Glimpses from My Instagram Gallery

2008-03-27

إضراب عام في أرض مصر يوم 6 أبريل... خليك بالبيت


اتفقت كافه القوي الوطنية في مصر علي أن يكون
يوم 6 إبريل
يوم إضراب عام في مصر
يوم 6 إبريل خليك قاعد في البيت أو شاركنا فى الميادين العامة
أوعي تنـــــــــزل لكن شاركنا

ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر

عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان

مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا

قول لأصاحبك مايروحوش الشغل همه كمان وخليهم يدخلوا الإضراب
أضراب عام في مصر سلمي
أبعت رسايل لخمسة من أصحابك
ولو كل واحد بعت لخمسة
في ظرف يومين البلد كلها حتعرف
بالموبايل
بالأرضي
بالأيميلات
أو حتي رسايل عالشات في قنوات التليفزيون
أنسخوا رسالتنا وأبعتوها تعليق على كل المقالات ألي بتقروها
بيكوا وبينا البلد دي حتتغير أنشاء الله
المسيحين مع المسلمين لصالح مصر

يالا يامحمد يالا يامينا مصر مش هتتغير إلا بإيــــدينـــــا

هناك 12 تعليقًا:

  1. كلنا اضراب ان شاء الله
    ودي الخطوة الاولى بس
    ومصر هتتحرر ان شاء الله

    ردحذف
  2. أزال المؤلف هذا التعليق.

    ردحذف
  3. هنعتصم
    هنسمعهم صوتنا
    مش هنفضل اغراب في مصر وخيرها رايح للي ما يسواش
    مصر بلدنا
    لو متحدناش دلوقتي هيجي اليوم اللي هنبيع ولادنا علشان نعرف نعيش
    انا كمان حطيت الموضوع ده على مدونتي علشان الدنيا كلها تعرفه
    معاً يوم 6 ابريل
    Love,
    MishMish

    ردحذف
  4. يا مصر قومي وشدي الحيل

    عايزين ننطالب الجرايد المستقله بالاحتجاب ايضا

    وقوللي ازاي انزل شعار الإضراب عندي في المدونه

    ردحذف
  5. غير معرف3/29/2008 3:42 م

    أزال أحد مشرفي المدونة هذا التعليق.

    ردحذف
  6. كلنا معاكوا وموقعى كمان معاكوا وكلانا ايد واحده موقعى

    Wwww.mardah.tk

    ردحذف
  7. والله فكره حلوه بس للاسف ملهاش اى فيده مهما عملتو التغير بس هو الى هيجى من عند ربنا
    ومع ذللك انا بقلبى معاكو لانى بره مصر بدور على خير بره لان انتو صح خير مصر لغرينا مش لينا
    وعجبى

    ردحذف
  8. غير معرف4/03/2008 12:29 م

    مشكلة الشعب المصرى الحماسة والحديث لكن عند الفعل الكل بيخاف انا ياريت كلنا نبقى شخص مصرى واحد فيه كل اصرار وجراة وحماسة واقدام الفراعنة

    امضاء مصرية

    ردحذف
  9. غير معرف4/03/2008 10:23 م

    ِAbeer Afifi

    يارب مصر كلها تكون يد واحدة
    ونترك روسنا ترتفع عن الرمال

    ردحذف
  10. تفتكر ممكن ده يغير حاجة ؟؟؟؟ أنا شايف ان كلة ده في هوا ... حتي لو إيه كام واحد هيعمل إضراب
    1000
    2000
    5000
    10000
    10000
    او ايه مليووووووون
    هيكون لسة فيه أكتر من 65 مليون واحد تاني ... هيعيشوا حاياتهم .. مش ستعدين ياخدوا يوم جزا وهما في قفا القرش
    طيب كانوا يعملوا الاضراب ده في يوم اجازة زي يوم الجمعة يعني

    ردحذف


  11. أنا ليه هعمل الاضراب ؟؟


    لما الفسـاد وقــّـفوه حـارس على وطنى
    ولهيب الغلا كوانى .. وحتّ ف بدنى
    لما الحرامى سرق منى اللقمة والميه
    وسرق هدوءى وسكنى .. حتى من سكنى
    لما الحلم حتى اتسرق .. من يومى .. من زمنى
    لما النظام نسج - فى عز الشباب - كفنى
    أنا قلت هعلن العصيان
    فى يوم حزين مـَدنى

    انا قلت هعمل الإضراب
    ولم الدنيا والعالم
    فى يوم ابيض على المظلوم
    اسود كئيب على الظالم


    لما سألت عالعيش .. قالوا مفيش
    وقالو العيش على الأبونية
    وسألت عالزيت .. وعزّيت
    لما عرفت إن الزيت بتسعة جنيه
    وسألت على حديد البُــنا
    قالوا الحديد .. خلاص فى كرش البيه

    انا قلت هعمل الإضراب
    ولم الدنيا والعالم
    فى يوم ابيض على المظلوم
    اسود كئيب على الظالم


    لما البشر والحجر
    ووادى النيل ببنى أدمينــــه
    لما زمان الوطن بايامة وشهورة وسنينه
    لما الصغير والكبير
    قالوا كفاية مش عايزينــة
    كفاية علينا حكم سنين
    تخرج الواحـــــد من دينـه

    انا قلت هعمل الإضراب
    ولم الدنيا والعالم
    فى يوم ابيض على المظلوم
    اسود كئيب على الظالم


    لما المبيد صبح سرطان
    يهرى ف ارضنا .. فى الزرع .. فى مواطن
    لما بؤ الميه صبح وسخ داكن
    لما خرب الاقتصاد .. واحد على تلـّـــهَ
    قاعد وشارب وواكل وساكن
    لما الشباب بيصرخ .. فى ذل ومهانة
    ولا شغل ولا توظيف ولا شقة ومساكن

    انا قلت هعمل الإضراب
    ولم الدنيا والعالم
    فى يوم ابيض على المظلوم
    اسود كئيب على الظالم

    تحياتى
    أحمد الصباغ


    ردحذف
  12. ارجو من الشعب المصرى الاضراب فى مصرفى يوم 6 ابريل الان الحكومة لا تحل المشكلة الا قى اضراب

    ردحذف