Glimpses from My Instagram Gallery

2007-06-07

تأجيل جلسة محاكمة اسلام نبيه الى 4/07/2007

انعقدت اليوم الساعة 12 ظهراَ محاكمة الضابط اسلام نبيه ن والمتهم بهتك عرض عماد الكبير ، وبعد الاستماع الى مرافعة الدفاع
قررت هيئة المحكمة رفع الجلسة وتأجيل القضية الى جلسة 4يوليو 2007 القادم ، وذلك لأستكمال جميع مرافعات الدفاع
وقد تركزت دفاع اليوم على الشكيك فى خبير الإصوات ، والتشكيك فى الدليل المادى
وهو شريط فيديو هتك عرض عماد الكبير
وقال الدفاع بأن هناك تآمر بين منظمات حقوق الأنسان
والتى يمتلها الدفاع والمجنى عليه عماد الكبير
ومحطات فضائية وفى مقدمتهم قناة الجزيرة

ويهدفون مجتمعين الى الأساءة الى سمعة مصر
وقد عادت هيئة الدفاع على النيابة فى استخدامها كلمة عبثية لوصف دفوع النيابة ،
وطعنت فى الأجرءات القانونية التى بموجبها تم توجيه التهم الى المتهمين
وسوف يوافيكم مراقب مصرى بكافة التفاصيل

هناك 6 تعليقات:

  1. تحية الي كل من يحاول ان ياخذ بالثار من المجرمين
    الذين حاولوا قتل مصر
    .
    .
    تحية اليك
    ولعماد الكبير

    ردحذف
  2. تسلم ايديك يا مينا..كان نفسي اكون موجودة النهاردة...بس للأسف كان عندي ارتباط عمل هام....هو بالمناسبة القاضي ده نفسة قصير كده ليه...كل ما حد يقول كلمتين..يأجل عليهم الجلسة...هي دي الجلسة رقم كام؟؟؟ و ايه معنى العدالة البطيئة دي..ده لو كان الحكم عادل اصلا...هي التوقعات يا مينا حكم قد ايه؟؟؟

    ردحذف
  3. هي إيه الحكاية بالظبط؟

    الجلسه اللي فاتت كانت يوم النكسه و الجلسه اللي جايه هيكون عيد استقلال أمريكا

    الحكم باين كده هيكون في عيد تحرير زيمبابوي (خماشر أمشير باين) ،شكرا للتغطيه المستمرة

    تحياتي

    ردحذف
  4. برافو برافو تغطيه ممتازه جدا يارب انصر كل مظلوم في البلد ده احنا في انتظار تغطياتك المستمره الممتازه

    ردحذف
  5. مينا انت معلن علي مدونتك موضوع وأد البنات احب انك تزور مدونتي علشان الموضوع ده استفزني و احب تشاركني الراي و لك الشكر

    ردحذف
  6. آدم المصري

    شكرا لأجل تحيتك لعماد الكبير

    عماد النهاردة بيتهموه بأنه ممثل وإنه كداب وإنه مأجور وإنه بلطجي وإنه مجنون وإنه تاجر مخدرات وإنه بيشوه سمعة مصر بالتحالف مع مافيا تجار المخدرات ومافيا حقوق الإنسان... شفت الهطل؟؟؟؟
    ===================


    سكوت هنصوت

    التأجيل مصلحة لأنه معناه إن القاضي هيقرا كويس المرافعات بعيدا عن أي تأثيرات نفسية وحركات مسرحية وشتايم ومزايدات سياسية من قبل دفاع المتهم

    تخيلي إن دفاع المتهم شتم خبير الأصوات النهاردة وقال عليه كهربائي صايع؟ وإنه حاقد وكذاب ومخادع!!!

    الحكم اللي متوقعه هو الحكم بالعدل في القضية دي والقصاص لشرف عماد الكبير اللي هو شرفي وشرفك وشرف مصر كلها
    ======================


    زياد

    ملحوظة ذكية وربنا يستر فعلا... مصيبة أصلا إنننا نتناقش في القضية بعد ما شفنا الفيديو والمحكمة شافته والخبير الفني أكد استحالة تزييفه ومطابقة الصوت لصوت إسلام بيه

    الطف يا رب
    ===================



    دنيا

    أهلا بيكي وشكرا لمتابعتك
    وموضوعك عن وأد البنات الحديث هايل فعلا

    ردحذف