Glimpses from My Instagram Gallery

2007-07-06

عاجل: الشرطة تعتدي على صحفي بجريدة الدستور

الشرطة تعتدي على صحفي بجريدة الدستور


كان زميلنا الصحفي أحمد بدر الصحفي بجريدة الدستور المصرية في طريقه إلى منزله فذهب ليستقل ميكروباص من موقف شبين القناطر (محطة كلية الزراعة) والموقف يقع خلف قصر محمد علي. وشاء حظ أحمد العاثر أن يمر بهذا المكان وقت أن كان السفير الأمريكي يزور القصر وسط إجراءات أمنية مشددة وتواجد أمني مكثف.


يقول أحمد: "فوجئت بقوات الأمن تحاصر كل المنطقة بشكل غريب. وبينما كنت أسير اعترضني أمين شرطة بأمن الدولة (بحسب ما علمت من أحد المصادر بنقطة كلية الزراعة) وأخذ يدفعني بعنف بعيدا فقلت له: "إيه اللي بتعمله دا... بتزق ف إيه... أنا صحفي!"


أجابني الأمين: "صفحي ولا مش صحفي يا ابن المتـ ... ـة... الصحافة على جزمتنا"... وختم سبابه بصفعة بالقلم على وجهي!!


"لقيت سبعة أمناء شرطة بيجرجروني على أحد الضباط بنقطة شرطة كلية الزراعة... طلبت من الضابط يعمل محضر بالواقعة فرفض الضابط... كان هناك ثلاثة ضباط منهم إثنان من أمن الدولة على الأرجح لأنهما كانا يرتديان ملابس مدنية والثالث هو الملازم أول إسلام خليل الضابط بقسم أول شبرا الخيمة. الملازم أول إسلام خليل (لابس ميري) منعني من عمل محضر وأنا أصريت على تحرير محضر رسمي بالواقعة."


"دخلت إلى مأمور قسم شرطة أول شبرا الخيمة لأطلب منه أن أحرر كل ما حدث في محضر رسمي... المأمور قال لي: اكتب في المحضر كل حاجة، وإن كان حذرني مهددا أن أمن الدولة ممكن يلفق لي قضية ويدعوا إنك ضربت أمين الشرطة أو يلبسوك أي قضية"


"خلاص يعملوا اللي هما عايزينه وبرضو هعمل محضر"


حرر أحمد بالفعل محضرا بالواقعة (محضر إداري رقم 5830 / 2007 قسم أول شبرا الخيمة) وذكر في المحضر الاعتداءات وسوء المعاملة التي وقعت عليه من قبل قوة الشرطة التي كانت موجودة في المكان كجزء من حراسة السيد السفير الأمريكي الذي كان قريبا من قصر محمد علي. قال لي أحمد بدر في اتصال هاتفي أن "الشارع كله كان متغطي عساكر وأمناء شرطة وضباط من أمن الدولة والشرطة"، وأنه فوجئ بسبعة أمناء شرطة من حوله يدفعونه وأحدهم صفعه على وجهه. وأخذوه إلى ثلاثة من الضباط بينهم ضابط أمن دولة والضابط إسلام خليل وضابط آخر يرتدي ملابس مدنية.


هوامش على الحادث:


ـ1ـ أحمد تم الاعتداء عليه بعد أن أعلن لأفراد الشرطة أنه "صحفي" ومع ذلك فقد واصلوا إهاناتهم له وشتموه بأمه وقالوا أن الصحافة تحت جزمتهم... يذكرني هذا على الفور بمشهد مشابه في العام الماضي حينما أعلن قاضٍ عن هويته كرئيس محكمة لأحد ضباط الشرطة أمام نادي القضاة وكان الرد أن ألقى به على الأرض وضربه بالجزمة معلنا – عمليا – أن القضاء في مصر تحت جزمة النظام!! (معلهش يا احمد يا بدر، إذا كان القاضي محمود حمزة انضرب بالجزمة يبقى طبيعي جدا إنك تنضرب مش بس بالقلم لكن بالجزمة كمان... حد قال لك تبقى صحفي؟ حد قالك تبقى مصري؟ حد قال لك تبقى بني آدم أساسا في أم هذا البلد؟)


ـ2ـ أحمد صحفي تم تعيينه الأسبوع الماضي فقط في جريدة الدستور وبالتالي لسة مش عضو في النقابة لأنه مقضاش فترة الست شهور القانونية بعد تعيينه... يعني مالوش تمن عند النقابة لأنه مش عضو فيها على الرغم من أن أحمد صحفي محترف من سنتين!! (معلهش يا أحمد مالكش نصيب بقى يتضامن معاك جمال فهمي وعبد القدوس ولا أي حد من مناضلي النقابة الأشاوس... أصلك مش صحفي نقابي يا عزيزي ولحد ما تشوف كارنيه النقابة فأنت بلا ثمن يا عزيزي وأي أمين شرطة من حقه يلطشك ويلعن الصحافة ويعلن أنها تحت الجزمة كمان ومحدش هيتعرض له لأنك مش نقابي لسة!!)


ـ3ـ أحمد بكل أسف ما يعرفش مين هما أمناء الشرطة اللي ضربوه وأهانوه... وعيون الأمن الساهرة في قسم أول شبرا الخيمة يتسترون على أمناء الشرطة المعتدين. وعلم المراقب المصري أن بعضا من زملاء أحمد يفكرون في تنظيم اعتصام أمام قسم شرطة أول شبرا الخيمة للمطالبة بالكشف عن هوية الأمناء الذين اعتدوا على الصحفي أحمد بدر.



مراقب مصري يدعو الجميع للتضامن مع الزميل أحمد بدر الصحفي بالدستور سواء بنشر خبر الاعتداء عليه في مدوناتنا أو على المنتديات والمجموعات البريدية

هناك 16 تعليقًا:

  1. غير معرف7/06/2007 2:35 ص

    واللهي يا عم مراقب الواحد مش عارف يقول ايه بس كل اللي اقدر اقوله كس ام اسلام خليل علي كسم الداخلية كلها وحنا جاهزين نروح مع الزملاء الي ناويين يعتصموا والمفروض منسيبش الموضوع ده وعايزين كمان نشوف اشاوس النقابة زي ما سمتهم هيعملوا ايه ولا هما عايزين كارنيه هما كمان ياريت يقتنعوا بالارشيف بتاعه بس عشان يقفوا معاه

    معلش يا استاذ احمد وان شاء الله حقك مش هيضيع
    ويسقط يسقط حسني مبارك

    ردحذف
  2. كلام فارغ وتهريج وبلد مالهاش عمده صحيح حسبنا الله ونعم الوكيل الواحد اعصابه باظت من كتر الوساخه دى سفير ولا وزير فين كرامه الانسان المصرى يعالم الناس داستنا بالجزم الشعب بيضرب على قفاه ويقول سمع الله لمن حمده

    ردحذف
  3. الواحد مش عارف يلاقيها منين و لا منين
    لا بيحترموا قضاه
    و لا بيحترموا صحافه
    و لا بيحترموا قانون
    ربنا يرحمنا برحمته

    ردحذف
  4. متضامنة معاك طبعا..بس ازاي؟؟؟

    ردحذف
  5. نحسي مبارك7/06/2007 6:40 ص

    أطالب بتعديل القسم الدستوري
    عند تولي الرئيس مبارك لولايته ال 45
    علي جمهوريه مصر العربيه للأتي

    أقسم بالله العظيم
    اني اطلع مايتين ام كل مصري و مصريه
    عيل او شاب او شيخ او حتي وليه
    باستثناء طبعل شلتي و حبايبي الحراميه
    و رجالتي في الحرس الجمهوري و الداخليه

    أقسم بالله اني حاجوعكم
    و اعريكم و ادلعكم
    و امسخركم و ابهدلكم
    و روح دين ابو اللي جابوكم اذا لسه ماطلعتش
    انا حاعمل كل جهدي و اطلعهم
    و الله علي ما أقول شهيد


    و شكرا
    مواطن بيحب رئيسه . . موت

    ردحذف
  6. ربنا ياخد الداخليه بالى فيها

    ردحذف
  7. مجهول

    أرشيف إيه يا أستاذ... كارنيه يعني كارنيه!! غير كدة مالكش حقوق عندنا!! يمكنك التضامن طبعا بإرسال عشرات الرسائل الإلكترونية لأصدقائك ومعارفك تخبرهم عما حدث للزميل أحمد ولو زملاء أحمد نظموا حاجة طبعا تقدر تشارك
    =====================


    عمر الشرقاوي

    فين كرامة الإنسان المصري؟ أقول لك فين ولا نزعلش؟ يا عم هو فين أصلا الإنسان المصري عشان نسأل أصلا على كرامته... الإنسان المصري شوهوه وتحول إلى مسخ!!
    ======================


    مريم

    وما تنسيش كمان عضو مجلس الشعب ياسر حمود اللي اعتدوا عليه وسحلوه
    ======================


    سكوت هنصوت

    مبدئيا تضامني بالكتابة في مدونتك وبإرسال الرسائل الإلكترونية لمعارفك كلهم تعرفيهم بالحادث... وممكن نبدأ ننشر الموضوع من تاني في مدوناتنا بصيغة بلاغ إلى النائب العام... وعلى فكرة إسلام خليل قال لأحمد إن اللي ضربه دا من رجالته... يعني الداخلية عارفة كويس مين اعتدى على أحمد بدر وبالتالي الداخلية لحد دلوقت متواطئة ومتسترة على الولد اللي ضرب أحمد بدر
    ====================

    ردحذف
  8. كفاية بقى ذل و تعذيب وضرب
    حرام عليكم
    سيبونا نتنفس ولو مرة
    الهواء بقى ملوث و الاخضر مات بسببكم و الارض بقت صحراء لما مشتوا عليها
    و الميه جفت لما بصتوا فيها

    سيبوا الشعب المسكين فى حاله بقى
    يا من نزعت الرحمة من قلوبكم
    يا من لا تعرفوا كلمة الحب و الامان
    و اصبح صديقكم الوحيد هو الغدر و النسيان

    نسيان اننا نعيش فى بحر من الظلام التام
    ظلام الالم و التعذيب و الاهانة
    ظلام كلاب النظام
    كلاب تعوى فى كل ليل و زمان
    بطن ممتلئة او فارغة فلاتفكروا ابدا فى حرمه و كرامة الانسان
    كرامة اهدرت و كرامة سوف تدفن
    و أصبح البكاء يعلو فى كل مكان
    أما تبكى على أبنها
    و زوجه تبكى على حبها
    و طفلة تبكى على الفقدان
    و جنين يبكى على سواد الايام
    اياما من الذل و الفقر
    اياما صنعها كلاب النظام

    ردحذف
  9. ايه التهريج اللى عمال يحصل ده
    حتى لو الاستاذ احمد مش صحفى
    فين حق احترامه كانسان كرمه رب العزة
    حسبنا الله ونعم الوكيل
    اسمح لى يا مينا انا حنشر البوست فى مدونتى

    ردحذف
  10. وتمر الايام يا مينا

    ونحن من سئ الى اسوأ

    سحقاً لذلك الطاغية

    ردحذف
  11. غير معرف7/06/2007 7:25 م

    عوضك على الله يا احمد يا ابنى فى كرامتك

    ردحذف
  12. مينا صديقى
    دى البدايه..القادم أسوأ والتمن تكسير عظام واختفاء وظلم وطغيان
    طريق الحرية ملىء بالتضحيات علشان كده لازم تتضامنوا مع بعض وتتوقعوا الأسوأ وتتعاملوا بذكاء مع مثل هذه المواقف
    وفقكم الله وربنا يسترها عليكم ويعينكم
    وفى يوم من الأيام سنغنى معا أتجمعوا العشاق فى سجن القلعة لأنها ستكون صرختنا لتحرير مصر من الطغيان والظلم
    أنا متضامن مع أى مواطن مصرى يتعرض لظلم

    ردحذف
  13. غير معرف7/06/2007 8:30 م

    هذا النظام الفاسد الذى هو كالنعامة امام العدو ويستأسد على شعبه سيقع عما قريب واقرب مما يتصور الجميع وإن كان الفساد والفقر والبطالة وارشوة والوساطة والمحسوبية من أهم عوامل سقوطه إلا أن السبب الأول لعداء الجماهير لهذا النظام الحقير هو التعذيب واهانة المواطن فى أقسام الشرطة بل وفى الشوارع وأخيرا لا تبتأس يا اخ احمد فكل الشرفاء مهانين فى هذا الوطن وحذاء اى شريف منهم اشرف واطهر من كل الجلادين وعما قريب سيسقط هذا النظام الفاسد تحت ركام جرائم الشرطة وسيسقط حسنى مبارك وسيسقط نجله جمال ولن يرث الحكم ابدا ابدا ابدا
    فالشارع يئن تحت وطأة التعذيب والاهانة من كلاب العادلى أمثال اسلام نبيه واسلام خليل .

    ردحذف
  14. فيه كلمة قالها عادل إمام فى فيلم عمارة يعقوبيان، هيه أحسن وصف للحالة اللى إحنا فيها دلوقتى
    "إحنا فى زمن المسخ"!!!
    كل حاجة بقت معايرها و حسابتها غلط، تحس فعلا إن الدنيا ماشية بضهرها.

    يعنى بوليس ضرب قبل كده رئيس محكمة و محدش عملهم حاجة.
    ضربوا عضو برطمان، و محدش عملهم حاجة.
    يبقى لازم يتوحشوا.
    حد يجيلوا يدلع و ميدلعش.
    إحنا حنسيبهم لغاية ما الدلع ده يوصل ل فين؟

    ردحذف
  15. شكرا على المدونة الرائعة لقد
    استمعت تماما بكل كلمة
    محمد حسن

    ردحذف
  16. غير معرف6/21/2010 5:29 م

    والله زمان ياسلاحى

    ردحذف