Glimpses from My Instagram Gallery

2007-07-21

حالة تناحة غريبة ولسة قادر في الحزن أفرح



معرفش ليه تنّحت للدنيا كده

فجأة لقيتني مسكون بالملل

لا عندي رغبة في البكا

ولا في الكلام

ولا عارف أنام

ولا حتى بسأل إيه ده إيه

و أخرتها إيه

و إيه العمل

و أخاف أقول لأي حد

أحسن يقوم يقلبها جد

حد صاحبي ينزعج

يمد إيده في قلبه من باب الكرم

عشان يشاركني الألم

أو يستلفلي من لئيم حبّة أمل



حالة كده .. معرفش إيه

حالة كده ملهاش معالم

ساعات تزورني في الربيع ..

في الحر ..

و في عز الشتا

و تجيب حاجات

لا فيها روح ولا ميتة

حاله كده ..

لا معاها تنفع كلمتين

ولا غنوتين ..

ولا لقطه من ألبوم صور

..ألاقى قلبى ف الهوا

ويا الكور

..أخاف اقول لأى حد

..أحسن يقوم يقلبها جد

..حاله كدة

.معرفش إيه


لكنى بطلع منها بعد السكات ..

فاهم شوية في اللي فات

حاسس أوي بحضن الصحاب ..

محظوظ أنا

ساعات أشاور

ينفتحلي ألف باب

لكنّي بغلط في الحساب

ومعرفش ليه

تنحت للدنيا كدة



شعر علي سلامة
والفيديو فيه كمان وجيه عزيز بيغني الحزن شاطر

ده مودي هذه الأيام العجيبة الغريبة الرهيبة


هناك 5 تعليقات:

  1. مراقب

    مالك وايه اللى حصللك
    فى حد حسدك ولا ايه
    فك شوية من الاكتئاب
    دا مش مستاهلة

    وعموما هى حالة اكتئاب عامة
    منتشرة بيننا مش عارفة ليه

    ربنا يعديها على خير

    تحياتى

    ردحذف
  2. معلش ولا مرخذه هو البلوج دا بتاع مين؟؟
    ايه علاقة الصورة اللى تحت دى بالموضوع؟؟
    لالالالا
    ماينفعش كدا
    حد يفهمنى

    ردحذف
  3. كريمة

    هي فعلا حالة اكتئاب شاملة وعامة... ربنا يعديها على خير
    --------------------------





    محمد الطاهر

    مالك يا ابني ما كنت بعقلك
    يعني إيه البلوج دا بتاع مين
    هيكون بتاع امي يعني
    طبعا بتاعي
    مراقب مصري
    يا بني دا مصر كلها عارفة مين هو المراقب والبركة في البنات اللي ما بتتبلش في بقهم فولة

    ردحذف
  4. yekhreb beatek
    ya3ny enta f3lan ,la la?
    ya3ny enta elmad3o ...
    ,la balash afda7ak
    tab 2ol ya 2khy

    ردحذف
  5. غير معرف7/25/2007 1:33 ص

    إزيك يا مراقب...

    الشعر حلو أوي..يتاكل أكل يعني :))

    المهم إنت يارب تكون بخير وفي أحسن حال..

    شيماء زاهر

    ردحذف