Glimpses from My Instagram Gallery

2007-07-23

خليك بالبيت... على أساس إن النهاردة أجازة

دعوة هامة

خليك بالبيت
ما تنزلش من بيتكوا النهاردة وما تروحش شغلك
المناسبة؟
عادي النهاردة أجازة بمناسبة ذكرى الانقلاب العسكري في 23 يولية 52
وعاملين عصيان مدني بارتي
وعشان كدة عاملين عصيان مدني النهاردة على أساس إن النهاردة أجازة
-----------------------------


سلام بقى
هنزل أحضر فرح أختي
وارجع أكمل معاكوا احتفالية خليك بالبيت
عايز بقى أحلى عصيان مدني جامد لحد ما آجي

هناك 5 تعليقات:

  1. الف مبروك لاختك يا مينا
    عقبال ما تجيب قطط ضوغننين
    بالنسبة بقا للعصيان فانا عاملاه من اسبوع تقريبا
    مش رحت غير مرتين القاهره ومرة الاسماعيلية ونزلت النهارده الشغل بس
    عصيان محصلش يعنى

    ردحذف
  2. بقي انا جي اجازة الاقي مصر كلها اجازة

    ردحذف
  3. هههههههههههه

    بيقولك هيقبضوا على زاهى وهبى باعتباره هو المحرض الرئيسى على العصيان المدنى

    مبروك لاختك

    بالمناسبة هو فى قعد فى البيت والا كلهم راحوا الفرح ؟
    http://7aleldonia.blogspot.com/2007/07/blog-post_23.html

    ردحذف
  4. اجازه ما احنا بقالنا سنين عقولنا و افكارنا في اجازه ايه الجديد يعني
    سيبك سيبك الفرح كان عامل ايه اكيد حلو جدا لازم تنزل صوره العروسه و العريس انت معزمتناش ليه
    بجد انا زعلانه
    الف مبروك ك ك ك ك

    ردحذف
  5. قطة الصحراء

    الله يبارك فيكي يا ستي
    ههههههههه عاجبني عصيانك الرهيب ده... إيه ده كله؟ دا انا سامع إن مبارك (وابنه كمان) بيفكروا يتنحوا بسبب عصيانك الجامد ده

    أنا بقى عصياني النهاردة كان نصه في السرير ونصه التاني في الكنيسة عشان أحضر فرح أختي

    بس على فكرة... العصيان المدني فعلا مهم بشكل جامد جدا... وعاجبني جدا إن الناس بتتكلم عنه وإنه بقى موضوع عادي... ولسة كمان لما الناس العادية يبدأ يوصل لها الخبر وتسأل يعني إيه العصيان المدني ده

    ولعلمك... النهاردة كنت باحكي مع سواق تاكسي ولما فهمته يعني إيه عصيان مدني الراجل تجاوبه كان هايل وكان حاسس إن لو فعلا فيه ناس كتير اتفقوا على ده فهو مقتنع إن ده هو الحل فعلا وإنه هيكون أول من يشارك... صدقيني الناس لو فهمت الحياة هتتغير
    ===========================



    آدم المصري

    لأ فهمني بقى
    إيه حكاية الأجازة دي؟
    وبعدين إيه حكاية النفحات الإيمانية اللي هبت عليك اليومين دول؟؟
    إوعى تكون اتدروشت يا دكتور
    ;)
    =================================




    برنسيسة ويلز

    شفت بوستك (من بوست وليس من بوسة طبعا) عن مين قعد في البيت النهاردة... وطبعا الإجابة باتت معروفة للقاصي والداني (مين داني ده... اسمه شكله كدة يهودي ههههههههه) والنتيجة لم يقعد أحد... والسبب لم يعرف أحد ولم يهتم أحد... طب ودا يحبطنا؟
    إطلاقا!!!
    بالعكس!!!
    كفاية عليا إن الناس هتبدأ تحكي في يعني إيه عصيان مدني ويعني إيه حل سلمي ونضال باللاعنف... كل دا كلام مهم جدا وإيجابي جدا... ما تنسيش يا وزة (دلع ويلز) إن الشعب ده في الفريزر بقالو ستة وعشريم سنة... يعني محتاج شوية وقت عشان يفك
    =========================




    دنــــيــــــا مـحـيـرنـي

    (قبل أي حاجة هي مش مفروض الدنيا مؤنث وتبقى محيراني مش محيرني؟ هل هو خطأ مطبعي أم فلسفة بؤروية محضة؟)

    إيه دا؟؟؟
    إحنا بقالنا سنين عقولنا في أجازة؟؟؟
    ما حدش قال لي للأسف!!!
    طي يا اخوانا مش كنتوا تقولوا لي بدل ما انا عامل زي العبيط باشغل عقلي سبع تيام في الأسبوع وبافكر ليل نهار لما جالي هطل

    بالنوسبة للفرح.. كان وقت لطيف
    بس أنا لا أخفيكي سرا
    عندي حساسية من حضور الأفراح لأنها بتخلي إحساس الوحدة والغربة الذاتية ينقح عليا وأنا أصلا باكابر وباعاند مع الدنيا في إن أنا كدة زي الفل
    عشان كدة بحاول دايما أتجنب الأفراح والخطوبات والذي منه
    بس ما باليد حيلة

    زنقونا يا مرزوق
    هههههههههههه

    طبعا ما رضيتش أدعيكوا عشان الإخوة الإنقلابيون بتوع خليك بالبيت ما يتهمونيش إني بوظتلهم العوصيام المدني بتاعهم

    ههههههههههه

    كل عوصيام وانتي طيبة

    ردحذف