Glimpses from My Instagram Gallery

2007-11-05

وأخيرا أدين الجلادون




إلى كل من فقد الأمل في العدالة...
إلى كل من فقد الأمل في أي تغيير...
إلى كل من فقد الأمل في أن الأشياء الصغيرة تصنع فرقا

أزف إليكم جميعا هذا الخبر

حكمت محكمة جنايات جنوب الجيزة صباح اليوم الإثنين 5 نوفمبر
على المتهم إسلام نبيه عبد السلام
(نقيب شرطة سابق بقسم بولاق الدكرور)
والمتهم رضا فتحي
(أمين شرطة سابق بنفس القسم)


بالسجن ثلاث سنوات مع النفاذ

مبروك يا عماد يا كبير
مبروك يا أستاذ ناصر أمين
مبروك يا دماغ ماك

مبروك لكل واحد فينا وقف ورا القضية دي واعتبرها يجد قضية عمره لحد ما خدنا حق عماد الكبير
وخلونا فاكرين إن حق عماد الكبير دا حقنا كلنا
لأن "كلنا عماد الكبير"!!

ولجميل سعيد أجدع محامي في الشرق الأوسط أقول
ما نجيلكش في حاجة وحشة يا عسل

هناك 10 تعليقات:

  1. تصدق انا جسمي قشعر و زي اللي اخدت بنج
    مصدقتش و فضلت شوية اقرا و اعيد القراءة
    بجد انا فرحانة و الدموع نزلت من عيني
    اصل مش عماد بس اللي انتصر
    بس اي واحد صاحب حق مهضوم انتصر و زي ما انت قلت حيفضل فيه امل

    رورورروروررررووووووووولولوولولولييي

    و السنبلاوين اليوم في عيد

    تحياتي

    ردحذف
  2. مبروك يا صاحبي
    مصر اليوم في عيد

    ردحذف
  3. الف مبروك لنا جميعا
    وليس لعماد وحده

    صراحة مش عارفة احساس عماد ايه
    انا لما كنت باشوف اللى اسمه اسلاك ده كان بيركبني مليون عرفيت وباحس اني عصبية جدا لفترة طويلة ومنظره ونظرات عينيه الحقيرة كان بيزعجني جدا

    احساس مريح بعد ماعرفت بالخبر

    مليون مبروك

    ونشكر قضائنا العادل الذي مازال سندنا وضهرنا في هذا الزمن الاغبر

    ونشكر المحامين وكل من ساند عماد من المدونين والصحفيين الذين نقلوا لنا كل شيئ

    شكرا للجميع

    ردحذف
  4. اللهو الخفي11/05/2007 10:18 م

    مبروك لمصر

    و عقبال الحكم علي مبارك و ماما سوزان و عمو جمال

    امين

    ردحذف
  5. حفصوص

    أنا بصراحة خفت أروح المحكمة لأني كنت مرعوب إن الواد ياخد براءة
    ---------------


    هاني

    عيد لم يفسد بهجته سوى استخدام المحكمة للرأفة غير المبررة مع هذا المجرم الشاذ
    (هههههههههههه دلوقت مهما قلنا المجرم والبلطجي والشاذ والقذر محدش يقدر يقول لنا سب وقذف... الواد أدين بجريمته ودا المهم... نعيما يا سيادة اللوا نبيه)
    ---------------------


    بيلا

    قضاؤنا لا رجاء منه ولا أمل فيه وهو جزء من منظومة نخر سوس الفساد في عظامها حتى النخاع والحكم بالرأفة في هذه الحالة غير مبرر على الإطلاق لا أخلاقيا ولا قانونيا

    هذا هو القاضي العظيم والقضاء الشريف الذي قال للظابط الذي عذب الممثلة حبيبة وسجنها خمس سنوات وثبتت براءتها في النهاية "ما تبقاش تعمل كدة تاني يا حبيبي".... الحكم العال لا يعني عدالة القضاء ولا نزاهته!!
    --------------------



    اللهو الخفي

    أول الغيث تفة
    لسة التقيل ورا

    ردحذف
  6. عماد اخد حقه
    واسلام اخد جزاؤه
    مبروك علينا

    ردحذف
  7. غير معرف11/10/2007 7:39 م

    الحكم فى شكله الظاهرى لا غبار عليه، لكن المشكلة إن اسلام يرجع لوظيفته بعد فترة السجن اللى غالبا هتكون نصف المدة نظرا لحسن السير والسلوك؟؟؟؟

    ردحذف
  8. مش عاوزة اكون متشائمة لكن المعركة مانتهتش
    القضية لسا هاتطلع للنقض ومحدش عارف هايحصل ايه
    ده اولا
    اما ثانيا
    فاعماد الكبير متهم في قضية مقاومة السلطات واعتقد انه لازم هاياخد حكم. يعني دي قصاد دي
    وابقوا سلموا لي على قضاء مصر النزيه والعادل
    -----
    اما عن ناصر امين فكان لازم تشوفوه في حلقة العاشرة مساءا من كام يوم
    هذا الرجل لا يمكن وصفه بأي شكل من الأشكال ب"ناشط" حقوق انسان

    ردحذف
  9. I'm not negative , but I don't think that only 3 years are even close to enough ...

    ردحذف