Glimpses from My Instagram Gallery

2007-06-12

حلقة جديدة في مسلسل إرهاب المدونين

امبارح المدون المصري محمد ياقوت تمت مداهمة بيته
وبحسب ما نشره وائل عباس على مجموعته البريدية فإن
قوات الامن قبل فجر أمس الاحد (10/6/2007) قامت بتفتيش منزل الكاتب والمدون "محمد مسعد ياقوت " وقد قامت قوات الامن بمداهمة منزل ياقوت الكائنة ببلطيم بكفر الشيخ فى الساعة الثانية صباحاً حيث عبثت بمحتويات المنزل واستولت على جهاز الكمبيوتر وعدد من الاوراق والكتب.. وعلى الأرجح أنه لا يزال مطاردا من قبل الأمن

واليوم الاثنين أرسل وائل على مجموعته بأنه قد تم إلقاء القبض على المدون عمر الشرقاوي
أثناء تغطيته لإنتخابات مجلس الشورى في مدينة طلخا بالدقهلية
وهو حتى الآن في قسم شرطة طلخا ينتظر العرض على النيابة
ولا توجد معلومات عن ملابسات القبض عليه أو التهم الموجهة إليه

وينتظر أن يعرض عمر على النيابة في الصباح وواضح إن الدنيا لبش جدا حوالين القسم... ومن الجدير بالذكر أن كلا المدونين المطارد والمحتجز ينتميان إلى جماعة الإخوان المسلمين والتي بلغ عدد المعتقلين من أعضائها نحو الألف معتقل... أنا رأيي إن الإخوان اتحسبنوا بما فيه الكفاية!!!
ـ

هناك 4 تعليقات:

  1. انا قلتها ومحدش صدقني
    يا اخوان
    الشطرموخ طاخ في التروللي

    ردحذف
  2. بس مننساش يا مخبر
    القضية بتاعه شرقاوي وغيره من المدونين هي قضية مدونين في المرتبة الاولي وياريت منعولش قوي عالاخوان
    اما بقه بخصوص شرقاوي فشرقاوي خرج بالسلامة

    ردحذف
  3. احمد عبد الفتاح بيتكلم صح يا مينا

    ماحدش فاضي لحد في الاخوان دلوقت
    كلهم بيتبلعوا

    كل واحد ياخد باله من لغالغيه

    يعني الطلبة ياخدوا بالهم من بعض

    المدونين ياخدوا بالهم من بعض

    التنظيميين والسياسيين يقطعوا بعض ويولعوا بجاز وسخ

    هارش

    ردحذف
  4. طبعا هي قضية تدوين بالدرجة الأولى... أنا بس قلت جدير بالذكر مش إن هي القضية إنهم إخوان وبس... وبعدين يعني هو الإخوان حبسهم بقى حلال خلاص؟ كل حبس وسجن لصاحب رأي هو مصيبة سودا وما ينفعش يتسكت عليه... وما ينفعش الاكتفاء بالحسبنة... هو دا كان قصدي... وإحنا كمدونين هنغلط غلطة كبيرة لو بس بقينا بندور على المدونين بس عشان نتضامن معاهم... أنا بعلن تضامني تاني مع كل معتقلي الإخوان ومع كل المعتقلين في قضايا الرأي والتعبير سواء كانوا مدونين أم غير مدونين

    ردحذف