Glimpses from My Instagram Gallery

2007-06-10

الداخلية ما تقدرش تمنع التعذيب... يبقى الأسهل تمنع المحمول

ابتسم فأنت في ظل أذكى جهاز أمنه عرفه التاريخ!!



وزارة الداخلية المصرية، بعد ما غلبت وطلع عينها في فضيحة كليبات التعذيب، والمعروفة عالميا باسم العادلي فيديو جيت، قررت إيه؟ تمنع التعذيب مثلا؟ طبعا لأ... لأنه فيه أجيال كاملة من رجال الداخلية باتوا بكل أسف لا يجيدون أسلوبا آخرا سوى العنف والقسوة والتعذيب لأداء عملهم... وبالتالي وفي إطار حلها "الجذري" لمشكلة "كليبات التعذيب" قررت الوزارة منع دخول المحمول إلى أقسام الشرطة ومديريات الأمن!!

مش مصدقينني؟ مفكرين إن أنا باتجنى على عيون الأمن السهرانة ما بتنامشي؟ طب أهوه يا اخوانا... آدي الخبر قدامكم أهو من جريدة المخبر اليوم ومن "المنوفية" الطاهرة رأسا إليك هذا النبأ العظيم الذي يدل على ذكاء لا مثيل له!!
ـ

هناك 11 تعليقًا:

  1. طب دلوقتي الظباط هيصوروا لنا ازاى؟

    ردحذف
  2. اه نسيت يبقي الداخلية هتتقدم وتدي الظباط اللي عندهم هواية التصوير كاميرات بدل الموبيل

    ردحذف
  3. طبعا منع الموبايل
    اسهل كتير من منع التعذيب
    طيب الظباط مش حيكون عندهم صورة للذكرى لهم وهم بيعذبوا الناس
    داهم ماصدقو وعاشو لحد ما شافو الموبايل عشان يشوفو امجادهم وتعذيبهم للناس

    ردحذف
  4. و الله زي قلته، لأن بعد السياح اللي حصل ماظنش ان فيه أي ظابط هيشتري موبايل بكاميرا أساسا

    ردحذف
  5. الأزمة إنه حتى بعد منع الموبايل يتبقى مشكلة "المقشات" ... يعني بعد ما منعوا إدخال الموبيلات، هل هيقدروا يمنعوا "إدخال" المقشات... وفي حالت منعوا المقشات ستبقى مشكلة!! الإقسام هتفضل "وسخة"!!!

    مش كدة ولا إيه؟

    ردحذف
  6. ههههههههههههه
    يا نهار ابيض هههه مش مصدق طب صحيح علي رأي زنزانه هيصورولنا ويزلونا ازاي!! بعد كده هايحاكموا ضابط مش بتهمة التعذيب لأ بتهمة دخوله بموبايل بكاميرا

    تحياتي

    ردحذف
  7. حضرتك بعد كدة مش هيبقى فيه موبايلات... هتبقى مقشات بس... بس طبعا هتبقى مقشات ثري جي ... الجيل التالت من المقشات... وهيوزعوا مع كل مقشة كارت شحن عشان تخش القسم تلاقي نفسك قلعت لوحدك من غير ما حد يقلعك

    ردحذف
  8. ههههههههههههههههه
    ههههههههههههه

    ردحذف
  9. ههههههههههههههههههااااااااااااهههههههههههههااااااااااااااههههههههههههههااااااااااااااااااااااااااايييييييييييييييييييييييييييييييييييييييييييييييييي

    لا لا لا لا لا لا لا

    دي اجمد من الكونستابل








    ههههههههههههههههههههههههههههههههههههههههههههههههههههههههههههههههههههههههههههههههههههههههههههههه

    مش ممكن انا ح اموت من الضحك

    طيب ده الخبر ده ينفع في القضية على فكرة

    هاهاهاهاهاههاااااااااااااااااااااااااااااااااهئهئهئهئهئهئهئهئهئهئهئهههههههههههههههههههههههههههههههههههههههههههههههههههههههه

    ردحذف
  10. طيب ما يعملوا قسم سينما في كلية الشرطة

    او قسم شرطة في معهد السينما

    كده يعني عشان ينموا مواهبهم

    ردحذف
  11. القرار دا مش في المنوفية بس دا في الغربية كمان
    القرار دا اقل ما يوصف بالغباء لانه بيمنع الموبايلات اللي مع الجمهور مع ان الفضايح كلها من موبيلات الشرطه نفسها

    ردحذف