Glimpses from My Instagram Gallery

2008-03-24

أعزائي أساتذة الجامعات الإخوان.... طظ فيكم!

بعد تعمدهم عدم المشاركة
في إضراب أساتذة الجامعات الموسع أمس

نقولها لأساتذة الجامعة الإخوانيي
- المحترمين قادة الإصلاح الذين تفتخر بهم أي أمة في العالم إلخ -
بالفم المليان

طظ فيكم!!

وطظ كبيرة كمان

أكبر من طظ المرشد اللي أنعم بيها ع الشعب المصري من فترة

مع التحية

هناك 21 تعليقًا:

  1. سيدي الفاضل
    مع احترامي الشديد لك
    واعتراضي الشديد أيضا على ألفاظك
    وأنا بكل صراحة من الإخوان المسلمين الذين تشتمهم أريد أن أسألك سؤال واحد :
    ما هو مصدر معلوماتك أن الإخوان تعمدوا عدم المشاركة في الإضراب ؟

    إليك هذه الأخبار :

    http://www.alarabiya.net/articles/2008/03/23/47332.html

    وهذا موقع قناة العربية وهي ليست بالتأكد مملوكة للإخوان المسلمين لسبب بسيط أن رجال الأعمال من الإخوان المسلمين الآن محبوسون خلف القضبان وتمت مصادرة أموالهم .

    أم أن مصدر معلوماتك هو جريدة المصري اليوم التي رفضت نشر إعلان مدفوع الأجر يطالب بالحرية للمحالين للمحكمة العسكرية

    وأيضا كيف انخفض عدد الأساتذة من 9 آلاف عند " العربية " إلى ألفين فقط عند " المصري اليوم "

    رجاء حار ...
    أنا أحترمك وأتابع مدونتك منذ زمن
    ياليتك تتوقف عن إصدار الأحكام السريعة دون تقصى الحقائق كاملة بشكل جيد فهذه ليست صفات أي مراقب وخصوصا إن كان المراقب المصري .

    ردحذف
  2. العزيز أبو أسامة

    أهلا وسهلا بك في المراقب المصري سواء قارئا أو معلقا

    أولا: بالنسبة لاعتراضك على ألفاظي... بما إن مدونتي عادة مش بذيئة ومفيهاش كلام أبيح فأعتقد إنك تقصد بالألفاظ هنا هو كلمة طظ فيكم التي وجهتها إلى أساتذة الجامعة المنتمين إلى الإخوان، وهنا أؤكد أن هذا اللفظ مش شتيمة خالص بدليل إن المرشد نفسه استخدمه قائلا طظ ف مصر وأبو مصر واللي ف مصر بل وقال عن المعارضين إنه هيضربهم بالجزمة لما يمسك بس دي قصة تانية

    بالنسبة لمصدر الخبر
    المصدر لم يكن فقط المصري اليوم
    ولو خدت بالك أنا علقت عند الصديق منعم عن موضوع رفض نشر الإعلان بتاع الإخوان وبالفعل هي بدأت تفقد مصداقيتها تماما

    مصدر الخبير كان جريدة البديل اليسارية:
    إضراب ناجح للأساتذة.. والإخوان يقاطعون
    ... وقاطعت جماعة الإخوان المسلمين الإضراب...

    وأيضا جريدة الوفد الليبرالية اليمينية:

    وقاد الإضراب اللجنة التنظيمية للدفاع عن الجامعة المصرية. كما اختفي من الإضراب الأساتذة المنتمون إلي الإخوان المسلمين.

    خبر العربية يبدو مقنعا في الحقيقة لكنه لا يخلو من محاباة واضحة للإخوان حيث يقول المحرر - والذي أعتقد أنه غير موضوعي في الحقيقة - أن أقوى إضراب كان هو إضراب المنصورة اللي قاده أساتذة الإخوان

    بص يا أبو أسامة
    أولا أنا ما شتمتش الإخوان المسلمين كلهم كما تدعي... أنا قلت للأساتذة الجامعيين الإخوان طظ وكانت هذه الطظ بناء على تقارير صحفية وردت من ثلاثة صحف على الأقل يصعب جدا أن تتفق هي الثلاثة معا (على اختلافاتها) على الكذب في نقطة محددة... وعشان الموضوعية يا سيدي أنا الصبح هعمل شوية اتصالات بالأساتذة نفسهم ونعرف الإخوان كان موقفهم إيه... وعموما مش أول مرة الإخوان يتخلفوا عن أي تحرك جماعي مشترك مع أي قوى أخرى... وأنا شخصيا ليا خبرات زي الخرا مع الإخوان في ده

    استنى عليا أتحرى المعلومة بدقة أكتر وأجيبلك الخبر اليقين

    تحياتي

    ردحذف
  3. أزال المؤلف هذا التعليق.

    ردحذف
  4. ها يا مينا..شاركوا ولا مشاركوش؟
    متحيرش المؤرخين، خلينا نعرف طظ فمين!

    :D

    أنا مش شايف في العربية تحيز يعني، ده غير انه حتى لو انحاز مش هيوصل لدرجة انه يقول انهم شاركوا، لكن تواتر الخبر برضو يقويه..مش معقول كله كان خفيف لدرجة انه نشر الاشاعة ومحدش خد باله (ولو انها واردة برضو في صحافة مصر المسطولة)

    الخبر في العربية رهيب عموما، سواء فيما يتعلق بالاخوان أو بالاضراب عموما، 9 آلاف؟..
    هي البلد والعة للدرجة دي؟

    ردحذف
  5. نوارة الحبيبة

    فالحة يا اختي
    تضحكي وتجري

    ---------


    أحمد نصر

    لأ الخبر في العربية فيه عدم موضوعية فعلا... أولا إنه وصف موضوع عدم مشاركة الإخوان على إنه "إشاعة" وعرض وجهة نظر أحادية، وصور الأساتذة غير الإخوان على إنهم بيستهدفوا الأساتذة الإخوان وبيتريقوا عليهم وبيشوهوا صورتهم... إلخ

    دا بخلاف بقى العبثية الكبرى بتاعة إن إضراب المنصورة كان الأقوى عشان الإخوان شاركوا فيه هع هع هع هع

    هذا النمط الذي يقسم الناس إلى إخوان وغير إخوان هو نمط إخواني لا ريب فيه

    وبعدين الوفد والبديل وغيرهم كلهم بيكدبوا؟
    طب ما هي نفس الجرايد دي اللي بتدافع عن الإخوان في مواجهة بطش النظام وحملات الاعتقال والوفد كمان والبديل ناشرين في نفس اليوم الإعلان مدفوع الأجر بتاع بكرة المحاكمة العسكرية للإخوان يعني مفيش شبهة تعمد

    الإخوان مش جديدة عليهم الانسحاب من أي فعاليات بتلعب فيها قوى أخرى غيرهم

    وياما خوزقوا كفاية وانسحبوا من الاشتراك في فعالياتها

    عادي يعني

    وطبعا الطظ ما زالت سارية عليهم إلى أن يثبت قطعا العكس

    :)

    ردحذف
  6. يا سيدي موضوعية خبر العربية هتتحدد على أساس واحد:
    إذا كان الاخوان انسحبوا يبقى خبر غير موضوعي بالطبع لوصفه لنبأ انسحابهم بالاشاعة..

    وهيبقى كاذب لادعاؤه مشاركة الاخوان..

    أما إذا كان الاخوان شاركوا فالخبر هيبقى موضوعي تماما..لأنها فعلا اشاعة، وهيكون التوصيف موضوعي وفي محله..

    موضوع اضراب المنصورة فعلا شكله مش موضوعي عندك فيه حق، وان كان محتاج برضو لمتابعة أكبر أنا مش عارف على أي أساس هو قرر انه اضراب المنصورة الأقوى..خصوصا انه حسب كلامه فالاخوان شاركوا في كل الاضرابات أو في اكتر من محافظة على الأقل..

    لكن بشكل عام مش غريب انه يتقال انه الاضراب اللي شارك فيه الاخوان هو الأقوى بالنظر لقدرتهم على الحشد بأعداد أكبر من غيرهم..

    كونه جديد أو مش جديد يعني أنا مش شايف الموضوع ده له علاقة أصلا بمواضيع كفاية وغيرها، في الأول والآخر كلهم أساتذة جامعات والموضوع يعتبر في الأول والآخر مصلحة مباشرة ليهم لا علاقة لها بالاتجاه أو حتى الشارع السياسي..أنا شايف انه منحاولش نظهر اضرابات زي دي بمظهر الاضراب المسيس..دي أكتر حاجة هتضر بيهم..دلوقتي دي اضرابات للمطالبة بحقوق فئة ما..قضاة ولا أساتذة ولا اطباء ولا عمال..تسييس الاضراب نفسه مش شايفه صحي..

    لكن ممكن في حال عدم استجابة الحكومة كعادتها بشكل جدي، الكلام ده كله يكون تراكمات ممكن توظّف سياسيا..لأنه ساعتها هيزيد التبرم في الشارع من الدولة التي لا تستجيب للمطالب ولا ترعى الحقوق وبلا بلا بلا..

    أتمنى تكون وجهة نظري واضحة :)

    ردحذف
  7. هوه صحيح لهجه المقال ماعجبنيش
    وتوقيته ماعجبنيش اكتر
    والغرض منه او اللي اظن انه الغرض منه ماعجبنيش اكتر واكتر


    إلا انني اقول

    طظظظ
    في اي حد شاف حاجه غلط ومصلحهاش
    طظظظ
    في اي واحد كان جبان وطلع يجري
    طظظظ
    في اساتذه الجامعه اللي ما شركوش في الاضراب
    حزن وطني كانوا
    أو
    اخوان

    ردحذف
  8. عزيزي مينا، الأخوان المسلمين دول هيكونوا انشاء الله السبب في خراب مصر، وهيجي يوم نقول فيه يوم من ايامك يا مبارك زي ما كنا بنشتم في السادات قبل ما يموت وبعد ما مات كل الناس قالت يوم من ايامك ياسادات. بغض النظر عن عدم مشاركتهم في الأضراب، هما جماعة محظورة قانوناً ولما حبوا يطلعوا ببرنامج سياسي طلعوا ببرنامج فضيحة! عموماً انا مبسوط اني عديت على المدونة بتاعتك. أحمد

    ردحذف
  9. أنا بصراحة مستعجب للى مش لاقى موقف محدد فبيحاول يحدد الموقف


    أحياناً بيصدر عن جماعة الإخوان توجيه (أو إعلام أو تكليف أو أمر أو أى حاجة) بإن الإخوان يعملوا كذا (ينزلوا مظاهرة أو يضربوا أو ينتخبوا أو يدعو ربنا حتى)
    مثال : أى مظاهرة إخوانية

    تلاقى ناس بتقول طاعة عمياء ، سمع وطاعة ، .. ، ..... ..

    وأحياناً بيصدر لاشىء (أو مبيصدرش حاجة أو بيصدر أى أى حد يعمل أى حاجة) يقولك معملوش ورافضين ومؤيدين ، ...
    مثال : إضراب أساتذة الجامعات و إنتخابات الرئاسة مثلاً


    اللى أعرفه واللى أظن أنه واضح أنه الموقف أن كل نفر بدماغه ، زيه زى أى دكتور زميله :-)
    اللى عاوز يضرب ، يتفضل وفى ناس أضربت
    واللى مش عايز براحته ، وفى ناس أمتنعت

    إنما مين جمع وعمم أن الإخوان (أساتذة الجامعة) تعمدوا عدم المشاركة

    فأستحقوا جميعاً " طــز "

    ردحذف
  10. أنا هانقل عن تعليق حضرتك السابق على أحمد نصر :
    هذا النمط الذي يقسم الناس إلى إخوان وغير إخوان هو نمط إخواني لا ريب فيه

    إذا فمن قسم أساتذة الجامعة إلى إخوانى وغير إخوانى

    إخوانى ممتنع وغير إخوانى مضرب

    ردحذف
  11. انا محررة في جريدة نهضة مصر اليومية وقد لاحظت ايضا تغيب الاخوان فيث جامعة القاهرة وايضا تغيب طلاب الاخوان رغم انهم دائما موجودين في كل وقفة يعملها الاساتذة

    ردحذف
  12. حسب مدونة حركة أساتذة الجامعات
    http://egyunivstrike.blogspot.com/2008/03/blog-post_6602.html

    الكليات دي نسب أساتذة الاخوان فيها كبيرة جدا حسب معلوماتي!..الاضراب فيها 100%..

    وصلت لإيه يا عمنا؟!

    ردحذف
  13. Ahmed Nasr

    زي ما انت بتقول...
    ==موضوع اضراب المنصورة فعلا شكله مش موضوعي عندك فيه حق==

    عدم موضوعية جزء من الخبر بتنسحب بالنسبة لي على بقية الخبر وخصوصا مع تأكيد عدد من الجرائد والصحفيين اللي غطوا الإضراب في كذا حتة إن الإخوان ما شاركوش... على الأقل ما نزلوش بتقلهم، أو على الأقل ما شاركوش تنظيميا في الإضراب، أو على الأقل مكانوش واصلين لقرار واحد يشاركوا ولا يمتنعوا... القاهرة والأسكندرية هما المحافظتين الأهم والمشاركة فيهما بتعكس "التوجه العام" للفئات المشاركة

    أي إضراب في الدنيا طبعا هو شأن سياسي حتى لو كان لأجل مطالب فئوية أو افتصادية... هو جزء من حراك سياسي مهم ومؤثر وبيبقى مطلوب من القوى السياسية إنها تعبر عن موقفها من التحركات اللي زي كدة بشكل واضح وصريح ودا عشان كدة سبب ضيقي وانفعالي على جماعة الإخوان في هذا الشأن

    العرج بين الفرقتين ولعب المداهنة السياسية للنظام بينما أعضاء الجماعة يدفعون الثمن... شيء بقى مقزز جدا إن جماعة الإخوان تمارسه
    ---------------

    أنا إنسان

    أنا كمان مش عاجبني لهجة التدوينة الحقيقة... ومش بحب عادة أسيء لحد على مدونتي... بس تقاعس الأساتذة عن الإضراب سواء من الإخوان أو الزفت الوطني هو شيء قذر يستحق إدانتنا كلنا وتعبيرنا عن الاستياء منه

    أنا بادين الأساتذة المنتمين للإخوان لأن فيه منهم رجا... لكن من الهطل إني أدين الأساتذة الجبنا اللي مصالحهم مع الحزب الوطني أو حتى مع حرس الجامعة... لأن دول ما فيش منهم رجا أصلا ولا بيحسوا على دمهم

    بادين أساتذة الإخوان اللي مشاركوش لأن الإخوان صدعوا أمنا بالفشخرة بأساتذتهم العظماء، أمل مصر والعلم والمستقبل والذين تتفشخر بهم أي أمة بينما نحن نسجنهم ونطلع عين اللي خلفوهم

    بالنسبة لتوقيت التدوينة وهو بكل أسف صادف ليلة الحكم في قضية المحاكمة العسكرية، فأنا كمان شديد الأسف لهذا التزامن القدري غير المقصود... موقفي من المحاكمة العسكرية معروف وموقفي من سجن نشطاء الإخوان وإعلامييهم ورجال أعمالهم معروف ولا يمكن المزايدة عليه

    لكن الموضوعية اقتضت - من وجهة نظري - إني أنقد ما رأيته تقاعسا وتقصيرا فور حدوثه

    بالنسبة للغرض، فأنت لم تشق عن صدري لتعرف أن وراء تدوينتي غرضا خفيا يبطن ما لا يظهر... غرضي واضح وهو إدانة أي أستاذ المفروض عنده موقف والمفروض إصلاحي والمفروض عنده دم وتقاعس عن المشاركة في الإضراب... ودا غرض مشروع ونبيل فيما أعتقد

    يعني غرضي شريف
    :)

    ----------------


    Nah·det Masr

    يبقى حمار اللي يتحسر على أيام مبارك الحقيقة
    ولا أستطيع أن أحكم على حكم الإخوان مسبقا... يمكنني بالطبع أن أستشف بعض المصائب اللي موجودة في مخهم كما ظهر في برنامجهم العبيط اللي أعلنوه من فترة... بس مين قال إن كل الإخوان وافقوا على هذا الهطل اللي كان في البرنامج؟

    شفنا ناس محترمة في الإخوان رفضت البرنامج وأعتقد لم يتوقف الجدل الداخلي في الجماعة في موضوع البرنامج وتحديدا في قضيتي التمييز ضد غير المسلمين في الوظائف القيادية ومشروع هيئة كبار العلماء كمرجعية لكل كبيرة وصغيرة في سياسات الدولة

    بالنسبة لكون الإخوان "جماعة محظورة" قانونا... طظ في القانون لو القانون أحكامه مستبدة وغير شرعية وغير دستورية ومناهضة للقوانين الدولية وحقوق الإنسان... أنا في هذه الحالة ضد القانون ومع المشروعية... وبالتالي الإخوان بالنسبة لي جماعة وفصيل سياسي شرعي ووجودهم ومشاركتهم في الحياة السياسية يجب أن تكون مكفولة

    القانون اللي بيحظر الإخوان هل بيعترف بكفاية؟
    طب ليه بنقبل بمشروعية كفاية و"نصهين" على مشروعية الإخوان؟؟
    -----------------


    محمود سعيد

    أنا مش عارف تقصد مين باللي مش لاقي موقف محدد وبيدور على موقف؟
    موقفي أنا يعني؟
    موقفي من الإخوان عموما معروف
    أنا ضد أفكار ومرجعية الإخوان بالطبع وضد كثير من منهجياتهم

    لكن برضو أنا مع حقهم في الوجود وفي الممارسة السياسية وفي حقهم في الحرية وفي التنظيم

    موقفي من اعتقالات الإخوان برضو معروف ومش محتاج أعيد التأكيد عليه
    موقفي من القمع سواء ضد الإخوان أو غيرهم برضو معروف ومش محتاج أأكد عليه

    الجماعة ليها مواءمات سياسية مع النظام ودا شيء بيثير اشمئزازي بغبا...

    رفض الجماعة المشاركة بشكل تنظيمي في الإضراب، أو حتى ترك الموضوع "اختياريا" مع تحبيذ عدم التصعيد هو منتهى السخافة ومنتهى القرف من الجماعة وهو دا تحديدا اللي خلاني أقول "طظ"

    بالطبع أنا بنيت كلامي بالأساس على تقارير صحفية من عدة صحف كما أوضحت وكلها أجمعت على "انسحاب" الإخوان و"تعمدهم" عدم المشاركة، وبناء عليه استحقوا "الطظ" وعن جدارة

    بعد كدة فيه ناس بتقول "بعض" الأساتذة من الإخوان شاركوا... والناس دي بتزايد كمان وتقول إن الإضراب اللي شاركوا فيه الإخوان كان "الأقوى"... هنا بقى الطظ لوحدها مش كفاية وإنما الأمر يستحق شخرة عميقة... فيه إحساس تعالي عند الإخوان بشع يا محمود... وبيبان في أساليب تعبيرهم اللي بتكون مش مقصودة لكن بتعكس الإحساس بالتعالي ده بشكل مخيف

    كل احترامي الحقيقة لمن شارك في الإضراب - إذا كانوا شاركوا - وتبقى "الطظ" لازقة في قفا كل أستاذ لم يشارك عن جبن أو عن تقاعس أو عن مواءمة سياسية مع النظام أو مع حرس الجامعة

    تقسيم البشر إلى أخ وغير أخ هو بالطبع تقسيم إخواني... وأنا في استخدامي لتعبير أساتذة الجامعة الإخوان ما إلا وصفت انتماء الفئة التي أقصدها بغض النظر عن موافقتي على التقسيمة دي من عدمها... يا عم إذا كان انتوا كمدونين "إخوان" قعدتوا ياما تتجادلوا إذا كنتم إخوان مدونين ولا مدونين إخوان... ولم يحسم الأمر بعد
    ------------------


    dalia

    وآدي شهادة شاهدة عيان على الموضوع للي بيشككوا في الموضوع
    -----------------



    Ahmed Nasr

    وصلت إلى تثبيت الطظ على كل أستاذ جامعة لم يشارك في الإضراب ورفع القبعة تحية لكل من شاركوا... ولكن يبقى كما قال ابن أخ إن أساتذة الجماعة لم يشاركوا تنظيميا وغالبا لم يتفقوا على ضرورة المشاركة وبالتالي اتسابت مفتوحة... عموما هيبان بعدين موقف كل فصيل وكل مجموعة لأن المعركة ما انتهتش

    ردحذف
  14. صحيح، الاضراب شأن سياسي، من المفهوم الواسع للسياسة..

    لكن نسبته لكفاية أو الاخوان أو النسوان ده مش شأن سياسي قد ماهو في رأيي غباء سياسي..

    استغلال أي فصيل سياسي لرفض الحكومة لمطالب الناس ده طبيعي، لكن انها تحاول انها تنظم اضراب عمالي أو مهني ده مش هيكون في صالح أصحاب المهنة نفسهم، زي ماهو مش هيكون في صالح التيار السياسي..

    يعني ده رأيي في مسألة مطالبة أي تيار سياسي بالضلوع في التنظيم او الاعلان..في حركة فئوية خاصة باستقلال الجامعات هي المنوط بها القضية..تأييد أي تيار سياسي شعبي لا يجب أن يتعدى بيان حاليا..على انه يستغل النتائج (واحنا تقريبا متأكدين منها) لاحقا..

    بالنسبة للخبر فأعتقد مدونة حركة أساتذة الجامعات تعتبر في رأيي الأكثر دقة، واضح انه لم يستثنى أي فئة من الأساتذة في موضوع الاضراب من عدمه وفق التصنيف السياسي..بمعنى آخر اننا لو قيمنا العبارة المذكورة وفق خبر المدونة ووفق أحداث القاهرة والاسكندرية برضو فواضح انها اشاعة فعلا..

    أما لو قلنا انه الاخوان لم ينظموا الاضراب فده صحيح محدش ادعى أو طلب أصلا غيره..

    ردحذف
  15. مقصدش حضرتك بالتأكيد بالموقف
    وموقف حضرتك مفيش كلام عليه

    أقصد موقف محدد للإخوان أنفسهم
    هل فى موقف محدد ومعلن
    بحسب علمى لا يوجد

    يبقى توصيف الموقف أنه لا موقف
    مش أنهم ممتنعين أو مشاركين
    أنا نفسى لن أدعى أنهم شاركوا ولا أنهم أمتنعوا عن المشاركة


    وتقسيم حضرتك لأساتذة الجامعة إلى أخ وغير أخ
    هو تقسيم خاطىء فى الأصل

    وبحسب التصويت مدونة الإضراب فى نسبة حوالى 25% واثقة فى وعود الحكومة على درجات ..


    وأظن طالما حضرتك بتخصص الإخوان بالموضوع
    يبقى كان مفروض نقترح فى التصويت خانة زيادة ، أسمها أنت أخ ولا مش أخ :-)

    ردحذف
  16. غير معرف4/02/2008 10:05 ص

    بالفعل الاخوان كانو قد اتفقوا مع حركه 9 مارس واتفقو ايضا مع هيئة التدريس ثم جائهم اوردر بعدم المشاركة ولم الدور .. اقول هذا وانا من الاخوان واعمل بالجامعه
    ونعم القرار خاطئ وغير مبرر ومستفز

    ردحذف
  17. وشهد شاهد من أهلها
    من فضلك سيب إسمك عشان التوقيع المجهل بيفقد شهادتك مصداقيتها
    يعني إن قلت ما تخافشي وإن خفت ما تقولشي
    مش تعمل دكر وتقول تصريح جامد وتقيده ضد مجهول

    ههههههههههههههه

    ردحذف
  18. أحمد عبد التواب سلطان4/02/2008 11:38 م

    كنت أتمنى أن أجد شيئا محترما وموضوعيا لكن للأسف لم أجد سوى ترهات وأساليب شائنة ولغة غير محترمة
    أنا آسف علي وقتي الضائع
    وأنا آسف علي صمتي في هذه المدونة

    ردحذف
  19. أحمد عبد التواب سلطان4/02/2008 11:40 م

    كنت أتمنى أن أجد شيئا محترما وموضوعيا لكن للأسف لم أجد سوى ترهات وأساليب شائنة ولغة غير محترمة
    أنا آسف علي وقتي الضائع
    وأنا آسف علي صدمتي في هذه المدونة

    ردحذف
  20. أحمد عبد التواب سلطان

    أنا كمان آسف على وقتك الضائع بس هنعمل إيه بقى... أنا أصلي بحب جدا الترهات ومتخصص بالأساليب الشائنة

    تحياتي

    ردحذف