Glimpses from My Instagram Gallery

2007-10-14

هو لازم يبقى المدون الإخواني في أهمية منعم عشان نتضامن معاه؟؟

تحديث: النيابة تقرر إخلاء سبيل عبد الرحمن فارس
وأنباء عن نقله إلى أمن الدولة
-----------

مستغرب أنا للإخوان كتنظيم!
مستغرب أنا للإخوان المدونين أو المدونين الإخوان!
مستغرب أنا لنا كمدونين مصريين!

بعد صلاة العيد أمس تم اعتقال المدون المصري عبد الرحمن فارس صاحب مدونة لساني هو القلم
وتم توجيه تهمة توزيع منشورات تحض على قلب نظام الحكم... إلخ إلخ

تم عرض فارس على النيابة على مرتين ولم يصدر بشأنه قرار حتى الآن!

لا يزال المدون عبد الرحمن فارس مرمي في سجن الفيوم منتظرا قرارا على الأرجح بتجديد حبسه 15 يوما على ذمة التحقيق

جريمة فارس الحقيقية التي اعتقل بسببها هي نشره منذ أيام أسماء وعناوين ضباط أمن الدولة بالفيوم وماركات سياراتهم!

كان فارس قد قرر أن يلعب مع الكبار لعبة اخترعها هو وقرر أن يلعبها وحده ولم يجد من يشاركه فيها... اللعبة بعنوان...

هنقلبها عليهم وهنراقب أمن الدوله زي ما بيراقبونا

البعض قد يرى ما فعله المدون عبد الرحمن فارس تصرفا تدوينيا طائشا... والبعض قد يرى فيه خرقا أمنيا حقيقيا ما كان يجب أن يقدم عليه... ولكن من يكترث؟؟

عبد الرحمن فارس مدون مصري اعتقل بتهمة ملفقة - كالعادة - ولكننا نعلم أنه اعتقل بسبب ما يكتبه في مدونته... بل ونعلم شبه يقينيا أنه اعتقل بسبب نشره أسماء ضباط أمن الدولة بالفيوم على مدونته...

والسؤال هنا لماذا لم يتضامن الإخوان كجماعة مع فارس؟


ولماذا لم يتضامن المدونون الإخوان مع فارس؟؟؟


ولماذا لا نتضامن نحن كمدونين مصريين - بغض النظر عن التوجهات السياسية والأيديولوجسة - مع فارس كمدون مصري معتقل يواجه بطش النظام وقبضته البوليسية الحاكمة؟؟

أنا شخصيا متضامن مع الزميل عبد الرحمن فارس ولساني قلم له وللحرية إلى أن يطلق سراحه ويُفَك أسره.

الحرية لعبد الرحمن فارس



هناك 55 تعليقًا:

  1. انت مالك سعيد اوى و هم معتقلينه
    و مالك سعيد قوى انك متضامن معاه
    يا بيه ده اخوانى و معناه انه معرض للأعتقال
    انا معاك متضامن لو هو مظلوم زى منعم
    لكن نشر اسماء ضباط امن الدولة و نمرهم
    ده اسمه تهريج و عبث فعلا
    طبعا
    انا مش مع الى عمله
    لأنه ممن يتخذ ذريعة و سيلة بالتخلص منهم على المستوى السياسى من خصوم وجماعات او اى تنظيم
    انت عايز تجننى
    الولد ده حتى لو مش اخوان
    كان لازم يعتقلوه
    ده مش تلفيق
    هم بيلعبوا معاه
    مش هو الى رمى الزهر الاول
    اهم جابوا دش
    ورينى حيخرج من الخشب ازاى

    ردحذف
  2. طب ولما هو مش تلفيق يا باشا
    ولما هي جريمة واضحة وضوح الشمس كدة
    ليه مش هي دي التهمة اللي اتوجهت له؟؟
    ليه بالرغم إنه غلطان أوي كدة بسبب التدوينة دي متهمينه بتهمة تانية هبلة بتاعة المنشورات دي؟

    هي حركة عبيطة منه بصراحة بس جامدة جدا وعاجباني بصراحة
    :D

    أنا مستغرب جدا من موقفك يا عبس
    بقى إنت يا راجل تقول دا تهريج وعبث وكأنك من الشيوخ العقلاء الحكماء... إش حال إنك يا راجل تقدس التهريج وتقدر العبث فوق كل شيء

    وهو أمن الدولة كجهاز ما هو أصلا عبث وتهريج... يبقى عبث بعبث وتهريج بتهريج يبقى إشطة

    أنا عاجبني جدا الحركة بتاعة الواد الصراحة... وبعدين يا سيدي هو متهم بتوزيع منشورات لقلب نظام الحكم مش متهم بكتابة تدوينة خطرة أمنيا... وهذه المنشورات طلعت تهاني بالعيد يبقى نتضامن ولا ما نتضامنشي؟

    وبعدين إنت محسسني إني متضامن مع تاجر مخدرات أو بلطجي كدة ليه؟
    إيه الإرهاب الفكري بتاعك دا يا أخ عباس؟

    :P

    ردحذف
  3. بالمناسبة يا عباس
    هو ما نشرش نمرهم
    نشر بس أسماءهم وعناوينهم وماركات عربياتهم... حاجات عادية جدا يعني

    هو الواحد ما يعرفش ينفسن شوية على بتوع أمن الدولة يعني يا عِبْس؟

    ردحذف
  4. ايه يا عم ؟
    اولا محدش يعرف صاحبك ده
    و اول مره اسمع عنه
    لكن منعم كتير كاونا عارفينه
    و كمان ناس كتير سمعت عن منعم بعدها بفتره طويله
    انت لسه بتقول امبارح
    كمان سواء كان اخوان او مش اخوان كلنا بنتضامن معاه
    يبئه مش لازم نعلق الشماعه بئه ع الاخوان و الكلام الفاضى ده
    سيب الامور تمشى عادى
    و بمجرد معرفتى باخبر بعلن انىمتضامن معاه و هعمل له بوست مخصوص

    ردحذف
  5. بص انا هارد عليك نفس الرد اللى رديته على مدونة تانيه

    {\اولا حلوة قوى الزميل المدون دى

    ثانيا التضامن المفروض ما بيتمش الا بعد اسبوع على الاقل من الشد و الجدب بس طبعا بعد دخول العك و ان اى حد بيعمل اى حاجة و اهو بيتضامن فى مولد سيدى المتضامن بقت البانارات بتطلع بعد ما الواحد يتحبس بيوم و اصلا الحملات دى بقت زى كداب القرية مالهاش اى لازمة

    ثالثا هوه مصنف نفسه انه اخوانى مدون يبقى هما اهله اولا بيه مش احنا

    رابعا هاكسر ام عقدة اليسار اللى عايشين بعقدة ان الاخوان مضطهدين و اننا لازم نساندهم لا ططز يغوروا فى ستين الف داهيه دى ناس عندها اجندة عمل و عمر ما حبس جيمى هود مثلا هايفرق معاهم لما يراعوا عيالهم الاول
    نبقى نفكر فيهم


    و اختم بكسم التضامن ياعم لو كان كدة

    ردحذف
  6. ما احنا اتضمانا مع عند المنعم يا دكتور
    وطلع يقول ان الاخوان مش عوزين اقباط ولا نساء يتولو منصب رئيس الدوله
    انا عن نفسى ضد هذا الفكر

    وكتبت بتاع الف تعليق للاستاذ عبد المنعم ولا عبرنى ولابس فيها وش عبده العبيط

    يبقى احنا نتضامن ليه مع الاخوان

    ردحذف
  7. يا جماعه عبد الرحمن مش إخوان
    هو ساب الإخوان من عشر سنين لاسباب شخصية


    لكنه متعاون مع الإخوان بحكم صداقته ليهم وقرابته ليهم

    دا عيلته إخوانية جامده

    المهم أنه مش من الإخوان
    لكنه يتعاون مع كل شريف لأجل هذه البلد

    وكمان بغض النظر عن إنتمائه السياسى

    هو مش إنسان ومن حقه يعيش بحرية
    هو مش مدون زميل ومن حقه التضامن معاه

    وعلى فكره عبد الرحمن هو أحدمسؤلى كفاية فى الفيوم وكل علاقته بالإخوان هما صديق أو قريب

    وبس

    وشكرا على التضامن يا مينا

    ردحذف
  8. أولا ماينفعش نتضامن مع الاخوان وده فكرهم من الاصل زي ما الاستاذ الرأفتاني قال
    ثانيا عبد المنعم وجه إعلامي وهو أول من استفاد من الحملة
    وعلى فكرة الحملات مش زي قلتها زي ما جيمي هود قال
    بالعكس اول حد بيستفاد منها (إعلاميا) هو صاحب الحملة .. بيبقى وش إعلامي ووسائل الاعلام والصحفيين زي ما انت عارف بيبحبوا الوشوش الجاهزة

    ثالثا اللي عمله اسمه ايه ده .. مصيبة ومسألة مخالفة لكل القوانين فعلا
    اذا كان جهاز أمن الدولة بيستعلم عن عناوين الناس واسمائهم ومعلومات عنهم وده جزء من شغلهم على الاقل فده لا يتم نشره على صفحات الجرائد مثلا
    يعني ماشفتش ظابط أمن دولة رغم البلاوي اللي بيعملوها بيروح ينشر في الجرايد معلومات عن مشتبه فيهم
    بالاضافة إلى ان نشر معلومات خاصة فيها انتهاك لخصوصية الناس دي ايا كانت وظائفهم وفيها انتهاك واضح للقانون
    بغض النظر عن انهم بيشتغلوا ايه

    وبعدين ما هو انت لامؤاخذه يعني
    مش هتواجه الكلب بانك تهوهو زيه
    والا ايه هيكون الفرق بينك وبينه
    وكلامي عن عبد الرحمن

    وبعدين انا رجعت للبوست مالقيتش اتهام موجه للناس دي او حتى هو بيتهمهم باي حاجة
    يعني انا مع فضح المذنبين وتجريسهم كمان
    زي اسلام نبيه والهباب التاني سموآل
    انما نشر معلومات شخصية عنهم لمجرد انهم ظباط في جاهز اسمه أمن الدولة
    مافتكرش انها جريمة او خطأ لحد دلوقتي

    ردحذف
  9. شوف ياحج
    أنا هرد عليك
    أولا أنا بسبب إنشغالي في الشارع وشوية شغل كده
    انا لسه عارف الخبر منك حالا
    ده أت فريست
    التانية بقي أزمه الإخوان ، أنا معاك إن الإخوان عندهم أزمه كبيره في إلي متضامنين معاهم ، وهم زيهم زي أي حد تاني بيجروا وراالأسماء اللامعه
    وإنته عارف مبدأ السمع والطاعه من الناس الكبيره والأسبق
    وطبعا همه عندهم برضه نفس الأزمه إلي عند اليسار ، وإلي هيه أنا مش هتضامن مع المخالف لي في الفكر
    بص ياحج أمثالنا إلي بيتضامنوا مع الحريات هتيحركوا بعيدا عن الإخوان وجيمي هوت وبلو ستون
    لو عندك صور ليه إبعتها
    وأنا هبدأ أتحرك إن شاء الله النهاردة
    وبصراحه بقي أنا موافق علي إلي هوه عمله ولازم نفضحهم ومحتاجيين إننا نقف وراه علي الأقل لو مش هنقدر نزوده بمعلومات

    ردحذف
  10. ميت:
    إن الإخوان عندهم أزمه كبيره في إلي متضامنين معاهم ، وهم زيهم زي أي حد تاني بيجروا وراالأسماء اللامعه
    وإنته عارف مبدأ السمع والطاعه من الناس الكبيره والأسبق
    وطبعا همه عندهم برضه نفس الأزمه إلي عند اليسار ، وإلي هيه أنا مش هتضامن مع المخالف لي في الفكر
    بص ياحج أمثالنا إلي بيتضامنوا مع الحريات هتيحركوا بعيدا عن الإخوان وجيمي هوت وبلو ستون
    ================
    وده على أساس اني من الاخوان
    ولا من اليسار
    ولا كيان قائم بذاته مساو ليهم يجب العمل بعيدا عنه :))
    سؤال

    ردحذف
  11. السلام عليكم. العدد الثالث من مجلة طراطيش كلام نزل بفضل الله, منتظرين زياراتكم و تعليقاتكم.
    Trateesh Kalam

    ردحذف
  12. انا متضامن معاكم ومن غريتى هذه اعلن تضامنى الكامل مع اى مصرى شريف هدفه مصلحة مصر بغض النظر عن اى شىء
    مصر بكرة احسن بينا كلنا

    ردحذف
  13. كلنا مع عبد الرحمن
    و ربنا معاه يارب

    ردحذف
  14. محمد مارو

    إحنا متفقين في الفكرة الأساسية بتاعة التضامن مع أي سجين رأي مهما كان هذا الرأي... أنا بس سؤالي الأساسي اللي هو في العنوان هو لازم المدون يبقى وش مشهور عشان الناس تتضامن معاه؟ منعم راجل محبوب من الكل وتضامننا معاه من قبل اعتقاله... وخلي بالك إني من بداية البوست أبديت استغرابي من الإخوان كتنظيم ومن المدونين الإخوان ومن المدونين المصريين العادة اللي مش إخوان يعني... يعني بتساءل سؤال واسع... ليه إحنا كمدونين عندنا خيار وفاقوس في التعامل مع أخبار القبض على المدونين... هو دا القصد الأساسي من التدوينة
    ــــــــــــــــــــــــــ



    جيمي باشا هود

    شفت حتة الزميل المدون دي؟
    جامدة جدا بقى ما تنكرش
    :)
    بس تعال فعلا نتكلم جد
    دلوقت في أوربا والدول المتقدمة في مواقع وجهات مخصوص بتدافع عن المدونين اللي بيتعرضوا لأي شكل من القهر والقمع الحكومي زي الموقع بتاع لجنة حماية المدونين اللي نشر تدوينة زنوبيا واللي فيها تضامن مع المدون اللي اعتقل...

    فكرة إننا نستنى إسبوع على ما نبتدي الحملات دي فكرة فقيعة أوي يا جيمي الصراحة!

    يعني إشمعنى أسبوع؟
    على ما يكون المدون استوى؟
    طب ما احنا يوم ما اتخطفنا لقينا موقع كفاية وجلوبال فويسز وناس كتير كتبت في لحظة ما اتاخدنا والمتابعة كانت لحظة بلحظة لحد ما خرجنا (مع مراعات إن الخطف استمر لمدة أربع ساعات فقط)... وتاني مرة لما اتخطفتوا إنتوا واستمر الخطف واحد وعشرين ساعة برضو النشر لم يتوقف لحظة... تخيل بقى لو كان الناس اتبعوا نظرية استنى أسبوع عشان تبدأ حملة!!

    يا عم جيمي التضامن بيفرق
    وفي رأيي إن الكتابة مهمة
    والدور الإعلامي مهم جدا
    والمظاهرات قد يكون لها دور أيضا
    مفيش حاجة من غير فايدة

    بالنسبة بقى لحتة إنه إخوان وهم أولى بيه... لأ يا عم!! أنا من هواة الاصطياد في المية العكرة والعيب مش ع اللي بيصطاد طبعا لكن ع اللي عكر المية هههههههههههه

    يعني أيوة بوضوح أنا بازابد ع الإخوان
    ويهمني أفضح فكرة إن عندهم خيار وفقوس وعايز الشباب الصغيرين اللي من وزن عبد الرحمن فارس يفوقوا ويعرفوا الطريقة اللي بتتحسب بيها الأمور في الجماعة وأيوة سعادتك أنا بزايد ع الإخوان المدونين وبنفسن عليهم شوية من نفسي يعني... هو فيه إيه يا جيمي... ما اعرفش أنفسن شوية يعني من نفسي؟؟؟؟
    ــــــــــــــــــــــــــــ

    ردحذف
  15. الرأفتاني

    يا عم مال اعتقال عيل إخواني غلبان بالزفت رنامج الإخوان؟؟؟
    طب ما احنا تضامننا مع إبراهيم عيسى واحنا مختلفين معاه كشخص وكمنهج وكأسلوب وتضامننا مع عادل حمودة والإبراشي واحنا عارفين اللي فيهم والأنكى أننا تضامننا مع عبحليم قنديل... التضامن هنا مع قيمة اسمها الحرية مش مع الشخوص ولا حتى مع الأفكار

    ومن تاني سؤالي هو الغلابة ليه ما لهمش ضهر؟ وليه نصحى كلنا في الفجر على تليفونات تقول مداهمة بيت منعم وتبدأ حملة التضامن - الناجحة - من قبل ما يتمسك ولما مدون صغير يقع ننفض له كلنا؟؟

    ليه لما يصدر حكم ضد تلاتة صحفيين في الوفد يتقال الحكم على أنور الهواري واتنين تانيين معاه وكأنهم نكرة؟؟؟؟

    فهمتني يا باشا؟؟
    ـــــــــــــــــــــــ



    Blade
    إخوان أم غير إخوان... أتلك هي المسألة؟

    إخوان أو كفاية أهو كله زفت
    بالنسبة لي هو مدون مصري اتاخد ظلم وقهر والمفروض إن الدنيا تتقلب عشانه لحد ما يخرج (الحمد لله هو خرج حاليا)
    ــــــــــــــــــــــــــــ



    بلو ستون

    التضامن بالأساس مع الحرية بغض النظر عن الشخص... يعني هو لما تضامننا مع كريم كان بسبب إنه حلو وسكر وكتاباته هي الصواب المطلق؟ ولا تضامننا بالأساس لأجل فكرة رفض أخذ الكلام - أي كلام - إلى المحاكم؟

    بالنسبة لجريمة عبد الحمن بتاعة نشر أسماء ظباط أمن الدولة وعناوينهم

    أنا ليا وجهة نظر مختلفة شوية
    أنا عاجباني اللعبة بتاعة نراقبهم زي ما بيراقبونا... حكاية إن شغلهم يراقبونا وإن دا أكل عيشهم طبعا مش مقبولة... هو إنتي مصدقة إن إحنا خطر على أمن البلد ولا إيه؟؟؟ اللي خطر على أمن البلد هما ظباط التعذيب وظباط التلفيق وظباط أمن الدولة وكل أركان النظام السياسي في البلد... هما دول الخطر اللي بجد على أمن البلد

    اللعبة اللي لعبها فارس في نظري لعبة عبقرية... زي ما بتراقبونا بنراقبكم وعيننا عليكم
    هتعتبريها كلب بيهوهو
    أنا هعتبرها حرب بنفس السلاح... التخريف (على رأي صاحب مدونة تخاريفي)... هو إيه يعني منطقي في البلد عشان تتعملي معاه بمنطق وجدية... مش هي عبث بقى؟ يبقى يستحملوا عبث!! أنا مش شايف أي معلومة كتبها فارس خطرة أمنيا أو مصنفة يعني أسرار عليا... شوية معلومات عادية أي واحد ع القهوة يعرفها بس قوتها في جرأتها وفي تحديها للعيال بتوع أمن الدولة اللي أكيد حرقتهم أوي تدوينة فارس... وتعاملوا مع الموضوع بشكل شخصي لأن مفيش مخالفة قانونية خالص في الموضوع (بدليل إن النيابة أفرجت عنه وأصلا ما اتهموهوش بحاجة ليها هلاقة بالتدوينة) فاهماني؟
    هو هدفه يحرق دمهم وحرق دمهم بالفعل... يبقى بصراحة تسلم إيده!!!
    ــــــــــــــــــــــــــ

    ردحذف
  16. العميد ميت

    دعني أرفع لك القبعة
    بصراحة متفق معاك تماما
    بس قول لي هو جيمي هود وبلو ستون حاليا بيعتبروا تيارات سياسية مستقلة موازية أو متقاطعة مع الإخوان؟
    :)
    إذن أنا جيمي هودي حتى النخاع
    هههههههههههههههههه
    ــــــــــــــــــــــــ



    عبقرينو

    واحشني يا راجل
    هو عموما عبد الرحمن فارس خرج خلاص بس ما تقلقش غيره ياما هيتاخدوا وياما هنعوز تضامن
    :)
    ـــــــــــــــــــــــــ



    شمس

    هو خرج الحمد لله خلاص

    ردحذف
  17. بكل بساطة زي ما اللمبي قال
    الرجولة مش هز كتاف
    رايح هو يراقب امن الدولة و ينشر ارقام عربياتهمظظ
    يبقى دبور و زن على خراب عشه استفاد ايه يعني من الحركة دي؟؟؟
    و بكل بساطة برضك حقولك قلوبنا معه و ان شاء الله تتفك ازمته
    بس احب اعر فايه اللي جناه من دي حركةظظ
    هل كان ناوي انه تبتدي حركات اغتيلات لامن الدولة ؟ظ
    يبقى هبل؟ظطيب هل ناوي ان احنا نعاكسهم و نعملهم بمب و فراقيع؟
    يا شين ما فكر

    فهمني هو عمل كده و ساعتها يبقى للحمار بقية
    ماشي
    باي باي

    ردحذف
  18. زي ما حفصه قالت
    فعلا هي حركه ممكن يكون دمها خفيف
    علي اساس انقلب السحر علي الساحر
    لكن برضه ملهاش فائده عمليه
    لكن بالنسبه للاخوان
    اظنهم زي غيرهم
    عندهم احمد مش زي الحاج احمد
    و زيد مش زي عبيد

    ردحذف
  19. مراقب:
    انا ماقلتش ان احنا تضامنا مع عبد الكريم عشان كلامه سكر ومش هنتضامن مع عبد الرحمن عشان كلامه مش سكر قوي .. ولا حتى قناعاته
    لو تفتكر عبد الكريم لم يخالف نص القانون ولم يرتكب تهمة ولم يخطئ في حق أحد ولم ينتهك حقوق وخصوصية أحد

    انما الوضع بالنسبة لعبد الرحمن مختلف
    أولا هو ينتمي لتيار ديني له طموحات سياسية ونشاط سياسي واضح واي شخص ينتمي للاخوان لابد وان يكون على استعداد تام لمواجهات مع السلطة

    ثانيا والاهم انه فعلا انتهك القانون وانتهك خصوصية ناس غير متهمين باي حاجة
    إذا حاربت الحقير بسلاحه سأصير حقيرا ايضا
    وان كنا نطالب بتطبيق القانون والديموقراطية وحماية حقوق الناس يجب أن نكون أول من نحترمها
    الضباط اللي ذكر اسمهم في تدوينات عبد الرحمن او حملته ليسوا متهمين باي شيء ولم يرد عنهم اي كلام بشأن قيام احدهم بتعذيب او افتراء على المواطنين .. وهناك احتمال ولو كان بسيط ان يكونوا شرفاء او مالهومش دعوة ...الفكرة كلها انه لم يوجه ليهم اتهام يدفعنا لملاحقتهم وتلويث سمعتهم او حتى انتهاك حقوقهم الخاصة .. فهم بشر في نهاية الأمر ..

    اما مدى اختلافنا على شغلهم فدي مسألة تانية .. هما مسؤوليتهم مش حماية البلد ولا أمنها ولا الكلام ده .. لانه بالتأكيد هم بيمثلوا خطر اكبر مننا ومن غيرنا على البلد
    هم ببساطة بينفذوا أوامر وبيكلوا عيش .. يعني مهمته يراقب الكام بني آدم دول ويعمل عنهم تقارير ..
    فحتى يقوم هذا الضابط باي مخالفة هو بيعمل اللي عليه ومطلوب منه

    المعلومات اللي هو نشرها اكيد مش اسرار عليا ولا حاجة .. ودي مشكلة اكبر انه نشر معلومات شخصية عن أفراد يعني حتى لا تمس شغلهم
    يعني مثلا المعلومات التي ارى ضرورة فضحها لما اكون اعرف مركز او قسم بيحدث في تعذيب على ايد ظابط معين ..ده يستحق الفضح
    انما معلومات شخصية لأ..
    مهما كانت عداوتك مع الاخرين مش هتحب ان بكره الصبح تلاقي الناس ناشرة عنوان بيتكم وتليفونك الشخصي ومقر عملك على الانترنت

    لما هتتعامل مع أمن الدولة واقصد الجهاز كله يبقى هتحاول تستهدف سياسات الجهاز مع المواطنين وفضحها
    او فضح وقائع انتهاكات لظباط بعينهم مثلا
    انما استهداف اي ضابط لمجرد انه ظابط . افتكر ان ده غباء مطلق وغير مبرر وغير منطقي ولا مفيد

    ردحذف
  20. ذات فجر مررت من هنا
    كي أرسل لك تحياتي
    لكن لا اجد من الكلمات الكثير
    دمت كما تحب ان تكون

    ردحذف
  21. طيب انا ما اعرفش الموضوع ده ولسة عارفاه دلوقت
    وانت ليه ما كلمتنيش تقول لي؟


    عباس العبد

    ايه يا عم اللي بتقوله ده؟ طب بتدون ليه؟

    ردحذف
  22. احا يا مينا ايه التعليقات اللي عندك دي؟ وايه ام التعليق الخرا بتاعك ده يا جيمي؟

    وايه

    ايه ايه فيه ايه؟

    ايه يا مينا ده؟ لا بجد ايه ده؟ لو الحكاية كده يبقى التنكر للواد ده مقصود بقى

    لابص يا مينا رد بقى بدل ما اعملك مشاكل هنا في المدونة ماشي يا عمي

    حاجة خرا فعلا يعني

    ردحذف
  23. مينا
    انت اذا ما تخنتش صوتك ورديت ردود عدلة على الناس اللي معلقة عندك انا ح اعملك زي البت اياها في ام المدونة هنا

    احا بجد يعني
    وايه الاجماع العظيم ده

    طيب اقول ايه؟ اقول يارب تبقوا مكانه عشان تعرفوا احساسه ايه؟

    وايه الحرص العظيم ده على القانون وفجأة بقى كل واحد وكيل نيابة والظاهر اتأثروا بمسلسلات رمضان وشايفين ان امن الدولة دولم ناس ابرياء زي ممدوح عبعليم في المسلسل

    ثم ياد يا جيمي تعالى هنا

    انت ايه الدماغ الخرا اللي انت عاملها دي؟ بجد يعني

    يعني ايه ده تبع الاخوان وهم اولى بيه

    هو حد طلب منك تصرف عليه مثلا وانت بتقول ابوه اولى بيه انا ورايا عيالي؟

    ومين اللي قال انك لما بيتقبض عليك الاخوان مش بيسألوا فيك

    امال اخر قبضية مين اللي كان بيجري وراك يا حبيب اختك غير محامين الاخوان؟ وولاد الشرموطة بتوع اليسار بتوعك وبتوع كفاية كانوا بيقفلوا في وش محمد الشرقاوي وبيقفلوا التليفونات خالص ومحمد داير وراكوا يعيط في الصحرا

    هو احنا بننسى كده على طول

    ثم ايه حكاية ماهو احنا دافعنا عن عبد المنعم وطلع اتكلم عن مشروع الاخوان

    يعني افهم من كده ان لما اتقبض على جيمي واللي جري وراه وورا العيال كان محامي من الاخوان وخرجوا افهم من كده ان احمد حلمي كان متوقع من جيمي انه يسيب اليسار ويبقى اخواني وينادي بتطبيق الشريعة الاسلامية عشان احمد حلمي وقف جنبه وهو مقبوض عليه؟

    ثم ايه حكاية الاخوان لهم برنامج

    امال بقية الاحزاب والحركات لها ايه؟ مسلسل تلاتين حلقة؟

    هو المفروض ان الاخوان ما يبقالهمش برنامج

    ثم افرضوا الاخوان دول عبدة الشيطان حتى المفروض ان لما يتقبض عليهم نشمت ونقول واحنا مالنا

    افرضوا ان فعلا الاخوان اندال ومالهمش دعوة باي حد من التيارات الاخرى لما بيتقبض عليه ولو انه مش صحيح

    يعني الصراحة هم بيستندلوا مع عيالهم وبيقفوا جنب العيال التانية ودي حاجة غريبة يعني

    بس افرض يا سيدي

    طيب ما انت لما تعمل كده ايه الفرق ما بين برنامجك وبرنامجهم اللي انتوا عمالين تشتموا فيه

    يعني بتستخدموا السلاح الاقصائي في مواجهة برنامج اقصائي

    احا

    لا احا بجد يعني

    خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

    من معاميعي


    بجد بجد بجد يعيش حسني مبارك

    وحياة البراز اللي في دماغ المعارضة المصرية واللي وصل لدرجة التعنية

    لو حسني مبارك لحق يترشح في الانتخابات لانتخبه رئيسا للجمهورية

    ده ضفره برقبة اي خول معارض
    ايه ام النفاق والتعريص ده

    ردحذف
  24. حفصة

    أنا ما زلت معجب بالحركة الجامدة اللي هو عملها والواد كان راجل الصراحة وقد دفع التمن وفي النهاية النيابة ما مسكتش عليه أي تهمة ودا معناه إنه ما انتهكش قانون ولا هو مدان بأي شكل... رأي إنه يكمل اللعبة وينغص عليهم عيشتهم
    ----------------------



    ذو النون المصري

    فايدة الحركة مش في نتيجتها لكن في فكرة إن فرد يتحدى جهاز ومن غير مخالفة قانونية على الإطلاق بدليل إن النيابة ما مسكتش عليه أي تهمة بل أن الأمن نفسه لم يجرؤ يتهمه بموضوع نشر الأسماء ع النت لأنهم عارفين إن مفيهاش حاجة... لا يوجد قانون في الدولة يجرم "الاشتغالات" والواد اشتغلهم صح وأنا عاجباني الاشتغالة!!
    ---------------------



    بلوستون تاني

    في نصوص القانون - اللي محتاج يتغير - كريم خالف القانون بما يسمى "ازدراء الأديان" وتكدير السلم العام... وحكم عليه حكما نهائيا من قضاء مستقل ينفذ القانون... وبالرغم من مخالفته القانون إلا إننا معترضين أصلا على القانون اللي اتحاكم بيه كريم مش بس على الحكم والقاضي... اعتراضنا على التشريع نفسه اللي بيسمح بالحبس في قضايا التعبير واعتراضنا على النظام اللي بيشرع تشريعات الحبس بسبب إهانة بسلامته الرئيس

    بالنسبة لعبد الرحمن فبحسب قرار النيابة بإطلاق سراحه هو لم يرتكب أي مخالفة قانونية بدليل أنه حر بيننا الآن!! بل اتهام أمن الدولة ليه لم يجرؤ أن يذكر موضوع نشر أسمائهم ع النت لأنهم مدركين إن مفيهاش مخالفة قانونية وإنما لفقوا له تهمة خايبة وهي توزيع منشورات لقلب مش عارف مين وبرضو النيابة برأته

    يعني إيه بقى "هو ينتمي لتيار ديني له طموحات سياسية ونشاط سياسي واضح واي شخص ينتمي للاخوان لابد وان يكون على استعداد تام لمواجهات مع السلطة"؟؟

    يعني دا شرح للواقع ولا تبرير له؟
    أنا ضد الإسلام السياسي وتسيسي الدين ولكن لا أؤيد قمع التيارات السياسية الإسلامية السلمية... يعني أسلخ الإخوان هنا على مدونتي وأصطاد في ميتهم العكرة وأزايد عليهم كمان وأفضح غباءهم السياسي لكن إني أؤيد سجنهم واعتقالهم بسبب أفكارهم ونشاطهم السياسي السلمي دا يبقى عيب أوي!!!

    طبعا إذا حاربت الحقير بسلاحه أبقى حقير زيه!! لو عبد الرحمن حارب أمن الدولة بإنه خطف واحد منهم وعذبه وكهربه وطفى السجاير في جسمه يبقى حقير زيهم... ولو طلع هو و"ميليشيا" من اصحابه على قوة أمن مركزي يقودها كام ظابط أمن دولة ونزلوا فيهم ضرب بالشوم أو لم لهم بلطجية كاراتيه يبقى فعلا حقير زيهم

    هو لعب معاهم مش حاربهم ولعب معاهم لعبة غلاسة بغلاسة... ولا أظن أن هناك أي قانون يجرم الغلاسة!!! أين الحقارة في أن يكون المرء غلسا؟ (كما أنا الآن مثلا)

    لأ يا ستي اطمني مفيش ظابط أمن دولة تحديدا شريف... كلهم عايزين الحرق (مجازا وليس حرفا طبعا)... ما ينفعش تنزلي مستنقع مجاري وتقولي لي أنا نضيفة وريحتي حلوة... إذا كنت أنا شخصيا أرى أن مفيش مواطن في مصر شريف أساس وإننا كلنا شركاء في فساد النظام (ودي مبالغة طبعا غير مقبولة) يبقى بتوع أمن الدولة ممكن يبقوا شرفا؟؟؟ بأمارة إيه؟؟؟؟

    حكاية عبد المأمور دي مش حقيقية أوي وانتي بتتكلمي عن الجهاز اللي بيحرك وزرا وبرلمانيين وقضاة كمان!!! دا الجهاز اللي فوق الكل ومفيش فوقه غير فرد واحد ومراته وابنه!!

    ما تخلطيش بين أمن الدولة وظباط التعذيب في الأقسام العادية... الظباط العاديين بالفعل قد تكون قلة لا تذكر منهم شريفة لكن ظباط أمن الدولة فئة أخرى تماما خارج كل الحسابات!!!

    ""انما استهداف اي ضابط لمجرد انه ظابط . افتكر ان ده غباء مطلق وغير مبرر وغير منطقي ولا مفيد"" إنتي محسساني في الجملة دي إن الواد عبرحمن ده استهدفهم بسيارة مفخخة!!
    دا كان بيهزر هار تقيل شوية وبيغلس... كتف قانوني يعني!!! والرسالة وصلت وهم اتضايقوا فعلا... بيخنق عليهم مش أكتر... بصراحة لو دا إسمه استهداف يبقى أوكي يلا نستهدف الظباط وخصوصا بتوع أمن الدولة والتعذيب لمجرد كونهم ظباط... آه تعالوا تغلس عليهم ليل نهار مع مراعاة عدم تجاوز القانون... تعالوا نخليهم يدركوا إنهم فئة مرفوضة من المجتمع ونعزلهم خالص كأنهم في مستعمرة موبوءة... ويا إما يتعالجوا يا إما يفضلوا منبوذين.... دول محتاجين إعادة تأهيل أساسا قبل قبولهم في المجتمع من جديد... ودا ينطبق على كل الظباط مش بس بتوع أمن الدولة!!! لو أخويا ظابط هانبذه وهتعامل معاه على إنه جربة لحد ما يتم إعادة تأهيله
    ------------------

    ردحذف
  25. عبد الرحمن فارس
    (لساني هو القلم)

    يا عم لا شكر ولا تحية على واجب
    بس ما تقول لنا رأيك في الكلام؟
    رأيك إيه في الإخوة والأخوات اللي شايفينك بتستغبى وإنك مجرك أثيم وإن ما فعلته بنشرك أسماء الظباط هو مخالفة قانونية... ما توضح لنا رأيك وردك ودفاعك عن نفسك وبالمرة قل لنا رأيك إيه في موقف الإخوان تنظيما وتدوينا منك في أزمة اعتقالك... يا ريت ترد بالنيابة عن نفسك بدل ما أنا قاعد أرد عنك كدة

    ردحذف
  26. جبهة التهييس الشعبية

    شكرا على بقين التسخين الجامدين
    (كدة تسخين كدة توليع)
    هههههههههههههه

    لأ ما تقلقيش م المشاكل خدي راحتك البيت بيتك يا هانم

    :D

    ردحذف
  27. اولا انا بعتذر لعد الرحمن فارس لانى معلافتش مين هو ولا ايه قصته ولا انه كان معتقل الا منه شخصيا فى المؤتمر بعد م اخرج
    ثانيا/ اعترض بشده من النوع الجامد على الهبل الى الناس عايشه فيه ده
    ايه علاقهالاخوان بالموضوع يا كتاكيت
    هو التضامن بيكون له سبب
    الا ان الشخص مظلوم وبيطال بحق
    شكرا يا نواره انك قلتى كتير من الى كنت عاوز اقوله

    ردحذف
  28. ابن يسري

    لأ مش فاهم قصدك من جملة

    ""إيه علاقة الإخوان بالموضوع يا كتاكيت""

    أنهو موضوع تقصد؟
    ركز معايا في الموضوع الأصلي بتاع التدوينة

    إنه فين الإخوان كجماعة وكمدونين من الأخ المدون اللي اعتقل صبيحة يوم العيد

    طبعا الإخوان لهم علاقة بالموضوع بل هم كل الموضوع

    أما لو انت بتسأل على إيه علاقة كون المدون الإخواني بأن يتضامن معه النشطاء على اختلاف مشاربهم فمعلش برضو ما هو السؤال ما حرمش... طب وفين الإخوان ... ما بالأولى كانوا يتضامنوا معاه قبل ما نزايد عليهم ونصطاد في مائهم العكر!

    وهل كما أشار ميت إلى أن الإخوان يحكمهم معايير معينة في التضامن مع المعتقلين لها علاقة بأهمية الشخص المقبوض عليه وثقله الإعلامي؟

    لجنة حماية المدونين العالمية
    CPB
    كتبت عن احتجاز فارس تاني يوم ما اتمسك واحنا هنا محدش عبره لا إخوان ولا غير إخوان لأنه عيل غلبان مش وش إعلامي متلمع... وهو ده جوهر التدوينة

    فطبعا الإخوان ليهم علاقة بالموضوع إن لم يكونوا كل الموضوع

    أما بقى حكاية "يا كتاكيت" فدي بقى مش فاهمها برضو... فهل التقليل من شأن الآخرين - اللي شايفين - إن الإخوان عندهم خيار وفاقوس أو إن الإخوان لا تستحق التضامن يعني أنك أذكى من الجميع وأحكم وأن الأغيار عندك "كتاكيت"؟

    إرحم شوية يا عم الحاج

    ردحذف
  29. هوه طبعا انا مش موافق على اللى هوه عملوا ده، بس طبعا دى مش قضية ولا جريمة.
    هى بس جريمة عند بتوع امن الدولة بس لأن السرية جزء من شغلهم، مش لحاجة على فكرة أكتر من تأمين ليهم
    هى من الآخر، فكرة طائشة، و فعلا على رأى أحد التعليقات، هوه كان نفسه إيه منها؟ إن التاس يعنى تضربهم و اللى متغاظ أكتر يموت الظباط دوله؟
    فكرة طائشة فعلا

    أنا بس فعلا إتصدمت بشوية تعليقات عندك ، أنا أكتر حاجه بكرها فى حياتى جماعة الإخوان المسلمين، لأنى مبحبش إستغلال الدين ده بصراحة، بس ده رأيي الشخصى، بس فى نفس الوقت، لكن لا انكر إعجابى بكتير من شخصيات الإخوان كأشخاص، على الرغم من إختلافى مع فكرهم

    إذا كنا بندافع عن حرية الرأى و حرية التعبير، يبقى الموضوع مش فارق بقى، إخوان على لادينيين على أى حد.
    حرية الراى دى فكرة، يبقى اللى بيتضامن مع أى معاقل فكر أو سجين رأى، بيتضامن مع فكرة حرية التعبير حتى مع أفكار ممكن تكون ضد أفكاره هوه الشخصية و يمكن معتقداته كمان

    الفكرة هى الاهم، مش الأشخاص.
    دفاعى عن حريتك فى التعبير عن رأيك، مهما كانت أراءك، ده دفاع عن حرييتى انا.

    طبعا بالنسبة لجماعة الإخوان و عدم دفاعها عن أفرادها، دى مش جديده عليهم، المهم بس يكون من القيادات علشان يتدافع عنه.
    حاجة تقرف يعنى

    آسف للإطالة
    تحياتى لك

    ردحذف
  30. ما انت عارف يا مينا الاخوان مالهمش دعوة بحاجة

    ناس في حالهم يعني

    صباح الخير يا جاري انت في حالك وانا في حالي

    وعليه فلما يتقبض على واحد منهم له رب اسمه الكريم

    واللي له رب اسمه الكريم ده

    مالوش تلاتة بس موضوعيين يساندوه من منطلق مبدأ الحرية وعدم الاعتداء على اصحاب الرأي

    ثم ايه حكاية انا مش موافق على اللي عمله اللي علمه ده غلط

    ما المدونين ياما عملوا بلاوي ونزلوا فيديوهات وصور واسماء وقائمة سوداء وبهدلوا الدنيا

    معلش بقى احنا ح نتكلم في القانوني؟

    هو نشر فيديوهات التعذيب قانوني؟

    ما تردوا

    ما تردوا يا متعلمين يا بتوع المدارس


    بص يا مينا الظاهر مش الاخوان بس المظهريين في تقييمهم لكوادرهم

    هي مصر كلها اساسا مجتمع مظهري قذر

    والظاهر المجتمع كله عامل زي امين الشرطة اللي لما تدخل عليه عشان ما يدلكش على قفاك لازم تقول له: انت مش عارف انا مين؟ انا ابن سعادة مدير امن الحبشتكانية السعادة الباشا حبظلم هيباتي الفلوياتي الشنقيط حفيد البيرق دار كاف

    ردحذف
  31. جاتنا القرف بجد
    http://monster-mostafa.blogspot.com/

    ردحذف
  32. غير معرف10/24/2007 12:36 ص

    خلينا أحنا كده نأعد نشتم فى بعض ونقطع فى هدوم بعض و امن الدولة عمالة تلعب بينا الكورة أعتقد إن المسألة مش مسألة إخوانى وأخواتى المسئلة مسئلة ظلمة ومظلومين فإحنا لو كل واحد اتظلم اعدنا نعمل كده معاه يبقى ألف شكر للبيعملوا فينا الظلمة

    ردحذف
  33. غير معرف10/24/2007 2:15 ص

    أمن دولة أيه؟؟ وحكومة أيه؟؟
    اخوان ايه ؟؟ ويسار ايه؟؟ وخرا ايه
    ايه الحوار المقرف ده
    البلد دي بقى حالها غير قابل للإصلاح
    اذا كانت دي أراء صفوة المدونين
    اللي عاملين الحراك الامؤخذة السياسي
    من الأخر
    ....
    مصر دي بكابورت كبير
    مليان ميه وسخة
    وطافي فيه شوية ألاليط خرا

    ردحذف
  34. انت فيه إيه ياعم بس حرام عليك

    لا لإعتقال فارس إزاى بس ؟؟؟؟؟؟

    ده انا دخلت على مدونته لقيت فيه بلاوى زرقة

    ده لو عميل لإسرائيل مش هيكتب اللى هو كاتبه ولا يقول اللى هو قايله ده

    وايه هو اللى شوه صورة حسنى مبارك وقلولوه مش عايزينيك مش عايزينيك

    فارس ده عيل بشخة اصلا ولازم له الحرق مش مجرد اعتقال وتعذيب

    هو فاكر نفسه فين ؟

    فى عزبة آبا العمدة

    ردحذف
  35. الاستاذ الفاضل مينا زكري
    احترم وجهة نظرك
    وصدمني فعلا بعض
    التعليقات التي
    تدل علي حول فكري
    عند البعض ولكن
    بغض النظر عن الموضوع بأكمله
    أنت تستحق التحية وليت
    الجميع يمتلك رؤيتك

    ردحذف
  36. طيب مين قالك يا نوارة انى واحد عايز حد يتضامن معايا

    انا حد بنزل الشارع و اتظاهر على مسئوليتى الخاصة فقط و قايل للجميع لو اتقبض عليا و حد عملى بانر هاطلع افشخ اللى جابوه

    انا مش سلعه حد هايتاجر بيها و لا مراكز حقوق البتنجان هاتطلعنى من السجن

    و لما واحد يعمل تصرف احمق عليه انه يتحمل مسئوليته وحيدا دة كدة اسمه استهبال و انتى اللى عندك ازدواجيه كدة لانك قبل اخر مظاهرة قايلالى ما تروحش هايتقبض عليك و قلتى يبقى انت اللى اتحمل بقة المسئولية و ماحدش هايجرى وراك

    اى واحد شايف نفسه يقدر يعمل حاجة يتحمل هوه مسئوليتها و من الاخر انا مش هاساهم انى اتاجر بالناس

    و بكررهالك اللى هايعملى بانر هاطلع يبقى فيه خصومه بينى و بينه لانه تاجر بيا باناراتكوا يا حلوين مش بتطلع حد من السجن باناراتكوا بتعمل ايقونات شعبية تجارية و الباقى اكيد انتى فهماه

    و لو طولتوا فى الكلام هاكتب بوست و اقسم بالله هاحط صورة كل بانر عملتوه و صاحبه فين دلوقت و بيعمل ايه و تبقى فضايح لدين ام البانارات

    ردحذف
  37. اه بالمرة

    مصطفى النجار

    انت بضان فشخ

    ردحذف
  38. يالا اتغطوا و ناموا بقة

    ردحذف
  39. GemyHoOD

    يا ابني أنا نمت من بدري بس هي البت نوارة يا باشا هي اللي صحتني

    :D

    ردحذف
  40. غير معرف10/26/2007 3:04 ص

    جيمي هود
    نوارة معاها حق
    انت فعلا ...

    ردحذف
  41. بجد حاجه تنرفز الي عمال اقرأه في بعض المدونات الناس الي مزعله نفسها اوي كده انامطلبتش منها انها تقف جنبي ومعرفش ايه الي حصل لدا كله انا عايز الناس تدخل على التدوينه دي الي اسمها جابو سيرتي عندهم

    وتدخل على كل لينكايه فيها وتقرأ المواضيع الي مكتوبه والتعليقات الي جايه عليها وتقولي رأيها ايه

    هما كلمتين عايز اقولهم

    * علاقتك ايه بالاخوان

    بصوا ياجماعة انا شاب مصري مش اخوان ولا ليا اي انتماء سياسي لكن انا في الاول وفي الاخر مصري ، وبشتغل مع كل الناس .
    الي حصل اني اتشرف بأني انتمي الى عائله اخوانيه اصلها ثابت وفرعها في السماء ، وعندي اتنين من العيله اعضاء في مجلس الشعب عن الاخوان ، الي حصل ان الناس عملت خلط وفكرت اني اخوان واضايقت جدا من المزايدات الي حصلت على الموضوع

    بصوا يجماعه انا مصري عارفين يعني ايه مصري يعني الاخوان والغد وكفايه واليسار النضيف والوسط والكرامه وكل انسان وطني شريف ، انا فعلا كل دول وبشتغل مع اي حد بيحب البلد دي اقدر واعرف اشتغل معاه ، انا وانا في امن الدوله لقيت ليا تلت ملفات اخوان وغد وكفايه لاني اشتغلت مع التلاته وكنت بشتغل بضمير مع الكل حتى لو اختلفت مع حد فيهم ، بس كنت ديما حاطط في الاول وفي الاخر قدامي مصر

    مصر الي مش ممكن يعوضها او ياخد اسمها اي فصيل سياسي اي كان هو مين وحجمه ايه

    ****

    تاني حاجه الناس الي عماله تقول الاخوان موقفوش جنبيك

    انا هقول حاجه لله
    اول ناس وقفوا جنبي لما اتاخدت كانوا هما الاخوان هما الي بعتولي محامي قبل اي حد هما الي زاروني قبل اي حد هما الي نشروا الخبر في مواقعهم قبل اي حد

    فا مش هقبل ان يبقى فيه حد يزايد على موقفهم مني

    *******
    الحاجه التالته
    مكنتش احب ابدا ان الموضوع يوصل لكده ولا كنت احب اني اقول الكلمتين دول وكنت عايز افضل ساكت ومردش لكن لقيت الكلام كتر اوي اوي اوي وفيه ناس بدأت تستخدم الفاظ مش كويسه خالص .

    ********
    الحاجه الرابعه
    ان انا مدون مصري مستقل بتضامن مع كل المدونين ايا كان انتمائهم زي ما حصل لما تضامنت مع عبد الكريم ومع عبد المنعم وغيرهم لاني بتضامن في الاول وفي الاخر وقبل اي حاجه بتضامن مع انسان
    *****************

    الحاجه الخامسه ايه الي انت هتستفيده من الحمله بتاعتك

    بصوا يجماعه انا عارف انها حركه مجنونه وممكن تكون عواقبها وخيمه
    بس انا حبيبت من خلالها اني اوجه رساله لأمن الدوله انهم مش بيعملوا حاجه صعبه او مستحيله لما بيقعدوا يراقبوا الناس ومسخرين للموضوع دا امكانيات رهيبه

    انا بقولهم ان فيه شاب عنده سته وعشرين سنه اسمه عبد الرحمن فارس يقدر يعمل كده

    ***********

    الحاجه السادسه والاخيره
    بجد بشكر كل واحد ووحده كتبولي كلمة تضامن وكل واحد وواحده جابوا سيرتي حتى لو اختلفوا معايا في الي انا عملته
    بشكر الجميع من قلبي حتى الي غلطوا فيا
    ويارب يمتعكم كلكم بحريتكم



    تصبحون على وطن

    ردحذف
  42. بشكر مينا جدا وبشكر نواره اكتر ، اما جيمي فبقوله الكلام مفيش عليه جمرك وببلاش

    ردحذف
  43. لا كلامى يا شاطر تعلقة فى سلسلة و تحطه فى رقبتك انى فى يوم عبرتك اصلا و لو انى ما افتكرش انى اتكلمت عنك انا باتكلم على موقف عام

    و يالا بعيد بقة علشان هانرش ميه

    ردحذف
  44. و مش كل يومين واحد يطلع زى الخازوق يبضن على اللى جابونا و انت يا عم الحلو انت انا ماجيبتش سيرتك و لا هاجيبها لانى ما اعرفكش و انت نكرة بالنسبالى ففوكك منى علشان انا اعصابى بتفلت على طول

    ردحذف
  45. جيمي

    ولا حد غيرك بيطلب ان حد يقف جنبه ولا يعمل له بانرات

    ودي حاجة اللي بيتطوع يعملها ما بيعملهاش بناء على المقبوض عليه

    اه طبعا قلت لك ما تنزلش عشان ما يتقبضش عليك هي شطارة ان يتقبض عليك

    وقلت لك طيب بقى احنا مش ح نعبرك زي ما بقول لبابا لو شربت سجاير وتعبت تاني مش ح اسأل فيك

    بس قلبي علق بيخليني اعبر اي حد يقع في الموقف ده

    مش عشانك ولا عشان غيرك

    بس دي مسألة مبدأ حضرتك

    وعلى كل قلة ادب وفاشيتك دي لو لا قدر الله اتقبض عليك مش ح نسكت

    وابقى اطلع اعمل اللي انت عايزه لان ده مش عشان خاطرك ولا عشان خاطر اي حد

    ومش شحاته على حد وانا ما يهمنيش اللي اتقبض عليه اسمه ايه ولا جاي منين ولا بيعمل ايه دلوقت

    انا يهمني ان ما حدش يتقبض عليه اصلا

    ويهمني اني اقف ضد سياسة اعتقال الناس لانهم بيعبروا عن رأيهم بصرف النظر هم مين

    ولو حتى بيسو اتقبض عليه ح اعمل له بانر وح اعمل عشانه حملة

    وبلاش والنبي الكلام اللي مش عارف مين محفظهولك بتاع المتاجرة والبتنجان

    احنا ما بنعملش زي صاحبتك ونلم تبرعات على قفا المعتقلين والمسجونين وندبها في جيبنا

    ولا احنا عاملين كونجرس اسلامي بنقبض منه

    احنا بنصرف على ام المدونات دي وكل واحد عامل مدونة بيعبر فيها عن نفسه وما بياخدش اي مكاسب مادية والمكسب اللي بياخده انه بيعبر عن نفسه

    ولما واحد يعمل حملة تضامنية مع واحد مقبوض عليه لانه صاحب مبدأ اساسا ده من حقه ومن حق اللي يتضامن معاه

    والبيضان فعلا اللي لا يرحم ولا يسيب رحمة ربنا تنزل وكمان يزايد على الناس

    ميراج

    حضرتك قريب هتلر وللا نسيب موسوليني؟

    ردحذف
  46. وانا لسه جاي النهالرده ومتضامن معاكم يا مراقب

    ردحذف
  47. غير معرف10/28/2007 1:18 م

    لكــــــــــى تعـم الفائــدة على الجميع

    مصائب قوم عند قوم فــــــــوائد

    http://gamal51.blogspot.com/

    ردحذف
  48. غير معرف10/29/2007 2:30 ص

    هو جيمي دا صحي من النوم لقي نفسه كدا.. نازل تخبيط من غير سبب وقباحة
    بلا سبب فعلا زي ما بابن عليه
    هربان من العباسية

    ردحذف
  49. ا انا صحيت لقيت نفسى فى حضن السيدة الوالدة اللى جايبالك كمبيوتر و نت علشان تقعد براحتها مع ابوك و انت تقعد تقرف ميتين ابونا بتعليقاتك الماسخة

    ردحذف
  50. غير معرف10/30/2007 1:35 ص

    فعلا
    بيئة
    منحط
    سافل
    زبالة
    قذارة
    وسخ
    زي وشك العكر
    اللي عامل زي لحمار
    او الخنزير
    يا جيمي هود

    ردحذف
  51. الأخ غير المعرف
    (اللي هو بالنسبة لي نكرة بيشتم ويجري)

    غير مرحب بيك في هذه المدونة وعلى الأقل لما تنتقد أو حتى تشتم خلي عندك شخصية وإسم عشان تبقى قد كلامك مش تشتم وتجري وانت متخفي ورا الهوية المجهولة

    وغير مسموح لك بشتيمة أي واحد بيعلق في مدونتي... على الأقل اللي علقوا وقالوا كلام محترم سواء اتفقنا أو اختلفنا عندهم الشجاعة الكافية إنهم يحطوا أسماءهم وعناوين مدوناتهم أو إيميلاتهم لكن المجهول اللي يشتم ويجري دا ينطبق عليه قول من قال

    لو كل كلب عوى ألقمته حجرا لأصبح الصخر.. مثقالٌ بدينار!

    ـــــــــــــــــــــــــــــ
    جيمي هود

    سيبك من أي نكرة يرمي تعليق مجهول ويجري فهو لا يستحق وقت ولا عناء الرد عليه

    ردحذف
  52. جيمي هود

    التعليقات الغبية بتاعة المجهول بتدل على الأرجح أن وجهة نظرك على قدر كبير من الصحة يا صديقي

    ردحذف
  53. انا اتفق معاك جدا يا مينا ان التعليقات بتاع المجهول دي فعلا تعليقات غبيه جدا

    ردحذف
  54. فضيحـــــــــــــة بالسعوديـــــة

    http://gamal51.blogspot.com

    ردحذف
  55. مطلـــــــــوب القبــــــض
    على نصاب شقق زهراء المعادى / بالمعادى / بمحافظة القاهرة
    المهندس / ايهاب فراج محمد ابراهيم الزينى
    وعلـى كـل من يقابله التفضل بتسليمه مشكورا لأقرب قسم شرطه أو أقرب رجل أمن
    وهذا النصاب تم تأييد الحكم علية بالسجن فــى القضية رقم 9443 لسنة 2007 م جلسة 4/11 /2007 م محكمة المعادى حصر رقـــم 13182 لسنة 2007 م و صادر ضدة اكثر من ثلاثون حكما قضائيا
    وعنوان سكنه وعنوان الشركة / شركة الزينى للتعمير 56 طريق مصر حلوان الزراعى برج بــــــدر / أمــام فندق المعادى
    بطاقة رقم 27003211203839
    و النصاب يتنقل بين مدينة 6 أكتوبر بمحافظة الجيزه و مدينة المنصورة بمحافظة الدقهلية /// ومركز بشبيش بطنطا بمحاظة الغربية
    وعليه أكثر من حكم نصب واحتيال وجارى نشر اسماء وعناوين أقاربه وكل من تربط بينه وبينهم صلة نسب أو متسترا عليه
    الشريف / جمال طـه
    تليفون رقم 0104710778
    ( المواطن هو رجل ألأمن ألأول فى محاربة الجريمه والتصدى للمجرمين )

    ردحذف