Glimpses from My Instagram Gallery

2007-06-19

دورات مياه ذكية... برازكم بوليكوم!! اشحن كارتك

عوفيتم!!

يبدو أن المصريين في الشوارع سيتخلون أخيرا عن استخدام مخترعهم الذي لا يوجد في العالم كله مثيلا له ألا وهو الشطاف. فالحكومة الذكية بتاعة القرية الذكية قررت تماشيا مع طبيعة نظام الحكم الذكية أن تجعل البشر في مصر يقضون حاجتهم كذلك بطريقة ذكية!!



لأ استنى!! أنا مش باتجنى على حد!!


الخبر بيقول إن الدورات تعمل بنظام الكروت الذكية ومقابل خمسين قرشا عند الاستخدام لمرة واحدة وروعي في عملها التطهير الكامل والتجفيف بالهواء وتوفير المناديل الورقية.



أيوة سعادتك هيلغوا الشطاف ويحطوا مكانه مجفف كهربائي وأصحاب البواسير يحترسون!!!

بقي أن أقول لك أن دورات المياه دي هتشتغل بنظام الكروت الذكية (حاجة كدة زي الكارت المدفوع مقدما) وطبعا مع الاتجاه العام للخصخصة ومنع الاحتكار بين الشركات أكيد هيدوا العملية دي لأكتر من شركة - وكله لمصلحة الشعب المزنوق - وتلاقي عروض خاصة بقى نازلة من شركات الكابينيهات الذكية....

نحن نمسح لك أفضل من الآخرين!!

معنا التبرز متعة!!

حصريا لعملائنا الكرام: تبرز ثلاث مرات وامسح بسعر مرتين فقط!!

الجيل الثالث من التواليتات الذكية... نصل إلى حيث لم يصل الآخرون!!!!

تبرز معنا وحافظ على البيئة... نحن نؤمن بإعادة التدوير!!

كارت شحن "تواليتات" خلي الشحن الذكي علينا والتفريغ عليك إنت!!

شركة "سيفونات" للمباول الإلكترونية تقدم القسطرة الذكية... اتنين في واحد!!

أقوى العروض من "برازكم بوليكوم"!!

المراقب المصري يتقدم بجزيل الشكر لمحافظة القاهرة وللسيد أحمد "نظيف" (!!) اللي هينضف الشعب ويطهره ويجففه ويوفر له كمان ورق تواليت. والمراقب يعلنها مدوية خفاقة أن زمن الشطاف انتهى بلا رجعة ودخلنا في عصر الثري جي والثري بوينت فايف كمان وأحدث تكنولوجيا التبرز الإلكتروني. افرح يا شعب بس خلي بالك من هنا ورايح من درجة حرارة المجفف!!
ـ

هناك 22 تعليقًا:

  1. افهم من كده ان احنا خرجنا من مرحلة القرية الذكية

    ودخلنا في مرحلة الكنيف الذكي؟

    برضه لما يبقى رئيس الوزراء بتاعك باشمهندز قد الدنيا وجايب مجموع كبير في الثانوية بتبقى الدنيا حاجة تانية يا اخي

    حياتك بتتغير
    اكلك شربك كنيفك موبايلك
    نسوانك

    طيب بالنوسبة للانسان اللي مش ح يقدر يدفع خمسين قرش عشان يشخ لامؤاخذة

    ح يعمل ايه

    وللا يجيله احتباس وتسمم ويموت ويريحنا

    والنبي انا لما قلت انهم ح يحطوا ع السيفون عداد وياخدوا ع الشخة ضرايب كنت باهرج والله

    ما كانش قصدي اديهم فكرة لتجميع الضرايب

    احيييييييييييييييه

    ردحذف
  2. اصل خلاص كل مشاكل المصرين خلصت و مافضلش غير الفكره ده طب لو هانقول انه برضه اتجاه حلو لاهتمام بفك حصر المواطن و هو ماشي في الشارع ليه لازم يدفع هو مافيش حاجه لله في البلد ده حتي الموضوع ده بكره يخرجوا علينا بفكره جديده انك عايز تتنفس ادفع الاول عشان تاخد شويه هواء في رئتك حاجه تفريس - لك الله يا مصر

    ردحذف
  3. اللي ممعهوش الخمسين قرش اكيد هيقترحوا عليه التعليب سيادتك او ان يتعمل في ميدان التحرير مثلا مكان كدة واسع لتجميع الحاجات من اجل انتاج أسمدة وطنية انا لسه شايفة الخبر النهاردة ان كتير من فلاحي الدلتا خسروا المحصول بتاع الارز السنة دي لانقطاع المية لمدة 22 يوم
    وكمان لامتناع الجمعيات الزراعية عن توزيع الاسمدة علي الفلاحين وبيعه ف السوق السودا


    اه بقي انتي اللي اقترحتي ع الحكومة موال الضرايب طب ماشي
    اوعي بقي تقترحي عليهم ياخدوا ضرايب علي مسح البربور كمان احسن انتى عرفاني مناخيري بتسح علي طول

    ردحذف
  4. والله فكرة نظيفة جدا

    في بلد خرج من تنظيم المونديال بصفر يسد عين الشمس لعدم وجود دورات مياه عامة فيه
    إذ فجأتن نلاقي نفسنا بنستريح آخر راحة وراحة ذكية كمان

    هههههههههههههههههههههه

    العالم دي مش عارفة تقلب الشعب ازاي

    طيب تصور بقى لو دفعت فلوس في كرت ذكي من دول ودخلت لامؤاخذة يعني ولقيت الكارت بيصفر والماكينة بترفضه

    ح تعمل ايه !!!!!!!!!!

    ههههههههههههه
    ولو فكرت تشتكي الف مين ح يطلع لك بحجج جامضة من عينة تلاقيك حطيته جنب مجال مغناطيسي
    ولا تلاقيه اتبل منك حضرتك

    ههههههههههههههه

    ده الايام الجاية ح يبقى فيها تهريج للركب

    طيب ياترى الحمامات دي لو اتسدت لاسمح الله كالعادة يعني

    ح يعملوا ايه ؟؟

    هههههههههههه

    بس عجبني جدا عنوان الموضوع

    عنوان الكتروني صحيح

    وكمان شعارات الحملات الاليكترونية

    هههههههههههه

    والواحد يعلق لوجو في المدونة بتاعته ان مدونته مدونة نظيفة

    ليه

    علشان بتشتري كروت الدورات الذكية

    هههههههههههههههههههههههههههههههههههههههههههههههه

    او الاسهل الواحد يعلق لوجو تواليت علشان الناس تعرف انه شاري كارت مدفوع مقدما

    هههههههههههههههههههههههههههههههه

    ردحذف
  5. ههههههههههههههههه


    هاموت من الضحك بجد

    اه يا نظيف يا عرة مهندسين الاتصلات

    هاموتتتتتتت

    ههههههههههههههههههههههه
    بقى هايعملو كارت ؟؟ فين فى ميدان التحرير

    مي بعيد تتقلب انت وبنطلونك والكارت

    ومحفظتك

    ضحكتى موت فكرة الاعلانات يا مراقب

    بجد هايل

    ردحذف
  6. أولا أنا مش قدرة أمسك نفسي من الضحك...بجد مسخرة.. المراحيض العامة بقت ذكية..ههههههههههه

    بس عايزة أقولك حاجة يا مينا و بصراحة, أنا شايفة نظيف من أذكى الوزراء اللي مسكوا البلد دي ( دي مش تريقة) القرية الذكية اللي بتتريق عليها فكرة عبقرية جدااا..أنا دخلتها و شوفتها, لأني أختي بتشتغل في وزارة الاتصالانت اللي موقعها هناك حاليا.... فيها مشروعات بتتعمل فعلا عبقرية... ده رأي فيها

    ردحذف
  7. اشطة

    ادي التنمية ولا بلاش

    ردحذف
  8. نوارة

    إن حلم أمتنا في كنيف ذكي بسعر متاح لجميع المواطنين ما كان ليتحقق من دون تلك الحكومة الذكية التي حملت لواء التغيير الذكي على كافة الأصعدة وفي شتى المجالات.... وبعون الله المشروع الذكي اللي بتخطط له الحكومة الذكية في الخطة الخمسينية القادمة هو حلم أن يكون لدينا رئيس ذكي وهو الحلم الذي حلمت به أجيال وأجيال على مر تاريخ مصر كله حديثه وقديمه... أما بقى بالنوسبة للإنسان اللي بتقولي عليه اللي مش قادر يدفع الخمسين قرشا عشان يعمل تواليت (إيه يشخ دي ... ما عندكيش إتيكيت خالص؟) اللي ما عندوش ما يلزموش يا وزة ومعاك قرش تسوى قرش ولو معاك خمسين يبقى هتتصير يا حلو معاكش الخمسين موت "بحصرتك"... الضرايب على البراز طبعا جائزة فقهيا لأن عملية الإخراج هي نوع من "الإنتاج" ومن ثم تجوز عليه الضريبة و"الخراج" كمان والله أعلم
    ===========================


    دنيا

    تعليقك وجعني جدا أول ما قريته !!
    صدقيني هييجي علينا يوم نبيع فيه الهوا النقي في كبائن خاصة لمن يريد أن يستنشق أكسجين صاف خال من الشوائب وهتبقى الكبائن دي طبعا بتشتغل بالكروت الذكية... والخطوة الطبيعية ساعتها إن هيبقى فيه كارت موحد تعملي بيه كاكا وتتنفسي بيه بس ده غالبا هيبقى في الجيل الرابع... إحنا لسة في الجيل تلاتة ونص... يعني الحمد لله خلاص قربنا... يا خوفي أحسن العلاقات الحميمية بين الراجل ومراته هي كمان تتخصخص وتبقى بكارت شحن!!!!
    =========================


    زنزانة العزيزة

    شر البلية ما يضحك فعلا... البلد بتولع وتقرير فورين بوليسي النهاردة بيقول إننا من أفشل 31 دولة في العالم والحكومة كتر خيرها بتدور تطلع سبوبة من خراء البني آدمين!!! بذمتك دي بلد؟

    أنا بفكر أخلي التعليقات في المراقب بكارت شحت ونبيع ونكسب بقى!!
    ههههههههههههههه
    =========================


    بيلا

    يا نهار اسود الكارت بيصفر؟؟؟
    عتعمل ايه يا كبير تعمل ايه يا كبير؟؟؟؟!!!
    برضه هنتصرف ومش هنغلب... وهنعملها جنب الحيط عشان نعرفهم إن نظامهم فاشل... وأنا من منبري هذا كل فئات الشعب الكادحة و"المحصورة" أن تعملها من هنا ورايح جنب الحيط... ولنقاطع جميعا كابينيهاتهم الإلكترونية البرجوازية ولتحيا البروليتاريا المحصورة

    يا تريى هتبدئي الحملة من عندك ولا أبدأها من عندي؟ مين هيصمم بانر مقاطعة التواليتات؟
    ===========================


    الغزالي العزيز

    بس السؤال هل سيسمحون للمتعصبين من أمثالي من استخدام هذه الكابينيهات الذكية؟ على أساس إن الذكاء الكابينهاتي يتعارض بالفطرة مع التعصب والانغلاق... عاشت عصور الانفتاح الفكري والإسهال الإيديولوجي
    ===========================


    مريوم

    طبعا نظيف هو أنظف وزير جه مصر وحتى باين من أسمه وطبعا من أذكاهم حتى إنه أقنع مبارك طول هذه السنين إنه كفء ويستحق أن يواصل المسيرة معه على الدرب طول ما هما الاتنين فيهم نفس يتردد وقلب ينبض... دا على الرغم من كل مؤامرات الحرس الجديد لإزاحة نظيف... إلا إن ذكاءه الإلكتروني أهله طبعا للمواصلة والاستمرار

    بالنسبة لإنجازاتنا على المستوى الإلكتروني فالموضوع مش بالحلاوة والجمال والشقاوة والدلال... الموضوع - في ظل العولمة - موضوع إنتي فين بالنسبة للعالم!! وإنتي بالنسبة للعالم في مجال الاتصالات زفت سواء من ناحية جودة الخدمة أو سعرها... يا أمي دا انا بقالي تلات أسابيع كاملة النت مقطوع من عندي في المكتب وتي إي داتا ترميني ع السنترال والسنترال يرميني على تي إي داتا والجوز عايزين الحرق بجاز وسخ
    =====================

    شرم

    أيوة فعلا هي دي التنمية... التنمية الخرائية!!

    هههههههههه

    ردحذف
  9. نياهاهاهاها
    تعرف!ّ!!!!!!؟
    انا كاتب بوست عندي
    مختارات من كتاب حكايات الحمقي و المغفلين للاماما ابن الجوزي
    واحده من الحكايات دي بتقول ايه؟؟؟؟؟؟؟؟؟
    انبعث كنيف لاحد الحمقي فارسل غلامه و قال له ارسل من يصلحه بسرعه حتي نتغدي به قبل ان يتعشي بنا
    ههههههههههههههههههه
    مش نظيف و حكومته فعلا لهم حكايات تدل علي الحمق تستحق ان توضع في كتاب؟؟؟؟؟؟
    ياريت تيجي تقراه لانه خفيف قوي علي القلب و المعده
    ههههههههههه

    ردحذف
  10. طيب ينفع بدل الكرت اخليه خط بفاتورة مفتوحة؟؟
    يعني اصله مش معقول ادفع 50 قرش كل مرة
    لانه ساعات بتبقى الحكاية خفيفة و ساعات تقيلة و اهو ده يشيل من ده و تجيلي الفاتروة ادفعها و يا سيدي لو اتاخرت في السداد يقطعوا المية عن بيتنا
    وافرض معييش خمسين قرش بما انها بقت عملة منقرضة، حيديني بدلها ايه؟
    لفة كلينكس و لا حيكتبلي على( ضهري )ان ليا خمسين قرش عند الهيئة الذكية؟؟
    ارجو التوضيح افادكم الله

    ردحذف
  11. اه صحيح

    هو ينفع نعمل اشتراك زي ما صفصف بتقول؟

    ويا ترى ايه "التسيهلات" اللي ممكن كارت الاشتراك يعملها لنا

    يعني ممكن مثلا ندخل السيما بنص تذكرة عشان معانا كارت الشخة

    اه لامؤاخذ اصل ما عنديش اتيكيت

    :)
    خلاص يا سيدي التلاويت

    بالنوسبة لكارت التلاويت

    بس ده ح يبقى حاجة الاجة قوي

    وممكن بقى يصوروا فيه افلام

    وفيديو كليبات

    وح يعملوا ايه في الناس اللي مش بتغسل ايديها بعد ما يخرجوا من الحمام؟

    انا شخصيا باكرههم الناس دول

    وشايفة اننا نقدر نستثمر الميول التعذيبية اللي عند حراس الوطن

    ونحط كام ظابط وامين شرطة ع الباب اللي ما يغسلش ايده يفهموه غلطه بالراحة

    ما رضيش يعذبوه

    ما رضيش يشنقوه

    وانا شخصيا مش ح ادافع عنه

    ولو مات من التعذيب ح اتبرع بحملة لمساندة الظابط اللي موت المواطن اللي مش راضي يغسل ايده

    ونعمل حملة لا لعدم غسل الايدين بعد التلاويت

    ويعملوا داخل الكنيف الذكي
    تلاجة ذكية
    زي اللي في الاقسام

    ويحطوا فيها كهربا مخصوص لكل مكان

    المكان اللي مش نضيف يتكهرب

    بس كهربا ذكية

    يعني ما يصورش بغباءه وهو بيعذب الناس المعفنة

    ويكتبوا على باب الحمام: البيت ده طاهر وح يفضل طول عمره طاهر

    ردحذف
  12. انا ماليش في التصميم

    لي في الاصرار بس

    ههههههههههههه

    انت صمم بانر ولك على اعمل لك حملة انما آخر منجهة
    وممكن نعملها حملة "معطرة" كمان
    و"الروائح" حسب ذوق الزبون
    نحن نعمل على " راحتكم"ط

    هههههههههههههه

    عايزين فكرة جبارة تناسب الحدث الهام ده
    مش معقول الراجل يتعب نفسه ويذكي لنا التواليتات واحنا مانقدرش ونعمل حملة تناسب المقام العالي

    ههههههههههههه

    ابتدي بس وممكن نشوف الحملة تمشي ازاي

    ههههههههههههه
    ده احنا ح نشوف ايام

    ههههههههههههههههه

    ردحذف
  13. هههههههههههههههههه
    هههههههههههههههههههههههههههههههههههههههههه
    اسكت انا بتشقلب علي الارض من كلامك
    طيب فيه من البتاعه دي خاص بيتباع يعني؟؟؟؟

    مراقب عندي سؤال مهم


    افترض اثناء عملية التشطيف والمسح حدث عطل وعطب في البتاعة دي
    والواحد قاعد عليها
    ممكن يحصل حاجة وحشة لاقدر الله؟؟؟؟؟؟؟؟

    وهل ممكن اكون ماشي معاك مثلا وعايز ادخل حمام ونسيت الكارت بتاعي تسلفني الكارت بتاعك ولا بالبصمة؟؟؟

    مش عارف انا انته زعلان ليه بس يابني دي حتبقا تكنولوجيا
    تدخل الحمام بكارت
    تنام بكارت
    تعمل اي حاجة بكارت
    حنبقا
    بلد ذكية
    وذكية زكريا
    وعمرو ذكي

    ردحذف
  14. لأ معلش يا مينا, أنا مؤمنة بان دكتور نظيف من أذكى عقول الاتصالات في مصر, بل و في الوطن العربي كله..

    رووح الأول القرية الذكية و ادخل وزارة الاتصالات و شووف المشاريع اللي بيقوموا عليها... أهي دي أنضف حاجة في مصر

    هو كل عيبه زي ما قال يساري انه اتجه للسياسة و قبل المنصب ده...

    أنا شايفاه عقلية فاذة في الاتصالات فعلاااااا

    و بعدين مش ذنبه انك عميل أي كلام عند تي اي داتا و مبتدفعش اللي عليك و السنترال مستهفقك..ههههههههه.. بهرج يا عم الدكتور بس أنا برضه بحب د. نظيف و شيفاه عبقررري :P:P:P:P

    ردحذف
  15. مختوم على قفاه6/21/2007 4:08 ص

    سؤال

    هي الكاكابينة الذكية دي هاتتحط على الرصيف ؟؟
    طيب وانا ايه يضمن لي انى وانا قاعد جوا الكاكابينة الذكية اني مالاقيش ميكروباس او اتوبيس او حتي موتوسيكل داخل علي وانا قاعد جوه فى نص هدومي ؟؟؟
    هاقوم اجرى ساعتها ؟؟طبعا لأ

    اقترح بتأمين الكاكابائن مرورياً اولاً قبل تنفيذ المشروع

    وفقنا اللّه دائماً الى اراحة هذا الوطن

    ردحذف
  16. ها ها ها
    نفس المشكلة اللي صادفت العبد لله لما رحت لبنان ، أغلب الحمامات ما فيش إختراعنا العجيب مما إضطرني إلى التجايل على الموضع ده
    ربنا يستر على الواحد لو رايح أي بلد غربي وصادفه نفس الموقف

    ردحذف
  17. طب ويا تري هيكون في شحن ع الهوا؟

    ردحذف
  18. اكيد يا زنزانة وشحن فى المياة كمان


    شوف يا مراقب يا عزيزى ...

    بتحسسنى انى شيوعى شيوعى عزيزى ورفيقى دى هما هايسمحو للمتعصبين من امثالك

    باستعمال تلك الكبينيهات لفترة طبعا مع مراعاه فروق الانفتاح الفكري والإسهال الإيديولوجي وبؤرة المحاور المنبعثة من الروائح المنغلقة

    السؤال هنا بقى

    امتى هايطلع حد من الجانبين ..من عندنا او عندكم او عند الجيران...

    يقول ان استعمال تلك الاشياء غلط

    واننا لو دخلنا الذماء فى الكبيتهات فاذن لا مكان للبطاطس

    وهل دخولك لا مؤاخذة الكنيف وراء

    شخص مسلم فية ما يضر؟؟

    ولا لازم اسال الى داخل حضرتك ملتك اية

    هوا دة السؤال الى لازم نوجهه للمسؤلين

    وما هوا دور الوحدة الوطنية فى كدة بقى؟؟


    صحيح فى اخبار عندك عن موضوع اسوان.؟؟

    ردحذف
  19. LOLZ
    Goush .. i can't stop laughing !!!
    at first i didn't want to back to egypt .. now i can't wait till my vacation in 8th month there ... hehehe .. really wanna hve a look on that , whaddya call it ? smart toilet ? LOLZ*2

    WELL , mainly i came here to wish you a happy vacation .. ( well , i don know if u hve a vacation , but i got mine & i'm so happy that i'm telling everybody bout it !)
    ◎––––•(GîƒtO 1)•––––•◎

    and this is a special gift for u as u said u r a doctor :P

    ◎––––•(GîƒtO 2)•––––•◎

    Ja nE ^^

    •·.·´¯`·.·•๑o❤o๑•·.·´¯`·.·•

    ردحذف
  20. ذو النون

    إيه يا عم المساخر بتاعة الحمقى والمغفلين دي؟ بس لعلمك إحنا برضه معديين كل هذه المستويات... إمكانيات يا حبيبي!!!
    ===============



    صفصف لادي

    معلهش اتأخرت في الرد عليكي بس كنت محتاج أعمل تشيك مع الشركة وأشوف عروض الكروت الذكية المتاحة لموضوع الشخة الإلكترونية والحمد لله تأكد لدينا أن الشركة بتجهز أنظمة متعددة لعملائها المزنوقين ومن بينها فاتورة "كاكا" الذكية... ودي مش بتحاسبك بالمدة لكن بكمية الكاكا والحساب بالجرام عشان التوفير... هي طبعا الأزمة إن لو ما دفعتيش الفاتورة ممكن المجفف يقطع في النص تبقى الحياة بهدلة ع الآخر
    ========================



    جبهة التهييس الشعبية

    بالنسبة لكارت الشخة الذكية طبعا هيبقى فيها تسهيلات وإمساكات... والموضوع طبعا حسب الطلب... يعني اللي عايز إمساك ذكي يلاقي واللي عايز إسهال ذكي برضو هيلاقي... المهم كل واحد ونيته!!

    طبعا كل الكابينيهات الذكية بتاعة وسط البلد هتبقى متراقبة بالكاميرات الذكية وكل ناشط من النشطاء والناشطات طبعا هيبقى ليه فيلم عند الحكومة والأفلام بقى ممكن تتمنتج وشوفي إنتي ممكن يعملوا بيها إيه... كل ناشط وناشطة من هنا ورايح يعمل حسابه يقضي حاجته وهو بكامل ملابسه عشان الحمامات الذكية هتصوره ولو عاوز نذيع قول ذيع
    =========================



    بيلا

    أنا ليا في التصميم وإنتي ليكي في الإصرار يبقى نتقابل سوا ونعمل فيم "العزيمة"! ههههههههههه

    هذا الحدث الجلل لم يتكرر ولن يتكرر في تاريخ الأمم ولابد بنا كشعب جذوره ضاربة في عمق التاريخ أن نحتفل بهذا الحدث كما يليق به كأعظم إنجاز تاريخي للبشرية منذ أن تبرز أرمسترونج على سطح القمر
    =============================



    عم المجهول

    سؤالك عميق جدا ومهم جدا في دلالاته المنطقية وأبعاده البؤروية

    أولا بالنسبة لو حصل والمية اتقطعت أثناء التشطيف يبقى ساعتها التطهير بالديتول هو السبيل ومن ثم التجفيف بالسيشوار المثبت أسفل القاعدة، وإذا الكهربا اتقطعت يبقى عليك بورق التواليت... وتبقى الأزمة الحقيقية لو السيستم هنج لأن ساعتها يا حلو التواليت هيبقى نوت ريسبوندنج وتعوز حد يعمل ريستارت للسيستم من الشركة نفسها أو تتصل بمية وعشرة

    بالنسبة بقى لتسليف الكارت من شخص لآخر فللأسف كروت الكاكا الممغنطة شخصية وشخصية جدا كمان... وكارتك دا يعني شرفك ومتهيأ لي كدة محدش فينا مستعد يتنازل عن كارته... ولا إيه؟

    بالنسبة لكون البلد هتبقى ذكية وكل حاجة بكارت فأنا مش شايف إن دي حاجة تفرح لأن دا هيشجع الناس على الاستهلاك المفرط لأنك مش بتدفع فلوس في ساعتها وبالتالي الحياة هتبقى سهلة والاستهلاك هيزيد وطبعا دا في النهاية لا يخدم سوى الإمبريالية الغربية والتوسعية البؤروية وهذا سيؤثر قطعا على كفاح الشعوب ونضالها وعرقها وهذا هو جوهر الخطر الكامن في أحشاء المؤامرة
    ============================



    مريم فاتنة المعادي

    يا ستي أنا اتفقت معاكي على ذكاء الرجل وعبقريته بدليل استمراره مع مبارك طول الفترة دي اللي تميزت بخراب يفوق الخراب اللي شهدته البلاد أيام العبقري الآخر عاطف عبيد... بالنسبة للقرية الذكية فطبعا هي إنجاز لم تشهده البلاد في تاريخها ولا شهدته أي بلد آخر في تاريخها أو جغرافيتها بدليل إن المواطن البسيط هيعمل كاكا بكارت ذكي وبدليل إن جميع مواطني هذا الشعب مخروب بيت أمهم على تكنولوجيا الاتصالات ومش لاقيين ياكلوا

    عاش نظيف الذكي أذكى إخواته
    وليسقط الشعب البيئة اللي مش بيقدر ذكاء الراجل وقريته الذكية

    أنا سمعت على فكرة إن احتمال القرية الذكية تخش كردون مدينة قريب

    خليكي فريش إحنا ف رحلة
    ;)
    ===========================




    مختوم على قفاك

    اتصلنا بوزارة الداخلية وطلبنا منهم التنسيق مع سواقين المكروباص لتفادي أكشاك التبرز الذكية الموجودة في الميادين وعلى الأرصفة... وجاري الآن تهديد جميع سائقي المكروباص في جميع التلاجات في جميع الأقسام بأن اللي هيدوس أي مواطن أثناء تبرزه هيهتكوا عرضه وطوله كمان

    إنت بس تؤمر
    ========================



    الظاهر

    إنت طلباتك كتيرة ليه؟
    خلاص يا سيدي هنعمل لك شطاف ذكي بورتابل تاخده معاك في أي دولة من دول العالم اللي مفيهاش تكنولوجيا التبرز الذكي بس حاسب من الجمارك في المطارات!! ممكن يفتكروه حاجة مش كويسة!!
    ======================




    زنزانة

    جميع أنواع االشحن موجودة... المواطن عليه بس يركز وبقية "التسهيلات" يسيبها ع الشركة... وربنا "يسهل" للجميع
    =======================



    غزالي

    قيل في أهل الذمة أن عليهم إما أن يسلموا طوعا، أو يدفعوا ضريبة ذمة (مقدارها 40 % على كل كارت شحن)، أو طبعا يطبق عليهم حد المفسدين في الأرض!!

    إيه موضوع أسوان؟
    السيستم هنج تاني هناك؟
    ===========================



    زهرة اللوتس

    طبعا في السعودية عندكوا مفيش التقدم التكنولوجي الرهيب اللي عندنا وتلاقيهم بيعملوا في حفرة ويمسحوا بحجر

    تواليتاتنا الذكية بانتظارك... ومبروك الأجازة

    ردحذف
  21. Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Até mais.

    ردحذف
  22. فكرة رائعة

    :)

    خاصة أن أحمد ( نظيف ) سيحافظ بذلك على سمعة اسمه ذو المعنى الضمني

    تحياتي لكل من يمتلك عقلاً في تلك البلاد

    ردحذف