Glimpses from My Instagram Gallery

2007-07-08

عجائب الدنيا السبعة يوم سبعة سبعة سنة سبعة

ألف مبروك للأردن دخول آثار البتراء ضمن عجائب الدنيا السبع

وهارد لك لمصر خروج الهرم - وفيصل - من أجمد سبعة الساعة سبعة

وطبعا العيب مش فينا... العيب في الواد السويسري الصايع اللي تجاسر وقرر يعمل مسابقة يصوتوا فيها البشر من العالم كله على اختيار العجايب

واد سويسري صايع دا كان التعبير اللي استخدمه الدكتور زاهي حواس تعبيرا عن سخريته من القصة كلها
مش عارف ليه بيفكرني بالبرنس جميل سعيد وهو بيقول "كهربائي صايع"... أهو السويسري الصايع ده العالم مشي وراه واختار عجايب لا فيها الهرم ولا حتى الطالبية

The Seven Wonders of the Ancient World (from left to right, top to bottom): Great Pyramid of Giza, Hanging Gardens of Babylon, Temple of Artemis, Statue of Zeus at Olympia, Mausoleum of Maussollos, Colossus of Rhodes and the Lighthouse of Alexandria.

Enlarge
The Seven Wonders of the Ancient World (from left to right, top to bottom): Great Pyramid of Giza, Hanging Gardens of Babylon, Temple of Artemis, Statue of Zeus at Olympia, Mausoleum of Maussollos, Colossus of Rhodes and the Lighthouse of Alexandria.
دي اللستة القديمة للي ما يعرفش


خدوا بقى اللستة الجديدة بتاعة العجايب عشان اللي لسة عنده اللستة القديمة يروح يمسح بيها إزاز المكتب!


سور الصين العظيم




آثار البتراء بالأردن



تمثال المسيح الفادي بالبرازيل



آثار ماتشو بيتشو في بيرو




أطلال حضارة المايا في تشيتشن إيتزا بالمكسيك




المدرج الروماني الكولوسيوم بروما



تاج محل بالهند

هناك 31 تعليقًا:

  1. نحسي مبارك7/08/2007 6:06 ص

    والله مافي حد صايع الا زاهي زفت الطين حواس و الجهله الحراميه اللي حواليه

    دي فضيحه دوليه . . ازاي يا حمار يا حواس أهرامات مصر تستبعد من المسابقه
    أمال شغله أهلك ايه بالظبط؟؟؟

    لو حد عنده دم كان استقال بس احنا موعودين بالبهايم

    حنصبح يوم نلاقي مصر دي كلها استبعدت من الكون . . يا ولاد الكلب اتقوا الله و كفايه تدمير في البلد

    الله يحرق حواس و ابو حواس و اللي مشغل حواس

    ارحمونا بقه

    ردحذف
  2. انا قرأت مش عارف فين أنهم حطوا الهرم كعجيبة شرف

    لأنها فوق الكل
    يعنى ملهاش مثيل تقارن بيه
    وبالتالى خرجت بره التصويت أصلاً من قبل ما تبدأ المسابقة

    ردحذف
  3. يا حلوتك يا مصر
    كل يوم بتزدادى جمال
    ولا بلاش جمال
    اهمال ورا اهمال
    لما استبعدونا
    بس كفاية عليا
    احنا احفاد الفراعنه
    واحنا حضارة السبعتلاف سنة
    طب اللى حسمعه بيقول الكلمة دى سورى مش حديله غير بالشوز
    فضحتونا ربنا يفضحكو

    ردحذف
  4. الف مبروك لمصر بجد
    هى دى مصر رمز السياحه
    انا نفسى افهم بس وزارة السياحه و لجنة تنشيط السياحه بتعمل ايه
    بصراحه حاجه تنقط

    ردحذف
  5. هو انا فيه حاجة مش فاهماها شوية
    ايه المعايير اللي اختاروا عليها العجايب
    يعني التصويت وبس ..

    يعني هل فيه معايير معينة .. عمر أو بناء أو تصميم أو شكل أو أهمية المبنى أو المعلم التاريخي اللي ممكن اعتباره احد عجائب الدنيا السبع ..
    والمفروض ان مزاياه مابتتغيرش .. يعني الشيء اللي اعتبر من عجايب الدنيا السبع مرة هيفضل كده على طول لحد ما يتدمر أو يزول من وجه الارض ..

    مش فاهمة فعلا ؟؟ ياريت حد يفهمنا
    هي تصويت بس؟؟

    يعني ممكن اقرر ان كرسي جدتي الله يرحمها من عجايب الدنيا السبع ..
    ما هو كرسي مفتخر وحلو قوي ..وبعدين اقنع كام مليون من الاصدقاء وأهالي شبرا الكرام (ودي مش مشكلة خالص)
    ويتم اختيار كرسي جدتي (الله يرحمها) على انه احدى العجايب ..

    عجايب دي

    ردحذف
  6. محمود سعيد

    كلامك فيه شيء من الصحة... بس للتدقيق نقول مصر أساسا اعترضت على المسابقة من الأول... ورفضت إن الهرم الأكبر يخش مع بقية الآثار الركش دي وينافس ع اللقب بحجة إن دا عيب أساسا إن الهرم يحتاج ينافس على لقب وبدأت نعرة واد سويسري صايع... فقررت اللجنة ساعتها استبعاد الهرم من المنافسة عشان يريحوا دماغهم مع إعطائه مكانة خاصة... لكن لأ للأسف الهرم مش من ضمن العجايب الجديدة وخلاص اللستة القديمة اتلغت... وللأمانة اليونسكو أساسا كانت معترضة على المسابقة بس مش منطلق إن اللي عاملها واحد سويسري صايع لكن من منطلق الافتقار إلى المعايير العلمية والتاريخية
    ----------------------



    قطة الصحراء

    صفر كبير يضاف إلى قائمة إنجازاتنا التي لا تنتهي... طبعا إنسي خالص حكاية السبعتلاف سنة دي خالص
    -----------------------




    محمد

    وزارة السياحة والثقافة والأستاذ زاهي بس شاطرين يتريقوا على خلق الله... لكن حتى حملة محترمة لمنع المسابقة أو حتى ماطعتها دوليا وتفعيل رفض اليونسكو ما يعرفوش يعملوا ولا ينسقوا دوليا ولا أي حاجة خالص... يا فرحتي بشتيمة المنظمين وفي الآخر مصر برة ودول تانية خدت الموضوع جد بالرغم من هشاشته العلمية ودخلوا ولعبوا صح وصوتوا بالملايين والنتيجة كانت المكسب... إحنا بس فالحين نشتم ونقاطع... نشرب بقى
    -------------------------



    القهوة العالية

    من غير سفسطة كتير من جانبي أقدر أقول لك إن التصويت والنتخاب الديمقراطي كان هو المعيار الأساسي اللي روجت له الحملة التنظيمية... باعتباره أكبر حملة انتخابية في تاريخ العالم.... هم اختاروا مجموعة كبيرة من الآثار في العالم وطرحوها للانتخاب الشعبي المباشر في العالم كله والتصويت كان عبر الهاتف والإنترنت... وطبعا اليونسكو نفسه كان رافض المسابقة ومتحفظ عليها... الأزمة الحقيقية هل اختيار الشعوب لقائمة العجائب هذه وإجماعهم ديمقراطيا عليها يمنح هذا الاختيار شرعية يفتقر إليها من الناحية العلمية والتاريخية؟ يعني هل الديمقراطية المطلقة تصلح كبديل عن وجود معايير علمية أو موضوعية تحكم كل شيء في الحياة؟ وطبعا خير مثال بالفعل هو كرسي جدتك... هل لو الديمقراطية الشعبية في حي شبرا أجمعت على كون كرسيها أهم أثر تاريخي في شبرا فهل بالفعل يكون هو الأهم؟

    ردحذف
  7. استاذ مراقب مصرى اولا اهلا بيك يا رب تكون فاكرنى انا احمد الجيزاوى الذى قابلته فى مركز القاهرة لحقوق الانسان انا دة اول مرة ازور مدونتك بس انا عرف انى الزيارة متاخرة بس هنعمل ايه ظروف
    بس تعليق على موضوع العجايب الدنيا السبعه انا انسان متاكد من وجود نظريه المؤمرة وحسس بوجود ورغبه من جه اخرة من تهميش دور مصر وعزله واعتقد انى حرجه العجايب الدنيا ديه حركه اى كلام بس الهدف منه هز صورة مصر فى الخارج وتهميش دورة وعزله وتقليل الاهميه الاثريه التى تتمتع بها مصر
    احمد الجيزاوى

    ردحذف
  8. تزدادى جمال وخديجه كمان يا مصر

    عظيمه يا مصر

    ردحذف
  9. يا جماعة الأهرامات أعلى قيمة بكثييييييييييييييييييييييييييييييير
    من أن توضع في قائمة مع الأقزام الآثارية ... ناقص بعد شويه يحطوا صورة كونزا كأهم

    يعني الحكاية ( ألاطة ) مصرية مشروعة
    وليس تجاهل من أصحاب الزفة التجارية
    استمعت من قليل لنشرة الأخبار و اليونسكو لن يعترف بهذه النتيجة الغير علمية و في تصويت لل سى ان ان موجود حاليا حول مصداقيه هذا الاختيار الشعبي
    اكثر من 65% من المصوتين قالوا انه لايعبر عن الحقيقه
    معلش في دول محتاجة حد يعبرها لزيارتها
    ولازم يكون قلبك حنون وتسيب الناس تسترزق برضه
    لكن مع ذلك أعتقد أن البتراء عاصمة دولة الأنباط لعدة قرون وكمدينة منحوتة في الجبال الصخرية تستحق ان تلفت انتباه العالم فهي تحتوي على نظام للصرف الصحي وتمديدات مياه تصل لكل بيت تخيلوا هذا الكلام في القرن الرابع قبل الميلاد
    متخدوش الموضوع على اعصابكم اللعبة دى مش زى ملف المونديال الصفر حد نسى

    ردحذف
  10. نحسي مبارك7/09/2007 6:25 ص

    ياسيدي الفاضل مفيش حاجه اسمها اعلي قيمه و اقل قيمه

    دي دعايه مجانيه تقدر بملايين الدولارات اذا لم يكن اكثر

    تصور 100 مليون فرد اشتركوا في التصويت و الاف الجرايد و المجلات و التليفزيونات و الراديو بتكلموا عن المسابقه
    و اسم مصر اللي كان مفروض يكون اول اسم لم يذكر

    و طبعا عشرات الالوف من السياح حيروحوا يشوفوا العحايب دي

    واحنا نصيبنا ايه؟

    حنصتبح بوش العفش ابو مناخير متنيه و لابسلي طاقيه رعاه البقر و عاملي فيها خواجه

    منك لله يا زاهي الكلب . . جك داهيه فلي مشغلينك

    ردحذف
  11. ههههههههههه
    هههههههههههه
    بجد مش عارف اقول ايه
    بكره الاقيهم عملين عربيتي الميه تمانيه وعشرين من ضمن عجائب الدنيا السبعه
    عشان بتمشي بالكيروسين
    حسبي الله ونعمي الوكيل
    تحياتي

    ردحذف
  12. يا استاذ نحسى مبارك
    لو كانت سوزان فضت حالها شوية يمكن المصريين كانوا وصلوا للعشرين مليون .
    :d

    ردحذف
  13. بصراحة احسن حاجة اتعملت ان مصر ما دخلتش في المسابقة دي لان مافيش اي معايير علمية في الاختيار

    ايه اللي جاب الهرم جنب برج ايفل و تمثال الحرية و اوبرا سيدني هاوس!؟

    انا الصراحة مش شايف اي اثر من الاثار اللي تم اختيارها دي يستحق يكون من عجائب الدنيا السبعة غير سور الصين العظيم و تاج محل...غير كدة بقيت الاثار عادية جدا ما ترقاش لمستوى العجائب

    دة غير ان كل شوية هيطلع حد يقول انه هيختار العجائب الجديدة لان العجائب دي مش معترف بيها من اليونيسكو...ويبدأ يفكر في فكرة جديدة للتصويت

    ردحذف
  14. راحت علينا ؟؟
    بجد ؟؟ الاهرام مش منهم ؟؟؟

    طب وايه يعنى عاااااادى
    ما احنا خدنا زيرو فى الكورة وفى الجامعات وفى الديموقراطية و الانتخابات و حتى فى مستوى القهاوى

    جت على دى ؟؟

    بس انا سمعت انهم خلوا الاهرام عجيبة شرفية
    بجد الكلام ده ولا دى اشتغالة ؟

    ردحذف
  15. إزيك يا مينا..والله أنا فطست من الضحك ع التعليقات والبوست نفسه إللي زادني إعجابا بكتاباتك لأني قرأت الخبر في البي بي سي العربية ولم أفهم منه- ربما لبديهتي الخارقة- إن اختيار البتران في الأردن تبعه خروج بعض العجائب من اللسته ...

    بس بعيدا عن البوست أنا كنت عايزة أقابلك..هو ينفع؟ لأني بصراحة يشرفني أني أقابل حد زيك

    ولو إني عارفة مقدما إنك أكيد مشغول ..فلو ما كنش ينفع يبقى عادي يعني :)

    صباحك ياسمين وفل وكده :)

    ردحذف
  16. بس هو واد سويسري صايع فعلا يا مينا
    ومالوش اي حيثية ثقافية
    ده غير ان اسلوب التصويت غير علمي
    ده عامل زي ستار اكادمي
    يعني كل واحد ح يصوت لبلده طبعا
    ولا واحد من اللي اختاروهم يتقارن بالاهرامات
    مش عشان انا مصرية

    بس عشان الاهرامات معجزة تاريخية وهندسية وفلكية وعلى كل مستوى

    وعموما المسابقة دي مش معترف بيها من اليونسكو

    وفعلا صاحبها صايع

    مين هو ده يعني

    ابن مين في سويسرا

    بيشتغل ايه؟

    وانت عارف انا ضد الحكومة طول الوقت
    بس فعلا مصر ما كانش مفروض تشارك في المهزلة دي

    اهو هبل بكل المقاييس

    وللا تبقى مصيبة لو كنا شاركنا وفي الاخر طلعوا ان اليهود هم اللي بنوا الاهرامات

    ونلاقي اسرائيل بتحتفل بفوز الاهرامات

    كحك

    لا يا خويا متشكرين

    الاهرامات هي الاهرامات

    مش محتاجة شهادة من حد

    ردحذف
  17. أنا بس عاوز أوضح نقطة مهمة جدا يا جماعة... المسابقة طبعا لا علمية ولا أكاديمية ودا كلام صحيح مية في المية... بس ليه ما اتعاملناش مع المسابقة في حجمها الحقيقي (الضخم بالمناسبة) كحدث ترويجي سياحي تجاري ضخم فعلا وتأثيره على الترويج السياحي للدول والآثار اللي اترشحت واللي فازت كان مذهل!!! البتراء أثر هام بالقطع وأهميته التاريخية والأركيولوجية مش هتزيد حتة بعد اختياره ضمن العجايب السبعة، لكن اللي بالتأكيد هيزيد بشكل جنوني هو دخل السياحة في الأردن وعدد السياح سنويا للبتراء بسبب أخدهم للأمر بجدية ولعبوا الموضوع صح وصوتوا بالتليفون وبالنت ودفعوا دم قلوبهم عشان يرجع لهم الفوز بأضعاف ما دفعوه في صورة زيادة الدخل القومي من خلال الترويج السياحي الرهيب... إحنا بقى اكتفينا بالاشمئناط والسخرية والشتيمة وسويسري صايع واليونسكو معانا ويا فرحتي باليونسكو اللي معانا... ولأ طلعوا الهرم برة... الهرم ما ينافسش مع الآثار الزبالة دي!!! أهم طلعوا الهرم برة واعتبروه عجيبة شرف عشان يسكتونا ويتقوا شرنا!!! وبعدين كسبنا حاجة غير صلاة النبي؟؟ طبعا خسرنا وخسرنا كتير كمان!! يا سيدي كنا اعتبرناها شو إعلامي ترويجي وخلاص!!
    ==================


    ردود سريعة بقى على المعلقين

    الجيزاوي
    طبعا فاكرك... وسعت شوية حكاية المؤامرة... أعتقد إن المؤامرة الوحيدة هي تآمرنا على نفسنا!!
    ----------



    أسماء العريان

    ما تنسيش إن جمالها مبارك كمان
    :)
    ----------




    حنتكلم

    لأ في زعمي إنها ألاطة مش مشروعة... مش من حقهم يحرموا الشعب من مشاركة شعبية في مسابقة شعبية دولية وبعدين كان ممكن نعتبرها شو إعلامي وترويج سياحي لطيف ونشتغل عليه ونقلبها مشروع قومي بقى وكانت هتبقى سبوبة بقى لشريف عرفة وشريف صبري وإعلانات صوت للهرم وارفع راس مصر... وتعاطفك لوحده مش كفاية صوت ولو بمكالمتين... وكدة يعني واهو كانت فرصة تطلع حملة ترويجية سياحية تنعنش المسائل في قطاع السياحة والآثار بدل التنبلة والتتييس اللي احنا فيه... شوف الأردن والنبي اتعاملت مع الموضوع ازاي وكسبوا ازاي ولسة هيكسبوا وهتعرف إحنا خسرنا أد إيه
    --------------



    نحسي مبارك

    للأسف موافقك على رأيك... الموضوع كان ينفع نتعامل معاه في إطار تجاري تسويقي شعبي بحت وكان سهل جدا نكسب ومش عيب خالص إننا كنا ننافس وطبيعي إننا كنا هنكسب بس الاستعلاء بتاعنا ولهجة الشتيمة بتاعة مستر زاهي معناها الوحيد انعدام الثقة بالنفس والدونية الوطنية ودي قصة تانية محتاجة علاج
    ------------------




    تامر حسين

    عربيتك التمانية وعشرين طبعا عجيبة مش عشان بتشتغل بالكيروسين لكن عشان أصلا لسة بتنزل زيرو سنة إلفين وسبعة يعني في عز ثورة الآي تي وعصر الألفية ولسة التمانية وعشرين بتنزل زيرو!!! أهو دا كمان زيرو كبير
    --------------





    marvel

    كلامك منطقي جدا طبعا من الناحية الأكاديمية والعلمية والتاريخية والأركيولوجية إلخ. بس يا عم أنا بتكلم كلام بسيط جدا!!! كنت العب تسويق وشو إعلامي وتسويق سياحي بحت وخلي الشعب يهيص ويديها مسيدجات ورنات وإيميلات وتصويت ع النت وع المحمول وكنا هنكسب وكان ده هيبقى بفايدة ع السياحة والدخل القومي... بس تعمل إيه في الغباء والاستعلاء بتاعنا... يرحمنا ربنا
    ------------




    مشروع بطل

    فعلا خلوها عجيبة شرف بعد ما احنا أرغينا وأزبدنا وسبينالهم ميت ملة وتلاتين دين وقلنا عليهم صياع ونصابين لمجرد تفكيرهم إن الأهرام ممكن أساسا تنافس بقية الآثار الحثالة بتاعة العالم!! فقالوا يتقوا شرنا ويركننونا على جنب بشياكة... زي ما تجيب كدة الأستاذ الكبير محمد وفيق في فيلم كتكوت يطلع في دور اهبل وتقول عليه ضيف شرف.... قال عجيبة شرف قال... بذمتك يا راجل مش مسخرة؟؟
    ------------



    شيماء زاهر

    أنا رأيي بجد إن الأردن تستاهل واختيار البتراء كان عن جدارة والناس فعلا خدوا الليلة جد جدا وصوتوا لبلدهم وفازت وزي ما شاف بعضكم الاحتفالات في الأردن كان شكلها إزاي وطبعا السياحة هتتنعنش جدا بعد الفوز... ومبروك ع الأردن... ناس أذكيا بصراحة... دا احنا يا شيماء لو كانت شبرا بس صوتت ولا العمرانية كنا كسبنا!! بس تقولي إيه بقى!!

    أنا بعت لك إيميل فيه نمرة تليفوني وطبعا يزيدني الشرف
    -----------------



    نوارة الانتصار نجم

    ههههههههههههه كالعادة لو أنا قلت يمين لازم إنتي تقولي شمال... حاجة غريبة!! قال كان بيدور برز بلبن قال ويشحت السكر!! عيلة فضيحة ومسيحاتية صحيح

    مالها بقى استار أكاديمي؟؟ مش كفاية إنها خرجت لنا فخر الشباب الصاعد والهابط والمستعرض الفنان الشامل محمد عطية الله يقرفه؟ عايزة إيه تاني؟؟ أهي ستار أكاديمي المعفنة دي كانت الحاجة الوحيدة اللي مصر فازت فيها في يوم!! ودا معناه إن المسابقات اللي بالتصويت دي هننجح فيها بكل تأكيد وبعدين كنا ممكن نخلي الميتين بتوعنا يصوتوا كمان!! ودي مفيش دولة كانت هتقدر تنافسنا فيها وكنا ممكن نسود البطايق وننجح الهرم ومعاه الطالبية وفيصل كمان لو عاوزين!! لأ يا نوارة إنتي غلطانة جدا جدا جدا!!! دا احنا لو كنا اعتمدنا على اختيار اليونسكو كان ممكن نخسر لكن بالتصويت والانتخاب إحنا "خبرة" في هذا المجال لا يدانيها أي شعب في العالم!! ولعلمك كنا هنكسب بنسبة تسعين خمسة وتسعين المية وبدون منازع!! بس غباءنا وشوفينيتنا هي اللي ودتنا ورا!!! إلا إنتي العرق الشوفيني المصري اللي ناقح عليكي اليومين دول مش مريحني!! مالك يا قومجية يا عروبجية يا إسلامجية؟؟ إيه اللي جرالك ما كنتي بعقلك

    :P

    ;)

    :D

    ردحذف
  18. نحسي مبارك7/10/2007 9:58 ص

    ايه يا نواره

    مش كل حاجه تبقي عندك خدوهم بالصوت
    من كام يوم كنتي زعلانه من كلمه كهربائي صايع
    النهارده شايفك بتقولي سويسري صايع

    برنارد ويبر المؤسس و المنظم للمسابقه سويسري المولد كندي الجنسيه و عمل كأمين متحف و مخرج سينمائي و طيار و رحاله و مكتشف

    و بعدين مش هوا اللي بيختار العجايب . . اي واحد عنده موبايل او انترنت هو اللي بيختار

    دي مسابقه شعبيه بياخدوا فيها رأي الناس و مالهاش دعوة باليونسكو

    و اخيرا . . كام دوله في العالم عملت زي مصر و طنشت المسابقه؟
    و لا واحده

    احنا كده . . اللي ما يعجبناش يبقي صايع و ضايع و اهبل


    الاستاذ مينا
    مفهمتش يعني ايه "اللاسف متفق معاك" يعني ليه للأسف؟

    ردحذف
  19. لما يا مراقب الناس في مصر نفسهم مبيحبوش مصر ولا الحضارة المصرية .. ايه اللى هيخلي واحد سويسري يحبها؟؟؟

    فيه اتجاة عام نحو كراهية مصر والسخرية منها والحط من شأنها كدولة وهذا على المستوى المحلي والمستوى الدولي ..

    لما انتم مبتحبوش مصر ليه عيشين فيها؟؟ سيبوها للناس اللى بيحبوها وبيعشقوها ذي حلاتي ..

    عيزين نحب نفسنا و نحب مصر شوية علشان الناس تحبنا

    حبيت مصر النهاردة

    ردحذف
  20. نحسي مبارك

    للأسف متفق معاك بمعنى إني كنت أتمنى إني أختلف معاك وألاقي عندنا بشر في موقع المسئولية بيفهموا في ألف باء سياحة وألف باء تسويق ... إلخ لكن للأسف كلامك وكلامي مظبوط... إحنا طبعا خسرنا وده بسبب التعالي والغباء... للأسف متفق معاك معناها كمان إني متفق مع رأيك مع اختلافي على أسلوب الشتيمة والإهانة للأشخاص وبالتالي للأسف بالرغم من الشتيمة وأسلوب الإهانة اللي مبحبوش لكن رأيك صح ومتفق معاك فيه
    --------------



    Egypt Rose

    للأسف يا عزيزتي مصر تحولت بالنسبة للناس اللي فوق بقرة حلوب بيحلبوا منها على قد ما يقدروا لحد ما نشفت وتحولت على يدهم إلى مسخ مشوه وبالنسبة للناس اللي تحت مصر بالنسبة لهم هي هذا المسخ المشوه اللي مش قادرين يحبوه ولا حتى يتعاطفوا معاه... للناس بقى اللي بتفهم اللي زي حضرتك مصر هي مصر الحقيقية اللي بتموت تحت الرجلين والناس اللي زيك هم الأمل إن مصر الحقيقية دي تعيش من تاني وتبقى هي الواقع والحقيقة والمسخ ده بقى ينتهي من الوجود... ساعتها بس هترجع الناس تحب مصر

    ردحذف
  21. هو سؤال تعبان معلش هو فين هرم مصر الرابع اللي بيقولوا عليه مطلعش ليه في الليسته

    ردحذف







  22. شركة تنظيف بالطائف
    شركة تنظيف فلل بالطائف
    شركة تنظيف شقق بالطائف
    شركة تنظيف مجالس بالطائف
    شركة تنظيف واجهات بالطائف
    شركة كشف تسربات المياه بالطائف
    شركة كشف تسربات بالطائف
    شركة عزل خزانات بالطائف
    شركة مكافحة حشرات بالطائف
    شركة رش مبيدات بالطائف
    شركة نقل اثاث بالطائف
    شركة تسليك مجارى بالطائف


    شركة تنظيف بجازان
    شركة تنظيف فلل بجازان
    شركة تنظيف شقق بجازان
    شركة تنظيف مجالس بجازان
    شركة تنظيف واجهات بجازان
    شركة كشف تسربات المياه بجازان
    شركة كشف تسربات بجازان
    شركة عزل خزانات بجازان
    شركة مكافحة حشرات بجازان
    شركة رش مبيدات بجازان
    شركة نقل اثاث بجازان
    شركة تسليك مجارى بجازان


    شركة تنظيف بحائل
    شركة تنظيف فلل بحائل
    شركة تنظيف شقق بحائل
    شركة تنظيف مجالس بحائل
    شركة تنظيف واجهات بحائل
    شركة كشف تسربات المياه بحائل
    شركة كشف تسربات بحائل
    شركة عزل خزانات بحائل
    شركة مكافحة حشرات بحائل
    شركة رش مبيدات بحائل
    شركة نقل اثاث بحائل
    شركة تسليك مجارى بحائل

    ردحذف