Glimpses from My Instagram Gallery

2007-09-22

إذا وقع "كلوتك" فجأتن... فابتسم أنت في قسم محرم بك!ـ

أنا لم أكن أبدا لأقول كلاما عيب في مدونتي وأبدا لن يحدث هذا ما حييت!

فأنا مدون نظيف ومن هواة التدوين النظيف

ولكن الموضوع أكبر من أن أسكت عليه... فإذا وقع "الكلوت" فمن الممكن إذا أن تقع أي حاجة تانية في البلد!

طبعا لن أناقش الجدلية الأخلاقية الخاصة بما إذا كان قول كلمة "كلوت" عيب أم لا... فالعيب - بالطبع - ليس في الحديث عن "الكلوت" ولكن العيب في وقوعه فجأتن وبلا مقدمات!

بداية القصة...

مواطن (إيه مواطن ديه؟!) أقصد واد مجرم مسجل خطر اتقبض عليه في قسم محرم بك (عظيم كان لازم يتقبض عليه)... وبعدين هذا المواطن (قصدي الواد المجرم) اتعذب في القسم وانضرب وتم هتك عرضه في قلب القسم (وماله يا اخويا مدام مسجل خطر يبقى التعذيب حلال بلال وقيل في الأثر أن اغتصاب المسجلين خطر ليس فيه غضاضة على الإطلاق طالما لم يسجل بالفيديو!)... الواد المجرم ده حظه إن مواطن تاني صوره وهو بيتعذب في القسم والموضوع اتعرف وبقى قضية إعلامية اتكلمت عنها الصحافة!
ــــــــــــــ

ووفقا لما جاء في المحضر فقد حضر الرائد شادي الإسلام من المباحث، وأمر بإخراج المجني عليه من الحجز وإحضاره إلي غرفة المباحث بالدور العلوي، ووضع الكلبشات في يده وقيده في حديد الشباك وتعدي عليه بالضرب بيده، ثم أمر أميني شرطة من المباحث هما محمود نوار وصادق بتجريده من ملابسه إلا أنهما ترددا في ذلك، ففعل الرائد ذلك بنفسه، ثم أحدث عدة إصابات في جسمه بواسطة مفتاح السيارة.

وتصادف وجود أحد المسجونين داخل الغرفة مع المجني عليه فنصحه بتصويره علي هذه الحالة وإبلاغ النيابة فور مغادرة القسم، وبالفعل حصل علي هاتف محمول وقام أحد الأشخاص بتصويره مقطعين، الأول مدته دقيقة و١٦ ثانية والآخر مدته ٣٥ ثانية تم تقديمهما إلي النيابة.

(اقتباس من المصري اليوم)
ــــــــــــــــــــ

الدنيا اتقلبت والداخلية وقفت على رجل وقرروا عزل الظابط المتهم بالتعذيب والانتهاك وإحالته للإحتياط (عداهم العيب الصراحة، ولزومه إيه الظابط يتحول لنيابة وقضا وكلام فاضي، إحنا نحلها بيننا وبين بعضشينا كدة عسل!)

كالعادة الداخلية قررت تنصر أخاها الظابط ظالما كان أو مظلوما وضغطت على الولد المجرم إنه يغير أقواله وينفي موضوع التعذيب وهتك العرض... لكن تبقى مشكلة عويصة وهي مشكلة "الكلوت"! فيه حقيقة وواقع إن "الكلوت" نزل ودا واقع غير قابل للإنكار! فالواقعة متسجلة فيديو - ما تدورش من فضلك على فيديو هتك عرض رمضان عنتر (إسم الضحية كدة) لأنك مش هتلاقيه غير عند البيه النيابة - وبالفعل الواد المسجل الخِطِر قرر في بلاغ رسمي له - وهو بيعيط (تخيلوا لما مسجل خطر يعيط... دي حاجة مش هينة فعلا!) إنه ما انتُهِكْش عرضه ولا حاجة وإن "الكلوت" وقع لوحده!!!
ـــــــــــــــــــــــ

وعلمت «المصري اليوم» أن المجني عليه تقدم مساء أمس بطلب تنازل عن البلاغ «الواقعة» إلي مدير نيابة محرم بك إلا أنه لم يتم البت فيه حتي الآن، وأنه بكي أثناء أخذ أقواله وقرر أن ملابسه الداخلية سقطت علي الأرض أثناء احتجازه داخل غرفة الحجز الإداري، كما صدر قرار اعتقال الشاهد الرئيسي في الواقعة، ويدعي «لطفي كامل جاب الله»، الذي قام بتصوير المجني عليه، وشددت أقسام الشرطة في الإسكندرية علي منع المواطنين المترددين علي الأقسام من الدخول إلي ديوان القسم بالتليفون المحمول، خاصة المزود بكاميرا.

(اقتباس من المصري اليوم)
ــــــــــــــــــــــــــــــــ

وبما إن "الكلوت" وقع لوحده إذن تنتفي الأدلة ويغلق المحضر في ساعتو وتاريخوو وعلى "الكلوت" اللجوء إلى القضاء!
وطبعا سيتم تبرئة الظابط شادي الإسلام (إسمه إسلام برضه... سبحان الله يا شيخ) من تهمة هتك العرض والتعذيب وكذلك تم إصدار قرار اعتقال بحق الشاهد الرئيسي اللي صور الواقعة بكاميرا المحمول وسيتم ترويج شائعة أن قضايا التعذيب هي أكذوبة أطلقتها ألسنة مغرضة مأجورة تسعلا لتشويه سمعة مصر بل وتريد أن تشوه صورة "الإسلام" ويتم الربط بين شادي الإسلام وإسلام نبيه من قبل قوات الدفاع الباسلة التي تريد أن تظهر حقيقة "الإسلام" السمحة وتفضح مؤامرات تشويهه وتشويه سمعة مصر "الخالية من التعذيب وشلل الأطفال"، وبالطبع سيتم إدانة "الكلوت" لأنه وقع لوحده دون سابق إنذار وبنية مسبقة في التشهير بعيون مصر الساهرة وبالإسلام سواء كان شاديا أو نبيها!
ـــــــــــــــــــــــــــــــــــــــــــــــــــــــــ

اقرأ أيضا
أخي الضابط عذب فيا كما تشاء

هناك 11 تعليقًا:

  1. انت بتهرج فى موضوع جد
    ميستحملش التهريج
    دى اول مرة تحصل منك و ملهاش عندى اى تبرير غير انك ريحت و مبقتش زى زمان
    ........
    ببساطة و بدون تفكير
    الكلوت الى وقع مسئولية جيل و الامبراطور
    مش الظابط شادى
    انا و شادى
    لفيروز
    .......
    فهمت
    بلاش تهريج لغاية لما يحققوا مع الحيوان الى ركب استك الكلوت
    اكيد مسجل لبسة ...جمع لباس
    ........
    و ربنا يكرم الجميع
    بكلوت يستر عوراتهم
    يا سابل الستر استرها متفضحاش
    و مش حقولك ايه هى الى متتفضحش
    يا لئيم
    .......

    ردحذف
  2. لااااااااااااااااا
    الحل في اللباس الحديدي
    http://spring456.blogspot.com/search?q=%D8%A7%D9%84%D9%84%D8%A8%D8%A7%D8%B3

    ردحذف
  3. بصراحة يا ميناانت مسخرررررررررررة

    كنت سمية الكلسون ولا السروال
    عشان تكون تسمية رجالى

    ام الكلوت دا حريمى

    وربنا يستر
    وبعدين انت مقلتش الكلوت كان بيكينى ولا شورط زى اللى انت حطه
    عشان الواحد يخلى باله بعد كده ويعرف يلبس ايه

    هههههههههههههههههههههههههههه

    ردحذف
  4. عباس العبد

    لأ مش أول مرة أهزر في موضوع جد
    أنا طول عمري مسخرة وأنا أصلا مدون وضيع ومنحل وبتاع مسخرة وقلة أدب

    وبعدين أنا هعمل فيلم وأسميه ليلة وقوع الكلوت وأخلي شادي الإسلام يخرجه وإسلام نبيه ينتجه وطبعا دي هتبقى أول مرة مدون مسيحي يعمل فيلم "إسلامي"!
    ==========================



    ربيع

    الكلوت الحديدي ده على فكرة اختراع عبقري ويا ريت لو يبقى ليه قفل إلكتروني ديجيتال بأرقام سرية الواحد يسيبها في بنك من بنوك سويسرا عشان محدش ضامن الظروف

    الفكرة دي بتفكرني بحزام العفة بتاع العصور الوسطى
    =======================




    كريمة عزوم

    أنا طول عمري أعرف إن اسمه "كلوت" بقية الألفاظ البلدي دي أنا معرفهاش لأني متربي تربية كلاس خالص

    المسخرة اللي بجد واللي يحرق الدم يا كريمة هي تنازل الضحية عن البلاغ وإدعاء إن الكلوت وقع لوحده... إيه القرف ده... دي بلد يتعاش فيها دي؟؟

    آه يا بلد الكلوت فيكي ما لهوش أستك!!
    ـ

    ردحذف
  5. ايه اللى بتقوله ده يا مينا
    انت متغاظ من شادى باشا كدا ليه
    طبعا الكلوت هو الغلطان فى الموضوع ده كله
    حد قاله يقوع قليل الادب السافل ده

    ردحذف
  6. خليك شيك كده وسميه underwear

    بس قولى هو كله underwear

    مافيش panty

    هع هع هع هععععععععععععععع

    صديقك الصدوق jhon

    ردحذف
  7. يا شادي الاسلام آه اسمعنا
    رنة الاساتك واطربنا
    يالالا اه يا لاللي

    ادي اخرة انجرافنا وراء الغرب واستبدال الكلوت ابو دكة بكلوت باستك زي الخواجات

    اهو الاستك فك

    ردحذف
  8. غير معرف10/07/2007 6:26 م

    الله المستعان اذا دعتك قدرتك على ظلم الناس تذكر قدرة الله عليك يا عبدى افعل ما شئت كما تدين تدان ان الديان لا يموت…………
    اولاد الناس المحترمة صعب يعملوا كده والناس اللى اصلهم من اصل شادى صعب برضه يعملوا كده فالله المستعان هو العادل و المنصف

    ردحذف
  9. غير معرف10/07/2007 6:27 م

    الله المستعان اذا دعتك قدرتك على ظلم الناس تذكر قدرة الله عليك يا عبدى افعل ما شئت كما تدين تدان ان الديان لا يموت…………
    اولاد الناس المحترمة صعب يعملوا كده والناس اللى اصلهم من اصل شادى صعب برضه يعملوا كده فالله المستعان هو العادل و المنصف

    ردحذف
  10. غير معرف11/17/2007 1:34 م

    سيدى العزيز انت فى زمن الديمقراطيه والحريه والعيب بصراحه على الاخ المسجل خطر كان لازم يروح القسم من غير (............) لانه لو راح من غير البتاع مكنش هايبقى فيه مشكله وانصح الشعب المصرى انه يمشى من غير البتاع والشرطه فى خدمه البتاع ويارب الحق اروح

    ردحذف
  11. افضل موقع متخصص في اعمال الحديد والاستانلس
    http://decor-ksa.com/

    ردحذف