Glimpses from My Instagram Gallery

2007-05-20

يا عيني ع القمر لما يتحجب زحل


القمر... يا عيني ع القمر وجمال القمر

زحل ويا عيني على جمال زحل وهو متحزم من وسطه بحلقاته الشهيرة



زحل قرر يتحجب!!

(طبيعي بعد ما القنوات الإسلامية بقت فضائية والدعوة للحجاب وصلت الفضاء إن زحل يتحجب)

دلوقت العلمانيين يقولوا إن دا مد وهابي للفضاء الخارجي!!

وممكن فاروق حسني يقول لك إن احتجاب زحل ما إلا ردة فضائية حضارية وإن احتجاب الكواكب (بعد احتجاب النجمات) هو وباء خطير... بس هيعقب بعد تصريحه بإن دا رأيه الشخصي!!

الموضوع وما فيه إن كوكب زحل يوم التلات بالليل هيحتجب فعلا ورا القمر... (يبدو إن فيه حاجة كدة بينه وبين القمر... والراجل معذور ما هو مين ما يحبش القمر)

المهم بقى إن سكان القاهرة ممكن يشوفوا زحل وهو بيحتجب ورا القمر يوم التلات بالليل بدءا من
الساعة الحادية عشرة و10 دقائق ليلا بالتوقيت المحلي، وسيعود زحل للظهور في الساعة الثانية عشرة و08 دقائق ليلا مع ضرورة "النظر نحو القمر قبيل موعد الاحتجاب بقليل، إذ سيشاهد حينها جرما سماويا لامعا يرى بالعين المجردة، ويميل لونه إلى الذهبي، وهذا هو كوكب زحل."

وبمرور الوقت يلاحظ الراصد اقتراب القمر من كوكب زحل إلى أن يختفي زحل خلفه بسبب حركة القمر

ويذكر أن مثل هذا النوع من الاحتجاب يحدث على شكل سلسلة، إذ بدأت (السلسلة الحالية) لاحتجاب كوكب زحل خلف القمر يوم 10 ديسمبر/ كانون الأول 2006، وستستمر حتى 7 أكتوبر/ تشرين الأول 2007


هناك 4 تعليقات:

  1. سبحان الله العظيم

    ردحذف
  2. اخي الكريم

    الرجاء المشاركة معنا في حملة الافراج عن شيخ المجاهدين

    التفاصيل في مدونتى

    تحياتي

    ردحذف
  3. أخي العزي الرجاء فتح التليفون المحمول و الاتصال بي عشان أنا طلع ميتين أمي و أنا بحاول أكلمك بقالي يومين

    و لو كنت غيرت النمرة يبقى المفروض تبلغ قيادتك العليا، العملية مش سايبة

    ردحذف
  4. أخي الفقيع
    الرجاء تغيير مكان استقبال النت وابعد عن الشباك اللي في الصالة لان الشركة اللى بتسرق الوير لس بتاعها فلست وقفلت
    الافضل تروح المطبخ او الحمام
    انا طلع ميتين اهلي عشان ابعت لك البوست الجديد للمراقب امبارح

    صحيح مليتوا البلد (أقصد بتوع الووير لس مش السلكة)

    ردحذف