Glimpses from My Instagram Gallery

2007-05-30

ستاتكوا تخدم في البيوت أحسن ما تشحتوا يا غجر

توضيح بس لكل الناس

أنا مش باحتقر البدو ولا باحتقر الخدامات اللي في البيوت... لكن لما نروح نترجى السعودية ياخدوا بناتنا يخدموا في بيوتهم... فاستنى بقى عليا... أولا إحنا عارفين كويس إن البنات دول هيتعرضوا لتحرش الإخوة السعوديين الأفاضل اللي ما عندهمش لا كبت ولا هوس جنسي ولا أي حاجة... ثانيا إخوتنا السعوديين الأفاضل يكرهوا المصريين كره العمى بسبب الاستعلاء الشوفيني بتاعنا من زمان عليهم وبالتالي السعوديون راغبين جدا - لأسباب ثقافية وعرقية - في أن يكسروا عين المصريين (ودا هيحصل بانتهاك كرامة بناتهم)... أنا عارف إن كل دا هطل عنصري ومش هو ده قضيتي بالأساس بس اللي فارق معايا إن البنات دول بلا جدال هيدفعوا تمن الكراهية اللي بيكرهها السعوديون للمصريين... وغالبا هو ده السبب اللي مخلي فيه قرار أو قانون بيمنع سفر الخادمات للخليج لأننا عارفين اللي بيحصل للبنات ول في الخليج بالذات... لا عيب إنك تكون بدوي ولا عيب إنك تكوني شغالة في منزل... المصيبة والعيب والعار إني أبعت بنات البلد باتفاقية يخدموا في بيوت ناس إحنا عارفين كراهيتهم للمصريين وسعارهم الجنسي اللي بيتفجر لما بيشوفوا مصرية وكأنها غنيمة حرب
========

ستاتكوا تخدم في البيوت أحسن ما تشحتوا يا غجر

بالطبع الكلمات الواردة في العنوان ليست كلماتي فأنا أصلا وطني حتى النخاع وإلى درجة الشوفينية وما اقبلش أبدا على بنات بلدنا المرمطة والخدمة في بيوت البدو السعوديين وما اقبلش أبد أن حكومة مصر تنفض إيدها من شعب البلد على هذا النحو المتدني حتى نرسل لهم بناتنا يخدموا في البيوت وهو في الحقيقة تجارة رقيق أبيض (يعني دعارة بالبلدي) مغلفة بإطار حكومي لا يعطيها أي شرعية!!


الصورة من العربية نت

الكلمات الواردة في العنوان يا أساتذة ويا أستاذات يا أفاضل ويا فضليات هي فحوى ما قاله رئيس اللجنة الوطنية للاستقدام في السعودية سعد البداح في تصريحات لـ"العربية نت" إذ قال بالحرف الواحد عنا إننا
"نتصيد في الماء العكر" وأيضا "العمل الشريف في المنزل ليس عيباً، العيب أن يمد الإنسان يده للآخرين" يعني م الآخر السعودية بتقول لكوا يا مصريين إنتوا جرابيع وشغل ستاتكوا في بيوتنا مش عيب لكن العيب إنكوا تمدوا إيديكوا يا غجر!!

أين كرامتنا الوطنية يا بتوع العروبة والقومية العربية؟؟؟

فرحانة يا ست عائشة؟؟؟ فرحان يا ريس؟؟ بذمتك يا سيادة الرئيس من الذي يشوه سمعة مصر الآن؟؟؟ إنتوا ولا احنا؟؟ مين اللي بيمرمغ سمعتنا الوطنية في التراب دلوقت سيادتكم وأتباعك من الوزراء ولا شوية النشطاء والمدونين والإصلاحيين اللي بيفضحوا الفساد؟؟

سيادة الرئيس لقد انتحر وزير ياباني من كام يوم بسبب فضيحة فساد مالي وأنا أعتقد يا سيادة الرئيس أن هذه الحالة لن تتكرر في مصر إطلاقا لا على مستوى وزير أو غفير أو رئيس لسبب بسيط جدا سيادتكم ألا وهو أن الوزراء في اليابان لسة عندهم دم!!

ـ

هناك 15 تعليقًا:

  1. يا عم الوزير اللي انتحر ده في بلد عندها تقاليد عريقة و راسخة بقالها مئات السنين ان لك يكن ألاف تخلي الواحد يحافظ على ما تبقى له من شرف بالانتحار

    و أحنا في بلاد عندها تقاليد عريقة برضه في التعريص.

    لا مؤاخذة حضرتك اللي بس مش فاهم الخصوصية الثقافية.

    و بلاش و حياة الحاجة كلمة بدو دول في السياقات اللي من النوع ده اخواتك المصريين في الرضاعة من البدو مفرومين ما بين أهل الوادي و أهل لاظوغلي و مش ناقصة نحول الكلمة لشتيمة و نكمل عكننة عليهم لولاهم كان زماننا في مخيم لاجئين بنتخانق مع فتح الاسلام.

    ردحذف
  2. لأ فاتتني حتة الخصوصية الثقافية دي
    إلا الخصوصية الثقافية دي برضو بيشرف عليها وزير الثقافة؟ آه عشان كدة!! ونعم الرجالة!!

    بالنسبة لموضوع البدو خد بالك أساسا من السياق العبثي بتاع الكلام يعني هو انا كنت شوفيني فعلا عشان أشتم البدو؟
    أمال فين حس الدعابة اللي عندك يا راجل؟
    :D

    وتوضيحا بس لكل الناس... أنا مش باحتقر البدو ولا باحتقر الخدامات اللي في البيوت... لكن لما نروح نترجى السعودية ياخدوا بناتنا يخدموا في بيوتهم... فاستنى بقى عليا... أولا إحنا عارفين كويس إن البنات دول هيتعرضوا لتحرش الإخوة السعوديين الأفاضل اللي ما عندهمش لا كبت ولا هوس جنسي ولا أي حاجة... ثانيا إخوتنا السعوديين الأفاضل يكرهوا المصريين كره العمى بسبب الاستعلاء الشوفيني بتاعنا من زمان عليهم وبالتالي السعوديون راغبين جدا - لأسباب ثقافية وعرقية - في أن يكسروا عين المصريين (ودا هيحصل بانتهاك كرامة بناتهم)... أنا عارف إن كل دا هطل عنصري ومش هو ده قضيتي بس اللي فارق معايا إن البنات دول بلا جدال هيدفعوا تمن الكراهية اللي بيكرهها السعوديون للمصريين... وغالبا هو ده السبب اللي مخلي فيه قرار أو قانون بيمنع سفر الخادمات للخليج لأننا عارفين اللي بيحصل للبنات ول في الخليج بالذات... لا عيب إنك تكون بدوي ولا عيب إنك تكوني شغالة في منزل... المصيبة والعيب والعار إني أبعت بنات البلد باتفاقية يخدموا في بيوت ناس إحنا عارفين كراهيتهم للمصريين وسعارهم الجنسي اللي بيتفجر لما بيشوفوا مصرية وكأنها غنيمة حرب

    ردحذف
  3. الوزيرة بتداري على خيبتها التقيلة في صفقة الرقيق الأبيض أو الفراخ البيضا البشرية بما ان عندنا أنلفلونزا الطيور !! فراحت ترد على منظمة العمل الدولية بأن الأقباط العفاريت عندهم تلت ثروة مصر بالرغم من انهم عشرة في المية بس لا غير !!

    اللهم لا حسدودبشة في عين الحسود.

    طنط عائشة نسيت أن عائلة ساويرس اللي استشهدت بيهم بأنهم ظهروا في مجلة فوربس ومفيش مليادير مسلم زيهم!! ثروتهم أغلبها عبارة عن أصول شركاتهم مش فلوس كاش يعني لو اسهم شركاتهم انهارت في البورصة مثلا هنلاقيهمه راكبين الفيورا تاني يوم!!

    أمال بس احمد هز يا وز اللي قالوا أن ثروته أربعين مليار ومحدش أتكلم ساعتها

    اللي مجنني أن الأروبة دي عرفت تعداد الأقباط منين وثرواتهم عدوها بالقرش والمليم إزاي!!

    ردحذف
  4. هاني

    التصريحات بتاعة عيشة عبهادي على وش الصبح دي تصريحات خرقاء وتهدد الأمن القومي بجد... إنت عارف لما تقول للأغلبية المسلمة في مصر إن القلة المسيحية تملك 30 % من الثروة القومية وإن المسيحيين واكلينها والعة دا معناه إيه؟

    بالظبط!! النظام نفسه قاصد يولع بوادر المواجهات الطائفية.. ودا كلام مرعب... خلي بالك إن نسبة الأقباط ومعدلات دخلهم دي معلومات من أجهزة سيادية... يعني التصريح مش مجرد تهييسة ولا زلة لسان... لكن دا توجه مقصود من النظام وشكل الليلة كدة فيها ديرتي جيم بيتلعب وعواقبه هتكون مفزعة فعلا

    للأسف المؤشرات كلها واخدانا في سكة المواجهات الطائفية الدامية والنظام مش بس بيتفرج لكن بيشعلل الليلة ويا ريت اللي فاهم إيه مصلحة النظام في شعللة الليلة يقول لي لأني مش فاهم

    ردحذف
  5. كلامك مظبوط يا مراقب خصوصا مع المفاجأة التي فجرها البابا برفع مذكرة إلى رئيس الجمهورية يشكو فيها من مظالم الأقباط من الأمن ويتهمهم فيها بأنهم عارفين من شهور ومعملوش حاجة. والمنشورة بالنص في مجلة الكرازة
    http://www.copticpope.org/modules.php?name=Sections&op=viewarticle&artid=207&page=1

    ألعاب قذرة من أجهزة أمنية أقذر واللي هينضر من الكلام ده الناس الغلابة بس

    بس عاوز أكد على حاجة أن الأرقام دي عبارة عن أكاذيب رخصية لأن لو الكلام ده حقيقي مكناش هنلاقي ناس زي أقباط بمها والعديسات وكفردميان والعياط وجزرا والكشح والقائمة تطول...

    ردحذف
  6. ٌقلة أدب , مجرد دعارة مقننة , يا عيني على بناتنا الغلابة اللي هيروحوا هناك وهما نفسهم يرجعوا بفلوس يتجوزوا بيها .. يا ترى هيرجعوا بايه غير الفلوس ..
    منك لله يا عائشة , بس عامة متوقعين ايه من واحدة كل اللي كانت بتعمله عشان تبقى وزيرة انها تزغرد للرئيس ..
    حسبي الله ونعم الوكيل

    ردحذف
  7. السعودية اساسا عايزة تتنسف

    مش نودى بناتنا فيها تخدم

    و على العموم و بما انى انتى وهابى

    انتظر منى اقوى فيديو شافه الانترنت :D

    حاجة كدة علشان شيوخ السعودية يبقوا يذلونا قوى بشارع جامعة الدول

    على العموم قريب جدا

    هاتشوف و تسمع و تستمتع

    نيهاهاهاهاها

    ردحذف
  8. هو المشكلة بعيدة تماما عن أمور العنصرية و ما شابه

    المشكلة أن الدولة بتصرف جهد و مال في مشروع المفروض أنه لغرض تنموي و المشروع عبارة عن أننا هنبعت بنات غلابة يشتغلوا في البيوت

    يعني بدل ما تتنيل تعمل بنية تحتية تشجع استثمار ولا تعلم الناس ولا تفتح حاجة قطاع عام و لا تصلح الفساد و انعدام الشفافية اللي مطفشين الاستثمار ولا تنقذ الصناعة اللي بتنهار ولا أي حاجة ثانية مفيدة الحكومة قررت تشتغل مقاول أنفار

    طيب ماشي هنرضى أن حكومتنا تشتغل مقاول أنفار.

    ليه يا ترى متعرفش تشتغل مقاول أنفار غير لدولة قواعد و قوانين العمل عندها مجحفة و تتنافى تماما مع كل مواثيق حقوق الانسان اللي الدولة ملزومة نظريا أنها تدافع عنها؟

    بلاش دي، يا أخي كس أم حقوق العمل على حقوق الانسان، ليه الدولة تعمل مشروع مقتصر على الفتيات فقط؟ هو الرجالة مينفعش يخدموا في البيوت لو خلاص فرص العمل قفلت و مفاضلش غير شغل البيوت؟

    و جايين على نفسهم كده ليه؟ ما معروف أن أهل السعودية بتوع عيال ما تيجي الحكومة تعمل مشروع تلم العيال من الشوارع و الملاجئ و تنضفهم و تحميهم و تبعتهم على السعودية على طول، و كله بحسابه.

    طبعا موضوع أن ده قوادة ده صحيح و مش مجرد كلام مرسل، الانتربول بيتعامل مع موضوع سفر الفتيات المصريات الفقيرات للعمل في الخليج و السعودية على أنه اتجار في البشر، يعني كلام البوليس الدولي مش كلامنا.

    لأ و اللطيف أن الشرموطة اللي مرتبة الترتيبة دي هي نفس الوزيرة اللي مش راضية (ولا عارفة) تسلك مع العمال اللي عاملين اضرابات، صحيح تلاقي الحاجات دي مترابطة هما اتفاجؤا أن أغلب المشاركين بل و المنظمين للاضرابات ستات قالوا بس الرجالة المصرية مبقيتش قادرة تقهر ستاتها خلاص، أحنا نبعتهم من و هما صغيرين السعودية عشان متقوملهمش قومة أبدا.

    بخصوص البدو، يا سيدي أنا شوفيني فعلا و أحتقر السعودية على اللي جابوها و معبر أن القاعدة أن السعودي وحش مغتصب بتاع عيال ملوش في الشغل و فرحان بفلوسه الخ، لكن اننا نربط ما بين ده و ما بين البداوة لحد ما تتحول البداوة لكلمة قبيحة مقبلهوش (و للأسف دي حاجة متثقفين كثير بيعملوها).

    ردحذف
  9. شغلانه جديده بتعملها الجكومه المصريه بعد فشلها في الشغلانات اليامه اللي حاولت تشتغلها قبل كده
    فشلت في انها تشتغل حكومه زي باقي الحكومات في العالم كله
    و رغم حكمة مبارك
    الا ان هذه الحكمه لم تنفع
    ربما الوزراء هم من فشلوا في التعامل مع هذه الحكمه و استثمارها
    اكيد طبعا
    لاننا لم و لن نري مثل مبارك

    ردحذف
  10. والله يا مراقب انا اشايفة ان مفيش مشكلة فى الخدمة فى البيوت
    يعنى مش دا السبب الاساس اللى كلنا بنستخبا وراه
    احنا فاهمين كويس ان حيكون دا تحرش وحيكون فى اعتداء جنسى عليهم من الاخوة فى السعودية
    يعنى لما حتكون اللى بتخدم نائمة فى غرفتها ويجيها البيه وبعدين يرجعو يقولوا اصل الستات المصريين مش هو الى راح لها وفتح الباب
    ولا رايك ايه

    ردحذف
  11. محمد

    ممكن يرجعوا بإيه غير الفلوس؟
    همممم
    بسم الله الرحمن الرحيم الإجابة خلاط

    بس هي بجد كانت بتزغرط للرئيس؟
    أنا سمعت إنها بالإعدادية بس... حد يعرف إذا كانت كملت تعليمها ولا بس إعدادية وزغروطتين؟
    ============


    جيميهود

    بعد ما الدولة اتجهت إلى القوادة... مصر كلها هتقف تحت عمود في جامعة الدول

    إيدك ع الفيديو بقى
    أنا عندي تلفزيون
    ونشوف حد عنده مكان
    ============



    علاء

    كدة احلوت أوي
    قوادة رسمي واتجار بالبشر يبقى فعلا عندك حق لازم نبعت لهم عيال... الله يرحمه اللمبي لما قال يا نحل مشكلة الكباري يا نوفر لهم الكلة أو الأرخص نبعتهم السعودية... ملحوظة ذكية ربطك بين بعت البنات السعودية في صورة خدامات والذي منه ومحاولة قهر النساء عموما بعد ما طلعلهم حس في الإضرابات العمالية وبعد ما "النسوان" لبسوا النظام "طرح"... وطبعا زي ما صوابعك مش زي بعضيها مش كل البدو زي بعضيهم... أجد تحية لبدو سينا الرجالة أوي
    =============


    زونون المصري

    لأ إحنا حكومتنا "متعددة المواهب" وما بتغلبش وممكن تشتغل أي شغلانة وحط اللمبة على صدرها تنور... حط اللمبة على بطنها تنور... وطبعا لأن مدونتي نظيفة وجميلة ومتطورة مش هقدر أحط اللمبة على أي حتة تاني... شد الكوبس!!!
    ===============


    كوكو عزوم

    هو بعد البيه ما دخل عليها وهي نايمة حصل إيه؟؟؟؟؟؟ دا اسمو كلام برضو تقطععي القصة ف نص الحبكة... دا ده المشهد اللي كان هيجيب الجمنهور والفيلم يلعلط كدة ويحلو.... طبعا القضية مش قضية إن الخدمة في البيوت عيب... بس أنهي بيوت يا كوكو؟؟ بصي مثلا مجدي مهنا قايل إيه في الموضوع ده

    المشكلة إن السعوديين مش مبسوطين من الشغالات الفلبينيات عشان شرزين وبيطالبوا بحقوقهم ولو واحدة حد داس لها على طرف بتطلع الديد بوديز بتوع هيز ماذر وبالتالي قال لك بس هات لنا جواري من النوع الرخيص الحلو المربرب تربية سمن النخلتين وروابي... منه خدمة وتظبيط مزاج وكمان مش بتعمل دوشة ولا شرزة ولا هتروح تشكي ف سفارة ولا أي حاجة... يبقى يا بت يا عيشة عايزين "حريم" م الصنف الإكسترا وليكي صرة دنانير على كل راس... ويا ريت يكونوا بورقتهم عشان ما بنحبش المستعمل... سمعا وطاعا يا مولاي... يا مسرور إدي هدي الحرمة عشر صرر دنانير لحين ما تورد لنا الحريم من بلاد تركب المكروباص وتشرب من كيعانها

    ردحذف
  12. غير معرف10/31/2007 11:57 ص

    حاجة تكسف و الله و بعد كده يقولك لو لم أكن مصريا لتمنيت ان اكون مصريا... يا عم ده كان زمان

    ردحذف
  13. يا اخي ماكل المصريين متعودين على القوادة والشرمطة منذ سنين جت على شوية خدامات معفنات ,وبعدين عندما قرر السعوديين استخدام خدامات مصريات فهذا يعود لأنهم ملوا من الاجساد الاسيوية وحابين يغيروا الاجساد الفرعونية يابن الرئاصة

    ردحذف
  14. والله عندك حق

    بس يا عزيزي

    انت بتدن ف مالطة
    هههههههههههههههههههههههههههه

    تحياتي

    ردحذف
  15. غير معرف5/31/2010 4:37 م

    يخرب بيتك دانتا مخليها خل خالص بس بينى وبينك عندك حق

    ردحذف