Glimpses from My Instagram Gallery

2007-05-14

سؤال بريء... هل أمر مبارك بضرب أيمن نور وسب الدين له؟


الراجل ده دا اسمه محمد


وديانته مسلم (على الأقل في البطاقة)


إيه المشكلة ما هو ده إسمه إسلام

وبرضه ديانته مسلم




ودول بقى ظباط
(رتبتهم ممكن تكون لوا أو مقدم أو رائد)


غالبا اللوا ده والاتنين المقدمين دول والاتنين الرواد دول
برضه ديانتهم مسلم (وبرضو على الأقل في البطاقة)




الراجل أبو دقن ده بقى اسمه أيمن عبد العزيز

الراجل دا برضو - على فكرة - ديانته مسلم





الراجل اللي فوق خالص

أيوة هو ده

لسبب ما...

ما تعرفش إيه هو بالظبط...

ما بيحبش الراجل الغلبان اللي اسمه أيمن عبد العزيز ده خالص





ولسبب ما غريب برضو نفس الراجل اللي الشر باين في عنيه ده



سجن الراجل الغلبان ده






الغريب كمان هو إن الراجل ده





خلى - فيما يبدو - رجالته دول





يضربوا الراجل ده



وكمان يسبوا له الدين



ودا بالرغم إن محمد ورجالته مسلمين (على الأقل في البطاقة) وأيمن هو كمان برضو مسلم!!

صحيح يا اولاد هو يعني كانت الأسماء بفلوس!!

ما هو لو كان كل واحد اسمه محمد بقى هو رمز الإسلام لساعتها كان "إسلام" اللي تحت ده بقى إمام الداخلين إلى الجنة!!


بس الحمد لله إن ربنا رب قلوب وما بتفرقش معاه الأسماء!!

ـ

هناك 14 تعليقًا:

  1. لا تعليق

    تدوينة روعة

    ردحذف
  2. يا باشا الله يكرمك
    دا بس من ذوقك
    أخبار المذاكرة إيه على حسك

    ردحذف
  3. ههههههههههههههههههههههههههههه

    عليك دماغ

    يستخرجوا منها الحشيش

    اوعى لبعدين وانت مسافر يصادروا دماغك ويعملوا لك قضية اتجار

    :)

    ردحذف
  4. لا لا لا عيييييييييب

    إتجار إيه وحشيش إيه

    دا كله استعمال سخصي وحياتك

    ههههههههههههههه

    ردحذف
  5. فكرتني بكتب تعليم القراءة زمان اللي علي ضهروه جدول الضرب هههههههههه

    لا يا جبهة دا كل مرة بيروح يزرعه

    هناك ويجيب المحصول ويرجع

    واحتمال ف التجديدات البلؤية الكادة
    يزرعه علي جنب المدونة مكان احدث

    التعليقات وتبقي احدث الزرعات

    ردحذف
  6. ربنا يخليك يا سيادة المراقب
    نعمل بجد للخلاص من ربقة المذاكرة

    و احب ابلغ سلامي
    للست
    زنزانة
    اللي مبقتش تعبر المصري الغلبان اللي عنده امتحانات

    ردحذف
  7. يا اسيادنا
    الزعيم طويل العمر جدا
    يزهزه عصره و ينصره علي من يعاديه
    مش هيجيبها البر ابدا
    هو خلاص
    استحمر فيها علي الاخر
    هو محتاج حد يجيب اخره
    ..............
    قريت تدوينة الاحداث الطائفيه و تعليقاتها و اعجبتني جدا
    بتفكرني بواحد مدون صاحبي ترك التدوين
    تحياتي

    ردحذف
  8. عزيزي مصري ياشا

    لا والله انا مش مش معبراك ولا حاجة

    انا بس واخدة أجازة من كل الحاجات وابقي روح شوف البوست الاخير وانت تصدق

    ردحذف
  9. بالمناسبة يا سيادة المراقب

    نسيت ابارك لحضرتك علي ظهور اسم مدونتكم العظيمة في جريدة الفجر
    الغراء

    :)

    ردحذف
  10. الواحد ما عادش عارف اخرتها ايه مع العصابه بنت الكلب اللي حاكمه البلد دي

    داهيه تاخدهم

    ردحذف
  11. هوه برضه ده سؤال برئ يا راجل يا برئ
    هههههههههههههه
    انا علي فكره متابع المدونه وقريتها كلها
    وخلي بالك بحاول اتوقع انته مين
    ها
    واخدلي بالك
    ههههههههههههههههه
    تحياتي ليك يا استاذ وتحيه علي سؤالك البرئ

    ردحذف
  12. زنزانة

    تخيلي فعلا لو حطينا في السايد بار حوض زرع ونزرع فيه شجيرات القنب الهندي الافتراضي ونبيع ونكسب بقى... دي تبقى الأشيا معدن ع الآخر
    =====================


    المصري افندي

    يا عم إنت بس ركز في إي إن تي ومالكش دعوة بالاشتغالات دي... ونستناك بقى بعد الامتحانات
    ======================



    ذو النون باشا

    كل أول وله آخر ودولة الظلم ساعة وإنما دولة الحق إلى قيام الساعة... إلا بالحق الساعة كام معاك دلوقت؟
    ابقى سلم لي على صاحبك
    ======================


    يا عم النديم يا كبير

    كويس إننا ندعي على الظالم والمفتري وابن الحرام طبعا وفقهيا يقال أنه لا غضاضة في ذلك عملا بقاعدة لا ضرر ولا ضرار بس في رأيي (وهو ما يختلف عليه الفقهاء) إن الموضوع الأهم هو محاولاتنا المستميتة لرفع منسوب الوعي لدى الناس سواء النخبة أو العامة... إنت اللي علمتنا يا زعيم إن الكتب والوعي هي أهم مشروع مقاومة!!
    تحياتي
    ===================


    عم المجهول

    تحية مردودة واحترس!!! الصينيون قادمون
    هههههههههههههههه

    ردحذف
  13. The best way to describe or to tell a story is with the use of visual aids, I certify that this was one of the best visual aided story that I have ever seen.
    A great Blog :)

    ردحذف
  14. قرأت البوست هاد اكتر من مره وكل مره كنت بركز اكتر ..بس بالعموم انا متاكده انه قاعدة و لكل من اسمه نصيب لا تنطبق علي متهندز باول صوره و لا الي المرزوع باخر صورة ما تنطبق عليهن هالصفه ..بس اه ممكن انه ينكتب بالبطاقة مسلم عادي دي اشكاليات بس تماما زي ما هو مكتوب بالبطاقة مصري و هل هم مصاروة؟؟ لا اتوقع

    بس يا عمنا مراقب ع راي ناجي العلي من راقب الناس و الانظمة مات هما و احنا لسى عاوزين طاقتك الابداعية .. رائع بالتوفيق
    :-)

    ردحذف