Glimpses from My Instagram Gallery

2007-12-26

المراكز "القبطية" لمناهضة حقوق الإنسان... عمار يا مصر

مبدئيا لا يوجد ما يسمى أصلا ناشط في الشأن القبطي!
أيوة أنا عارف إن فيه ناس كتير اسمها كدة وبتبيع وتكسب على حس اللقب "الفزيع" ده
بس من تاني مفيش حاجة اسمها كدة

أولا حقوق الإنسان لا تتجزأ
ودي ألف باء حقوق بني آدمين
يعني يا البني آدم فينا بيدافع عن حقوق الإنسان على بعضيها يا بيسيبها كلها على بعضيها
هي كدة حزمة واحدة
take it or leave it
مفيش حاجة اسمها بتدافع عن الحريات الشخصية مثلا
لكن بتناهض الحريات المدنية والسياسية
(كما هو الوضع في تونس مثلا)

أو إنك بتدافع عن حرية الاعتقاد وبتناهض الحقوق الاقتصادية والاجتماعية
وهكذا

وحتى لو انت متخصص في مجال ما من حقوق الإنسان
فدا المفروض بيبقى على أساس إنك بتركز في خدمة هذه الحقوق المعينة كجزء من تبنيك لحقوق الإنسان كمنظومة عالمية متكاملة غير قابلة للتجزئة ولا للتصرف

الإخوة بقى بتوع إكشاك حقوق الإنسان (والمراكز الحقوقية بتاعة تحت السلم) اللي بيدعوا إنهم حقوقيين
لكن عند أول عطفة تجدهم يظهرون وجههم البغيض المناهض لحقوق الإنسان
دول الواحد مش عارف يقول عليهم إيه الحقيقة

بالأمس حكمت محكمة القضاء الإداري برئاسة المستشار محمد الحسيني
(نفس القاضي اللي قضى بعدم إلزام جهة الإدارة بإصدار بطاقات رقم قومي للعائدين إلى المسيحية في القضية الشهيرة في أبريل الماضي)
حكمت بقبول الدعوى المرفوعة من "الناشط الحقوقي"، الناشط في الشأن القبطي، المحامي "المحتسب" ممدوح نخلة
المرفوعة ضد جهة الإدارة لإلزامها بسحب بطاقة الرقم القومي من المواطن "الأنبا ماكسيموس" رئيس جمعية (أو مجمع) القديس أثناسيوس الرسولي.


الظريف والمفجع في هذه القصة اللطيفة إن الأستاذ ممدوح هنا - وإن كان بشكل غير رسمي - يمثل موقف الكنيسة الرسمية اللي شايفة في تنامي "ماكسيموس" واتساع تأثيره والاعتراف الرسمي - من الدولة - به تهديدا على سطوتها وهيمنتها على "رعيتها" التي تتحكم فيها كما يتحكم "خولي العزبة" في أنفاره... وهو شكل حديث من أشكال القنانة (عبودية الأرض).

للإخوة بتوع حقوق الإنسان "القبطي" أقول...
حلوا عن سمانا وروحوا شوفوا لكوا شغلانة شريفة تاكلوا منها عيش
وبلاش تشويه لسمعة حقوق الإنسان عشان مش ناقصة
مش هتبقوا انتوا والدولة علينا

هناك 13 تعليقًا:

  1. دى اول مرة اكلمك فيها بس عجبتنى كلمة عنحموم الانسان بجد دول ناس اى كلام وهما اللى بيقوموا الدنيا فى عضها ناس وصوليه ولو دخلت عندى هتعرف انهم مش بيعملوا حاجه بيجروا وراء الفرقعه بس
    وكل سنه وانت طيب

    ردحذف
  2. لأ طبعا مش كل بتوع حقوق الإنسان ناس وصولية ومش كلهم ناس أي كلام أو بيجروا ورا فرقعة

    بس فيه فئة منهم بالفعل كدة
    فيه فئة منهم نفعية وصولية
    وفيه فئة منهم واخدينها أكل عيش
    بس فيهم ناس جادة وبتدافع عن حقي وحقك وحق الناس العادية

    اللي بحاول أوضحه يا عزيزتي إن الفئات اللي مش كويسة بتسيء للناس الكويسة وبتسيء لمفهوم حقوق الإنسان بوجه عام
    ودا في النهاية بيصب في الصورة السلبية اللي بتحاول أنظمتنا المستبدة الفاسدة إنها تكرسها عند عامة الناس

    شكرا على الزيارة وسأزور مدونتك حالا

    ردحذف
  3. غير معرف12/27/2007 3:02 م

    الأستاذ المحترم مراقب مصري

    هناك سوء فهم في الموضوع، لأن الموضوع لا يمت لحقوق الإنسان بصلة من قريب أو بعيد

    عندما نتحدث عن حقوق الإنسان، هل يحق لأي إنسان إنشاء كنيسة أو طائفة أو مذهب؟
    الإجابة : نعم يحق له ذلك

    لكن ما فعله ماكس ميشيل لم يكن كذلك
    ماكس ميشيل لم يأتي ويقول أنا بابا الكنيسة الجديدة، أو أنا بابا الطائفة الصحيحة، أو أنا بابا الكنيسة المسيحية الحقيقية، يحق له كل ذلك، ولكنه لم يفعل أى من ذلك بل قال أنا بابا الكنيسة القبطية الأورثوذوكسية، وهذا ليس من حقه

    يحق لأى إنسان أن يقول أنه رئيس دوله، لكن لا يحق لأي إنسان أن يقول أنه رئيس دولة مصر مثلا وتخرج له أوراق رسمية بأنه رئيس دولة مصر ومصر لها رئيس فعلا

    أتمنى أن تكون فهمت الموضوع بطريقة أوضح الأن، وشكرا على إهتمامك

    ردحذف
  4. كل سنه و انت طيب
    عيد ميلاد سعيد
    عيد ميلاد مجيد
    ...............
    هرجع تاني اعلق علي الموضوع

    ردحذف
  5. كل عام وانتم بخير وادعوكم لمشاهدة موضوع فضيحة جامعة القاهره وهذا الموضوع اقسم انه حقيقي

    تحياتى

    al3ozamaa.blogspot.com

    ردحذف
  6. الأخ المجهول
    (كنت أتمنى إنك تكون بتعرفنا بنفسك)
    على حد علمي - وهو صحيح - أن السيد ماكسيموس يعرف نفسه دائما باعتباره رئيسا لمجمع القديس أثناسيوس الرسولي وأنه أسقف ينتمي إلى إحدى الطوائف الأرثوذكسية الأمريكية والتي رسم بها أسقف... يعني لم ينتحل صفة بابا الكرازة المرقسية المعظم مثلث الطوبى رئيس الأحبار ... إلى آخر الألقاب التي تأتي قبل السيد بطريرك الأقباط الأرثوذكس البابا شنودة الثالث

    أتذكر أنه كان عندما يُسأل مباشرة هل أنت كنيسة بديلة لكنيسة البابا شنودة فكان يؤكد أن كنيسته هي كنيسة "أرثوذكسية" أخرى لا علاقة لها بكنيسة شنودة

    اعترافنا أو عدمه بصحة اعتقاد ماكسيموس وصحة أرثوذكسيته من عدمها لا علاقة له على الإطلاق بأن تغيير اسمه هو حق من حقوقه كمواطن
    وحقه في الاعتقاد وتأسيس طائفة أو حتى ديانة جديدة أو طائفة مماثلة لطائفة أخرى فكل هذا حقه وارجع اقرا المادة تمنتاشر من العهد الدولي للحقوق المدنية والسياسية عشان تفهم أكتر شوية

    يا ريت لو عندك ما يثبت انتحاله صفة بطريرك الكرازة المرقسية أو أي تسجيل أو وثيقة تثبت قوله أنه هو بابا الكنيسة بتاعة البابا شنودة تقدمه


    قضية ماكسيموس مع خلافي معه هي قضية حرية اعتقاد لا لبس فيها

    من حق ماكسيموس - أو غيره - مش بس إنه ينشئ طايفة جديدة، بل من حقه يعمل دين جديد لو يحب ويدعو إليه كمان

    راجع بقى المادة 18 وما توجعش قلبي الله لا يسيئك

    ردحذف
  7. ذو النون حبيبي

    كل سنة وانت بخير وسلامة يا جميل
    مستنيك ما تأخرش بقى

    ردحذف
  8. بأمانة أنا أول مرة أسمع أن فى حاجة

    أسمها ناشط فى الشأن القبطى هى حقوق

    الأنسان ناقصة على رئيك طيب مش كفاية

    اللى مشوهينها أصلا تعرف لقيتلك قبل

    كدا واحد محامى مدعى أنة من حقوق

    الأنسان جية يتناقش معايا فى موضوع يخص

    حرية الرأى والتعبير لقيتة متعصب جدا

    نحو دين معين وشديت معاة فى الحوار

    وقلتلة هو حضرتك متأكد أنك من حقوق

    الأنسان قالى أة قالتلة بصراحة أشك

    أنا على حد علمى أن المفروض أن بتوع

    حقوق الأنسان يجب أن يكونوا محايدين

    تصدق ممكن يطلع من اللى قصدك عليهم

    نفسى فى حاجة فعلا أى حد يبقى ناشط فى

    حقوق الأنسان لازم يتعمل لية أختبار

    أذا كان يصلح أم لا وإلا تنبأ بحدوث

    كوسة عارمة فى الأوقات المقبلة

    كل سنة وأنت طيب

    merry christmas

    ردحذف
  9. نفصصها حتة حتة كده عشان الكلام مانفعش في التليفون

    بالنوسبة للاخ ماكس ميشيل
    هو أولا اعلن انه بابا الكنيسة الارثوذكسية (مش المصرية) والكلام هنا توضيحا للمجهول اللي اتكلم وقال انه مش من حقه
    بغض النظر عن اذا كان من حقه ولا لأ..

    هو متنصب من مجمع اسمه (المجمع المقدس لارثوذكس الشتات بالولايات المتحدة)
    الكنيسة بتقول انه مش من حقه لان البابا لازم يتم اختياره من قبل الشعب . ده غير الخلاف العقائدي والفكري إلخ

    اللي عايزه اقوله يا مينا حاجة مهمة جدا
    أولا لازم نفرق بين موقف الكنيسة الرسمي وموقف نشطاء (حتى لو محسوبين عليها)
    طالما مقالوش انهم متحدثين رسميين باسمها ,, ماتقدرش تمنع واحد يعمل حاجة شايفها خير وفي مصلحة الكنيسة
    والكنيسة مش هتمسكه من ايده

    فيه 3 اطراف في الموضوع ده عشان نكون واضحين
    الكنيسة
    النشطاء اللي بتقول عليهم
    القضاء (الدولة) (لو اعتبرنا الحكم مسيس)


    الكنيسة:
    موقفها سليم تماما .. الكنيسة لم تطالب باعتقال الرجل ولا تملك سلطة اصلا لاعتقاله
    وطبيعي اي مؤسسة دينية أو أي دين في العالم لو لقى معتقد جديد مقحم عليه شايف ان فيه تجاوزات هيحذر منه وهيقول ده مش تبعي ده مضلل ومنحرف الفكر اوعوا تروحوا عنده.
    وده موقف طبيعي .. أكيد الكنيسة مش هترحب بوجوده طالما شايفة ان فكره منحرف وهتعارض وجوده ,, وده طبيعي جدا
    لكن في نفس الوقت الكنيسة لم تمنعه ولا تملك سلطة منعه اصلا.
    ومن حقها ورد فعل طبيعي انها تقول انه فكره منحرف ومش تبعنا

    النشطاء :
    ايا كان المثار حولهم سواء إصلاحيين او من انصار الكنيسة وقياداتها الحالية .. وحتى لو اعتبرتهم محسوبين عليها
    فهم لا يمثلوها ولا تحاسب هي على افعالهم .. ربما تباركها مثلا .. لكن لا تحاسب عليها
    فمن حق اي انسان إقامة دعوى قضائية ضد اي حد من منطلق استخدام حقوقه كمواطن مصري.
    الراجل اقام دعوى لسحب البطاقة اللي وارد فيها ان ماكس أسقف .. وده لانه مفيش اي جهة رسمية اعترفت بيه اصلا.
    اما حكاية الناشط القبطي دي..
    انا اصلا مابحبهاش ..
    لكن ما تقدرش تمنع ناشط حقوقي انه يتخصص في مجال معين ..
    ناشط من اجل حقوق المرأة
    او السجناء
    او الاطفال


    القضاء (الدولة):
    لو اعتبرنا ان الحكم مسيس .. هنتكلم عن الدولة..
    اولا انت عارف وانا عارفة وكلنا عارفين ان آخر حاجة تفرق مع اي نظام سياسي هي الحرية الدينية او الدين بشكل عام
    اي نظام سياسي اهم حاجة عنده البقاء وفي مصر هنا البقاء والاستقرار الامني
    واحد زي ده هيعمل قلق على الفاضي ووراه شبهة اجندة من مجمعه امريكي محدش عارف ايه اصله (وانا هنا بفكر بعقلية ما وراء الحكم بغض النظر عن مدى اتفاقي او اختلافي معاها) وممكن يعمل بلبلة ويؤثر على العلاقة بين الدولة والكنيسة .. يبقى بلاش منه .. احسن

    كماان المحكمة الادارية حكمت برفض الدعوى لعدم الاختصاص .. يعني قالت احنا مالناش دعوى ..

    ثانيا ومن وجهة نظر قانونية بحتة .. الموضوع ده كان فيه لخبطة كتير جدا
    اولا الترخيص اللي هو اخده كان بإنشاء جمعية أهلية خيرية مش كنيسة ..
    قانونيا مفيش حاجة اسمها (المواطن الانباء مكسيموس) .. الصفة الاعتبارية دي تمنح من قبل الدولة وبموافقتها
    البطاقة بتبقى (المواطن ماكس ميشيل)
    ثانيا هو خالف اغلب شروط اختيار البابا ..
    ثالثا فيه لخبطة كبيرة جدا في الورق بتاعه
    يعني هو بنفسه قال اتباعي في مصر اكتر من نص مليون
    والمجمع بتاعه في امريكا اكدوا رسميا ان عدد اتباعه 3 آلاف فقط..
    طيب نصدق مين؟؟؟

    الورق الرسمي اللي جاي بيه من المجمع الامريكي بيشترط تقديم اوراق اعتماده لبابا الاقباط .. وده محصلش طبعا ..

    الموضوع كله فيه تهريج كتير قوي ..
    وموقف الكنيسة طبيعي ومنطقي بعيدا عن اللي انت شايفه هيمنة او بتاع

    ثانيا .. ربما تكون الكنيسة في حاجة ماسة للاصلاح .. لكن ما افتكرش ابدا ان الاصلاح يهيجي بالطريقة دي ابدا

    الاصلاح هييجي من جوه بس مش على ايدين الاكليروس..

    لازم نفرق احنا بنناقش ايه
    المنظمات الخقوقية اللي لا حقوقية ولا حاجة
    ولا بنناقش الكنيسة واصلاحها
    ولا بنناقش تسييس القانون واحكامه
    ولا بنناقش العقائد الجديدة؟؟؟

    ردحذف
  10. فضيحــــــــــــــــــــــــــــــة بالسعـــــــودية


    مــــــــن المجتمــــــــــــــع الدولــــــــــــــــــــى



    الـــــــى الملك / عبدالله بن عبد العزيز (خادم الحرمين ) بابا الفاتيكان بيسلم عليك ويقولك عيب رجعوا للمسلم حقه

    وملكــة بريطانيا بتقولك عيب خلوا عندكم شوية ديمقراطيـــة وحقوق انســـــــــان مش انتم بتقولوا انكم مسلمين أعطوا المسلم حقه

    أما الرئيس الأمريكى بوش بيسلم عليك وبيقول لك خلص المشكله ديه ورجع للمصرى جميع حقوقه وهو مش عايز يتكلم فى الموضوع ده تانى

    أما الكونجرس ألأمريكى يقول لك احنا متابعين قضية المواطن المصرى ولن نتخلى عنه حتى يأخذ جميع حقوقه

    أما ألأمين العام للمنظمة الدوليه لحقوق الانسان يقول لك الشكاوى منكم يوم عن يوم بتزيد وسوف نضطر لرفع ألأمر الى ألأمم المتحده ومجلس ألأمن للنظر فى فرض عقوبات اقتصادية عليكم قد تصل الى تجميد أرصدتكم فى خارج السعودية بعد خصم جميع حقوق المواطن المصرى وخاصة انه بيقول انه مسلم زيكم


    برجاء الاطــــلاع وشكرا

    http://gamal51.blogspot.com/

    http://anameshm3ahom.blogspot.com/2007/12/blog-post_11.html

    http://kalam3eal.blogspot.com/2007/12/blog-post.html

    ردحذف
  11. خليكــــــوا شاهديـــــن حتى ألآن لم يتم القبض على نصـاب المعادى

    الـى السيد اللواء/ حبيب العادلى وزير الداخلية

    الى السيد اللواء/ مساعد وزير الداخلية مدير ادارة تنفيذ ألأحام

    الـى السيد اللواء/ مدير أمن القاهرة

    مطلـــــــــوب القبــــــض
    على نصاب شقق زهراء المعادى / بالمعادى / بمحافظة القاهرة
    المهندس / ايهاب فراج محمد ابراهيم الزينى
    وعلـى كـل من يقابله التفضل بتسليمه مشكورا لأقرب قسم شرطه أو أقرب رجل أمن
    وهذا النصاب تم تأييد الحكم علية بالسجن فــى القضية رقم 9443 لسنة 2007 م جلسة 4/11 /2007 م محكمة المعادى حصر رقـــم 13182 لسنة 2007 م و صادر ضدة اكثر من ثلاثون حكما قضائيا
    وعنوان سكنه وعنوان الشركة / شركة الزينى للتعمير 56 طريق مصر حلوان الزراعى برج بــــــدر / أمــام فندق المعادى
    بطاقة رقم 27003211203839
    و النصاب يتنقل بين مدينة 6 أكتوبر بمحافظة الجيزه و مدينة المنصورة بمحافظة الدقهلية /// ومركز بشبيش بطنطا بمحاظة الغربية
    وعليه أكثر من حكم نصب واحتيال وجارى نشر اسماء وعناوين أقاربه وكل من تربط بينه وبينهم صلة نسب أو متسترا عليه
    الشريف / جمال طـه
    تليفون رقم 0104710778
    ( المواطن هو رجل ألأمن ألأول فى محاربة الجريمه والتصدى للمجرمين )

    ردحذف
  12. غير معرف1/01/2008 12:46 م

    الأستاذ المحترم مينا زكي
    أنا الشخص صاحب التعليق المجهول السابق، ولا أكتب بصفتي مجهولا لإخفاء شخصيتى لكني لا أعرف كيف أكتب بإسمي فلا خبرة لي في عالم المدونات، وعثرت على الموضوع بالصدفة أثناء البحث في جوجل
    أنا إسمي جورج إبراهيم حتى لا تعتقد أنك تتعامل مع مجهول

    بالنسبة لدفعك السابق أتمنى أن تقرأ هذا الموضوع
    http://www.almesryoon.com/ShowDetails.asp?NewID=42903&Page=1

    المسمى الوظيفي الذي تم رفع القضية ضده هو (أسقف الأقباط الأورثوذوكس في مصر والشرق الأوسط)

    أتمني أن تكون الصورة أوضح الأن

    وشكرا لسعة صدرك

    ردحذف
  13. غير معرف1/04/2008 4:31 م

    هى ناقصة
    بابا جديد وبابا قديم هى ناقصة
    هو مش كان فى امريكا وعامل كنيسة هناك جاى هنا يقرفنا لية
    يا جماعة احنا متحملكم بالعافية - غوروا فى ستين داهية هناك عند قرايبكم
    ما هو اصلكم رومانى مش انتم ولاد الجالية الرومانية اللى كانت فى مصر
    فية مصرى عنية خضراء ولونة ابيض
    فارقونا بقى
    نحن الفراعنة الموحدون اتباع الالاة رع
    الذين وجدنا فى الاسلام الموحد دينا قريبا فأمنا بة
    اما عباد ازيس التى حولتوها الى مريم والاب ازوريس والابن حورس اللى عملتوة المسيح
    يعنى انتم بقايا ديانة وثنية انقرضت

    ردحذف