقزز ويجعلك تكره نفسك وتكره أم هذا البلد

أنا مبقيتش عارف أعمل إيه
ومبقتش طايق العيشة ولا اللي عايشينها
مبقيتش طايق سلبية الناس
ومبقتش طايق هواننا على أنفسنا إلى درجة الذل
ومبقتش طايق أقرا الجرايد من كتر كمية الغم اللي فيها كل يوم على وش الصبح
مبقتش طايق أشوف طوابير العيش والخناقات على الرغيف كل يوم الصبح وانا رايح شغلي
مبقتش حتى طايق شغلي

مبقتش طايق أم التبلد العجيب اللي في هذا البلد من حاكم لمحكومين
كان سابقا فيه قاعدة بتقول إن الضغط يولد الانفجار...
طب إمتى هيتهبب هذا الشعب ينفجر بقى؟؟؟
حاجة تفلق!!

هناك 4 تعليقات:

  1. مش بقلك شكلك مش عاجبني بقاله يومين

    و مين فينا يا مينا مش عاجبه
    انا اللي اسمي بعيده مكتئبة و متضايقة من الموضوع
    الله
    مش ليا اهلي و لحمي و دمي و بسمعهم هما تعبانين و بيشتكوا و الحياة مخبطة اوي معاهم

    مش عارفة هل العيب فينا لسكوتنا و لا العيب في ايه بالظبط؟؟

    بجد احنا عاوزين معجزة

    معلش

    تحياتي

    ردحذف
  2. معلش يعني هوه انا كان ليا تعليق على حكاية الضغط اللي بيولد الانفجار عشان صعبان عليا ان حضرتك تفضل تستنى الانفجار ده...في قصيدة قريتها لزميل شاعر شاب بيقول فيها
    يا سيدي

    في(الها هنا)

    لاشئ يخضع للطبيعه

    لا.... ولا الكيمياء

    ـ فالنار تحت قدورنا

    من ألف عام تشتعل

    وبرغم ذلك

    لم يفر في القدر ماء
    ..........وبالتالي بلاش يكون عند حضرتك امل اوي في حكاية الانفجار ده..
    ..أما بالنسبة للموضوع الاساسي فحضرتك حليتها من الأول وقلت كل ده....في صحة الرئيييييييييييييس
    ...............وربنا يصبرنا

    ردحذف
  3. أزال المؤلف هذا التعليق.

    ردحذف
  4. يااخى والله الرئيس ده مفروض يدخل موسوعة الارقام القياسية سنه فوق ال80 سنة ولسة معندوش ةلا شعرة بيضا الناس دى مفكرينا هطل انا مش عارف القول ايه

    ردحذف