Glimpses from My Instagram Gallery

2007-12-03

بالفيديو: اقتحام الجيش لجزيرة القرصاية

فيديو يصور حصار القوات المسلحة واقتحامها لجزيرة القرصاية الثلاثاء الماضي

فضيحة اقتحام الجيش المصري لجزيرة القرصاية والتي أجبرت الصحف على طمس الحقيقة فيها... البديل كانت الجريدة الوحيدة التي قالت أن القوات تتبع لجهة سيادية... المصري اليوم بقى جالها أمر من فوق بوقف النشر في الموضوع!!!

من مسئول عن توريط القوات المسلحة المصرية في هذه المهزلة؟؟؟



رابط الفيديو هنا
http://www.youtube.com/watch?v=38EXk57sJ6w
شكرا للفنان محمد عبلة

هناك 15 تعليقًا:

  1. أرجوكم احمو جيش مصر من قادته الذين أصابهم العمى ونسو الخط الرفيع الفاصل بين جيش يحمى شعبه وجيش يقمع شعبه

    منذ متى يتدخل الجيش فى مشكلة بين الحكومة وبعض الأهالى حول حقوق متنازع عليها، هذه أول مرة أظنها تحدث فى العقود الأربعة الماضية، هذه التجريدة المنقولة نهراً وهؤلاء المتشحون بزى الشرف العسكرى وضعوا فى موضع مشين جرح الكبرياء العسكرى وجعلهم فى موقف مهين

    على القائد العام للقوات المسلحة وزير الدفاع أن يعتذر، لا أقول أن يحقق، هو ليس حكما فى هذا الأمر، من اقترف خيبة الأسبوع العسكرية هم رجاله، واقعون تحت سلطته، وخروجهم عن مقتضى الواجب العسكرى وتدخلهم فى شان يبعد تماما عن حدود ونطاق عمل الجيش، وتعرضهم للأهالى بهذه الصورة كاد يماهى فى عيون الشعب بين جيش يحترمه ويوقره وقوات أمن دولة لم تعد وطنية وباتت تحمى مصالح فئة النهابين ويدها ملطخة بدماء الأبرياء ممن راحو ضحايا لاضطهادها

    من استطاع أن يحرك الجيش ضد هؤلاء الفلاحين، من له هذا الجبروت ليحرك أكبر مؤسسات الدولة وأكثرها التزما لتكون جزء من هذا العبث
    ثمة من ننتظر استقالتهم واعتذارهم الواضح، وإلا تلك الاهانات والسباب الذى وجهه الغلابه من المعتصمين فى الجزيرة ووصفهم لجنودنا المغلوبون على أمرهم والمنصاعون لأوامر غبية ممن هانو فى زى الشرف بالكفرة والملاعين وأولاد الكلب تكون قد حقت على جنودنا

    ونحن نربأ أن يقع جيش مصر فى هذا الفخ السخيف وأن يتحرك جنوده لحماية باطل
    جيش مصر يحمى مصر ولا يحمى مصالح أفراد، جيش مصر لا يخرج من ثكناته ليخرج بضع فالحين من أراض ورثوها عن أباء أباء آباءهم

    هذا الخزى يجب أن يرتد لصانعيه لا أن يرتد لجيش مصر
    نريد أن نسمع اعتذارا علنيا وأن نرى نجوما نحاسية تسقط عن اكتاف الأغبياء ممن ورطوا الجيش فى هذا
    والوزير يبدأ بنفسه فهو القائد والقائد لا يهرب من مسئوليته هكذا يعلمنا الجيش

    ردحذف
  2. يا نهار اسود....هو رجال الاعمال اشتروا الجيش لصالحهم كمان

    شعب لا له شرطة تحميه ولا جيش يدافع عنه

    ومن امتى اصلا الجيش بيطرد الناس من بيوتها...دي فضيحة

    ردحذف
  3. فين ياعم الشريط

    كنت بافتح الفيديو اشوفه وهو لسه بيحمل لقيت رسالة طلعت لي بتقول انه اصبح غير متاح

    ايه الحكاية؟؟

    انت شيلته ولا فيه ناس تانية شالته ؟؟

    ردحذف
  4. كده يبقى كملت خلاص.. هو ده اللي كان ناقص

    ردحذف
  5. من يراهن على ان الجيش ممكن يحمي الشعب يكون واهم فالجيش يتمتع بامتيازات لاتسمح له بمجرد التفكير في تغيير الوضع الحالي

    ردحذف
  6. وجع دماغ الشهير بصاحب قهوة بيكيا

    نزول القوات ونسحابها كان بأوامر من وزير الدفاع ولحد دلوقت محدش فعلا قادر يجزم الليلة دي كلها لصالح مين ومين بيحركها!! بس تخيل لو وزير الدفاع بيحرك الجيش... يبقى ممكن تكون لصالح مين!! أنا شخصيا معرفش
    -------------------------


    Marvel
    شعب لا له شرطة تحميه ولا جيش يدافع عنه
    لكنه شعب له شرطة تقمعه وجيش يقتحم أراضيه ويرهب نساءه... يبقى إنت أكيد في مصر
    ------------------------


    Bella
    الفيديو موجود وزي الفل أهوه... وبعدين هما لو عايزين يرخموا مش هيشيلوا الفيديو... يلفقوا لنا تهمة أسهل...
    بالنسبة لحكاية امتيازات الجيش ففي رأيي إن دا كان زمان... دلوقت الشرطة هي اللي واخدة كل الامتيازات... الجيش وقادته تم قصقصة ريشهم وجناحاتهم وتقليم أظافرهم... دول يا بنتي لولا أوامر الوزير ما كانوش اتحركوا والحدث كله فانتازي وغريب ومش طبيعي... هي فضيحة للجيش وصدمة للكل إن الجيش ينزل للمستوى دا وينزل في مواجهة مع المواطنين وإرهابهم بالسلاح!! بصي بذمتك على اللوا اللي في الفيديو اللي بيحذر الولاد وهما بيحفروا قبورهم... صدقيني لسان حاله عايز يسب ميت ملة للي نزلوه في هذا الموقف المهين... الجيش يا بنتي النهاردة غلابة جدا... بس هو حكم القوي بقى خلاهم ينزلوا يقفوا الموقف الخرا ده
    ------------------------


    عدى النهار
    حضرتك لسة اللي جاي أسخم... الجنود نزلوا بالفعل الجزيرة وكانوا بيضربوا الناس بكعوب البنادق... أحد أهالي القرية قال لي يا أستاذ ما نقدرش نضربهم... هنضرب ولادنا؟؟؟ دا المجندين دول ولادنا!!

    ردحذف
  7. طيب انا عايزه افهم الجيش ايه علاقته بالموضوع ده
    علشان يقحموا قواته لاهانة الأهالى بالشكل ده
    يعنى الجيش اتنقل من مرحلة الحروب لضرب المواطنين
    انا ارجح لو قامت فى مصر حرب من الصبح الجيش هيضربنا احنا

    انا ابتدى اخد حذرى بقا من الجيش واللى فيه
    ربنا يستر

    ردحذف
  8. فعلا انا مش مصدق

    معقولة الامور توصل للدرجة دى

    ردحذف
  9. ولسهاللي جاي اكتر

    ردحذف
  10. ايه اللي ممكن يحصل بعد كده؟
    انا فعلا مصدقتش ان جيش العبور مكن يعبر للشعب بعد ما عبر للعدو

    ردحذف
  11. أزال المؤلف هذا التعليق.

    ردحذف
  12. ازيك يا واد عامل ايه واحشنى جدا والله يا مينا .تغطية ممتازة برافو عليك كنت عمالة ادور علي اى حد ينشر فيديو بالصوت والصورة يقول لنا ايه اللي بيحصل في قرصاية ما كنتش لاقية كتر خيرك بجد.عارف يا مينا اني مش بادخل مدونتك كتير لان من المدونات القلبيلة اللي لما ادخلها باشوف كل الجقايق والواقع المصري المرير من قهر وتعذيب وهتك اعراض واقتحام بيوت واراضي العزل .ربنا يوفقك يا مينا وانا اسفة التعليق حاسة انه مش مترابط لاني فعلا مش عارفة اقول ايه بعد المسخرة دى يعلم ربنا كم المرارة والحزن اللي جوايا دلوقت اد ايه .ربنا معاكم ودايما فاضحين مبارك وكلابه وعصابته.انا هاكتب بوست علي الجيش المصري الباسل وجهوده النهاردة او بكرة بالكتير بس لما اهدي ويا ريت تبقى تقولي رأيك سلام وربنا يحميكم

    ردحذف
  13. عبير العسكري

    وحشاني أوي بجد يا بنتي
    مصر كلها نفسها تشوفك
    شفتي المسخرة؟؟؟
    فضيحة مرعبة للجيش
    وحاجة توجع بجد

    ردحذف
  14. مينـــا

    أنا حاسس إن فيه حاجة غلط الجيش
    آخر مرةنزل الشارع كان فى انتفاضة
    77 والجيش مؤسسة وطنية وعارف
    عدوه ولولا إنى شفت الفيديو كنت
    قلت إنهم فى أى مهمة تانية عموما
    نرجو ان ده ما يتكررش تانى ونرجو
    ان اى حد من المسئولين يطلع يقول
    لنا ايه اللى كان بيحصل
    فأنا فى غاية الحزن من ساعة ماشفت الفيديو لأن الجيش جيش كل المصريين
    ومختلف طبعا عن داخلية النظام
    وأخيراً شكراً على مجهوداتك وشكراً
    لك على كل القضاياالتى تتبناها
    وعلى فكرة مدونتى جديدة وأرجو
    منك زيارتها وطبعا ده شرف لينا

    ردحذف
  15. Oi, achei seu blog pelo google está bem interessante gostei desse post. Gostaria de falar sobre o CresceNet. O CresceNet é um provedor de internet discada que remunera seus usuários pelo tempo conectado. Exatamente isso que você leu, estão pagando para você conectar. O provedor paga 20 centavos por hora de conexão discada com ligação local para mais de 2100 cidades do Brasil. O CresceNet tem um acelerador de conexão, que deixa sua conexão até 10 vezes mais rápida. Quem utiliza banda larga pode lucrar também, basta se cadastrar no CresceNet e quando for dormir conectar por discada, é possível pagar a ADSL só com o dinheiro da discada. Nos horários de minuto único o gasto com telefone é mínimo e a remuneração do CresceNet generosa. Se você quiser linkar o Cresce.Net(www.provedorcrescenet.com) no seu blog eu ficaria agradecido, até mais e sucesso. If is possible add the CresceNet(www.provedorcrescenet.com) in your blogroll, I thank. Good bye friend.

    ردحذف