Glimpses from My Instagram Gallery

2007-05-25

مصر جديرة بعضوية مجلس حقوق الإنسان بأمارة تقرير العفو

مصر طبعا طبعا طبعا جديرة بالفوز الساحق بعضوية المجلس الدولي لحقوق الإنسان بأغلبية ساحقة لم تحصل عليها - في التاريخ - أي دولة أخرى من الدول العريقة - من العراقة وليس من العرق - في الديمقراطية، وطبعا طبعا طبعا هذا يدل على "الريادة" في مجال حقوق الإنسان كما أن مصر رائدة في كل المجالات!!

تقرير منظمة العفو الدولية عن حالة حقوق الإنسان في مصر لسنة 2007 بيقول لنا حاجات عظيمة "تؤكد" وبشدة على جدارة مصر بعضوية المجلس الدولي لحقوق الإنسان ولو فيه مجلس لحقوق الإنسان على مستوى المجموعة الشمسية أو على مستوى مجرة درب اللبانة كلها برضو مصر "هتتصرف" وتطلع الألفا بين كافة دول المجموعة الشمسية والمجرة كلها في مجال حقوق البني آدمين وحقوق الكائنات الفضائية كمان!!

دي تدوينة كتبتها صاحبة الزنزانة عن تقرير العفو الدولية 2007
اضغطوا ع الصورة تقروها


===============

ودا موضوع المانشيت الرئيسي للمصري اليوم بتاع امبارح برضو عن تقرير العفو الدولية 2007 فيما يخص حالة حقوق البني آدمين في مصر... برضوا اضغطوا ع الصورة عشان تقروا الموضوع


===========

ودا تقرير الشبكة العربية لمعلومات حقوق الإنسان عن تقرير العفو الدولية 2007
اضغط ع الصورة واقرا وافهم حيثيات دخولنا مجلس حقوق الإنسان الدولي


==============

ودا بقى التقرير نفسه أو تحديدا الجزء الخاص بمصر في تقرير منظمة العفو الدولية
إديها ضغطة أخيرة على الصورة هتلاقي نفسك في العفو الدولية شخصيا
وابقى ارجع لي تاني وقول لي إيه رأيك


هناك 4 تعليقات:

  1. صباح الخير يا مراقب
    انا سعيدة لأنى اول تعليق
    انا عايزة بس اسئلك يعنى بعد صدور التقرير الأمم المتحدة حتتراجع عن التقرير واهى اكيد عارفة
    لكن انت عارف الكوسة بقيت عالمية وقدرنا نحن المصريين والعرب نعدى الغرب بكوستنا بعد ان كانت من تخصصنا فقط

    ردحذف
  2. دا مش بس الكوسة على إيدينا بقت عالمية... دا احنا كمان وصلنا إلى الجيل التالت في تقنيات الكوسة المتطورة

    ردحذف
  3. سؤال فني : هي العضويه دي عضوية عائلية ولا فردية؟
    يعني لمؤخذة احنا كشعب داخلين في العضوية دي ولا حكومة بس؟

    تحياتي
    زي

    ردحذف
  4. محسسني كدة إنها عضوية مركزش شباب كفر طهرمس وإن يعني لو العضوية للشعب هتروح تلعب كورة شراب هناك

    خلينا نتكلم جد شوية
    العضوية للدولة
    والدولة هي ممثلة الشعب ومندوبة عنه
    (دا المفروض طبعا)
    لكن في ظروف بلدنا الدولة غائبة بالمعنى العلمي لكلمة دولة وبالتالي لا يوجد أصلا هيئة تمثل الشعب بجد لأن فيه غياب واقعي جدا لمفهوم الدولة أساسا
    وبالتالي إنت عندك نظام بيلعب لحسابه وبيحاول يمشي مصالحه بالأساس ومصلحة الشعب (اللي هي أصلا المصلحة العليا) محطوطة في أوخر الأولويات

    يعني العضوية يا أستاذي ليست للدولة لغيابها ولا للشعب لأنه غير مُمَثَّل بل هي عضوية للنظام الحاكم الجاثم على أنفاس الدولة وأنفاس الشعب معا

    ردحذف