Glimpses from My Instagram Gallery

2007-06-07

يا ترى كام بندر فيكي يا مصر؟؟


الأمير بندر ابن سلطان وقع يا رجالة وطلع مرتشي وبياخد عمولات سلاح!!!

البي بي سي قعدت تنخرب في إحدى القضايا اللي الراجل متورط فيها بأخد
"خدمات دعم" وتم تقدير العمولات "قصدي خدمات الدعم" اللي وصلت للأخ بندر بنحو مئات الملايين من الجنيهات الإسترلينية على مدى أكثر من عشر سنوات... واللطيف في الموضوع إن المسئولين الرقابيين في البنك اللي كان بيراقب سلوك البنكين اللي ف أمريكا واللي بيتبعت عليهم الفلوس في أمريكا إن الأمير بندر كان يسحب أموالا لإنفاقه الخاص من الحسابين اللذين كان يبدو أنهما خاصان بحكومة بلاده ... لم يكن هناك فرق بين حسابات السفارة، أو الحسابات الحكومية الرسمية كما كنا نسميها، وحسابات الأسرة المالكة!!

السؤال بقى... كام بندر في الأسرة المالكة المصرية ما بيفرقوش بين الحسابات الحكومية الرسمية (كما كنا نسميها) وحسابات الأسرة المالكة (كما بتنا نسميها!!)؟؟

المشكلة إن المخابرات البريطانية ووزارة الدفاع البريطانية كانت عارفة بالمواضيع من زمان وقافلين الملفات ووقفوا التحقيق قبلا في موضوع الرشاوي المقدمة لبندر عشان صفقات السلاح وكانت حجة المخابرات ووزارة الدفاع في بريطانيا إن فتح الملف مش في المصلحة الوطنية لبريطانيا...

والسؤال برضه يبقى... لحد إمتى الدول "العريقة (والعرقانة) في الدبمقراطية" هتفضل تدعم دكتاتورياتنا "لأجل الحفاظ على مصالحها الوطنية"؟؟


ويا ترى هييجي اليوم اللي تتفتح (وتتفضح) ملفات "البنادر" اللي في الأسرة المالكة المصرية؟؟


ويا ترى إحنا هنفضل نتفرج ونشجع اللعبة الحلوة ولا فينا حد ناوي يقول للأعور إنت أعور في عينه ونبدأ نحاسب كل البنادر في كل الأسر المالكة؟؟

هناك تعليقان (2):

  1. مش ده بندر بتاع الكلاب ؟
    والله ووقع
    علي فكره البنادير كتير قوي يامراقب
    لانهم لو مكنوش ذيه مكنوش سكتوا عليه وهو مسرح كلابه تاكل الناس
    عشان كده فضلوا يبقوا قرنية عليه

    ردحذف
  2. لأ دوكها اسمه ترك بن عبد العزيز
    بس هو السؤال فعلا كم واحد في الأسرة المالكة هنا متورط في رشاوي سلاح

    ردحذف