Glimpses from My Instagram Gallery

2007-05-26

يا جماعة أنا بقيت مدمن لتدوينات محمد خان

اللي فيكوا يجرب يقرا كل يوم الصبح تدوينة محمد خان الصباحية مش هيقدر يبطلها وممكن تجراله حاجة لو غاب عن تدوينات خان
اللي لسة الأخبار ما وصلتوش وما يعرفش إن خان عمل مدونة اسمها كليفتي يلحق يخش ياخد دوره في جرعة الصباح التدوينية

وتمنياتي بأحلى وأمتع اصطباحة تدوين في مصر

مع كليفتي اللي هو اسم الفيلم اللي عاش واسم الكلب اللي مات

شكرا للمخرج الجميل والمدون أحمد رشوان أول من سرب لنا خبر دخول المعلم الكبير خان للبلوجسفير



اضغط على البانر تخش على مدونة محمد خان على طووووول

هناك 5 تعليقات:

  1. يا بني انا سبقتك وقريتها من ساعتين
    :)

    ردحذف
  2. يعني برضو بقيتي مدمنة محمد خان زيي؟
    :D

    ردحذف
  3. اللى فيه داااء ميبطلوش
    محدش بيتغير


    قريتها اكتر من خمس مرات
    لكن موصلتش لدرجة الادمان ولا الانبهار
    الموضوع لا يتعدى مجرد فضفضة ودردشة مع النفس
    اية الابداع اللى فيها يا مراقب؟؟
    خف على نفسك شوية
    هو نور العالم البلوجسفيرى زيه زى أى بلوجر جديد
    وليس لأنه محمد خان المخرج
    لأننا ببساطة مش حنستفيد من تجاربه الاخراجية والابداعية الا على شاشات السينما فقط

    لكن الجانب الانسانى بس ممكن يكون أوضح هنا

    ودة بقا


    مش محتاج زيطة ولا تهييص

    ومعلومة صغيرة بس
    البلوجرز كلهم عارفين المدونة من فترة مش قصيرة نوعا

    ردحذف
  4. انت اللي منور
    بس تصدق عيب ماتعديش مع انك رجعت
    مش حلوة والله

    ردحذف
  5. يا ست شهروزة

    بالراحة بس عليا
    أنا شايف كلامك بيأكد رأيي الحقيقة مش بينقضه... قولي لي إزاي

    //الموضوع لا يتعدى مجرد فضفضة ودردشة مع النفس//

    بالظبط ودا الأصل في التدوين ودا أجمل حاجة في الدنيا في التدوين... شوية الفضفضة والدردشة اللي مع النفس واللي بتوريكي إنسانية البشر كما هي دون رتوش ودون تجميل ودون فزلكة... دا بقى في حد ذاته - بالنسبة لي - اسمه إبداع

    ولما باشوف حد بيعمل الإبداع ده اللي بيعبر بيه عن إنسانيته الطبيعية الجميلة بشكل سلس ومريح هكذا فدا بالنسبة لي بيكون مصدر انبهار وبالتالي ينطبق عليه صيغة المبالغة الخاصة بتعبير الإدمان (أي المداومة على الشيء للتعلق به)

    //لكن الجانب الانسانى بس ممكن يكون أوضح هنا//

    ما هو دا بالظبط اللي انا باحكي فيه... الجانب الإنساني اللي أنا بالمحه يوميا على مدونة المخرج الكبير محمد خان هو اللي بيشدني ويخليني أستمتع بالقراءة

    الزيطة والتهييص ليست تملقا وزلفا في كل الأحيان يا أستاذة... المهم الدافع اللي ورا الدعاية إيه؟ أنا عمري ما عملت دعاية لحد زلفا أو نفاقا لأن ببساطة ليس ثمة مصلحة تربطني بأي حد ممكن أكون عملت له دعاية عن قناعة وعن إدراك بأهمية ما يفعل

    طبعا أنا عارف إن بالفعل ناس كتير عرفت بمدونة الأستاذ خان من وقت لأن أحمد رشوان كان فعلا أول واحد كتب عن مدونة خان وبعدين نوارة أول امبارح كتبت برضو حاجة... بس أنا شخصيا حبيت أعبر في مدونتي الشخصية عن إعجابي بمدونة خان... زي ما فيه ناس تانية بتكتب عن مدونات أخرى عاجباها والحياة بسيطة يعني

    حسام الحملاوي مثلا كاتب امبارح موضوع عن مدونة الحقيقة المصرية بالرغم إن البعض قد لا يحبها أو لا يحب تامر صاحبها لكن حسام عاجباه ومقتنع بيها فجميل إنه يكتب عنها

    ولا إيه؟؟؟
    وعموما لو المراقب المصري عاجباكي ونفسك تكتبي عليها أنا معنديش مانع إطلاقا... بس المهم تقولي عني كلام جامد وما حصلش

    هههههههههه
    خليكي فريش إحنا ف رحلة
    ===================

    عربي

    منور المدونة يا جميل

    أنا متابع شبه جيد لمدونتك... وباقرا تدويناتك بس أنا مش باعلق كتير في أي حتة... يمكن مرات كتير ما بلاقيش إضافة ممكن أضيفها من خلال تعليقي أو إن الموضوع بيكون مغطي كل النقط فلا أجد ما أقوله في تعليق

    بس يا باشا نجيلك زيارة مخصوص ونسلم عليك إنت ومنجي

    أخبار المذاكرة إيه؟

    ردحذف