Glimpses from My Instagram Gallery

2007-07-21

حفلة أسامة فؤاد في ساقية الصاوي... إوعى تفوتك

أسامة فؤاد
فنان الشعب
هكذا نسميه في الإمبراطورية
والإمبراطورية هي مكتبة السندباد
بوسط البلد
حيث يستضيفنا الزعيم عمر قناوي في إمبراطوريته
التي لا تغرب عنها الشمس أبدا
(حقا مع النديم ذاك أفضل جدا)
-------
أحد أعظم الأشياء التي تراها في الإمبراطورية
هي حالة الفن التي يخلقها أسامة فؤاد بغنائه وعزفه على العود
ويا حبذا لو الغزالة رايقة وغنى لسيد درويش
يا نهارييييي... ما شفتش حد لحد دلوقت بيغني سيد درويش بالحلاوة بتاعة أسامة فؤاد
----------
أسامة فنان مزاجي جدا
بس حلاوته إنه مصري جدا جدا
ولما أسامة يتسلطن... إنسى!!
هتعيش حالة فنية ما عشتهاش في حياتك
===========

أسامة يا جماعة عامل حفلة في ساقية الصاوي يوم أربعة أغسطس

الحفلة دي هتبقى بجد ليلة فنية لا تنسى

إوعى تفوتك إنت وحبايبك كلهم
=====



استخدم البانر للدعوة للحفلة في مدونتك أو موقعك

هناك 4 تعليقات:

  1. بمناسبة احتفالات ثورة يوليو أنا عاوز المصريين يفتكروا قائدها اللواء محمد نجيب فلو عايز (ة ) تشارك (ى) فيها أنا حاطط على المدونة بتاعتى كود لصورة نجيب ممكن تحطيها فى
    add page element html/java code
    وده لحد يوم 23 يوليو مع انى عارف ان ده مش هيعوضه هو ولا أسرته عن اللى اتعمل فيهم بس يمكن تنجح المحاولة ويزور قبره رئيس الجمهورية ويقراله الفاتحة أو يكتبوا فى كتب التاريخ اللى مزورينها انه كان أول رئيس لمصر
    شكرا مراقب مصري

    ردحذف
  2. ماشى يا سيدى هنروح

    وبالنسبة للبوست اللى فات كمان الشعر عاجبنى اوى

    بس اوعى تيأس .. احناقدها وقدود

    يلا استعين بالله وفرفش ولا يهزك يا راجل

    ردحذف
  3. يا خويا ما اديك قالبها مراجيح اهو واسامة فؤش منور عندك
    امال اديتنا الوش الخشب ليه ف البوست اللي فات؟
    دا انت بتبقي مملل بأكتئابك ولا اخبارك الكحلي
    فك يا بنى فك
    هنروح لاس اس احنا لنا بركة غيره
    وكمان يلا هلطع صورته عندى زي بعضه
    بس اللب عليك ف الحفلة بقي
    تحياتشي
    ع الفيس بؤ بقي

    ردحذف
  4. أبو لهب

    على فكرة فيه سيارة ملاكي قريش راكنة جنب البلوج... تبعك دي؟؟
    الحق الونش هيشيلها!!!
    ههههههههههه

    محمد نجيب دا كان أرجل واحد في الشلة بتاعة انقلاب 52... يكفي إنه كان الوحيد في تاريخك يا مصر اللي دعا لديمقراطية بجد وانتخابات على حق ربنا وبعدين عمك جمال عبد الناصر حسين عمل هاي جاك عليه فيما سمي بأزمة مارس 54... ومن يومها وعينك يا مصر ما تشوف إلا النور... من كتر الضرب على عينها طبعا

    هخش ع المدونة وأشوف البانر

    عينيا ليك وللراحل العظيم محمد نجيب
    ===================


    omar مشروع بطل

    الحفلة تحفة جدا يا جماعة
    أسامة دا فنان بجد مش لعب عيال
    وهتسمع وهتدعي لي
    الحفلة هتبدأ تسعة مساء
    وتخلص 10 ونص أو حداشر

    قصيدة علي سلامة فعلا تحفة

    هو مش يأس
    بس هي فعلا كانت حالة تناحة والحمد لله بتفك

    شكرا لاهتمامك
    ===========================



    رندوش حبيبتي

    فينك يا بنتي؟ الوش الخشب دا مواسم يا عزيزتي... يعني ما هو لازم ليه يوم يطلع في يعني... هههههههههه.... وبعدين مين قال إني قالبها مراجيح؟

    استني البوستات اللي جاية هتبقى مآسي مهببة

    ههههههههههههههههه

    أنا هجيب اللب في الجفلة بس ما تنسيش حياة والديكي تجيبي لنا لبشتين قصب ونقعد نمص ونرمي في قفا العيال اللي قدامنا
    هههه
    ههههههههههههه

    ردحذف