Glimpses from My Instagram Gallery

2008-01-22

أول قصيدتك كفر يا عم مكرم


بعد تطهير كافة أدوار نقابة الصحفيين من الكفار والإرهابيين على حد السواء
جاء الدور الآن لتطهير السلم كمان...


وها هو الأخ مكرم يبدأ أول اجتماعات مجلس النقابة الجديد باستنكار وشجب خروج مظاهرة رفض زيارة بوش عن النص المرسوم لها ويتوعد ويتعهد - ضمنا - بأن يطهر السلم من المظاهرات والاعتصامات حيث عبر مجلس النقابة عن أسفه لقيام بعض الحركات من غير أعضاء النقابة بتنظيم اعتصام على سلم مبنى النقابة دون إبلاغ المجلس أو إتخاذ الاجرءات المتبعة فى تنظيم الإحتجاجات.
(إجراءات إيه يا ابو إجراءات!!)

خد يا عم السلم اشبع بيه!!

يعني بركة إنها جات من عندك
أنا أصلا كرهت وقفة سلمكوا
والمهانة بتاعة سلمكوا
وأساسا اللي بيتظاهر ع السلم لا اللي فوق بيشوفوهم
(اللي فوق أساسا ما بيشوفوش)
ولا اللي تحت سمعهوهم
(اللي تحت، الجوع خلاص أصم أذانهم!)

ويا ريت بقى نخلي عند أمنا كرامة ونسيب له سلالم النقابة مخضرة
يشبع بيها هو وحبايبه ومحاسيبه ومحاسيب النظام من بتوع الصحافة الحكومية الحمضانة اللي محدش بيصدق حرف فيها

هناك 5 تعليقات:

  1. ياريت أقرأ أسمع صوته وأقرأ كلامه ولا أعرف أتقابل معه



    فضيحــــــــــــــــــــــــــــــة بالسعـــــــودية


    مــــــــن المجتمــــــــــــــع الدولــــــــــــــــــــى



    الـــــــى الملك / عبدالله بن عبد العزيز (خادم الحرمين ) بابا الفاتيكان بيسلم عليك ويقولك عيب رجعوا للمسلم حقه

    وملكــة بريطانيا بتقولك عيب خلوا عندكم شوية ديمقراطيـــة وحقوق انســـــــــان مش انتم بتقولوا انكم مسلمين أعطوا المسلم حقه

    أما الرئيس الأمريكى بوش بيسلم عليك وبيقول لك خلص المشكله ديه ورجع للمصرى جميع حقوقه وهو مش عايز يتكلم فى الموضوع ده تانى

    أما الكونجرس ألأمريكى يقول لك احنا متابعين قضية المواطن المصرى ولن نتخلى عنه حتى يأخذ جميع حقوقه

    أما ألأمين العام للمنظمة الدوليه لحقوق الانسان يقول لك الشكاوى منكم يوم عن يوم بتزيد وسوف نضطر لرفع ألأمر الى ألأمم المتحده ومجلس ألأمن للنظر فى فرض عقوبات اقتصادية عليكم قد تصل الى تجميد أرصدتكم فى خارج السعودية بعد خصم جميع حقوق المواطن المصرى وخاصة انه بيقول انه مسلم زيكم


    برجاء الاطــــلاع وشكرا

    http://gamal51.blogspot.com/

    http://anameshm3ahom.blogspot.com/2007/12/blog-post_11.html

    http://kalam3eal.blogspot.com/2007/12/blog-post.html

    ردحذف
  2. طيب ممكن سؤال؟
    ايشمعنى بتتظاهروا عند سلم نقابة الصحفيين؟
    يعني السلم رخام و لا بيبرد نار الحران و لا فيه مزز طحن و لا بيوزعوا مع كل وقفة سجادة صلاة و سبحة؟؟
    بجد ايشمعنى التركيز على مبنى نقابة الصحفيين
    قانونا هو من حقهانه يمنع اي حد يشغله مكان عمله
    اعتقد ذلك بس مش متاكده
    طيب ما تتظاهروا في اماكن متفرقة و مختلفة
    كل مرة اضربوا في حتى شكل
    ليه متاخدوش المظاهرات و توصلوا بيها لمصر الجديدة مثلا بما ان سكانها هبل و مش من مستوى الهتيفة و دايما فيه اتهام انهم طبقة مش حاسة بهموم الشعب؟
    يعني ده على سبيل المثلا يا حاج
    و سلم لي على المظاهرات

    ردحذف
  3. العزيزة حفصة

    اللجوء لسلم النقابة بالأساس كان سببه منع الأمن بشكل قاطع منذ مارس 2007 لأي مظاهرة في الشارع وقمعها بكل الوسائل من أول الضرب والتحرش لحد الخطف والاعتقال غير القانوني

    المظاهرات رغم قلة تأثيرها - على نحو ظاهر - إلا أنها تبقى "أحد" الوسائل المهمة للتعبير عن المواقف الاحتجاجية وتوصيل الصوت المعترض في القضايا المختلفة... هي آلية مهمة ولكنها ليست الوحيدة لكن لا يمكن التهوين من دورها وأهميتها

    ردحذف
  4. يا مينا ان امقلتش متتظاهروش
    انا بقولك ايشمعنى سلم نقابة الصحفيين؟؟؟ لماذا هذا السلم بالتحديد يعني
    و بعدين من قبل القانون بتاع مارس 2007 ة اونتوا دايما بتتظاهروا هناك
    يعني مش من بعد القانون
    فحيفضل سؤالي ايشمعنى سلم نقابة الصحفيين؟
    معقولة مافيش اماكن كويسة تانية و حتى بكده تغلبوا الامن معاكوا
    يوم تروحوا هناك و يوم تروحوا هنا
    يبقى الامن مش عارف المرة الجاية انتوا فين مش كل مرة تروحوا سلم النقابة و هو بيبقى مستعد
    دي حاجة
    الحاجة التانية انتوا لما تغيروا مكان المظاهرات و التضمانت مهما كان الامن جبار مش حيقدر يفرض حصار على كل المناطيق
    و لو فرضنا انه ضرب الحصار على مناطق القاهرة كلها فده حيخلي الناس تتبرم منه بشكل زايد و حتنجحوا انكوا تضموا ليكوا ناس زيادة بدل ما انتوا عمالين تلفوا حوالين بعضيكوا
    يعني في النهاية حتكسبوا جمهور زيادة سواء بتحركوا لاماكن جديدة او بالكتسابكم تعاطف الناس او حتى تبرمها من الحصار اللي ممكن ينفرش
    انتوا مش بتعرفوا تخططوا للاسف
    تقليدين لابعد حدود ومافيش عندكوا اي نوع من انواع التخطيط الاستراتيجي التكتيكي
    لذلك سوف تفشل الكثير من المظاهرات و الوقفات و حيتم اجهاضها قبل ما تقوم و انتوا حتستمروا على نفس النمط
    تحياتي

    ردحذف
  5. هذه البلد حرة بطهارة قلوب شعبها أما الزبد فيذهب جفاء وأما ما ينفع الناس فيبقى في الأرض
    ومن الزبد أمثالك وأمثال أمثالك فمتى سمعنا مطالبا بالحرية صفيقاً مثلك ؟!!
    متى سمعنا منديا بالحق يتلظ بألفاظ أقل ما توصف أنها وضيعة ؟!!
    أنت اخترت الوضاعة فابق فيها وبها ومعها وليس من حق الوضيع أن ينال الحرية فالنضال في سبيل الحرية شيء والوضاعة والسفالة واستعمال ألفاظ السوقة شيء آخر ..
    إني لأحزن ومن أول زيارة لي لمثل هذه المدونات أن أرى هذه الوضاعة في المطالبة بالحق .. أنت وأمثالك سبب فيما نحن فيه .. فاصرفوا عنا وضاعتكم ودعوا أصحاب العقول والضمير تعمل لصالح الغالبية المنزهة عنكم ولا تجروها إلى مستنقعكم ..
    ومع ذلك لن أيأس فأناأعلم أن مثلك قليل وإن طفى على السطح

    ردحذف